ǃKhē xu ǂgōmmi INTERNETS AI HÂ ǂKHANINǁGÂUB
ǃKhē xu ǂgōmmi
INTERNETS ai hâ ǂKHANINǁGÂUB
Damara
Ā
  • Ā
  • Â
  • ā
  • â
  • Ō
  • Ô
  • ō
  • ô
  • Ē
  • ē
  • Î
  • î
  • Ῑ
  • ī
  • Û
  • Ū
  • û
  • ū
  • ǀ
  • ǁ
  • ǂ
  • ǃ
  • ELOBMÎS
  • MĀǂUIDI
  • ǀHAODI
  • w25 Aprili ǂhawegu 14-19
  • ǀGū ǀhōsagusisa sida ǃgâsan ǀkha ūhâs ge a ǃgâi

Vidiob ge a hō-e ǁoa.

ǀÛba da re nē vidiob ge hō-e ǁoa.

  • ǀGū ǀhōsagusisa sida ǃgâsan ǀkha ūhâs ge a ǃgâi
  • ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2025
  • Xoaǂamdi
  • ǀGau ra xūn
  • TAE-I ǃAROMA DA SIDA ǃGÂSAN ǀKHA ǀGŪ ǀHŌSAGUSISA NÎ ŪHÂ?
  • ǃGÔASIBA ǁGAUGU
  • ‘TĀ-I ǀGORASA SADU ǁAEGU HÂ’
  • “SÎSENGU TSÎ AMAB” ǃNÂ ǀNAMGU
  • Jehovab ge ra tsâba tsi
    ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2024
  • Kaise i ge a ǃgâi î da ‘Elob ǀgūse hâ’
    ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2025
  • Jehovab ai da ra ǂgomǃgâsa ra ǁgau mîǁguigu
    Sida Xristeǁî ûib tsî aoǁnâ sîsenni—sîsen ǂkhanib—2023
  • Mās ge ra ǃgâiaǂgao kai
    ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2024
ǃNāsana mû re
ǃKhē xu ǂgō-ommi Jehovab Gaosiba ra ǂhôab (ǁKhāǁkhāǃâs)—2025
w25 Aprili ǂhawegu 14-19

16ǁÎ ǁKHĀǁKHĀǃÂS

87ǁÎ ǁNAETSANAS Hā re î da khoakhoahe

ǀGū ǀhōsagusisa sida ǃgâsan ǀkha ūhâs ge a ǃgâi

“Mâtikōse i a ǃgâi tsî îsa, khoeǃgâgun ga ǀguipa ǁano!”—PSA. 133:1.

ǁKHĀǁKHĀSEN DA NÎ XŪN

Mati da ǀgū ǀhōsagusisa sida ǃgâsan ǀkha nî ūhâ ǀgaus tsî ǂgui ǀkhaegu ǁîn ǀkha ǀhōsagusisa ūhâsa xu da a hō ǁkhā gu.

1-2. Tae-e Jehovaba ǂhâǂhâsaba tsî tae-e da nî dīsāb ra ǂhâba?

MATI da nau khoena ra hâ-ū ǀgaub ge kaise Jehovaba ǂhâǂhâsaba. Jesub ge ge ǁkhāǁkhā mati da sida ǀgū khoe-e nî ǀnamsa, sida a ǀnamsens ǁkhās khami. (Mat. 22:​37-39) ǁNās ge Jehovaba ǃoaba tama khoen ǀkha ǃgâi ǀgaub ǃnâ hâs tsîna ǃkhōǂgā hâ. Khoexaǃnâsiba da ge ra ǁgau Jehova Eloba da ra ǁgaeo, ǁîb “soresab ge tsūn tsî ǃgâin ǂamai ǀguitikōse ra ǁhai kai tsî ǂhanu-ain tsî ǂhanuoǃnân tsîn ǂamai ǀnanuba ǀguitikōse ra ǀapi kai.”—Mat. 5:45.

