Aiǃgû re ǁkhāǁkhāsens ǀkha

Nē Elobmîs ǁkhāǁkhāǃâdi hoadi. ǃNâ du ge ǂgui xūna. Jehovab xa go ǁkhāǁkhāsen. ǁKhāǁkhāsen du go xūn ge. ǁÎb ǃoa-ai ǀnamma go omkhâi kai du. Nēs xa tsâǀkhāhe hâse du ge ǀnîsi go ǁāǁnâ kaisen. Noxoba du ga ǁāǁnâhe tama io. O du ge ǀnîsi ǀgūǁae nî ǁāǁnâ kaisen. ǁĀǁnâs khaoǃgâ du ge Jehovab lkha du ūhâ. ǀHōsagusisa ǀgaiǀgais ǀkha ǀû tama hâ. ǀAmosib kōse du ge nē ǀhōsagusisa nî ǀgaiǀgai. Mati du ǁnāsa nî dī?

1. Mati du nî aiǃgû sadu ǀhōsagusisa Jehovab ǀkha ǀgaiǀgaisa?

ǃGarise da ge nî sîsen sada ǀhōsagusis. Jehovab ǀkha da ūhâsa ǀgaiǀgais ǃaroma. Tae-i ǃaroma? ‘Î da tā ǀguitsē kābē ǁîba xu.’ (Hebreǁîn 2:1) Tae-e nî hui da, î da aiǃgû, Jehovaba ǂgomǂgomsase ǃoabas ǀkha? Aoǁnâ sîsenni ǃnâ da ge ǀhapese a hâ ǁkhā. Tsî ǀnî hâ ǀgauga ǃoas tsîna a kō ǁkhā. Î da Eloba ǀoasase ǃoaba. (Khomai re Filipeǁîn 3:​16 sa.) Jehovaba ǃoabas ge, ǃgâi xū-i hîna da a dī ǁkhā-e.​—Psalmdi 84:10.

2. Tae-e du noxoba nî dī î du aiǃgû?

Nē Elobmîs ǁkhāǁkhās sadu dis go ǀams kōse a ǀkhī. Xaweb ge sadu ûib Xristeǁî-i ase du go. Tsoatsoaba ǀam tama hâ. Elobmîs ge ra mîba da. ‘Tsî du nî anaga ǀasa khoeba.’ (Efeseǁîn 4:​23, 24) Elobmîsa ǁkhāǁkhāsens tsî ǀhaode hâǃnâs ǀkha du ra aiǃgû. Khami du ge ǀasa xūna Jehovab tsî ǁîb di. ǀGaugu xa nî ǁkhāǁkhāsen. ǀGauna ǃoa kō re, î du nē ǀgaugu ǁîb di ga ûiǂui ǁkhā. Aiǃgû re, ǂhâǂhâsa ǀkharaǀkharana dīs ǀkha. Î du Jehovaba ǂkhîǂkhî.

3. Jehovaba mati nî hui du, î du sadu ǁkhāǁkhās ǀkha aiǃgû?

Elobmîs ge ra mî: ‘Elob, ge sadu ǁkhāǁkhāsa nî dīǀoaǀoa. Tsî nî ǀgaiǀgai du, ǁapoǁapo du tsî ǃgaoǃgao du.’ (1 Petrub 5:​10) Hoa da ge ǃâitsâ-e hâ tsū xūna dīs ǃnâ. Xawe Jehovab ge nē ǃâitsâga da nî mâǃoa-ū ǁkhā xūna ra mā da. (Psalmdi 139:​23, 24) ǁÎb ge ra mî ǂâibasens tsî dīs di ǀgaibab nî mā dasa. Î da ǂgomǂgomsase ǃoaba bi.​—Khomai re Filipeǁîn 2:​13 sa.

ǃGAMSE ÔAǃN RE

4. Aiǃgû re, sadu ǃgâi ǀhōsab ǀkha ǃhoa tsî ǁîba ǃgâs ǀkha

ǀGores tsî Elobmîs ǁkhāǁkhāsens ge go hui du. Î du Jehovab di ǀhōsa kai. Nē xūna mati nî hui du, î du ǁîb ǀkha du ūhâ ǀhōsagusisa ǀgaiǀgai?

Khomai re Psalmdi 62:8 sa. Tsî sao ra dîsa ǃhoaǃgao re:

• Jehovab ǀkha du ūhâ ǀhōsagusisa ǀgaiǀgais ǃaroma. Mati du sadu ǀgoresa nî ǃgâiǃgâi?

Khomai re Psalmdi 1:2 sa. Tsî ǀgamirosa khomai re. ǁNāpaxū sao ra dîsa ǃhoaǃgao re:

• Sadu ǀhōsagusis Jehovab ǀkha du ūhâsa ǀgaiǀgais ǃaroma. Mati du sadu Elobmîs khomaisa nî ǃgâiǃgâi?

