Tsūkeǃgâgu ga hâ o, o du khoena ra hui?

Î, Jehovab di ǀHûǀguitimî-aon ge tsūkeǃgâgu ga hâ o. O ra hui. Huiba da ge ǀhûǀguitimî-aon tsî ǀhûǀguitimî-ao tama khoen tsîna ra mā. Galateǁîn 6:10 ǃoagu: “ǃGâiga ǁaeba da ūhâ hîa, a da ǁnâi hoana ǃgâidība, tsî ǃgōsase ǂgoms horesana.” Gagasi tsî Sorosi ǂhâsigu ǃnâs tsîna da ge ra hui. Khoen ǁnā ǁaeb ai ǂhâ hâ xū-e.—2 Korinteǁîn 1:3, 4.

ǀApeǂhumis

Tsūkeǃgāb khaoǃgâgu ge ǁnā ǀhaohâb di ǀhaohâb ǃûi-aoga. ǁNā ǀhaohâdi di ǁanina ra ǁkhami i gu ǁnâu hoa ǃgâsan ǃgâise hâsa. Tsî tae huiban ǂhâ hâ ǃkhaisa. Nēs khaoǃgâgu ge ǀhaohâb ǃui-aoga. Nē ǃnuriba ǁnâub berosa ǃoa ra sî.

Kai huibab ga ǀhaohâba ǂhâ o. Os ǂgaeǂguira soros Jehovab di ǀHûǀguitimî-aon disa ǁnā ǂhâsiba ra kōǃgâ. Nēb ge ǁkhā ǀgaub hînan ǂgurokham ǁaeb. Xristeǁîna gere kōǃgâgu ǀgauba ǃâtsūǀkhab ǁaeb ǃnâ. (1 Korinteǁîn 16:1-4) ǁNâub beros ge tsûkeǃgâb ǀapemāsǃnansa ra ǁgâumâi. Nē ǂhâsiba kōǃgâs ǃaroma. ǀHûǀguitimî-aon hîna ǀnî ǂharidi ǃnâ hân ge. ǁÎn ǁaeb tsî xūn ǀkha nēsa ra ǂkhâǃnâ.—ǂKhoamîdi 17:17.

Māsenxa mādi

ǀGui ǀgaub hînas Jehovab di ǀHûǀguitimî-aon. ǁNâub berosa māsenxa māde ra sîsenū ǀgaub ge. Tsūkeǃgâgu ǃnâ hâ ǃgâsana kōǃgâsa. (ǃNaeǃkhaidi 11:27-30; 2 Korinteǁîn 8:13-15) Nē sîsenni ge matarehe tama khoen xa ra dīhe. ǁNā-amaga i ge māhe ra mari-e ǂhâsib ǃnâ hâ khoen ǃgao ǀgui ra sîsenūhe. Māsenxa māde da ge ǃgâi ǀgaub ǃnâ ra sîsenū.—2 Korinteǁîn 8:20.