Sîsenū ǁkhā du a gagasi xūna ôaǃnâ

Elobmîsa da ga khomai, o da ge gagasi xūna ôaǃnâ tsî a hō ǁkhā. Mati da ǃgâiba ǀoasase ǁnāsa xu ǀama ǁkhā?

ǃGamse Elobmîs ǃnâ du ra khomai xūna ôaǃnâ re. Aiǁgause ǂanǂui re ham-i ge tae-e a xoas tsî mâǁae. Mâ mâsib ǃnâ i ge xoa-e, tae-e ais ai tsî ǁnās khaoǃgâ ge ī?

ǁKhāǁkhāsen ǁkhā du a xūn xa ǂâiǃgâ re. Saora dîde ǃereams ǃnâ-ū: ‘Nē khomaiǃâs ǃnâ hâ khoena mati gere tsâ? Mâ ǀgaugan gere ǁgau? Tae-i ǃaroma ta nē ǀgauga ǁgae tamas ka io nî ǂgōsen?’

ǁKhāǁkhāsen du go xūna aoǁnâ sîsenni tamas ka io khoen ǀkha du ra hâ ǀgaub ǃnâ sîsenū re. Nēsa dīs ǃnâ du ge Elosi gā-aisiba ra ǁgau. Elobmîs ra mî khami: “Gā-ai-e a-i nēsa ǂan.”​​—⁠Psa. 107:⁠43.

• ǀApemās: ǃGaoǃgâ re mati i Elobmîsa xu hâ ǂûǂûsa mîdi ǃâb, wekheb ǁaegub ǀhaos diba ra hui dasa î da ǁkhāǁkhāsen da ra xūna sîsenū. Nē ǃâb ge ǃnāsa ǁaeba dîsen da nî dîdi, ǂâiǃgâ da nî xūn tsî aiǁgaudi tsîna ūhâ.