Sida mûǂam-aob, Jesuba ǂkhâǃnâ re

1. Jehovab ǂâisa a tae nētsē?

ELOB di ǂâis ge, îs ǃgâiǂhôas Gaosib disa, nētsē ǃhūbaib ǂhabase aoǁnâhe. (Mrk. 13:10; 1Tim. 2:3, 4) Nē i ge Jehovab sîsen-e tsî i ge ǂhâǂhâsa. ǁNā-amagab ge ǁîb ǀnamǀnamsa ǀgôaba ge ǁhûi, îb nē sîsen-e ǂgaeǂgui. ǂGomǃgâ ǁkhā da ge a Jesub di mûǂams ǃnaga i, aoǁnâ sîsen-e nî dīǀoaǀoahesa. Jehovab ǂgao hâse, ǀams nî hās aiǃâ.—Mat. 24:14.

2. Tae-e da nē ǁkhāǁkhāǃâs ǃnâ nî ǃhoaǃgao?

² Nē ǁkhāǁkhāǃâs ǃnâ da ge nî mû, matib Jesuba. ‘ǂGomǂgomsa tsî ǁnâuǃāxa ǃgāba’ ra sîsenūsa, î gu gagasi ǂûna mā da. Tsî ǁîb sao-aona aiǂhomi aoǁnâ sîsenni ǃaroma. (Mat. 24:45) Mû da ge nî tae-e i, mâ khoe-i hoa-e nî dīsa. Î-i Jesub tsî ǂgomǂgomsa ǃgāba ǂkhâǃnâ.

JESUB GE AOǁNÂ SÎSEN-E RA MÛǂAM

3. Jesuba tae-i di ǁkhāsiba ge māhe?

³ Jesub ge aoǁnâ sîsen-e ra mûǂam. Mati da ǁnāsa a ǂan? ǀHomma ǃoab nî īs aiǃâb ge Jesuba. ǁÎb di ǂgomǂgomsa sao-aon ǀkha, ǃhommi ai Galileab ǃnâ ge ǀhao. Tsîb ge ǁîna ge mîba: “Tita ge hoa ǁkhāsiba ǀhommi ǃnâ tsî ǃhūbaib ai māhe hâ.” Tsîb ge sao rase ge mî: “ǃGûǂoa, î hoa ǁaede ǁkhāǁkhāsabedī.” (Mat. 28:18, 19) Nau xūn xōǀkhāb ge Jesuba, aoǁnâ sîsen-e ǂgaeǂguis di ǁkhāsiba ge māhe.

4. Tae-i ǃaroma da ra ǂgomǃgâ, Jesub aoǁnâ sîsen-e ra mûǂamsa?

⁴ Jesub ge ge mî aoǁnâ tsî ǁkhāǁkhāsabedīs, sîsenni ‘hoa ǃhaodi’ ǃnâ nî dīhesa. Tsîb ge ǁîb di sao-aon ǀkha, hoaǁae “ǃhūbaib di ǀunis kōse” nî hâ. (Mat. 28:20) ǁNā mîdi ge ǃgāsase ra ǁgau, aoǁnâ sîsen-i nî aiǃgûsa. Jesub mûǂams ǃnaga sida tsēdi kōse.

5. Mati da ra hui, îs Psalmdi 110:3 sa dīǀoaǀoahe?

⁵ Jesub ge ge ǂâiǂhansen tama hâ i, ǀuniga tsēdi ǃnâ i sîsen-aon ǃnubusiba nî hâsa. ǁÎb ge ge ǂan i saora mîdi, Psalms xoa-aob ge kēbodi nî dīǀoaǀoahesa: “Sa ǁaes ge nî māsenxa, sa ǀgaib di tsēs ai.” (Psa. 110:3) ǃGâiǂhôasa du ga aoǁnâ, o du ge Jesub. Tsî ǂgomǂgomsa ǃgāb tsîna ra ǂkhâǃnâ. Tsî ra hui îs ǁnā kēbosa dīǀoaǀoahe. Sîsen-i ge ra aiǃgû, xawe i ge ǃgomsina hâ.

