Jehovab di ǃoaba-aona ra aoǁnâ în orehe?

Hî-î. Hoaǁae da ge ra aoǁnâ, omsa xu oms ǀkha. Xawe da ge ǂgom tama hâ. Aoǁnâ da ra amaga da nî orehesa. (Efeseǁîn 2:8) Tae-i ǃaroma?

Sao ra aiǁgaus xa ǂâi re: ǃGâi khoeb ge kai mari-e ra ǂgan ǀkhae xūnab khoena nî mā di ra mîba. ǁÎb mî hâ tsēs tsî ǃkhaib ain ga sī o. ǁNā khoeb ge mî xū-e du ga ǂgom o. O du ǁîb daoǁgaude nî ǁnâuǀnam? Îo, ǁnâuǀnam du nî. ǀNîsi du ge sadu ǀhōsan tsî ǀaokhoen tsîna nî mîba. În ǁîn tsîna nē ǀkhaega hō. Mâ hâ ǃkhais ge, khoeb ge mî xūna du ge dī amaga du ge ǀkhaeba hō tama hâ. Xawe du ge mā-aob gere mā du ǂgao amaga ge hō.

ǁKhā ǀgaub ǃnân ge Jehovab di ǃoaba-aona Elob di mîmâis, ǀamo ûib dis ǃnâ ra ǂgom. Nē mîmâis ge hoa khoen ǃaroma hâ. (Romeǁîn 6:23) Khoena da ge ǁnā xūn xa ra mîba. În ǁîn tsîna Elob mîmâide xu ǃgâiba hō. Xawe da ge ǂgom tama hâ. Aoǁnâ da ra ǃkhais ǃaroma ǀgui da nî orehesa. (Romeǁîn 1:17; 3:28) Khoe-i ge a ǀkhai, Eloba xu ra hā ǂoaǂamsa ǀkhaega a hōǁkhā-e. Sîsen-e i ra dī ǃkhais ǃaroma. “Ob ge ge ǃgâiǃō kai da, sada ga dī hâ sîsengu ǂhanu-aisib diga xu tama i, tsî ǁîb di ǀkhomxaǂgaosiba xu.”—Titub 3:5.