ǁKhāǁkhāsen ǁKhā Du A ǀGaub

Jehovab ǀō-aisa ǀgaugu xa ǃnāsase ǂan

Elobmîsa da ga khomai, o da ge ôaǃnâde a dī ǁkhā, î da ǃgâise ǁnâuǃā. Xawe da ge sida ǂansa da ra ǀaro ǃkhais ǃaroma ǀgui ǁkhāǁkhāsen ǂgao tama hâ. Gagasi xūn hîna sida ǀnammi, Jehovaba da ūba hâba nî ǀgaiǀgaina da ge ra ôa ǂgao. Nēsa dīs ǃaroma da ge a dîsen ǁkhā, ‘nē Elobmîs khomâiǃâsa tae-e Jehovab xa ra ǁkhāǁkhāte?’

Aiǁgause du ge Jehovab mâǂoa ra ǀgauga ǁîb ǀnammi, gā-aisib, ǂhanu-aisib tsî ǀgaib ǃnâ a ôa ǁkhā. Xawe Jehovab ge ǀkhara îxa ǀgaugu tsîna ūhâ, ǁkhāǁkhāsen ǁkhā du a ga. Mapa du noxopa ǃnāsase nē ǀgaugu xa a ǁkhāǁkhāsen ǁkhā?

Watch Tower Publications Index ǃnâ i ge 50 xa ǃnāsa ǀgaugu Jehovab diga hâ. “Jehovah” tsî ǁnāpaxū “Qualities by Name” di hâ xoaǂams ǃnaga, sadu ra khomai Elobmîs ǃâb ǀkha a ǀgui ǀgauga ôaǀnâ re. (Ôaǃnâs ǀkha ra hui ǂkhaniba du ga ūhâ o “Jehovah God” di hâ ǃâba ǃoa ī tsî ǁnāpaxū “Jehovah’s Qualities” di hâ ǃâb ǃnaga kē re.)