6. Gaosib aoǁnâ-aona mâ ǃgomsina ra hōǃâ?

⁶ ǀGui ǃgomsib hînan Gaosib aoǁnâ-aona ra hōǃâb ge, mâǃoahesa. Jehovaba ǃoaba tama khoen, kerkhen ǂgaeǂgui-aon. Tsî politiks ǂgaeǂgui-aon ge, ama tama xūna sida sîsenni xa ra mî. Sida omaris ǁanin, ǂan da a khoen tsî sîsenū da ra khoen ga nē ama tama ǂhôan xa ǂgaeǂhapuhe o. On ge a ǁgari da ǁkhā î da, Jehovaba ǃoaba ǀû tsî aoǁnâ ǀû. ǀNî ǃhūgu ǃnâ i ge sida khākhoena, ǃaoǃao da, ǁnāǂam da. Tsî sida ǃgâsana tronkede ǃoa ra sî. Buru tama da ge hâ, nētin ga khoena hâ-ū da o. Jesub ge ge mî: “Ti ǀons ǃaroma du ge hoaraga ǃhūbaib khoen xa nî ǁkhanhe.” (Mat. 24:9) Khoen xa da ǃhuihe hâs ge ra ǁgau, Jehovab mā-amsa da ūhâsa. (Mat. 5:11, 12) ǁGâuab ge nē mâǃoade ra ǂkhâǃnâ. Xawe Jesub ge ǁGâuab xa a ǀgaisa. Jesub di ǂkhâǃnâs ǀkhas ge ǃgâiǂhôasa, hoa khoen ǃoa ra aoǁnâhe. Sao ra aiǁgaudi xa ǂâi re.

7. Mâ ǁgauǁgauna hâ hîna ra ǁgauna, ǂHaiǂhais 14:6, 7 ra dīǀoaǀoahesa?

⁷ ǀNî hâ ǃgomsib hîna da ra hōǃâb ge, khoen ge ǂgui ǃkharagagu gowaga ra ǃhoa. Apostel Johanebab ge mā ǂhaiǂhais ǃnâb ge Jesuba ge mî. Sida di tsēdi ǃnâs ǃgâiǂhoâsa nē ǃgomsina nî mâǃkharusa. (Khomai re ǂHaiǂhais 14:6, 7 sa.) Mâ ǀgaub ǃnâ? ǂGui khoena da ge ǃēsa ra mā, în Gaosib haisi-amsa ǃkhōǃoa. Nētsēn ge khoena ǃhūbaib ǂhabase. Elobmîs ai a ǃgaoǃgaosa ǂkhanina, jw.orgs ai a khomai ǁkhā. 1000 Xa ǃnāsa gowagu ǃnâ i hâ amaga. ǂGaeǂguira soros ge ge mā-am î-i. ǀAmosib kōse ǃgâiaǂgao re di ǀon hâ ǂkhinisa ǂnûiǃkhunihe. Nē ǂkhinis ge ǃnāsa ǁaeba, aoǁnâ sîsenni ǃnâ ra sîsenūhe. Tsî 700 xa ǃnāsa gowagu ǃnâ hâ. Gagasi ǂû i ge vidiogu ǃnâ-ū, ǃgome khoen ǃaroma hâ. Tsî ǂkhinina ǂgī hâ khoen ǃaroma. Elobmîs kēbodi ra dīǀoaǀoahesa da ge ra mû. ǃKharagagu “ǁaedi tsî gowaga xu” hâ khoen ge ra ǁkhāǁkhāsen în “ǀgoreǀî tsî ǀguiǃnâxase ǃoaba.” (Sax. 8:23; Sef. 3:9) Nēn hoan ge ra dīǀoaǀoahe, Jesub Xristub di mûǂams ǃnaga.

