Sadu ǀhaohâba ǂkhâǃnâ re

ǃHūbaib ǂhawasen ge ǂgui khoena. Jehovaba ra ǃoaba, ǂgui ǀhaohâgu ǃnâ. Tsî ǁnāsan ge ǂkhîb ǀkha ra dī. ǁÎn ge kaise ra gangan. ǀApemādi tsî daoǁgaudi hîna da ra māhen ǃaroma. Tsî ǁîn ge ǁîn ǀhaohâga ǂgui ǀgaugu ǃnâ ra ǂkhâǃnâ. Sadu tsîna sadu ǀhaohâb xa di ra tsâ?

1. Mâ ǀgaub ǃnâ du sadu ǁaeb tsî ǀgaib tsîna a sîsenū ǁkhā. Tsî sadu ǀhaohâba a ǂkhâǃnâ ǁkhā?

Hoa da ge ǀhaohâb ǃnâ a hui ǁkhā. Aiǁgause, ǀnî ǃgâsana kaira hâ? Tamas ka io a ǃhora sadu ǀhaohâb ǃnâ? ǁÎna hui ǁkhā du a, în ǀhaode ǃoa ī? Tamas ka io du ǁîna ǂûna sī ǁamaba ǁkhā? Tsî ǁîn omdi tsîna ǃanuba ǁkhā? (Khomai re Jakobub 1:​27 sa.) Māsenxases tsîna da ge a hui ǁkhā. Î da ǀhaode da ra ūhâ ǃnâ ǃkhaiba ǃanu tsî kōǃgâ. Khoe-i ge ǁgari da tama hâ, ǁnā xūna dīsa. Elob tsî sida ǃgâsan tsîna da ūba hâ ǀnammi ge ra ǁgarida. ‘Î da māsenxase’ ǁnāsa dī.​—Psalmdi 110:3.

ǁĀǁnâsa ǃgâsan hoan ge ǀhaohâba ǀkhara ǀgaugu ǃnâs tsîna a ǂkhâǃnâ ǁkhā. Gagasise a ǀgaisa ǃgâsagu ge. ǀHaohâb hui-aogu ase ra ǁgaumâihe. Tamas ka io ǀhaohâb ǃûi-aogu ase. Xawe hoa ǃgâsan ge aoǁnâ sîsen-e a ǂkhâǃnâ ǁkhā. Tamas ka io aimâba-aoses tsîna a sîsen ǁkhā. ǀNî ǃgâsan ge ǃoaba ǃkhâiga oms ǀkha a hui ǁkhā. Tsî ǀnîn ge aoǁnâ-aon ǂhâsaba ra doe. În sī ǀhaohâga hui.

2. Mati da ū da hâ xūn tsî sida mari-i ǀkha ǀhaohâba nî ǂkhâǃnâ?

‘Jehovaba ǀkhae’ re ū da hâ xūn ǀkha. (ǂKhoamîdi 3:9) Kai aiǂhanub ase da ge ra ū. Mari-e da ga boksis ǃnâ aoǂgā o. Tsî ǁnās ǃnâ-ū da ge ǃhūbaib ǂhawase ra dīhe sîsenga ra ǂkhâǃnâ. (Khomai re 2 Korinteǁîn 9:7 sa.) Ao da ra marin ǃnâ-ūs tsîna da ge. Sida ǃgâsan hîna ǂhâsib ǃnâ hâna ra hui. ǂGui ǃgâsan ge ‘xū-e ra ǁguibē’ în ǀhaohâba marisise ǂkhâǃnâ ǁkhā. (Khomai re 1 Korinteǁîn 16:2 sa.) Sida ǀhû-ommi ǃnâ hâ boksidi ǃnâ da ge mari-e a aoǂgā ǁkhā. Tamas ka io da ge ǁnāsa internets ǃnâ-ū a dī ǁkhā. Donate.jw.org di hâ ǃâb ǃnāka. Jehovab ge hoa da ǃēsa ra mā. Î da ǁgau ǁîba da a ǀnam ǃkhaisa. Sida ūhâ xūna da ra sîsenū ǀgaub ǃnâ.

ǃGAMSE ÔAǃN RE

3. Ū da hâ xūna da ge a sîsenū ǁkhā

Jehovab tsî Jesub tsîn ge ǃgâiaǂgaoxase ra mā khoena a ǀnam. Aiǁgause, Jesub ge ǀgâsa ǃoataras hîna ge. ǁÎs di ǀuniga marisa tempeli ǃnâ aoǂgāsa ge a koa. Khomai re Lukab 21:​1-4 sa. Tsî sao ra dîra ǃhoaǃgao re:

• ǂGui mari-e da nî ao, î da Jehovaba ǂkhîǂkhî?

• Jehovab tsî Jesub tsîna mati ra tsâ marina da ga ao o?

Ao-e ra marin, mati ra sîsenūhe ǀgaub xa ǁkhāǁkhāsen re. VIDIOBA ǀhuru re. Tsî sao ra dîsa ǃhoaǃgao re.

