ǂÂiho i du ra?

Nē kurib di ǃKhē xu ǂgō-ommi ǁkhāǁkhāǃâde du ǃamkuse khomai hâ? Kō re, saora dîde du a ǃeream ǁkhāsa:

Tae-i ǃaroma da Jehovaba ǂkhaisiba ra mā?

Nēsa da ge ra dī Jehovaba da kaise ǀnam tsî ǃgôa hâ amaga. ǁÎba da ge koa tsî ra kare ǂhâba da ra amaga în naun tsîna ǁîba ǂan.—w25.01, 3ǁÎ ǂhaweb.

Khoe-i ga tsûtsû da, o da mati ǀûbaǀnamxasiba nî ǁgau?

Sida tsâsiga da ge kōǃkharu ǂgao tama hâ xawe da ga ǁnāsa dī, o da ge ǁaib nî ǃaroma ǃgâi tama tsâsiga xū ra ǃkhō-oasen.—w25.02, 15-16ǁÎ ǂhawekha.

ǁKhāǁkhāsabeb Markub di aiǁgausa mati a ǃgâi ǂkham ǃgâsagu ǃaroma?

Markub ge ǃoabas di ǁgaumâisa māsenxase ge ūǃoa. ǀNîsib ge tsûtsûhe tsî mâsi-i xa gere ǂkhabuǂâi xaweb ge Markuba ge ǀûsen tama hâ i. ǁÎb ge ǃgâi ǀhōsagusisa Paulub tsî naun gagasise kai ǀoa hân ǀkha ge omkhâi.—w25.04, 27ǁÎ ǂhaweb.

Jesuba tae-e gere ǂâibasen mîb ge o “tita ge sa ǀonsa ǁîna ge ǂanǂan”? (Jhn. 17:26)

ǁÎb ǁkhāǁkhāsabegu ge ǀnai Elob ǀonsa ge ǂan-i. Xaweb ge Jesuba ǁnā ǀons ǃgâb ai ge hâ i khoe-e ǁîga gere ǂanǂan, ǁîb ǂâibasens tsî ǁîb ǀgaugu tsîna ǃkhōǂgā hâse.—w25.05, 20-21ǁÎ ǂhawekha.

ǃGamǃgamsenxa da ga o da tae-e ra mûǂan?

Mûǂan da ge ra ǀnî xūna da ǃgâise ǂan tamasa. Aiǁgause ǀū da ge a ǀams nî mâǁae hāsa tamas ka io Jehovab nî ǁnā ǁaeb ai tae-e dīsa tsî tae-i ǁari nî īs tsîna Jehovab matikō ǃgâise ǂan das tsîna.—w25.06, 15-18ǁÎ ǂhawegu.

Tae-e nî hui da î da ǀhaohâb ǃnâ ra mā-e ǃhoadi tsî khomaiǃâde xūs tsîna ǀama?

Dīsen ǁkhā da ge a: ‘Mâ ǁgauǁgauna ra sîsenūhe ǃgâ-aona ǁnâuǃā kais ǃaroma? Sîsenū ǁkhā ta a ǂkhō-e hâ ǁkhāǁkhā ta ra ǁaeb ai? Hamna nēs ǃnâ ǃgâiǃgâibasensa nî ǁgau?’—w25.07, 19ǁÎ ǂhaweb.

Tae-e da Jehovab di ǀûbaǀnamxasiba xu ra ǁkhāǁkhāsen Davidab ge hâ-ū ǀgauba xu?

Davidi ge kai ǁoreba dī xaweb ge ǁîba gere ǃhausen tsîb ge Jehovaba ǁîba ge ǀûba. (1Gao. 9:4, 5) Elob ge ǀûbab gao ǃgaru ge ǁoren tsîna ra ǁnāxū.—w25.08, 14ǁÎ ǂhaweb.

Elobmîs ǁkhāǁkhāsen ao-i ga ǃgâise ǁnâuǃā tama io, mati du ǁî-e hui ǁkhā?

Elobmîsa xu du ǃgâise ǁguiǃā hâs khaoǃgâ i ga ǁî-e ǁnâuǃā tama io ǁnā ǃâba ǁnāxū tsî ǁkhawa ǀnî hâ ǁaeb ai ǃhoaǃgâo re.—w25.09, 24ǁÎ ǂhaweb.

Elobmîs ge ra mî ǂanbasen î du tā ǁoreb ǂgaeǂhapus xa ǃnâudanaxa kaihe. (Heb. 3:13) ǁNāsa mati ī ǁkhā?

ǁOreb ge ǂgaeǂhapu da ǁkhā î da tsū xūna dī tsoatsoa. Nēs ge Jehovab sada ūba hâ ǀnammi xas tsîna îganǀgē kai da ǁkhā.—w25.10, 16ǁÎ ǂhaweb.

Mâ ǃnona xūna sida ǀgorede ǃgâiǃgâi ǁkhā?

(1) Jehovab ǀgaugu xa da ge ǂâiǃgâ ǁkhā. (2) ǃKharuǃnâ da ra xūn xa da ge ǂâi ǁkhā, khoe-e ǀûbas khami. (3) Sida ǀgorede da ge gaxugaxu ǁkhā. Nēs ge nî īǁkhā kai î da sida tsâsiga ǁhōǂûi.—w25.10, 19-20ǁÎ ǂhawekha.

Mati da kaira khoena hui ǁkhā?

Kairana da ge sari tamas ka io selfonni ǃnâ-ū bel ǁkhā. ǁÎna da ge ǀae-omsa ǃoas tsîna a sao ǁkhā. Tamas ka io, da ge ǁîn ǀkhā aoǁnâ sîsenni ǃnâ sîsenǁae ǁkhā.—w25.11, 6-7ǁÎ ǂhawekha.

Mâ ǂhâǂhâsa xūnan ǃgamme ra Xristeǁîna nî sao?

ǂHanub ǁgaraga sao. Kōǃgâ î-i ǃgammeb ǁaxasigu hoa ga Jehovab ǀgaugu ǃoagu hâ. Sa ana ǀgauba ǃgamǃgamsenxase xoadi ǃoagu hâ. ǀApeǁguiga du ra dī ǁaeb ai khoen ǀkha ǁgamǀhao.—w25.12, 21-24ǁÎ ǂhawegu.