2 Jehovab hoa khoena ǀnam xaweb ge ǃgōsase ǁnān ǂhanu xūna ra dīna a ǀnam. (Jhn. 14:21) ǁÎb ge ra ǂhâba î da ǁîba ǁgae. ǁNā-amagab ge ra mîba da î da “ǀaexase ǀnamgu” tsî “ǃgam ǀnamma” ǃgâsana ūhâba. (1Pet. 4:8; Rom. 12:10) Nēti ī ǀnamma khoe-e ǁgaus xa da ga ǂâi, o da ge sida ǀaokhoe-i tamas ka io ǀhōsa-e da ra tsâba ǀgaub xa ra ǂâi.

3. ǀNammi xa da tae-e ǂâis ǃnâ nî ūhâ?

3 Sida ǃhanab ǃnâ hâ haide da nî kōǃgâs ǁnās ǁkhās khami da ge, nauna da ūba hâ ǀnammi ai nî sîsen î-i kai. Apostel Paulub ge Xristeǁîna ge ǃkhâikhom: “Ab ǃgâsaǀnamguba hoaǁae aiǃgû.” (Heb. 13:1) Jehovab ge ra ǂhâba î da aiǃgû tsî nauna da ūba hâ ǀnamma omkhâi ǀgara. Nē ǁkhāǁkhāǃâs ǃnâ da ge nî ǃhoaǃgao, tae-i ǃaroma da sida ǀgū ǀhōsagusisa nî ūhâsa tsî mati da ǁnāsa aiǃgû tsî nî dī ǀgara ǃkhaisa.

TAE-I ǃAROMA DA SIDA ǃGÂSAN ǀKHA ǀGŪ ǀHŌSAGUSISA NÎ ŪHÂ?

4. Psalmdi 133:1 ǃoagu da mati sida ǃgâsana da ūba hâ ǃgôaǃgâsiba nî ūhâ ǀgara? (Ai-īsiba mû re.)

4 Khomai re Psalmdi 133:1 sa. Psalmdi xoa-aob hîna ge ama ǀhōsagusisa ǁnān Jehovab ǀnamman ǀkha ūhâs ge ‘ǃgâi tsî îsa’ ti a mîba ta ge ra ǃkhō-am. Khoe-i tsēs hoasa î ra mû kai hais îsasiba, mû tsî ǃgôaǃgâ tama khami da ge sida ǃgâsan ǀkha da ūhâ ǀguiǃnâxasiba mûǃkharu ǁkhā. Sida ǃgâsana da ge ǃnāsa ǁaeba ra mû. Mati da ǁîna da ūba hâ ǃgôaǃgâsiba a ǃkhōǀgara ǁkhā? ǁAeba ū tsî da ga matikōsen ǃgâsana ǀhaohâb ǃnâ a ǀō-aisa ǀgauba a ǃgaoǃgâ, o î ge ǁîna da ūba hâ ǀnamma nî kai.

ǀHaoǀhaosa ai-īsigu: 1. ǃGâsas ge hais ǂhabogu ra kleurna ǀkharaǀkhara ǀgaubas ra mûo kaise ra buru. 2. Egas ge ǀkharib kai ǀhaos tawa ǀnî hâ ǃgâsasa ra ǁnamǂgā. Nau ǃgâsan tsîn ge ǀgamsase ra ǁnamǂgā gu.

Sada ǀguiǃnâxasiba ǃgôaǃgâ re (4ǁÎ xoaǀgorasa mû re)