8. Mâ ǃgâi xūna da ge sīǃnâ, aoǁnâ sîsenni ǃnâ?

⁸ Nētsē i ge 8 000 000 xa ǃnāsa khoena, 240 ǃhūgu ǃnâ a Jehovab ǀapeǂhumis di ǃâ. Tsî mâ kurib hoaba i ge ǂgui khoena ra ǁāǁnâhe. Nē ǃgôagu hoagu xa ǂhâǂhâsa i ge Xristeǁî ǀgauga. ‘ǀAsa ǂūb’ hînan nē ǁkhāǁkhāsabena ūhâba. (Kol. 3:8-10) ǂGuin ge ǂhumib, ǂkhabadīb, ǀgoras tsî tradisi xūn ǃnâ ge ǁhao ǀû. Nē kēbos hîna, Jesajab 2:4 ǃnâ hâs ge ra dīǀoaǀoahe. Mî ra sa; ǁÎn ge “tātsēs tsîna ǁkhawa ǃkhams ǃaroma ǂhomisen tide.” ǀAsa ǂūba ǂgaeǂgās ai da ǃgarise ra sîsen, hîna da ge khoena ra hui în Jehovab di ǀapeǂhomis dawa ǀgū. Tsî da ge ǁnās ǀkhas tsîna ra ǁgau. Sida di mûǂam-aob Jesub Xristuba da ra saosa. (Jhn. 13:35; 1Pet. 2:12) Tae-i ǃaroman nē xūna ra ī? Jesub ǂhâ da hâ huiba ra mā da amaga.

JESUB GE ǃGĀ-E RA ǁGAUMÂI

9. Mateub 24:45-47 ǃoagub ge Jesuba tae-e mî, ǀams di ǁaeb ǃnâ nî ī-e?

⁹ Khomai re Mateub 24:45-47 sa. Jesub ge ge mî, ǀams di ǁaeb ǃnâb ‘ǂgomǂgomsa tsî ǁnâuǃāxa ǃgāba’ nî ǁgaumâi ǃkhaisa. Î gu gagasi ǂû-e mā ǁkhā. ǁNā-amaga da ge ǃâubasen ǁkhā, nē ǃgāb ǃgarise sida tsēdi ǃnâ nî sîsensa. ǁNās ge nēsis kōse a ama. Jesub ge ǂkhari groeps di ǂkhauhesa ga sîsenū hâ, î gu Elob khoen. Tsî ǃgâiǃgâibasensa ūhâ khoen tsîna “ǁaeb ai” gagasi ǂûna mā. Nē khoegu ge ǀhonkhoegu ase dīsen tama hâ, ǂgomsa ūhâ khoen ǂam ai. (2Kor. 1:24) Xawe gu ge ra ǂanǃgâ Jesu Xristub a “ǂgaeǂgui-ao tsî mîmā-ao” sa, ǁîb khoen ǃoagu.—Jes. 55:4.

10. Mâ ǂkhinin nē ai-īsib ǃnâ hâna ge hui du, î du ǀamosib di daob ai ǃgû?

¹⁰ ǂGomǂgomsa tsî ǁnâuǃāxa ǃgāb ge ǃkharagagu ǂkhinina aiǂhomi hâ, 1919ǁî kuriba xu. Tsîs ge nēsa ǃgâiǃgâibasensa ūhâ ǀasa khoena, aiǂhanuba ra mā în amaba Elobmîsa xū ǁkhāǁkhāsen. 1921ǁÎ kurib ǃnâb ge nē ǃgāba, The Harp of God di ǀon hâ ǂkhinisa ge aiǂhomi. Tsî nēs ge ǃgâiǃgâibasensa ūhâ khoena gere hui în supu Elobmîs ǁkhāǁkhāde ǂan ǁkhā. ǁAeb ra ī khami i ge, ǀnî hâ ǂkhinin tsîna ge dīhe. Mâ ǂkhini-e sado ge hui, î du sida ǀhomsi ǁGûba ǂan tsî ǀnam tsoatsoa? Nēna ge ī “Let God Be True,” The Truth That Leads to Eternal Life, You Can Live Forever in Paradise on Earth, Knowledge That Leads to Everlasting Life, What Does the Bible Really Teach?, Elobmîsa tae-e a ǁkhāǁkhā da ǁkhā? Tamas ka io sida ǀasa ǂkhinisa ge ī “ǀAmosib kōse ǃgâiaǂgao re” sa. Nē ǂkhinin hoan ge ge dīhe, în hui ǁkhāǁkhāsabedīs ǃnâ. Tsî i ge ǁnās ǀkha ǂhâ da ge hâ i xūn di ǃâ.

