4ǁÎ ǁKHĀǁKHĀǃÂS
Hamma a Elo?
Khoen ge ûin hâs kōse elogu tsî elode ra ǃoaba. Xawe Elobmîs ge ǀgui Elob, hîna ‘elogu hoagu xa a kaib’ xa ra ǃhoa. (2 Kroniks 2:4) Hamma ǁnāba? Tsî tae-e ǁîba ra mâǂoa kai, nau elogu hoaga xu? Nē ǁkhāǁkhāǃâs ǃnâ khomai re, nē Elob ra ǂhâbasa î du ǁîba ǂan.
1. Elob ǀonsa mati hâ? Tsî tae-i ǃaroma du a mî ǁkhā ǁîb ra ǂgaosa î du ǂan bi?
Elob ge aitsama, Elobmîs ǃnâ ra mai-aiǃâsen. ǁÎb ge ra mî: ‘Tita ge Jehova ta. ǁNās ge ti ǀonsa.’ (Khomai re Jesajab 42:5, 8 sa.) ‘Jehovab’ ǀons ge Hebregowab ǃnâ ra ǂâibasen “ī nî ta ge.” Tamas ka io xūna ra ī kaib. Jehovab ge ra ǂgao î du, ǁîb ǀonsa ǂan. (Eksodus 3:14) Mati du ǁnāsa a di ǁkhā? Elobmîs ǃnâb ge ǁîb ǀonsa 7 000a xa ǃnāsa ǃnāde ǃkhōǂgā hâ. Jehova di hâ ǀons ge ‘ǀhommi tsî ǃhūbaib di Elob’ ǀonsa.—Deuteronomium 4:39.
2. Elobmîsa tae-e Jehovab xa ra mîba du?
Elobmîs ge ra mî, khoen ra ǃoaba elogu xōǀkhāb ge Jehovaba a ama Elo. Tae-i ǃaroma? ǃAromadi ge hâ. Jehovab ge hoa ǀgaiba ūhâ. Tsî ǁîb ǀguib ge ‘Hoan xa ǀGapi, ǃhūbaib hoaragab ai.’ (Khomai re Psalmdi 83:18 sa.) ǁÎb ge ‘Hoaǀgaixa’ tsî ǁnās ge ra ǂâibasen, ǁîb ge ǀgaiba ūhâ, ǂgaob ra xū-e dīsa. ǁÎb ‘ge hoa xūna ge kuru,’ ǀhommi tsî ǃhūbaib tsîkha ǃkhōǂgā hâse. (ǂHaiǂhais 4:8, 11) Tsî Jehovab ǀguib ge ǀnaisa xu hâ. Tsî ǁîb ge ǀamosiba xu ǀamosib kōse ûi hâ.—Psalmdi 90:2.
ǃGAMSE ÔAǃNÂ RE
Ôaǃnâ re, Elob di ǂgaiǀondi tsî ǁîb ama ǀons tsîna. Tsî ǁkhāǁkhāsen re, tae-i ǃaromab ǁîb ǀonsa sado ra mai-aiǃâsa.
3. Elob ge ǂgui ǂgaiǀonde ūhâ xawe ǀgui ǀons ǀguisa ūhâ
Khoe-i ǂgaiǀons tsî ǁî-i ǀons ǁaegu hâ ǃkharagagusib xa khomai re. VIDIOBA ǀhuru re. Tsî ǃnāka hâ dîsa ǃhoaǃgao re.
Tae-i ǃkharagagusiba hâ ǂgaiǀons “ǃKhūb” di hâs tsî Jehovab ǀons ǁaegu?
Elobmîs ge ra ǂanǃgâ khoen ra ǂgui elogu tsî ǃkhūgu tsîna ǃoabasa. Khomai re Psalmdi 136:1-3 sa. Tsî ǃnāka hâ dîsa ǃhoaǃgao re:
Hamma a ‘elogu di Elo’ tsî “ǃkhūgu di ǃKhū”?
