Tsūkeǃgâb khaoǃgâ du a hui ǁkhā ǀgaub

ǃHūbaib xa ra ǃaromahe tsūkeǃgâgu ge nētsēdi ǃnâ kaise ra ǂgui. Tsūkeǃgâb ga hâ, on khoena nî māhe huib ge ǃamkuse nî aiǂhomihe. Tsîn ge khoena ǃgâise nî sîsenǀhao. ǁNā-amagas ge ǂgaeǂguira sorosa tsūkeǃgâb ǁaeb ǃnâ ra hui departmentsa, mâ ǁnâub beros hoas tawa ge ǂnûiǂgā.

Nē ǃgâsagu ge tsūkeǃgâ-i xa gu ga ǁnâu o. ǃKhaese ǁnā ǃkhaib ai hâ ǀhaohâb ǃûi-aogu ǀkha ra ǃhoa, î gu ǂanǂui ǃgâsan tae-e ǂhâhâsa. ǁNāpa hâ ǃgâsan aitsama hî-ūnu hō tide ǂkhôab ga hâ o, os ge ǁnâub berosa ǃgâsaga nî ǁgaumâi î gu ǃgâsana huis di sîsen-e ǃkhōdana. Nē ǃgâsagu ge māsenxase nî hui khoen tamas ka io māsenxase nî māhe xūn hîna ǂhâhe hân tsîna nî ǂgan. Tamas ka io gu ge ǁnā ǃkhaib ai ǂhâhe hâ xūna ǁama tsî ǃgâsan ǃnâ nî ǀgoraǂui.

Nē ǀgaub ǃnâ xūna dīs ge a ǃgâi. ǂKhawasa tama sîsen-e i ge ra ǁaraǂui. Tsîb ge ǀhomaxasiba hâ tama. Tsîn ge marin tsî ǂhâhe hâ xūna ǃgâi ǀgaub ǃnâ ra sîsenūhe. Mâ ǃgâsa-i hoa-i ga aitsamaba xu ǂgao i ra ǀgaub ǃnâ a hui o, os ge nēsa īǁkhā tide.

ǁNâub beros xa ǁgaumâihe hâ ǃgâsagu ge nî mîǁgui matikō mari-i ǂhâhe hâsa. Tsî matikō māsenxa hui-aon ǂhâhe hâsa nē sîsen-i ǃaroma. ǁÎgu ge ǁnā ǀkharib ǃnâ hâ ǂhanub di khoen ǀkhas tsîna ǂangusa a kuru ǁkhā. Nē khoen ge ǃgâsan nî huihe amaga ra dīhe sîsen-i tsîna a ǃkhae kai ǁkhā. ǁNā-amaga du tā toxoba sadu aiba xu marina ǀhaoǀhao tamas ko io ǂhâhe hâ xūna sî re. Tsî tā tsūkeǃgâb hâ ǃkhaib ai sī re, ǃgâsagu xa du ga ǂganhe tama io.

Xawe da ge noxoba tsūkeǃgâ-i ga hâ o ra hui ǂgao. (Heb. 13:16) Sida ǃgâsana da ge a kaise a ǀnam. Tae-e da a dī ǁkhā? Tsūkeǃgâb xa tsâǀkhāhe hâ ǃgâsan. Tsî hui ra khoen tsîna da ge a hui ǁkhā. ǁNās ǃnâ-ū da ge kaise ǂhâǂhâsa xū-e ra dī. ǃHūbaib ǂhawase ra dīhe sîsen-i ǃaromas tsîna da ge māsenxase mari-i huiba a mā ǁkhā. ǁNâub beros ge ǂgaeǂguira soros xa ra daoǁgauhe. Tsî nî ǂan mâ ǃkhaib ais ǁnā marisa ǃgâi ǀgaub ǃnâ a sîsen-ūhe ǁkhā ǃkhaisa. Tsî aitsama da ga sī tsî a hui ǂgao, o da ge ǁnāsa a ǁgau ǁkhā Local Design/Construction Volunteer Application (DC-50) ǂkhiniba xoaǂgās ǃnâ-ū.

ǃOAXA ǁGAMMI DÂUS BRAZILI ǃNÂ, TI ǀON HÂ VIDIOBA ǀHURU. TSÎ ǁNĀPAXU SAO RA DÎSA ǃEREAM RE:

Jehovab ǃoaba-aon ge 2020ǁî kurib ǁgammi dâus Brazili ǃnâ ge hâ is khaoǃgâ khoena gere hui ǀgaus xa du mati ra tsâ?