Anna Moneymaker/Getty Images
ǂKHAIKARI HÂ!
Kurus ǂansa ūhâ khoen ge ǀgoraǃgâstsēsa ais ǀkha ra ī kai Elobmîsa tae-e ra mî?
Januarib 24, 2023 i ge kurus ǂansa ūhâ khoena ge mî, ǀgoraǃgâstsēsa tsuxub [12 īrs] ǀgūse hâsa. Nēs ge ǃhūbaib ǀams nî hā ǁaeba ǃoa ra ǁnaeǁgau.
“Khoen aitsama ǂgāsen hâ ǁkhōǁkhōsa mâsigas ge ‘ǀgoraǃgâstsēs ǁaeǃgôasa’ ra ǂnûǁkhaeba. ǀGamǁîtsēs ain ge ǃuis ǁaegub [12 īrs] ǀgūseba ǃoa ge ī kai. Nēs ge Ukrainni ǃnâ hâ torob, bomdi. Tsî ǃhūbaib hâǃnâ ǁkhōǁkhōsa ǂoab tsî ǀnanub mâsigu xa ra ǃaromahe.”—AFP International Text Wire ǂhôan.
“Kurus ǂansa ūhâ khoen ge ǀgamǁîtsē ge ǂanǂan. ‘ǀGoraǃgâtsēs ǁaeǃgôas’ 90 sekond na tsuxub ǁaeguba ǃoa a sī kaisa. Nēs ge matikōse da ǃhūbaib nî hîkākāhe ǁaeba ǃoa ǀgū hâsa ra ǁgau.”—ABC ǂhôan.
“Kurus ǂansa ūhâ khoen di ǀhaos ǃhūbaib ǂhawase ge hâ is ai, i ge ge mîhe khoen aitsama nî hîkākāsensa.”—The Guardian ǂhôan ǂkhinib.
Khoen ûib tsî ǃhūbaib tsîna ǀgūǁae nî hîkākāhe? Hānîǁaeb taena ǃkhōǂgā hâsa da nî ǃao? Elobmîsa tae-e ra mî?
Hānîǁaeb taena ǃkhōǂgā hâs
Elobmîs ǃoagub ge “ǃhūbaiba ǀamos kōse” nî hâhâ. Tsîn ge khoena “ǀamose ǁîb ǃnâ nî ǁan.” (Aoǁnâ-aob 1:4; Psalmdi 37:29) ǁNā-amagan ge khoena ǃhūbaib tamas ka io ǃhūbaib ǃnâ ǁan hâna hîkākā tide.
Xawe Elobmîs ge ǀams nî hāsa ra mî. Aiǁgauses ge ra mî “tsî gu ge ǃhūbaib tsî ǁîb di turaga ra ǃgû-ī.”—1 Johaneb 2:17.
ǀAms xas ga ǃhoa, os Elobmîsa tae-e ra ǂâibasensa ǂanǂuis ǃaroma “Is the World Coming to an End? What Is the Apocalypse?” di ǀon hâ khomâiǃâsa khomai re.
Elobmîs tae-e hānîǁaeb ǃhūbaib ǁaxasigu xa ra mîsa ǁkhāǁkhāsens ǃaroma “When Will the World End?” di ǀon hâ khomaiǃâsa khomai re.
ǃGâi xūn xa ǂâi re
Elobmîs ge ra huida, î da ǃgâi xūn xa ǂâi. Nē ǃhūbaib ǃnâ hâ ǁgai ǃgomsin ǂam ai. Mati?
Elobmîs ge ǃgâi ǀapemāde ra mā da. (2 Timoteub 3:16, 17) Aiǁgause, “How to Control Worry” di ǀon hâ khomaiǃâsa khomai re î mû. Matis Elobmîsa huidu ǁkhāsa ǃgâi ǂâiǀgauba ūhâsa, ǃgom mâsigu ǃnâ.
Elobmîs ge ǂgomǃgâ ǁkhā da a ǃâubasens hānîǁaeb disa ra mā da. (Romeǁîn 15:4) Nēsis tsî hānîǁaeb ǃnâ da ǃâubasen ǁkhā xūna î ge ra ǁguiǃā. Tsî i ge ra huida î da ǂgomǃgâsiba ūhâ, nē ǃhūbaib ǃnâ î ga ǁgai xūna ī xawe.
Elobmîsa xu ǃnāsa-e hōs ǃaroma da ge nētsē ra ǁkhau du, î du sida marioǃnâ Elobmîs ǁkhāǁkhāsa dītsâ.
a “ǀGoraǃgâstsēs ǁaeǃgôas ge ǂnûiǂgāsa, î-i khoena hui în ǂan. Matikōse da sida ǃhūbaiba ǁgaiǁgais ǀams, ǀgūse hâsa. Sida ra kuru texnoloxieb ǀkha. Nē ǁaeǃgôas ge ra ǀgopeǀnō ūhe, ǁkhōǁkhōsa mâsigu hîna da nî sîsenǂam ai ga. Sida ǃhūbaib nî hîkākāhesa da ga ǂgao tama io.”—Bulletin of the Atomic Scientists.