ǃGâi sâsa ǃkhai-e ôa ǁkhāǁkhāsens ǃaroma

ǃNāsasets Elobmîsa aitsama ôaǃnâs ǃnâ ǃgâiba ǀama ǁkhā? Nē ǀapemādi ge a hui tsi ǁkhā ǃgaoǃgâsa, ǁkhāǁkhāsents ra xūn ai:

• ǁHûi re ǃgâi ǃkhais ǁkhāǁkhāsen ǁkhāts asa. Dītsâ re î ǃamku tsî ǂâusa ǃâba ūhâ ǃkhaiba ǁhûisa îts ǃgâise khomai ǁkhā. Tafels tawats ge a ǂnû ǁkhā tamas ka iots ge ǃomsa ǃkhaiba ǃauga ôa ǁkhā.

• ǀUrits hâ ǃkhaiba ǁhûi re. Jesub ge “ǃnauǁgoagab” nî ǀgore ǃkhai-e ge ôa, ‘ǀgurib’ hâba. (Mrk. 1:35) ǀGurits ga oms ai hâ tama io, o khoena ǂanǂan re mâǁaets sa Elobmîs ǁkhāǁkhāsensa ra dīsa, în tā ǂhani tsi.

• Tā mā-am re îs tā sa ǂâisa ǂhanihe. Sa selfona ǂhani tsi tide ǀgaub ai mâi re. ǁKhāǁkhāsents ra hînats ga dīts nî xū-i xa a ǂâi, o xoaǁnâ tsî ǁnāsa ega dī re. ǀHawesets ga ǀgui xū-i ai ǂâisa ǂnûi hō tama io, o ǁaeroba sâ re aiǃgûts nî aiǃâ.