4. Jehovab ge ra ǂhâba î du, ǁîba ǂan tsî ǁîb ǀonsa sîsen-ū
Tae-e ra ǁgau, Jehovab ra ǂhâbasa î du ǁîb ǀonsa ǂan? VIDIOBA ǀhuru re. Tsî ǃnāka hâ dîde ǃhoaǃgao re.
ǂÂi î du ra, Jehovab ra ǂhâbasa, î du ǁîb ǀonsa ǂan? Tsî tae-i ǃaroma?
Jehovab ge ra ǂhâba, în khoena ǁîb ǀonsa sîsen-ū. Khomai re Romeǁîn 10:13 sa. Tsî ǃnāka hâ dîde ǃhoaǃgao re:
Elob ǀons, Jehovasa sîsen-ūsa matikōse a ǂhâǂhâsa?
Mati du ra tsâ khoe-i ga sadu ǀonsa ǂâihō tsî ga ra ǂgai du o?
Jehovaba mati ra tsâ, ǁîb ǀonsa du ga ǂgai o?
5. Jehovab ge ra ǂhâba, î du ǁîb ǀhōsa kai
Cambodiab ǃnâ ra hâ khoes, Soteni di ǀon hâs ge saora-e ge mî. Elob ǀonsa ta ge ǂan o, os ge ǁnāsa ge hui te “î ta kaise ǃgâise tsâ.” VIDIOBA ǀhuru re. Tsî ǃnāka hâ dîsa ǃhoaǃgao re.
Sotenisa mati, nē vidiob ǃnâ Elob ǀonsas ge ǁkhāǁkhāsen o, ge tsâǀkhāhe?
Khoe-i di ǀhōsa kai ǂgao du ga o, o du ge aibe ǁî-i di ǀonsa nî ǂan. Jakobub 4:8 ǂguro ǃâba khomai re. Tsî ǃnāka hâ dîra ǃhoaǃgao re:
Jehovaba tae-e du nî dīsa ra ǂgao?
Matis Elob ǀonsa ǂan tsî ǂgaisa nî hui du, î du ǁîb ǀgūse hâ?
MATI DU NÎ ǃEREAM KHOE-I GA MÎ O: “ǀGui Elob ǀguib ge hâ tsî ǁîb ǀonsa ǂgais ge ǂhâbasa tama hâ.”
ǂGom î du ra, Elob ǀons a Jehova ǃkhaisa?
Mati du nî ǁguiǃā, Elob ra ǂgaosa î du ǁîb ǀonsa sîsen-ū?
ǃKHŌǀHAOS
Ama Elob ǀons ge a Jehova. ǁÎb ge ra ǂhâba î du ǁîb ǀonsa ǂan tsî sîsen-ū. Tsî ǁîb di ǀgū ǀhōsa kai.
ǁKhāǁkhāsen du go xūna ǂâiǃgâs
Tae-e Jehovaba ra mâǂoa kai, khoen ra ǃoaba eloga xu?
Tae-i ǃaroma du Elob ǀonsa nî sîsen-ū?
Tae-e ra ǁgau, Jehovab ra ǂhâbasa, î du ǁîb ǀhōsa kai?
ÔAǃNÂ
Koro ǃaromade ôaǃnâ re, Elob hâsa.
Khomai re, Elob hâ ǃkhais, tae-i ǃaroma a ǁnâuǃāxasa.
“Eloba ham-i xa ge kuruhe?” (ǃKhē xu ǂgō-ommi, Augustub 1, 2014)
ǁKhāǁkhāsen re, tae-i ǃaroma du nî Elob ǀonsa sîsen-ūsa. ǀOrokamǁaeb ǃnâs gere ǂgaiǂuihe ǀgauba du ga ǀū xawe.
ǂHâǂhâsa-e ham-e du Elo di ra ǂgaisa? Khomai re, tae-i ǃaromab ǀgui ǀonsa ūhâsa.
a Elob ǀons di ǂâibasens xa du ga ǃnāsase ǁkhāǁkhāsen ǂgao o. Tsî tae-i ǃaromas ǁîb ǀonsa ǀnî Elobmîdi ǃnâ hâ tamasa. Toxoba Appendix A4 sa New World Translation of the Holy Scriptures ǃnâ khomai re.