5. Sida ūba gu hâ ǀnamma mati nauna a tsâǀkha ǁkhā?

5 ǂGuroǃnās ase sida ǀhaodi tawa ra sī khoen ge ūba gu da hâ ǀnammi xa ra mâǂoabahe. ǁNās xa ǃaromahe hâsen ge ra mûǂan amaban go hōsa. Jesub ge ge mî: “Sadu ǁîǃnābe ūbagu hâ ǀnammi aib ge ǃhūbaiba nî mûǂan, ti ǁkhāǁkhāsabedu a ǃkhaisa.” (Jhn. 13:35) ǀGapi ǁkhāǁkhāsens skoli tawa ge hâ-i khoes Chaithra ti ǀon hâs ge Jehovab ǃoaban-aon ǀkha Elobmîsa gere ǁkhāǁkhāsen. ǁÎs aiǁgausa ǃgaoǃgâ re, ǁîs ge ǀkharib kai ǀhaosa hâ ǃnâs ǁkhauǂuisa ge ǃkhōǃoa. ǂGuroǃnāsas ǁnā ǀhaosa hâǃnâ toa hâs khaoǃgâs ge Elobmîsa ge ǁkhāǁkhā si ǃgâsasa ge mîba: “Tita ge noxopa ti ǁgûra xa ǁnamǂgāhe tsâ tama hâ i. Xawe sadu ǀharib kai ǀhaos tawa ta ge 52 ǃnāde ǀguitsēs ǃnâ go ǁnamǂgāhe. Jehovab ǀnamma ta ge nē gagasi omaris ǁaegub ǃnâ ge hōǃâ. Tsî ta ge ra ǁnā omaris di ǃâ ǂgao.” Chaithras ge aiǃgû tsî ǁîs ûib ǃnâ ǀkharaǀkharana ge dī tsîs ge 2024 ge ǁāǁnâhe. ǀAsa khoen ga sida ǃgâi sîsengu tsî ǀnammi hîna da ūba gu hâba mû, on ge ǃnāsa ǁaeba ra ǂkhâǃnâhe în Jehovaba ǃoaba.—Mat. 5:16.

6. Sida ǃgâsan ǀkha ǀgū ǀhōsagusisa ūhâsa mati a ǁkhauba da ǁkhā?

6 Sida ǃgâsan ǀkha ǀgū ǀhōsagusisa ūhâs ge a ǁkhauba da ǁkhā. Paulub ge Xristeǁîna ge mîba: “Mâ tsēs hoas ai ǂgaoǂgaoǃnâgu . . . tā ǀgui-i âdu tsîna ǁoreb di ǂgaeǂhapus xa ǃnâudanaxa kaihe.” (Heb. 3:13) ǂKhabuǂâi tsî da ga ǂhanu xū-e dīs xa ǃgombahe, ob ge Jehovaba ǃgâsa-e a sîsenū ǁkhā î-i ǂhâ da hâ huiba mā da. (Psa. 73:​2, 17, 23) ǁNāti ī ǂkhâǃnâs ge amase sida ǃaroma a ǃgâi.

7. Mâ ǃgaeǁaresa ǀnammi tsî ǀguiǃnâxasib ǁaegu hâ? (Koloseǁîn 3:​13, 14)

7 ǃGarise sîsen tsî ǀnamma ra ǁgau khoen ǃâ da ge a, ǁnā-amaga da ge ǂgui ǀkhaega ra hōǃâ. (1Jhn. 4:11) Aiǁgause, ǀnammi ge ra ǂkhâǃnâ da, î da ‘taniǀnamxa’ tsîs ge nēsa ǀguiǃnâxasiba ra ǀaro. (Khomai re Koloseǁîn 3:​13, 14 sa, Efe. 4:​2-6) ǁNā-amaga da ge sida ǀhaodi tawa ǂkhîsa mâsiba ra hōǃâ nau khoen ǃhūbaib ai hân xa.

ǃGÔASIBA ǁGAUGU

8. Jehovaba mati ra hui da î da ǀguiǃnâxasiba ūhâ?

8 Sida ǃgâsan ǀkha da ǃhūbaib ǂhawase ūhâ ǀguiǃnâxasib ge Jehovab xa ǀgui ra īǁkhā kai-e. Jehovab ge ǁnāsa ra īǁkhā kai ǀoasa kurusa da ūhâ tama xawe. (1Kor. 12:25) Elobmîs ge ra mî: ‘Elob aitsama sada ǀnamgu da nî ǃkhaisa ra ǁkhāǁkhāsa.’ (1Tes. 4:9) Xoadi ǃnâ-ūb ge Jehovaba ra mîba da tae-e da nî dīsa, î da sida di ǃgâsana ǀgū. Elob xa da ge a ǁkhāǁkhāhe ǁkhā ǁîb ‘ǁkhāǁkhāde’ ôaǃnâ tsî sîsenǂuisa ǃnâ-ū. (Heb. 4:12; Jak. 1:25) ǁNāsan ge Jehovab ǃoaba-aona ra dītsâ.

