12 Mîǁguigu

NĒSA TAE-E RA ǂÂIBASEN

Mîǁguib ge ǁhapos ǀguisa dī tamasa​—Xawe dī ǂgaots ta xū-i ge. Dī ǁkhā du a xū-i ge ǀapena ǃkhōǂgā hâ. Tsî ǃgarise sîsens tsîna.

Mîǁguigu ge ǃnuburo tsî (tsēdi tamas ka io wekhega a ū ǁkhā). Tsî ǀnîsi (ǁkhâgu) tamas ka io (kuriga a ū ǁkhā). ǀNî mîǁguiga du ge saogurase a sīǃnâ ǁkhā.

TAE-I ǃGAO I A ǂHÂǂHÂSA

Sadu mîǁguiga sīǃnâs ge sadu ǂgomǃgâsiba nî omkhâi. Tsî sadu ǀhōsaguside nî ǀgaiǀgai. Tsî sadu ǂkhîba nî kaikai.

ǂGomǃgâsens: ǂKhari mîǁguiga dī tsî du ga sīǃnâgu o. Ob ge sadu ǂgomǃgâsiba ra kai. Tsî du ge kain tsîna a dī ǁkhā. ǀGaisa ǂgomǃgâsiba tsîna du ge nî ūhâ ǃgomsina du ga hōǃâ o. Sadu ǀhōsan ga ǂgao tama du hâ, xū-e dī kai du o tsîna.

ǀHōsagudi: ǂGui khoen ge mîǁguiga ra dī khoen ǀkha hâs xa a ǃgâibhe. ǁNān ge khoen hîna a ǂana, tae-en ra ǂhâbasa. Tsî ǁnā xū-i ǃgao ǃgarise ra sîsen. ǀGui ǀgaub ǀgaisa ǀhōsagusisa omkhâis digu ge ǃgarise sîsensa. Sadu ǀkha ǀgui ǂâibasensa ūhâ ǀhōsan ǀkha.

ǂKhîb: Mîǁgui-e du ga dī tsî sīǃnâ o, o du ge ǃgâise ra tsâ.

“Mîǁguiga dīsa ta ge a ǀnam. ǁÎgu ge ra hui te, î ta xū-e dī tsîn sīǃnâ. Tsî mîǁgui-e du ga sīǃnâ o, o du ge ǃgâise ra tsâ. ‘Tsî a mî ǁkhā, amase ta go dī hō? Mî ta go xū-e sīǃnâsa.’ ”—Christopher.

ELOBMÎS DAOǁGAUDI: ‘ǂOab ai ga ǃgaoǃgâb, ǁnāb ge ǃhana tide; tsî ǃâude ga kōb,’ ǁnāb ge ǃhanab go xūna ǂû tide.​—Aoǁnâ-aob 11:4.

TAE-E DU NÎ DĪ

ǃNāka hâ xūna dī re, sadu mîǁguiga sīǃnâs ǃgao.

ǂAnǂui re. Dī ǁkhā du a mîǁguiga xoamâi re. Tsî ǂgurose, du nî sîsen-aina saogurase xoamâi re.

ǀApes. Mâ mîǁguib hoab ǃgao saorana dī re:

• Mâǁae du nî, dītoasa xoamâi re.

• ǀApe re, xūn hîna du nî dīna.

• Hā nî ǃgomsin xa ǂâi tsî mati du ǁîna nî sîsenǂamsa ǂâi re.

Xū-e dī re. Tā ǃâu re, hoa xūna hō tsî ǀgui du nî sîsen tsoatsoasa. Dîsen re, ‘tae-e a ǂguro xū hîna nî hui te-e, ti mîǁguiga sīǃnâs di-e?’ ǁNāpaxū tsoatsoa re. Sadu aiǃgûs tsîna du ge nî kō.

ELOBMÎS DAOǁGAUDI: “ǂÂidi ôasab didi ǀguidi ge ǃnāǂamsiba ra hā kai.”​—ǂKhoamîdi 21:5.