37ǁÎ ǁKHĀǁKHĀS
Elobmîs ra sîsen-i tsî mari-i xa mî xū-i
Mari-i tsî sîsen-i xa du ra ǂâiǂhasen? ǃGom ǁkhā i ge a sadu ǂhâsiga kōǃgâ. Tsî ǁkhā ǁaeb ai, Jehovaba ǃoabasa. Elobmîs ge hui du ǁkhā a daoǁgaude ra mā.
1. Elobmîsa tae-e ra mî sîsen-i xa?
Elob ge ra ǂhâba, î du sadu sîsen-i xa ǃgâibahe. Elobmîs ge ra mî, “Khoeba kha ǃgâiba bi tama i hâ, ǂû tsîb nî ā ǃkhaisa, tsî ǀoms âb nî ǃgâiba ǂû ǃkhaisa xūreb âb ǃnâ.” (Aoǁnâ-aob 2:24) Jehovab ge ǃgarise ra sîsen. Sadu ga ǁîba ǁgae o, ǃgarise sîsens ǃnâ. O du ge, ǁîba ra ǂkhîǂkhî. Tsî du ge sadu tsîna ǃgâise nî tsâ.
Sîsen-i ge a ǂhâǂhâsa. Xawe du ge tā nî mâ-am, î-i sadu sîsen-e. Jehovab di ǃoabas xa ǂhâǂhâsa. (Johaneb 6:27) ǁÎb ge ra mîmâiba du. ǁÎb di ǃoabasa du ga ǂgurose sadu ûib ǃnâ mâi o. Ob ge sadu ǂhâsiga nî kōǃgâ.
2. Mâba a ǀnōsa ǂâiǀgau mari-i xa?
Elobmîs ge ra ǂanǃgâ. ‘Mari-i sommi khami ī’ ǃkhaisa. Tamas ka io ra ǁkhauba dusa. Tsîs ge Elobmîsa ra ǃkhaikhom du. Mari-i ǀgui-i sida ǂkhîǂkhî tidesa. (Aoǁnâ-aob 7:12) ǁNā-amaga du ge ra ǂkhâǃnâhe, î du tā mari-e ǀnam. Xawe du ge ‘ū du hân ǀkha nî ǂâu.’ (Khomai re Hebreǁîn 13:5 sa.) Ū du hân ǀkha du ga ǂkhî o. O du ge ǂâiǂhansen tide tsî ǂgui xūna ǂhâba tide. Tā ǂanapega surudega dī re. (ǂKhoamîdi 22:7) Tsî dopolsa xus tsîna ǂgōsen re. Tsî du ge ǃhaese ra ǃkhū kai di ra mîhe khoen xa, xūna xu nî ǂgōsen. Hîna sado ra ǀhôagao ǂgaona.
3. Mati du a auxa ǁkhā, sadu di mari-i ǀkha?
Jehovab ge māxa Eloba. Tamas ka io auxa Eloba. Tsî du ge ǁîba ra ǁgae sadu ga “māǂgaoxa.” Tsî khoen ǀkha ū du hâ xūna ǀgoragu o. (1 Timoteub 6:18) Māxa ǂgao ǁkhā du ge a, sadu di mari-i ǀkha. ǀHaohâba du ga ǂkhâǃnâ. Tsî du ga ǂhâsib ǃnâ hâ khoena hui o. ǃGōsase, sadu ǀkha ǀguiba ra ǃoabana. Jehovab ge matikōse du ra mās ai kō tama hâ. Xawe ǃaromas māba du ras ai ra kō. Māsenxase du ga ǂgaob ǃgamsiba xu mā o. O du ge sadu nî ǂkhî. Tsî du ge Jehovab tsîna ra ǂkhîǂkhî.—Khomai re ǃNaeǃkhaidi 20:35 sa.
ǃGAMSE ÔAǃNÂ RE
Mû re, mati du ǃgâiba nî hōsa. ǀNōsa mûǂuiba du ga sîsen-i xa ūhâ o. Tsî ū du hân ǀkha ǂâu o.
4. Jehovaba ǃgôasiba ǁgau re. Sîsen du ra ǀgaub ǃnâ-ū
Jehovab ǀkha du ūhâ ǀhōsagusis ge. Sîsen-i ǃoagu du ra tsâ ǀgauba ra ǁgauǂui. VIDIOBA ǀhuru re. Tsî sao ra dîra ǃhoaǃgao re.
Nē vidiob ǃnâ tae-e ra mâǂoaba du. Jasoni ti ǂâiǀgaub tsî tanisen ǀgaub xa ǁîb di sîsen-i ǃoagu?
Tae-eb ge dī ǀnōsa mûǂuiba ūhâsa sîsen-i xa?
Khomai re Koloseǁîn 3:23, 24 sa. Tsî sao ra dîsa ǃhoaǃgao re:
Sadu mûǂuiba sîsen-i ǃoagu, tae-i ǃaroma a ǂhâǂhâsa?
