8ǁÎ ǁKHĀǁKHĀǃÂS
Eloba tae-i ǃaroma eloxoresasib tsî ǃgomsigu tsîna ra mā-am?
1. Eloxoresasiba mati ge tsoatsoa?
Elob ge khoena ge mā-am gaxu ǁaeba ǂgaeǂguisa xawen ge ge ǁgau nē hâ khoesib ǃgomsigan ǀamǀam ǁoa ǃkhaisa
Eloxoresasib ge ǃhūbaib ai ge tsoatsoa ǁGâuab ge ǂguro ǂhomiba ǃhoa o. ǁGâuab ge ǀoasa kurusa ge ūhâ i ǀhomǃgāba, xaweb ge “amab ǃnâ mâhō tama ge i.” (Johaneb 8:44) ǁÎb ge ge tura ǀgoreǀîhesa, Elob ǀguib nî hōse i sa. ǁGâuab ge ǂguro taras Evasa ge ǂhomiba tsî ǁîsa ge ǃhoaǁnâ dana ǁîba ǁnâuǀnamsa Elob ose. Adami tsîn ge Evas ǀkhāb ai ge mâ tsî Eloba ge ǁnâuǀnam-oǃnâ. Adami di dīb ge ǃgomsigu tsî ǁōba ge ǃaroma.—Khomai re Genesis 3:1-6, 19.
ǁGâuab ge Evasa mîba o is Eloba ǁnâuǀnam-oǃnâ, ob ge ǁîba mâǃoa-e Elob di ǂgaeǂguis ǃoa-ai ge tsoatsoa. Elob di ǂgaeǂguis ǃharosa Hoan xa ǀgawib ase. ǃNāsa khoen ge ǁGâuab ǀkhāb ai mâ tsî Eloba ǂgaeǂgui-aose ǂgao tama. ǁNās ǀkhab ge ǁGâuaba ge “nē ǃhūbaib di ǂgaeǂgui-ao kai.”—Khomai re Johaneb 14:30, NW; 1 Johaneb 5:19.
2. Elob kurusa ǀoasa tama ge hâ-i?
Elob di sîsengu hoagu ge a ǀoasa. Khoen tsî ǀhomǃgāgu tsîn ge ǁkhāsiba ge ūhâ i Eloba ǀoasase ǁnâuǀnamsa. (Deuteronomium 32:4, 5) Elob ge sida di ge kuru i da ǃgâin tsî tsūna dīs ǁaegu ǁhûibasen. ǁNā ǃnorasasib ge ra hui da i da ǀnama ǁgauǂui Elob ǃoa-ai.—Khomai re Jakobub 1:13-15; 1 Johaneb 5:3.
3. Eloba tae-i ǃaroma nētsēs kōse ǃgomsina ra mā-am?
ǁAerob ǀgaibab ge Jehovaba nē mâǃoas ǁîb ǂgaeǂguis ǃoa-ai hâsa ge mā-am. Tae-i ǃaroma? I i ǁgau khoen Elob ǂgaeǂguis ose ǃgâi xū-e a ǀama ǁoasa. (Aoǁnâ-aob 7:29; 8:9) Khoesib di 6 000 kurigu di ǂgaeǂguis khaoǃgân‵ ge xūn hoana kaise a ǃgāsa nētsē. Khoen ǂgaeǂguis ge torogu, ǂkhawadīb, ǂhanu-oǃnâsib tsî ǀaegu tsîna a ǀamǀam ǁoa.—Khomai re Jeremiab 10:23; Romeǁîn 9:17.
Khoesib ǂgaeǂguis ǃoa-ais ge Elob ǂgaeǂguisa ra ūǃoa khoena xū-e nî ǀama. (Jesajab 48:17, 18) ǀGūǁaeb ge Jehovaba hoa khoesi ǂhanuga nî ǀamǀam. Khoen hîna ra ǁhûin Elob xa ǂgaeǂguishesan ǀguin ge ǃhūbaib ai nî hâ.—Jesajab 11:9; Khomai re Danieli 2:44.
Vidioba kō re Eloba tae-i ǃaroma ǃgomsina ra mā-am?
4. Elob di ǃnūǃnâxasiba tae-e ra mā-am da dīsa?
ǁGâuab ge ra mî khoen ge Jehovaba ra ǃoaba xū-en nî hōǁkhā ga ǀgui. ǁNā ǂhomiba dawa ǁkhāts nî? Dī ǁkhāts nî! Elob di ǃnūǃnâxasib ge ra mā-am da, i da ǁgau Elob ǂgaeǂguisa da ra ǂhâbasa tamas ka io khoesib ti ǂgaeǂguisa. Sida di ûiǀgaub ge ǁnāsa nî ǁgau.—Khomai re Job 1:8-12; ǂKhoa-mîdi 27:11.
5. Mati da Eloba sada di ǂgaeǂgui-aose a ǁhûi ǁkhā?
Sida di mîǁguib ge ra ǁgau Eloba da ǂGaeǂgui-aose ra ǂhâbasa
Eloba da ge sada di ǂgaeǂgui-aose a ǁhûi ǁkhā, ôabi tsî da ga ama ǂgomǀgaub ai ǀgoreǀîbi o. ǁÎb di mîs, Elobmîs ai ǃgaoǃgaosa ǀgaub ai. (Johaneb 4:23) ǁGâuab ǂgaeǂguisa da ge a ǂkhara ǁkhā ǂgīǂgōsi xūn tsî torogu tsîn ǃnâ da ga ǁhao tama io, Jesub gere dī khami.—Khomai re Johaneb 17:14.
ǁGâuab ge ǁîb ǀgaiba ra sîsenū ǁgai xūnab ta aiǃgû kais ǀkha. Nē ǁgai xūna da ga dī tama io, on ge ǀnî ǀhōsan tsî ǀaokhoen tsîna ǃhō tamas ka io a mâǃoa da ǁkhā. (1 Petrub 4:3, 4) ǁHûis aiǃâ da ge mâ. Eloba ǀnam khoen ǀkha da nî ǀhōgus? Elob di gā-ai tsî ǀnamǀnamsa ǂhanuga da nî ǁnâuǀnam? ǁNāsa da ga dī o, o da ge nî ǁgau ǁGâuab ge ǂhomisa mîb ge o, ǁgâiǀab ǃnâ i ga hâ o, oi ge khoe-e Elob ǂâisa dī tite di.—Khomai re 1 Korinteǁîn 6:9, 10; ǂKhoa-mîdi 13:20.
Elob khoena ūba hâ ǀnami ge ra ǁgau eloxoresasib tsî ǃgomsigu tsîn nî ǀam ǃkhaisa. ǁNān hîna ra ǁgau nēsan ta ǂgom ân ge ǂkhîb ǃnâ ǀamosib kōse ǃhūbaib ai nî ûi.—Khomai re Johaneb 3:16.