Elobmîs haisi-ams Elob xa du māhe hâs

Jehovab ge ǃgâi ǀkhaeba mā du hâ. Elobmîs ge 66 ǂkhanide ǃkhōǂgā hâ. Xawe du ge ǀnîsi a dîsen ǁkhā: ‘Elobmîsa mapa xu ra hā? Tsî ham-i xas ge xoahe?’ ǁNā dîra ǃereams ǃaroma. Hā re, î da Elobmîs haisi-ams ge sida ǃoa, hā ǀgaus xa ǃhoa.

1. Khoegu ga Elobmîsa a xoa o, o tae-i ǃaroma da ra mî, Eloba xus ra hā di?

Elobmîs ge 40 khoegu xa ge xoahe, 1 600 kurigu ǁaeb ǃnâ. 1513ǁÎ kuri Jesub ǃnaes aiǃâsa xu tsî 98ǁî kuri Jesub ǁōb khaoǃgâs kōse. Xoa-aogu ge ǃkharagagu khaoǃhūga xu gere hā. Xawes ge Elobmîsa a ǀguiǃnâxa. ǁNāsa mati ge īǁkhā i? Eloba xus gere hā amaga. (Khomai re 1 Tesalonikaǁîn 2:​13 sa.) Nē xoa-aogu ge ǁîgu ǂâide ge xoa tama hâ i. Xawe gu ge “ǃAnu Gagab xa” gere huihe îgu “Eloba” xu ra hā xūna xoa.a (2 Petrub 1:​21) Elob ge ǁîb ǃanu gagaba gere sîsen-ū, îgu nē khoega Elob di ǂâisa xoa.​—2 Timoteub 3:16.

2. Hoa da ǃgâiba Elobmîsa xu a hōǁkhā?

‘Tsî mâ ǃhaos hoas, tsî gowab hoab, tsî ǁaes hoas.’ Ge ǃgâiǂhôas Elobmîs ǃnâ ra hōhesa xu ǃgâiba a hōǁkhā. (Khomai re ǂHaiǂhais 14:6 sa.) Elob ge ge īǁkhā kai. Elobmîs hoa gowagu ǃnâ nî hōhe ǁkhā ǃkhaisa. ǀNî ǂkhani i ge a ǀkhai, ǁîs khama ī-e. ǃNāsa khoen ge Elobmîsa nētsē ūhâ. Nēs ge a ama, mapa ǀgui i ga khoe-e hâ xawe. Tsî mâ gowaba i ga ǃhoa xawe.

3. Jehovaba mati Elobmîsa ge ǁkhauba?

Elobmîs ge hâhâ ra ǂkhani i ai ge xoahe tama hâ i. Aiǁgause, khō-i khami. Xawe khoegu hîna ge Elobmîsa ǀnam hâ i gu, ge ǃamkuse ge xoasi. Tsî ǀoros gere o, os ge ǃommi ǀkha ǁkhawa gere xoa-e. Khoesi ǂgaeǂgui-aogu tsî ǂgomdi ǂgaeǂgui-aogu ge gere dītsâ dīkākāsisa. ǀNî khoen ge Elobmîsa gere ǁkhauba. ǁÎn ûiban ge tsūb ǃnâ gere mâi xawe. Jehovab ge ge ǁkhaehe tama hâ i, sida ǀkha Elobmîs ǃnâ-ū ǃhoasa. Elobmîs ge ra mî: “Xawe mîs sada Elob dis ge nîra hâhâ ǀamosib kōse.”​—Jesajab 40:8.

ǃGAMSE ÔAǃN RE

4. Elobmîs ge ra ǁgau, ham-i ǂâides ǃkhōǂgā hâsa

VIDIOBA ǀhuru re. Tsî khomai re 2 Timoteub 3:​16 sa. Tsî ǃnāka hâ dîde ǃhoaǃgao re:

VIDIOB: Elobmîsa ham-e xu hâ?​—ǃnubuǃnubusa ǃâb (2:48)

• Khoegu ga Elobmîsa a xoa o, o tae-i ǃaromas Elobmîs ti ra ǂgaihe?

• ǂGom i du ra, Elob ge khoega sîsen-ūsa ǁîb ǂâide xoasa?

5. Elobmîs ge dīkākāhesa ge mâǃkharu

VIDIOB: ǁÎn ge Elobmîsa gere ǃgôaǃgâ​—ǃnubuǃnubusa ǃâb (William Tyndale) (6:17)

• Nēsi du go mû o, Elobmîs gere ǁkhaubahe ǀgausa, tae-i ǃaroma du ǁîsa ra khomai ǂgao? Tsî tae i xa?

Khomai re Psalmdi 119:​97 sa. Tsî ǃnāka hâ dîsa ǃhoaǃgao re:

• ǂGui khoena tae-i xa gere ǂkhâǃnâhe, ǁîn ûiga tsūb ǃnâ mâi tsî Elobmîsa ǂnûiǃkhuni tsî māǂuis ǃaroma?

6. Elobmîs ge ǂkhanisa hoa khoen ǃaroma

Elobmîs ge ǃnāsase ǂnûiǃkhunisa ǂkhanisa. Tsî ǃnāsase a māǂuisa. Khomai re ǃNaeǃkhaidi 10:​34, 35 sa. Tsî ǃnāka hâ dîra ǃhoaǃgao re:

• Eloba tae-i ǃaroma ra ǂhâba, îs Elobmîsa ǃnāsase ǂnûiǃkhunihe tsî māǂuihe?

• Tae-e Elobmîs xa ra mâǂoaba du?

ǃKHŌǀHAOS

Elobmîs ge Eloba xu ra hā mîde ūhâ. Tsî ǁîb ge ge īǁkhā kai, în hoa khoena Elobmîsa ūhâ.

ǁKhāǁkhāsen du go xūna ǂâiǃgâs

• Eloba mati khoega ge sîsen-ū, îgu Elobmîsa xoa tsî nēsa tae-e ra ǂâibasen?

• Mati du ra tsâ Elobmîs ǂnûiǃkhunihe, māǂuihe tsî nētsēs kōses sâu-e hâs xa?

• Mati du ra tsâ, Elob ge ǁguiǂgāsen tsî Elobmîs ǃnâ-ū sadu ǀkha ra ǃhoasa?

ÔAǃNÂ

ǃKharu ge ǁaeb ǃnâ ge Elobmîs ǃnâ a ī xūna khomai re. ǀOrokamǁaeb Elobmîsa xu, nētsē da ūhâ mîs kōse.

“Elobmîs ge sada ǃoa a hā ǀgaub“ (ǂKhaikari hâb, Novemberi 2007)

Khomai re, Elobmîs ge mati ǃnona dīkākāde a mâǃkharu ǀgausa.

“Elobmîs ge mâǃkharu ǀgaus” (ǃKhē xu ǂgō-ommi No. 4 2016)

Kō re, matin ge ǀnî khoena tsūb ǃnâ a mâisensa. Elobmîsa ǂnûiǃkhunis ǃaroma.

ǁÎn ge Elobmîsa gere ǃgôaǃgâ (14:26)

Elobmîs ge ǂgui ǃnāde ǂnûiǃkhunisa. Tae-i ǃaroma du a ǂgom ǁkhā, Elobmîs ǀkharaǀkharahe tamasa?

“Elobmîsa ǀkharaǀkharahes ge?” (Internets ai hâ ǁkhāǁkhādi)