9. Romeǁîn 12:​9-13 sa xu da tae-e ra ǁkhāǁkhāsen ǃgôasiba ǁgaugus xa?

9 Elobmîsa mati ra ǁkhāǁkhā da ǀgū ǀhōsagusisa sida ǃgâsan ǀkha ūhâsa? Romeǁîn 12:​9-13 sa (khomai) tsî ǃgaoǃgâ re tae-eb ge Pauluba nēs xa a mîsa: A-i nē-e, nau-e “ǃgôasiba ǁgausa turaxaba” tib ge ge mî. Nēsa tae-e ra ǂâibasen? Māsenxase da ge ǃēde nî ôa î da “ǃgâsaǀnamguba” ǃkharagagu ǀgaugu ǃnâ ǁgaugu. Aiǁgause, ǀûbaǀnamxa, ǃhaokhoeǃkhōǃoaxa tsî māxa. (Efe. 4:32) ǃGâsan sado ǂgurose nî ǀgū ǃkhaisa da tā ǃâu re. ǂGurose du ge ǁnāsa dī ǁkhā. Jesub ge ge mî: “Mās ge ǃkhōǃoas ǃgâ-ai ǀkhaesa.”—ǃNǃkh. 20:35.

10. Mati da ǃgarise sîsen tsî ǃgôasiba nî ‘ǁgaugu’? (Ai-īsiba mû re.)

10 ǃGôasiba da ge nî ǁgaugu tib mî toa hâs khaoǃgâb ge Pauluba ra ǀkhoma da, î da ‘turaxa tsî tā ǀopesa.’ Khoe-i hîna turaxa î ge ôasa tsî ǃgarise ra sîsen. ǁÎ-i ge ǁgaumâihe î ga ǃkhōǃoa, o ǁnāsa ra dīǀoaǀoa. ǂKhoamîdi 3:​27, 28 ge ra mî: “ǃOaǂui hâna ǃgâidīsa tā ǂkhā, ǁnāsa dīs di ǁkhāsibats ūhâ hîa.” ǁNā-amaga da ge ǂhâsib ǃnâ hâ khoe-e da ga mû, o da ge ǁkhā da-i hoa-e dī tsî ǃkhaese ra hui. Tā da ge nî mâiǂui tamas ka io nî ǂâi ǀnî hâ khoe-i ge ǁnā xū-e nî dī ti.—1Jhn. 3:​17, 18.

ǂKham ǃgâsab ge kaira ǃgâsaba ra ǃanu hui ǂnaboga ǃanus ǀkha.

Sida ǃgâsan ǂhâsib ǃnâ hâna da ge ǂgurose nî hui (10ǁÎ xoaǀgorasa mû re)


11. Tae-e nî hui da î da ǀgū gu?

11 ǀKhara ǀgaub nauna da ǃgôaǃgâsiba a ǁgau ǁkhāb ge ǁîna ǃkhaese ǀûbasa, tsū dī dan ga o. Efeseǁîn 4:26 ge ra mî: “Tās soresa ǁaixats hâ hîa ǂgâ.” Tae-i ǃaroma? 27ǁÎ ǁaraǃās ge ra mî, nēsa dīs ‘ǁGâuaba ǃēsa nî māsa.’ ǁÎb mîs ǃnâb ge Jehovaba ǃnās hoasa ra mîba da î da ǀûba gu. Koloseǁîn 3:13 ge ra mî, î da aiǃgû tsî ǂgaoba xu “ǀûbagu.” Naun dīsāde ǀûbas ge ǀgui ǃgâi ǀgaub ǁîna da a ǀgū ǁkhāba. Nauna da ga ǀûba, o da ge ‘ǀguiǃnâxasiba turaxase ǂkhîb ǃnâ ǁîǃnābe ûis ǀkha’ ra ǃkhōǀgara.’ (Efe. 4:3) ǃGāsa î ge a nauna da ga ǀûba, o da ge Jehovab ǀapeǂhomis ǀguiǃnâxasib tsî ǂkhîb tsîn ai ra ǀaro.

