Sadu “gagasi mā-e” sîsenū

ǂKhâǃnâhe da ge ra sida ǃgâsan ǀkha da ga ǀguiba hâǀhao o. Xawe ǁnā ǂkhâǃnâs ge ǀguiba hâs xa ǃnāsa-e ǃkhōǂgā hâ. ǃGâsan ase ǂgomsa ǀgaiǀgaiǃnâgu sas ge Elobmîsa ‘gāgasi mā-i’ ase ra mû. (Rom. 1:​11, 12) Mâ ǀgaugu ǃnâ da ǁnāsa a dī ǁkhā?

ǃGâise ǁhûiǂuisa mîde ǀkhaeb ase mā. Aiǁgause, ǀhaodi ai du ga ǃeream, o tā sadu ǂâidi tsî ûib xa ǀgui ǃhoa xawe Jehovab, ǁîb mîs tsî ǁîb khoen ai ǂâisa ǂnûi re. Sadu ǃgâsan ǀkha du ga ǀguiba hâ o, ǁîn ǂgomsa nî ǀgaiǀgai xūn xa ǃhoa.

Sadu mîǁguigu tsî dī du ra xūn ǃnâ-ū nauna ǂkhâǃnâ. Aiǁgause ǀnîn ge ge ǁhûi ǀoasa ǁaeba aoǁnâ sîsen-e dīsa, ǃgomsinan ra hōǃâ xawe. Tsî ǀnî ǃgâsan ge hoaǁae wekheb ǁaegub ǃnâ hâ ǀhaosa ra hâǃnâ ǀaeb ǃgomsib, sîsenni mâsib tsîn tsau hâ xawe.

Dī tsî du ra mî xūn ǀkha du sadu ǃgâsana ra ǂkhâǃnâ? ǃGaoǃgâ î du ra sadu ǃgâsan tae-e mî tsî ra dīsa sado ǂkhâǃnâs ǃaroma?