11. Tae-i ǃaroma î a ǂhâǂhâsa î da, Jehovab tsî Elobmîs xa ǁkhāǁkhāsen?

¹¹ ǀAsase ǃgâiǃgâibasensa ūhâ khoen ǀguin ge Jehovab. Tsî Elobmîs xa ǃgamse ǁkhāǁkhāsen tide. Hoa da ge ǁnāsa nî dī. Xawe apostel Paulub ge ge xoa: “ǀGaisa ǂû-i ge kaikhoen di.” Paulub ge ǀaro tsî ge mî, Elobmîs ǃnâ da ra ǁkhāǁkhāsen xūna da ga sîsen-ū. Os ge ǁnāsa nî hui da, î da “ǃgâin tsî tsūn ǁaegu” ǃkharagagusiba dī. (Heb. 5:14) Kaise i ge a ǃgom ǁkhā Jehovab di ǀgauga nēsi ǁnâuǀnamsa. ǂGui khoen ǃgâi tama xūna ra dī amaga. Xaweb ge Jesuba ra mûǂam, î da ǂhâ da hâ xūna ǁkhāǁkhāsen. Tsî ǁnās ǀkha sida ǂgomsa ǀgaisase ūhâ. Nē ǀapemāde da ge Elobmîsa xu ra hō. ǂGomǂgomsa ǃgāb ge nē ǂûna aiǂhomi. Tsî Jesub daoǁgaus ǃnaga ra ǀgoraǂui.

12. Mati da Jesub khami, Elob ǀonsa ǃgôasiba ra ǁgau?

¹² Jesub khami da ge sida tsîna, Elob di ǀonsa anus hâ koasa mā hâ. (Jhn. 17:6, 26) Aiǁgause 1931ǁî kuri da ge xoadi ǃoagu hâ ǀons, Jehovab ǃoaba-aon, di hâsa ge sîsen-ū tsoatsoa. Tsî da ge ǁnāsa dī, o da ge ge ǁgau. Matikōses Elob di ǀonsa kaise ǂhâǂhâsa sa sida ǃaroma. Tsî da ǁnā ǀons ai ra ǂanhe ǂgaosa. (Jes. 43:10-12) Tsî ǁnā kurib di Oktobera xu i ge nē ǀō-aisa ǀonsa. ǂKhinib di ais ǀkhāb ai ge xoahe tsoatsoa. Tsîs ge ǁnās ǀkhas tsîna New World Translation of the Holy Scriptures sa. Elob di ǀonsa ǂhâbasa î a ǃkhaidi ai ǂgā-oa hâ. Nēs ge kaise a ǀkhara kerkhena xu, hîna Jehovab di ǀonsa ǁîn Elobmîde xu ūǂui hâna.

JESUB GE ǁÎB SAO-AONA RA AIǂHOMI

13. Tae-e ǂgomǃgâsiba ra mā du, Jesub ‘ǂgomǂgomsa tsî ǁnâuǃāxa ǃgāba’ nētsē ra sîsenūsa? (Johaneb 6:68)

¹³ “ǂGomǂgomsa tsî ǁnâuǃāxa ǃgāb” ǃnâ-ūb ge Jesuba. ǂOaǂamsa ǀapeǂhumisa ǃhūbaib ai ūhâ, hîna ǂhanuse ra ǃoabasa. ǁNā ǀapeǂhumis xa du mati ra tsâ? ǁNāsa ǃereams ǃaroma du ge ǀnîsi. Apostel Petrub di mî di hînab ge, Jesub ǃoa a mîdi xa ra ǂâi: ‘Tari-i ǁgā ge nî ǃgû? Sats ǀguits kom mîdi ǀamo ûib dide ūhâo.’ (Jhn. 6:68) Mâba da ga hoada nētsē hâhâ, Jehovab ǀapeǂhumis ǀkha da ga ǀhao tama hâ o. ǁÎs ǃnâ-ūb ge Xristuba ra dī, î da hoa xūna ūhâ. Tsî gagasise ǂû māhe. Mati da aoǁnâ sîsen-e, ǃgâi ǀgaub ǃnâ nî dīs tsînab ge ra ǁkhāǁkhā da. Tsîb ge ra hui da, î da ‘ǀasa khoesi’ ǀgauga ūhâ. Tsî Jehovaba ǂkhîǂkhî.—Efe. 4:24.