12. Jehovaba mâ ǀgaub ǃnâ a hui da ǁkhā î da ǀûbagu?

12 Ama î ge ǀnî ǁaegu ai da ge tsûtsû da ge khoena ǃgomse a ǀûba ǁkhā. Xawe da ge ǁnāsa Jehovab gagab huib ǀkha dī ǁkhā. “ǃGâsaǀnamguba ūhâ” tsî “tā ǀopesa” ti i mîhe hâs khaoǃgâs ge Elobmîsa ra mîba da, î da “ǀaexa gagas ǀkha ǃKhūba ǃoaba.” ‘ǀAexa gagasa’ ūhâ khoe-i ge ‘ôasasib tsî turaxasib’ tsîna Elob ǃanu gagab xa ra māhe. Nēs ge ra hui da î da ǃgâsa ǀnamguba ūhâ tsî ǂgaoba xu ǀûbagu. ǁNā-amaga da ge Jehovaba nî ǀkhoma îb hui da.—Luk. 11:13.

‘TĀ-I ǀGORASA SADU ǁAEGU HÂ’

13. Tae-e sida ǁaegu ǀgorasa a ǃaroma ǁkhā?

13 ǀHaohâb ǃnâ î ǃkharagagu khaoǃhūga ūhâ khoena hâ. (1Tim. 2:​3, 4) Nēs xa ǃaromahe hâse da ge ǃkharagagu mîǁguiga ra dī, aiǁgause ana da ra saran, kōǃgâsen da ra ǀgaub, ūǃoa da ra ǀaeǃkhō ǀgaugu tsî ǁkhoaxa ǁaeba da ra ūhâ ǀgaub tsîna. ǂAnbasen tama da ga ī, on ge nē xūna ǀgorasa ǃaroma ǁkhā. (Rom. 14:4; 1Kor. 1:10) ‘Elob ge aitsama sada ǀnamgu da nî ǃkhaisa ǁkhāǁkhā’ amaga da ge nî ǂanbasen, î da tā sida ra ǁhûi ǀgaugu nau khoen di gu xa a ǃgâi ti ǂâi.—Fil. 2:3.

14. Tae-e da hoaǁae nî dītsâ tsî tae-i ǃaroma?

14 ǀHaohâb ǃnâ a hâ ǁkhā ǀgorasa da ge ǁkhae ǁkhā, hoaǁae da ga dītsâ tsî naun ǀkha khoakhoa gu tsî omkhâi gu o. (1Tes. 5:11) ǀGūǁaeb ǃnâ i ge ǂâuna khoen hîna ge gagasise ǃkhai hâ i tamas ka io ǀhaohâba xu ge ūǂuihe hâ îna ge oaǀkhī. ǁÎna da ge ǀnamxaǃnâse ra ǁkhoreǁhare. (2Kor. 2:8) ǃGaoǃgâ re tae-i ge ǀgui ǃgâsas ǀkha a īsa hîna ge 10 kurigas gagasise ǃkhai hâs khaoǃgâ ǀhaohâba ǃoa a oaǀkhīsa. ǁÎs ge ra mî: “Hoa khoen ge ǀnom-ūte tsî ge ǃomtawete te.” (ǃNǃkh. 3:19) Nēsa ǁîsa mati ge tsâǀkhā? ǁÎs ge ra mî: “Jehovab ra huite î ta ǁkhawa ǂkhîba hō-oa khami ta ge gere tsâ.” Dītsâ tsî da ga ǂkhâǃnâ gu, ob ge Xristuba a sîsenū da ǁkhā î da, “tsau hâ tsî ǃnao-aihe” hâ khoen hoana khoakhoa.—Mat. 11:​28, 29.

