Mâ ǂgaeǂgui-aoba du nî ǁhûi? Elobmîsa tae-e ra mî?

Saora wekhegu ǃnâ i ge ǁhûide ǃhūbaib ǂhawese nî hâ. Khoen ge ǂhâǂhâsa mîǁguiba nî dī, mâ ǂgaeǂgui-aoban nî ǁhûisa.

Elobmîsa tae-e ra mî?

Khoesi ǂgaeǂgui-aogu ge ǃnubusiga ūhâ

Elobmîs ge khoesi ǂgaeǂgui-aogu ǃnubusigu xa ra ǃhoa.

• “Tā gaosan ai ǂgomaiǂnûi, khoen ôab ai, ǃgâiǃōsi-i xare-i ǁîb tawa a ǀkhaiba. ǀOms âna ǂoa tsîn ge ǃhūb ǃoa ra oa, ǁnā tsēs ai di ge ǁîn ǀapede ra toa.”—Psalmdi 146:3, 4.

ǃGâi ǂgaeǂgui-aogu tsîn ge ra ǁō. ǁNās xōǀkhā gu ge ǁîgu khaoǃgâ nî ǂgaeǂgui khoe-i, ǃgâi sîseni ǀkhā a aiǃgû ǁkhāsa mîǁgui ǁoa.—Aoǁnâ-aob 2:18, 19.

Elobmîs ge ra ǁgau khoen tātsē ǂgaeǂguis ǁkhāsiba māhe tamasa.

• “Khoe-i ǃgû ra-i di ǃkhai tamas ge ǁî-i ǃgûdaoba ǂansa.”—Jeremiab 10:23.

ǃGâi ǂgaeǂgui-ao-e nētsē hâ-e?

Elob mā-amsa ūhâ ǂgaeǂgui-aob

Elobmîs ge ra ǁguiǃā, Elob ǂgomǃgâhe ǁkhā ǂgaeǂgui-aob: Jesu Xristuba ǁgaumâi hâsa. (Psalmdi 2:6) Jesub ge Elob Gaosib di Gao-ao, ǁnā Gaosib ge ǀhomma xu ra ǂgaeǂgui.—Mateub 6:10.

Jesuba du sadu ǂgaeǂgui-aob ase nî ǁhûi? Elobmîs ge ra ǁgau, tae-i ǃaromas ǁnā dîsa a ǂhâǂhâsa ǃkhaisa:

• “Î ǀgôab [Jesu Xristub] ǀkha ǃgâiaǂgao. ǁNā tamas ka i, ob ge [Eloba] ǃhaese nî ǁaixa tsî go ge ǃnapetamase nî ǁō. ǀKhaehen ge hâ ǁîb ǃoa ra ǁhaiǁhân hoana.”—Psalmdi 2:12.

Nēsi du ge sadu mîǁguiba nî dī. Elobmîs kēbodi ge ra ǁgau, Jesub ge 1914 a ǂgaeǂgui tsoatsoasa. Tsîb ǀgūǁae Elob Gaosiba hoa khoesi ǂgaeǂguide nî ǃkhōǃkhunisa.—Danieli 2:44.

Mati du Jesub ǂgaeǂguisa ǂkhâǃnâ ǁkhās xa ǃnāsase ǂans ǃaroma “Choose to Support God’s Kingdom Now!” di hâ khomaiǃâsa khomai re.