Tae-e du nî dī, î du ǃnāsa xūna sadu Elobmîs ǁkhāǁkhāsensa xu hō? Nēsa ǂanǂuis ǃaroma. VIDIOBA ǀhuru re. Tsî sao ra dîra ǃhaoǃgao re.

VIDIOB: Sadu Elobmîs ǁkhāǁkhāsa ǃgâiǃgâi re (5:22)

• Mâ ǀgaub hîna ra vidiob ǃnâ ǁgauheba du ra sîsenū ǂgao?

• Mâ ǁkhāǁkhāǃâde du ra ǁkhāǁkhāsen ǂgao?

5. Gagasise du nî dī xūna ūhâ re

Jehovab ǃoabas ǃnâ mîǁguiga ūhâs ge nî hui du. ǁKhāǁkhāsens ǀkha aiǃgûsa. VIDIOBA ǀhuru re. Tsî sao ra dîsa ǃhoaǃgao re.

VIDIOB: ǃGâi ûib, ūhâ ǁkhā da ab (3:31)

• Vidiob ǃnâs ge Cameronsa tae ǃgâi gagasi mîǁguiga dī. Hînas ge ǃgâiba a hō xu ga?

Hoa da ge ǀnî hâ ǃhū-e ǃoa a ī ǁoa aoǁnâs ǃaroma. Xawe da ge hoa da sīǃnâ ǁkhā da a mîǁguiga a dī ǁkhā. Khomai re ǂKhoamîdi 21:5 sa. ǁNāpaxū ǂâiǃgâ re, mâ mîǁguiga du ra dī ǂgaosa . . .

• ǀhaohâb ǃnâ.

• aoǁnâ sîseni ǃnâ.

Nē ǁaraǃās ǃnâ hâ daoǁgausa mati nî hui du. Sadu di mîǁguiga sīǃnâs ǀkha?

Sadu nî dī xū-e, sīǃnâsa mîǁgui re

• Sadu ǀgorede ǃgâiǃgâis.

• Hoa Elobmîsa khomais.

• Hoa ǃgâsan hîna ǀhaohâb ǃnâ hân ǀkha ǂangusa kurus.

• Khoe-e Elobmîsa ǁkhāǁkhās.

• Huiǃnâ ra aimâba-ao tamas ka io ǁnaetisa aimâba-aose ǃoabas.

• Aorets ga o, dītsâ re, ǀhaohâb hui-aosisa sīǃnâsa.

ǃKHŌǀHAOS

Aiǃgû re, sadu ǀhōsagusisa Jehovab ǀkha ǀgaiǀgaisa. Tsî gagasi mîǁguiga dīsa. O du ge ǃgâi ûiba, ǀamosib kōse nî ūhâ.

ǁKhāǁkhāsen du go xūna ǂâiǃgâs

• Tae-i ǃaroma du a ǂgomǃgâ ǁkhā, Jehovab nî hui dusa, î du ǁîba ǂgomǂgomsase ǃoaba?

• Mati du sadu ǀhōsagusisa Jehovab ǀkha a ǀgaiǀgai ǁkhā?

• Gagasi mîǁguiga dīsa mati nî hui du, î du aiǃgû?

ÔAǃNÂ

Jehovaba tae-e ra ǃgôaǃgâ, ǀgui ǃgâi xū-i hîna du ge dība bi-i ǃaroma? Tamas ka io ǂgomǂgomsasib hîna du tsēsa xu tsēs ǀkha sadu ûib hoaba ra ǁgaub ǃaroma?

Abrahammi khami ǂgomǂgomsa re (9:​20)

ǂGomǂgomsa ǃoaba-ao-i Jehovab di i tsîn ge ǁî-i di ǂkhîba a ǂoaǃnâ ǁkhā. Kō re, mati du sadu di ǂkhîba a hō-oa ǁkhā ǀgausa.

Sadu ǂkhîba hō-oa re ǁkhāǁkhāsens tsî ǂâiǃgâs ǃnâ-ū (5:​25)

Mati du gagasi mîǁguiga a dī ǁkhā tsî ǁîga a sīǃnâ ǁkhā?

“Gagasi mîǁguiga sîsenū re sadu di kuru-aoba koasa mās ǃaroma” (ǃKhē xu ǂgō-ommi, Julib 15, 2004)

Xristeǁî-e gagasise ǀgaisa tae-i ǃaroma a ǂhâǂhâsa. Tsî nēsa du mati a sīǃnâ ǁkhā?

“Gagasise kaisa sîsenǂam re​—‘Elob di kai tsēs ge a ǀgū’” (ǃKhē xu ǂgō-ommi, Meib 15, 2009)