Sîsen-i ge a ǂhâǂhâsa. Xawe du ge tā nî mā-am. Î i sîsen-e Jehovaba ǃoabas xa ǂhâǂhâsa
5. Ū du hân ǀkha du ga ǂkhî o, o du ge ǃgâise nî tsâ
ǃNāsa khoen ge ǂgui mari-e ra ǀhaoǀhaobasen. Xawes ge Elobmîsa ǀnî hâ daoǁgausa ra mā. Khomai re 1 Timoteub 6:6-8 sa. Tsî sao ra dîsa ǃhoaǃgao re:
Elobmîsa tae-e du nî dīsa ra ǂkhâǃnâ du?
ǀOro xūrona du ga ūhâ, xawe du ge a ǂkhî ǁkhā. VIDIOBA ǀhuru re. Tsî sao ra dîsa ǃhoaǃgao re.
ǀOro mariro-en ūhâ, xawe taena, nē omaride ra ǂkhîǂkhî?
Ū du hâ, hîna du ga ǃnāsana ǂhâba os? Jesub ge aiǁgau-e mās ǃnâ-ū ǁkhōǁkhōsasiba ge ǁguiǃāba da. Khomai re Lukab 12:15-21 sa. Tsî sao ra dîsa ǃhoaǃgao re:
Tae-e du go ǁkhāǁkhāsen Jesub di aiǁgausa xu?—15ǁÎ ǁaraǃāsa khomai re.
Khomai tsî ǀgōpeǀnō re, ǂKhoamîdi 10:22 tsî 1 Timoteub 6:10 sa. Tsî sao ra dîde ǃhoaǃgao re:
Mati du ra ǂâi, mâ-e a ǂhâǂhâsa? Jehovab ǀkha ǀhōsagusisa ūhâsa? Tamas ka io ǂgui mari-e ūhâsa? Tsî tae-i ǃaroma?
Mari-i ǀgui-e ôasa tae ǃgomsina a ǃaroma ǁkhā?
6. Jehovab ge sadu ǂhâsiga nî kōǃgâ
Sîsen-i tsî mari ǃgomsigu ge. Sadu ǂgomsa a ǃâitsâ ǁkhā. VIDIOBA ǀhuru re. Tsî mû re, mati du ǁnā ǃâitsâga a sîsenǂam ǁkhāsa. Tsî sao ra dîra ǃhoaǃgao re.
Nē vidiob ǃnâb go ǃgâsaba mâ ǃgomsina hōǃâ?
Tae-eb nē ǃgâsaba dī, îb nē ǃgomsiga sîsenǂam?
Khomai re Mateub 6:25-34 sa. Tsî sao ra dîsa ǃhoaǃgao re:
Jehovaba ǁnān hîna ǁîba ǂgurose ra mâina tae-e ra mîmâiba?
MATI DU NÎ ǃEREAM KHOE-I GA MÎ O: “Tita ge ǃgarise nî sîsen, î ta ti omarisa kōǃgâ. Tsî ta ge ǀhaohâb ǀhaode mâ wekheb hoaba a hâǃnâ ǁoa.”
Mâ xoasa ǂgomǃgâsiba ra mā du. Jehovab di ǃoabasa ǂgurose, sadu ûib ǃnâ mâis a ǃgâi mîǁguisa?
ǃKHŌǀHAOS
Sîsen-i tsî mari-i tsîn ge a ǂhâǂhâsa. Xawe i ge tā Jehovab ǃoabasa xu nî ǂgaeǁnâ du.
ǁKhāǁkhāsen du go xūna ǂâiǃgâs
Tae-e a hui du ǁkhā, î du ǀnōsa mûǂuiba ūhâ sîsen-i xa?
Ū du hâ xūn ǀkha ǂkhîsa, mati ǃgâiba a mā du ǁkhâ?
Mati du a ǁgau ǁkhā, Jehovab di mîmâisa du ra ǂgomǃgâsa ǁîb, ǁîb di lkhoena nî kōǃgâsa?
ÔAǃNÂ
Ôaǃnâ re, Elobmîs mari-i a ǁgai di ra mîsa.
‘Mari-e hoa ǁgai xūn di ǃaroma?’ (Internets ai hâ ǁkhāǁkhādi)
ǁKhāǁkhāsen re, mati du sadu mari-e sîsenū. Tsî Eloba nî ǂkhîǂkhî ǀgausa.
Dobolsa ǂhanu-e?
Mû re, tae-i ge ǀgui khoeba huisa. Îb dobol ǀû tsî ǃnari ǀû.
“Hāgu ǃkhoeǀhûgus ai dobolsa ta ge ge ǀnam i” (ǃKhē xu ǂgō-ommi, Novemberi 1, 2011)