VIDIOB: ‘ǀKhaeb ǃomma Jehovaba ǀoaǀoabas’ (4:47)

• Aohe ra marina, mati ǃhūbaib ǂhawase hâ ǀhaohâgu ǃnâ ra sîsenūhe?

4. Māsenxase du ge a hui ǁkhā

Elobmîs di ǁaegu ǃnân ge. Jehovab di ǃoaba-aona ôasase gere sîsen. Tsî ǁîn di ǃoaba ǃkhaiga gere kōǃgâ. Xawe ǁnās ge mari-i ǀgui-e aosa ge ǃkhōǂgā tama hâ i. Khomai re 2 Kroniks 34:​9-11 sa. Tsî sao ra dîsa ǃhoaǃgao re:

• Israelǁaesa mati ǁîn di ǃoaba ǃkhaiga gere kōǃgâ?

Kō re, matin Jehovab di ǃoaba-aona ǃkharu ge ǁaeb di khoen aiǁgaude ra sao ǀgausa. VIDIOBA ǀhuru re. Tsî sao ra dîra ǃhoaǃgao re.

VIDIOB: Sada ǃoaba ǃkhaiga kōǃgâs (3:31)

• Tae-i ǃaroma i a ǂhâǂhâsa sida di ǃoaba ǃkhaiga ǃanuse ūhâ tsî kōǃgâsa?

• Mâ ǀgaugu ǃnâ da a hui ǁkhā?

5. ǃGâsagu ge nî māsenxa, îgu kaise ǀhaohâb ǃnâ sîsenūhe

Elobmîs ge ǃgâsaga ra ǂkhâǃnâ. Îgu māsenxasib ǀkha aiǃgû tsî ǀhaohâba ǂkhâǃnâ. Aiǁgau-e mûs ǃaroma. VIDIOBA ǀhuru re. Tsî sao ra dîsa ǃhoaǃgao re.

VIDIOB: ǃGâsago ǃgarise sîsen re (5:19)

• Vidiob ǃnâ Ryana tae-e ge dī ǀoasase ǀhaohâb ǃnâ huis ǃaroma?

Elobmîs ge ra ǁguiǃā ǃgâsagu tae-e nî dīsa. Îgu ǀhaohâb hui-ao tamas ka io ǀhaohâb ǃûi-ao kai. Khomai re 1 Timoteub 3:​1-13 sa. Tsî sao ra dîra ǃhoaǃgao re:

• Tae ǂgaoǀkhāde hâ ǀhaohâb hui-aogu tsî ǀhaohâb ǃûi-aogu ǃaroma?

• ǁÎgu omaride tae-e ra ǂgaoǀkhā-e?—Khomai re 4ǁî tsî 11ǁî ǁaraǃāra.

• Nē ǃgâsagu ga nē ǂgaoǀkhāde sīǃnâ o. O tae-en ǀhaohâb ǃnâ hâna a hōǁkhā?

ǃKHŌǀHAOS

Jehovab ge ra ǃgôaǃgâ sîda ǁaeb, ū da hâ xūn. Tsî ǀgaib tsîna da ga sîsenū o ǀhaohâba ǂkhâǃnâs ǃaroma.

ǁKhāǁkhāsen du go xūna ǂâiǃgâs

• Mati da sida ǁaeb tsî ǀgaib tsîna nî sîsenū ǀhaohâba ǂkhâǃnâs ǃaroma?

• Mati da sida ūhâ xūna nî sîsenū, î da ǀhaohâba ǂkhâǃnâ?

• Mâ ǀgaugu ǃnâ da ǀhaohâba ra ǂkhâǃnâ ǂgao?

ÔAǃNÂ

ǂÂiǃgâ re, tae-i ǃaromab Eloba ǂgaoǀkhā tama hâsa. În ǁîb ǃoaba-aona tiente de [disiǁîn] mā.

“Elobmîsa tae-e tiente di xa ra mî?” (Internets ai hâ ǁkhāǁkhādi)

ǁKhāǁkhāsen re, ǀhaohâb ǃnâ ǃnāsa-e dīs tae ra ǂâibasensa.

“Māsenxa du a, huis ǃaroma?” (ǃKhē xu ǂgō-ommi, Septemberi 15, 2014)

Kō re, ǁkhoaǂgaoxa ǃgâsagu. Hîna ǂkhanina ǃgâsan ǃoa ra ī ū ga.

Elobmîs ai ǃgaoǃgaosa ǂkhanina Congob ǃnâ māǂuis (4:​25)

Khomai re, sida sîsen i, mati marisise ra ǂkhâǃnâhe ǀgausa. Tsî nē marisi ǂkhâǃnâsa mati nau kerkhegu. Marisi ǂkhâǃnâsa xu ra ǀkhara ǀgausa.

“Jehovab di ǀHûǀguitimî-aon di sîsenga mati marisise ra ǂkhâǃnâhe?” (Internets ai hâ ǁkhāǁkhādi)