Mati du Jehovaba ǃhoa du ra xūn ǀkha a ǂkhîǂkhî ǁkhā?

Jehovab ge kuru da o. Ob ge ǃgâi ǀkhaeba ge mā da. ǃHoas di ǁkhāsiba. Jehovaba nē ǀkhaeba da ra sîsenū ǀgaub ǃnâ, ǃgâiǃgâibasensa ūhâ? Îo, Jehovab ge ǃgâiǃgâibasensa ǁnās ǃnâ ūhâ. (Khomai re Jakobub 1:​26 sa.) Mati da sada di ǃhoas ǀkhaeba ǃgâi ǀgaub ǃnâ a sîsenū ǁkhā. Hîna Jehovaba ra ǂkhîǂkhîba?

1. Mati da Jehovab ǀkhaeb ǃhoas diba ǃgâi ǀgaub ǃnâ a sîsenū ǁkhā?

Elobmîs ge ra mî: ‘ǁNā-amaga ǂkhâǃnâgu re, î-i nē-e nau-e omkhâi.’ (1 Tesalonikaǁîn 5:​11) Khoen hîna ǂkhâǃnâsa ǂhâ hân xa du a ǂâi ǁkhā? Tae-e du a dī ǁkhā, î du ǃgâise tsâ kai nî? ǂAn kai nî re tsâba nî du ra ǃkhaisa. ǀNîsi du ge a mîba nî ǁkhā. Tae-e du, ǁî-i xa ra ǃgôaǃgâ ǃkhaisa. Sadu a ǂan khoe-e a ǂkhâǃnâ ǁkhā, xoa-i xa du a ǂâi ǁkhā? ǂGui xoadi ge hâ, hîna du a ǁhûi xu ǁkhāde. ǂÂis ǃnâ ūhâ re, xū-e du ra mî ǀgaub tsîn ge khoe-e a tsâǀkhā ǁkhā. ǁNā-amaga hoaǁae tsaura tsî ǃgâi ǀgaub ǃnâ ǃhoa re.​—ǂKhoamîdi 15:1.

2. Mâ ǃhoa ǀgauna xu du nî ǂgōsen?

Elobmîs ge ra mî: “Î du ǀurisa mî-i xare-e sadu amsa xu tā ǂoa kai.” (Khomai re Efeseǁîn 4:​29 sa.) Nēs ge ra ǂâibasen. Tsū mî i tamas ka io ǁgai mî i hîna. Nau khoe-i tsâsiga a tsûtsû ǁkhāna du mî tidesa. Nau khoena ǀhoe tsî ǁgai xūna mîsa xu du ge nî ǂgōsen.​—Khomai re ǂKhoamîdi 16:​28 sa.

3. Tae-e nî hui du omkhâi ra ǀgaub ǃnâ ǃhoas ǀkha?

ǃHoa du ra xūn ge. Tae-i sada ǂgaob tsî ǂâis ǃnâ hâ ǃkhaisa ra ǁgau. (Lukab 6:​45) ǁNā-amaga du ge nî dītsâ. Hoaǁae omkhâi ra xūn xa ǃhoasa. ǂHanu-ain hoan tsî ǃanun hoan tsî ǀnamǀnamsan hoan xa. (Filipeǁîn 4:8) Nēti i ǀgaub ǃnâ du ga ǃhoa ǂgao o. O du ge ǁkhoaxa ǁaeb hîna du ra ūhâb. Tsî sadu ǀhōsan tsîna ǃgâise nî ǁhûi. (ǂKhoamîdi 13:​20) Nēs ge nî hui du, ǃhoa du nîs aiǃâ ǂâisa. Sadu mîdi nau khoena nî tsâǀkhā ǀgaus xa ǂâi re. Elobmîs ge ra mî: “ǀGuib ge hâ, mîdi ǀkha ǂâioǃnâse gôab ra ǃkhā khami ra ǀkhība, xawe nams gā-aigu dis ge a soǀôa.”​—ǂKhoamîdi 12:​18.

ǃGAMSE ÔAǃN RE

4. ǂÂi re, ǃhoa du nîs aisi

Hoa da ge ǁaen ai ǃhausen kai da ra xūna ra mî. (Jakobub 3:2) Khomai re Galateǁîn 5:​22, 23 sa. Tsî sao ra dîsa ǃhoaǃgao re:

• Nē ǀgaugu ǃnâ mâ ǀgauga du nî ǀgoreba. Hîna sadu ǃhoas ǀgaub ǀkha nî hui duba? Nē ǀgauga mati a hui du ǁkhā?

