Elobmîsa matits ta mû?

ELOBMÎS TA MÎS

“Xoas hoas ge Elobi ǃgomǂgāǃnâhe hâ.”—2 Timoteub 3:16.

ǁNĀSA TAE ǂÂIBASENSA ŪHÂBA TSI ǁKHĀ

ǂKhîǂkhîra ǃgāsa ǃereamde ûib kai dîdi ai.—ǂKhoamîdi 2:1-5.

ǂGomǂgomsa daoǁgaus tsēgorobes ûib ǃaroma.—Psalmdi 119:105.

ǃGâi mûǂuis hānîǁaeb ǃaroma.—Romeǁîn 15:4.

AMABES ǃNÂ ELOBMÎSA ǂGOM ǃGÂ ǁKHĀ Ī DA A?

Î, ǀorodoma ǃnona ǃaromadi ǃaroma:

• AKaise buruxa ǀguiǃnâxasib. Elobmîs ge 1 600 kurigu ǁaeb ǃnâ ge xoahe 40 ǃkharaga khoegu xa. ǃNāsa gu ge ûib ǃnâ ǂan gu tama ge hâ i. Xawes ge hoaraga ǂkhanisa a ǀguiǃnâxa, ǀgui dana xoaǂams ǀkha.

• AǂHauǃnâ ǃnaeǃkhaidi. Nau ǃnaeǃkhaidi xoa-aogu ge ǃhaese ǁîgu khoen ǂkhawusasiba tamas ka io danhesa gere sâu. ǁNās ǃoa-ai gu ge Elobmîs xoa-aoga ǂhauǃnâse ǁîgu di ǂkhawusasigu tsî ǁîgu di ǁaes di ǁnās tsîn xa gere xoa.—2 Kroniks 36:15,16; Psalmti 51:1-4.

• AǂGomǃgâsa aimûǀgarudi. Elobmîs ge aibekam ǁaeb ǃās Babels di dīkākāsa 200 kuriga, ī i nîs aiǃâ ge mîǁgui. (Jesajab 13:17-22) Elobmîs ge dī-kākāhes nî ǀgaus ǀguisa mî tama xawe ǀons khoeb hîna nî dīkākāsib tis tsîna ge mîǃ—Jesajab 45:1-3.

  ǂGui Elobmîs di aimûǀgarudi tsîn ge mîǁguihe di ge khami ǀgui ge dīǀoaǀoahe. Xawe nēsa ǃâubasen tamasa, Eloba xu hâ ǂkhanisa da nî ūhâba sa?—2 Petrub 1:21.