Marek M. Berezowski/Anadolu Agency via Getty Images
ǂKHAIKARI HÂ!
Ukrainni torob ge ǀgam kuriga nēsi hâ Elobmîsa mâ ǃâubasensa ra mā?
Fraitaxtsē, Februarib 24, 2023 i ge ǀgui kuriba go ǃkharu, Ukrainni ǃnâb ge toroba tsoatsoasa xu. ǀNî ǃnurigu ǃoagu i ge ǁaubexa 300 000 soldagu Ukrainni tsî Russiab diga tsûtsûhe. Tamas ka io ge ǃgamhe. Tsîn ge 30 000 khoen tsîna ǁnā torob ǃnâ ge ǁō. Īǁkhāsib ge hâ nē ǃgôab a ǃnāsa ǁkhāsa.
Tsûaǂgaosa i ge a, nē torob ǀgūǁae nî toa khami i ge mûsen tama hâ.
“Russiab di soldagu ge Ukrainni ǃnâ ǂgâs khaoǃgâ i ge nē torob nî ǀam khami mûsen tama hâ. Nē ǀgam ǀkhākha di ǀguib toroba nî dā tamas ka io nî ǁnâuǃāgu khamis tsîna i ge mûsen tama hâ.”—NPR (National Public Radio), Februarib 19, 2023.
Torob ra ǃaroma tsûb tsî ǃgomsin ǃaroman ge ǁnâuǃāxase ǂgui khoena ra tsûaǂgao. ǃGōsase xū-e hî tama khoen nēs xa ra tsâǀkhāhe amaga. Mâ ǃâubasensas Elobmîsa ra mā? Toroga amabes ǃnâ ǀam i nî?
Torob hîna hoa toroga nî ǀam kaib
Elobmîs ge torob hîna khoena nî sâub tsî hîkākā tideb xa ra ǃhoa. ǁNā torob ge Armagedons ti a ǂansa. Tsî “Hoaǀgaixa Elob di kai Tsēb” ase ra ǁguiǃāhe. (ǂHaiǂhais 16:14, 16) ǁNā torob ǃnâ-ūb ge Eloba khoesi ǂgaeǂguidi, ǂgui ǁgai toroga ǃaroma hâdi hoade nî ǀam kai. Armagedons mati hâhâ nî ǂkhîba nî hau ǀgausa saora khomaiǃâdi ǃnâ khomai re: