Jehovaba da tae-e a mā ǁkhā?

JESUB ge ge mî: “Mās ge ūs ǃgâ-ai a ǃgâi.” (ǃNǃkh. 20:35) Nēs ge sida ǀhōsagusis Jehovab ǀkha da ūhâsa ǃoa ra ǁnaeǁgau. Tae-i ǃaroma? Jehovaba xu da ge ǂgui ǀkhaega ge hō hîna ra ǃgâiaǂgao kai da ga, xawe da ge kai ǃgâiaǂgaoba Jehovaba xū-e mās ǃnâ-ū ra hō. Tae-e da Jehovaba a mā ǁkhā? ǂKhoamîdi 3:9 ge ra mî: “ǃKhūba ǀkhae sa xūn xa.” Sida ‘xūn’ ge ǁaeb, ǁkhāsigu, ǀgaib tsî ū da hâ xūn tsîna ǃkhōǂgā hâ. Nē xūna da ga ama ǃoabas ǃnâ ga ra sîsen-ū o, o da ge Jehovaba xū-e ra mā tsîs ge nēsa kai ǂkhîba ra mā da.

Ū da hâ xūn tawa î ga ra hā o, o î tae-e nî hui da Jehovaba da ra mā ǀkhaeba tā kō ǃkharusa? Apostel Paulub ge Korinteǁîna ge mîba î-i mâ-i hoa-e “xū-e ǁî-i tawa ǁguibē” mās ase. (1Kor. 16:2) Tae-e du nî dī huiba du ga ra ǂgao o māsenxa māsa dīs ǃgao sadu hâ ǂharis ǃnâ? ǃNāga hâ boksisa mû re.

Internets ǃnâ-ū ra dī-e mādi ge hoa ǃhūgu ǃnâ dīhe tama hâ. Xawe î ge mati i māsenxa māde a dīhe ǁkhā ǀgauba mādi ǂhaweb ai a hō-e ǁkhā. ǀNî ǃhūgu ǃnâ î ge Frequently Asked Questions di hâ ǃâba jw.orgs ǂhaweb ai hâ, nēs ge khoen māsenxa mās xa ūhâ dîde ra ǃeream.