15. Tae-i tsîna da a dī ǁkhā î da hui îb ǀhaohâba ǀguiǃnâxa? (Ai-īsiba mû re.)

15 ǃHoa da ra ǀgaub ǃnâ da ge ǀguiǃnâxasiba ǂkhâǃnâ ǁkhā. Job 12:11 ge ra mî: “Sa nammi ǂû-e ra tsâtsâ khami ra ge sa ǂgaera mîde ra ǁnâu ǂgao.” ǃGâi sâi-ao-i khoena i ǂû-en nî mās aiǃâ ǂû-e ra tsâ ī khami da ge, xū-e da nî mîs aiǃâ ǃgâise nî ǂâi. (Psa. 141:3) Hoaǁae da ge nî dītsâ î da omkhâi khoakhoa tsî “ǁnâu ra khoena ǀkhaeb ase nî” ība xūna ǃhoa.—Efe. 4:29.

ǃGâsab ge sâib go ǂû-e ra tsâ nau khoenab nî horabas aiǃâ.

ǃHoa du nîs aiǃâ ǂâi re (15ǁÎ xoaǀgorasa mû re)


16. Ham-e ǃgōsase mî îra xū-i ǃnâ nî ǂkhâǃnâxa?

16 Aogu tsî ǁgûn tsîn ge ǃgōsase ǂkhâǃnâxa ǀgaub ǃnâ nî ǃhoa. (Kol. 3:​19, 21; Tit. 2:4) ǀHaohâb ǃûi-aogu tsîn ge Jehovab gun ǃûi-aogu ase khoakhoasa tsî ǁkhaeǂgao ra ǀgaub ǃnâ nî ǃhoa. (Jes. 32:​1, 2; Gal. 6:1) ǂKhoamîdi ge ra ǂâiǂâiǃnâ da: “ǂHanu mîsa ǂhanu ǁaeb ai mîs ge a ǃgâi.”—ǂKhm. 15:23.

“SÎSENGU TSÎ AMAB” ǃNÂ ǀNAMGU

17. Matin sida ǃgâsana nî ǂan ǁîna da ūba hâ ǀnammi a ǂhauǃnâ ǃkhaisa?

17 Apostel Johaneb ge ra ǂkhâǃnâ “tā da mîs tsî nams tsîra ǃnâ ǀgui ǀnam re, xawe sîsen tsî amab ǃnâ.” (1Jhn. 3:18) Sada ǃgâsana da ge ǂgaoba xu ra ǀnam ǂgao. ǁNāsa da mati a dī ǁkhā? Sida ǃgâsan ǀkha da ǃnāsa ǁaeba ra hâ khami da ge ǁîna ra ǀgū tsî î ge sada ǀnamma a kai ǁkhā. ǁNā-amaga ǃēna ôa re i naun ǀkha ǀguiba ǀhaodi tawa tsî aoǁnâ sîsenni ǃnâ hâ ǀhao. ǁAeba ǁamaǂui tsî nauna sari. ǁNāsa da ga dī, o da ge Elob xa da ra ‘ǁkhāǁkhāhesa’ ra ǁgau. (1Tes. 4:9) Aiǃgû tsî da ge nî hōǃâ “mâtikōse i a ǃgâi tsî îsa. . . khoeǃgâgun ga ǀguipa ǁano.”—Psa. 133:1.

MATI DU NÎ ǃEREAM?

  • Tae-i ǃaroma i a ǃgâi î da ǃgâsan ǀkha ǀgū ǀhōsagusisa ūhâ?

  • Mati da ǂgurose ǃgôasiba nî ǁgau?

  • Mati da ǀguiǃnâxasiba ǂkhâǃnâ ǁkhā?

90ǁÎ ǁNAETSANAS A da ǂkhâǃnâgu re

    Damarab ǃnâ hâ ǂkhanin (2002-2025)
    Xoaǂuisen re
    Xoaǂgāsen re
    • Damara
    • Linka sî
    • ǂGao du ra ǀgauba nēpa ǁhûi re
    • Copyright © 2025 Watch Tower Bible and Tract Society of Pennsylvania
    • Sîsenūs xoaǁguib
    • ǀGuri hâ ǁguiǂamdi
    • Sadu ǀgui du nî mû xūn
    • JW.ORG
    • Xoaǂgāsen re
    Linka sî