Khomai re 1 Korinteǁîn 15:​33 sa. Tsî sao ra dîsa ǃhoaǃgao re:

• Sadu di ǀhōsa-i tsî ǁkhoaxa ǁaeb hîna du ra ūhâb tsîna. Mati sadu di ǃhoa ǀgauba a tsâǀkhā ǁkhā?

Khomai re Aoǁnâ-aob 3:​1, 7 sa. Tsî sao ra dîsa ǃhoaǃgao re:

• Mâǁae i nî ǃgâi ǃnōsa, tamas ka io ǂhanu ǁaeba ǁhûisa ǃhoas ǃaroma?

5. ǃGâi xūna nau khoen xa ǃhoa re

VIDIOB: “Omkhâi ra mîna” nau khoen ǀkha ǃhoa re (4:07)

• Vidiob ǃnâ, ǃgâsaba tae-i ǃaroma nau khoen xab ra ǃhoa ǀgauba ra ǀkharaǀkhara ǂgao?

• Tae-eb ge dī, nēsa ǀkharaǀkharas ǃaroma?

Khomai re Aoǁnâ-aob 7:​16 sa. Tsî sao ra dîsa ǃhoaǃgao re:

• Tae-e du ǂâis ǃnâ nî ūhâ. Nau khoe-i xa du ga ǃgâi tamase ǃhoa ǂgao o?

Khomai re Aoǁnâ-aob 7:​21, 22 sa. Tsî sao ra dîsa ǃhoaǃgao re:

• Nē ǁaraǃāra mati a hui du ǁkhā. Î du tā ǁaixa khoe-i ga sadu xa ǃgâi tamase ǃhoa o?

6. Tsaura ǀgaub ǃnâ ǃhoa re, sadu omaris ǁanin ǀkha

VIDIOB: ǀNammi tsî ǃgôasib tsîn ge omaride ra ǀguiǃnâxa kai (3:08)

• Tae-e nî hui du, î du tsaura ǀgaub ǃnâ sadu omaris ǁanin ǀkha ǃhoa?

Khomai re Efeseǁîn 4:​31, 32 sa. Tsî sao ra dîsa ǃhoaǃgao re:

• Mati du ǁnān hîna sadu omaris ǃnâ hân ǀkha nî ǃhoa. Î da ǃgâise tsâ kai nî?

Jehovab ge ǁîb ôab, Jesub xab gere tsâ ǀgauba ge mî. Khomai re Mateub 17:5 sa. Tsî sao ra dîsa ǃhoaǃgao re:

• Mati du Jehovaba a ǁgae ǁkhā. Sadu omaris khoen ǀkha du ra ǃhoa ǀgaub ǃnâ?

ǃKHŌǀHAOS

Mîdi ge ǀgaiba ūhâ. ǂÂiǃgâ du ge nî tae-e du ra mîs, mâǁae du ra mîs tsî mati du ra mîsa.

ǁKhāǁkhāsen du go xūna ǂâiǃgâs

• Mâ ǀgaugu ǃnâ du sadu ǃhoas ǁkhāsiba a sîsenū ǁkhā. Nau khoena huis ǃnâ?

• Mâ ǃhoa ǀgauna xu du ra ǂgōsen ǂgao?

• Tae-e nî hui du î du hoaǁae tsaura. Tsî omkhâi ra ǀgaub ǃnâ ǃhoa?

ÔAǃNÂ

Tae-e nî hui du, î du nau khoena ra ǂkhâǃnâ ǀgaub ǃnâ ǃhoa?

Gā-ai ǃhoaǀgauba ǁkhāǁkhāsen re (8:​04)

ǁKhāǁkhāsen re, tae-i a hui du ǁkhāsa. Î du ǃgâi tama ǃhoa ǀgauga xu hâbē.

“Mî ǁgaiǁgaisa ǁnātikōse a tsū?” (Internets ai hâ ǁkhāǁkhādi)

Khomai re, mati du a ǂgōsen ǁkhā ǀgausa. Î du tā ǀhoes ǁnaetib ǃnâ ǁnâ.

ǀHoeba ta mati a ǀû ǁkhā? (2:​36)

ǂAnǂui re, matib ge Jehovaba ǀgoes di ǃgomsiba ge ūhâ i khoeba. A hui ǀgausa îb ǀgoe ǀû.

“Ti ûib xa i mati sī nî hāsa ta ge ge ǂâi tsoatsoa” (ǃKhē xu ǂgō-ommi, Augustub 1, 2013)