ǂGomdi tsî torob Ukraini ǃnâ—Elobmîsa tae-e ra mî?

Sao ra i xa ǂâi re, ǂgomdi ǂgaeǂgui-aogu tsî Ukraini ǃnâ hâ torob xa:

• “Patriarch Kirilli Russiab di Orthodox kerkheb danab ge xū-e mî tama hâ, Russiab di torob xa. . . . ǁÎb kerkheb ge aiǃgû tsî ǂhumiba Ukraini xa ra ǃhoa. Tsî Putini ge nē ǂhumiba ra sîsenū, nē toroba aiǃgû kaisa.”—EUobserver [ǂhôan ǂkhanib], Maarti 7, 2022.

• “Patriarch Kirilli . . . ge ǃgāsase go ǁgau Ukraini torob ǃnâb Russiaba ra dī xū-i a ǂhanu tib ra tsâsa. ǁÎb ge ge mî ǁnā torob ǁoreba ra ǃkhamǃoasa.”—AP News [ǂhôan ǂkhanib], Maarti 8, 2022.

• “Ukraini di Orthodox kerkheb danab, Metropolitani Epiphaniusi ǂgurob Kyivs dib. Ge Mantaxtsēs ai ǁîb khoena ge ǀkhae în sī ‘Russiab soldagu ǃoagu ǃkham.’ . . . ǁÎb tsîn ge ge mî Russiab soldaga ǃgams ge ǁore tamaba.”—Jerusalem Post [ǂhôan ǂkhanib] Maarti 16, 2022.

• “Sida [Ukraini di kerkhegu ǀapeǀhaos tsî ǂgomdi ǀapeǂhumidi (UCCRO)] ge Ukraini di soldaga ra ǂkhâǃnâ. Tsî sida ǁkhauba-aon hoan tsîna. ǁÎna da ge ra ǀkhae, în Ukraina ǁkhauba, Russiab ǃoagu. Tsî da ge ǁîn tsîna ra ǀgoreba.”—UCCROa ra mî xū-i, Februarib 24, 2022.

Tae-e du ra ǂâi? Amase gu kerkhegu hîna, Jesuba gu ra sao di ra mîga, ǁîn khoena nî ǂkhâǃnâ în toroba sī ǃkham? Elobmîsa tae-e ra mî?

Kerkhega torob ǃnâ ǃkharu ge ǁae

ǃKharu gere ǁaeb ǃnâ gu ge kerkhega torob ǃnâ sī ǃkhamsa gere ǂkhâǃnâ. Tsî gere mî, ǃgâi i asa toroba sī ǃkhamsa. Xawen ge ǃnāsa ǁaeba ǂkhîban ra sîsenba khami gere dīsen. ǂGui kurigan ge Jehovab di ǃoaba-aona kerkhegu di ǂhumiba gere ǁgauǂui. ǀNî aiǁgaudi sida ǂkhanin ǃnâ ra hōhena khomai re.

• ““The Crusades—A ‘Tragic Illusion’” di hâ khomaiǃâs ge Katolis kerkheb ge mati ǂgui khoena Elob tsî Xristub di ǀons, ǃnâ ǃgam ǀgausa ra ǁgau.

• “The Catholic Church in Africa” di hâ khomaiǃâs ge aiǁgausa ra mā. Mati gu kerkhega ǃhaodi torogu tsî ǃgamguba ge ǁkhae ǁoa isa.

• Sao ra khomaiǃâdi, “Is Religion to Blame?,” “Religion’s Role in Man’s Wars,” tsî “Religion Takes Sides” di hâgu ge ra mî. Katolis kerkheb, Orthodox kerkheb tsî ǂgui ǂkhari kerkhegu ge torogu hoaǀgam ǀkhākha hoaǁae gere ǂkhâǃnâsa.

Xristeǁîn ǂgomde toroga nî ǂkhâǂnâ?

Jesuba tae-e gere ǁkhāǁkhā?: “Sa ǀgūkhoe-ets ge sats ǁkhāts khami nî ǀnam.” (Mateub 22:39) “Sadu khākhoena ǀnam.”—Mateub 5:44-47.

Jesub ge mî i: “Ti gaosib ge nē ǃhūbaib di tama hâ. Ti gaosib ga nē ǃhūbaiba xu hâ hâo, o gu ge ti saoǃgonaoga ga ǃkhamba te hâ.” (Johaneb 18:36) “Gôab ǀkha ra ǃgam-i hoa-i ge gôab xa nî ǃgamhe.”—Mateub 26:47-52.

Nēs xa ǂâi re: Xristeǁîn ga Jesuba ǃkhamba tama io? Tae-i ǃaroman nî ǃkham? Sao ra khomaiǃâsa khomai re, “Is War Compatible With Christianity?” di hâsa. Tsî khomai re, matin ge Jesub ǂguro ǁkhāǁkhāsabena, Jesub aiǁgaus tsî ǁkhāǁkhāde gere sao ǀgausa.

Tae-e nî hā kerkhegu hîna toroga ra ǂkhâǃnâ gu ǀkha?

Elobmîs ge ra mî, Elob ge ǂgomde ūǃoa tama hâ. Jesub ǁkhāǁkhāde sao tamade.—Mateub 7:21-23; Titub 1:16.

• ǂHaiǂhais di ǂkhanis ge ra mî, Elob ge “ǀaob ǃhūbaib ai ge ǃgamhen hoan diba” kerkhega xu nî ǂgaoǀkhā. (ǂHaiǂhais 18:21, 24) ǃNāsase ǂans ǃaroma, “What Is Babylon the Great?” di hâ khomaiǃâsa khomai re.

• Jesub ge ge mî, hoa ǂgomdi hîna Jehovab xa ūǃoahe tamadi ge nî dīkākāhe, ǁîn di ǁgai sîsengu ǃgao. ǁGai hais ra ǁgai ǂûna tani tsî “ǁhāǂuihe tsî nî ǂhubiǂuihe” khami. (Mateub 7:15-20) “The End of False Religion Is Near!” di hâ khomaiǃâsa, khomai re. ǁNās mati nî īsa, ǁkhāǁkhāsen re.

Photo credits, ǁare ǀkhāba xu ami ǀkha: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images