14. Coronas ǁaeb ǃnâ du ge Jehovab di ǀapeǂhomisa xu, tae ǃgâiba hō?

¹⁴ Jesub ge ga-ai daoǁgaude, tsūkēǃgân ǁaeb ai ra mā. ǁNā daoǁgausa xu da ǃgâiba ra hō ǀgausa da ge, Coronas tsoatsoas ǃnâ ge mû ǁkhā i. ǂGuin tae-en nî dīsa gere ǂâi, hînab ge Jesuba. ǃGāsa daoǁgaude ge mā da, î da ǃnorasase hâ ǁkhā. ǂKhâǃnâhe da ge ge î da mask na ǂnûi ǃauga da ga ǂoa o. Tsî khoena xu ǃnūse hâ. ǀHaohâb ǃûi-aogu ge ge ǂâiǂâiǃnâhe, î gu ǀhaohâb ǃgâsan hoan ǀkha ǀgūguse hâ. Tsî ǂan tae-en ǂhâhâsa, în ǃnorasa. Tsî ǂuruse hâ, Jehovab ǀgūse. (Jes. 32:1, 2) Daoǁgaudi tsî ǂkhâǃnâ di tsîna da ge, ǂGaeǂguira soros ǀasa ǂhôan ǃnâ-ū gere hō.

15. Mâ daoǁgaude ǀhaode hâǃnâs tsî aoǁnâs xa ge māhe? Tsî mâ ǀamǂoas ǀkha?

¹⁵ Nē Coronas di ǁaeb ǃnâs tsîna da ge, ǃgāsa doaǁgaude ge hō. Mati da sida ǀhaode a ūhâ ǁkhāsa. Tsî aoǁnâ sîsenni ǃnâs tsîna a ǁhao ǁkhā ǀgausa. ǃHaese da ge ǀhaohâb ǀhaodi, ǂharis ǀhaodi. Tsî ǀkharib kai ǀhaodi tsîna, internets ǃnâ-ū ge hâǃnâ tsoatsoa. Tsî da ge ǁnās ǀkhas tsîna sîǂkhinidi tsî telefongu ǃnâ-ū ge aoǁnâ tsoatsoa. Jehovab ge sida ǁgūtsâde ǀkhae hâ. ǂGui ǁnaub berodi ge, kai ǃgôab aoǁnâ-aon dib hâsa ge ǃnuri. Tsî ǁnās ǀkhas tsînan ge ǂguina, ǂkhâǃnâ ra xūna nē ǁaeb ǃnâ hō hâ. “Jehovab ge aoǁnâ sîsen-e ra ǀkhae”—di ǀon hâ boksisa khomai re.

16. Tae-i ǂgomǃgâsiba da ūhâ?

¹⁶ ǂGuin ge gere tsâ ǀapeǂhumis ge ǀgaisase gere ǁkhaubasa, Coronas ǁaeb ǃnâ. Xawe da ge ge mûǂan, daoǁgaudi māhe gere di ge ga-ai i ǃkhaisa. (Mat. 11:19) Jesub ǀnamxaǃnâ ǀgaub ǃnâ, ǁîb khoena ra ǂgaeǂui ǀgaub xa da ga ǂâiǃgâ. O da ge ǂgomǃgâsiba nî ūhâ. Tae-i ǀgui i ga hānîǁaeb ǃnâ ī. Xaweb Jehovab tsî ǁîb di ǀGôab tsîna sida ǀkha nî hâ ǃkhaisa.—Khomai re Hebreǁîn 13:5, 6 sa.

17. Jesub mûǂams ǃnaga sîsens xa du mati ra tsâ?

¹⁷ Kaise da ge ra ǂkhî, Jesub mûǂams ǃnaga da ra sîsen amaga. ǃHaodi, ǃhūgu tsî ǃkharagagu gowagu xa ǀgorahe tama ǀapeǂhumis ǃnâ da ge hâ. Elobmîsa xu da ge daoǁgaude ra hō. Tsî da ge ǂhâ da hâ ǁkhāǁkhādi tsîna ra hō, î da aoǁnâ sîsen-e dī. Hoa da ge ra ǁkhāǁkhāhe î da ǀasa ǂūga ūhâ. Tsî da ge ra ǁkhāǁkhāsen î da ǀnamgu. ǁNā-amaga da ge ǃgâi ǃaromasa ūhâ. Î da sida di mûǂam-aob Jesub ǃnâ koasen.