ǃKhamsa mâǁae nî ǀam?—Elobmîsa tae-e ra mî?

“Xūn ge nēsi tā nî ǁgaiǂoa. ǃKhams ge nēsi nî ǀû.” Tib ge United Nations Secretary-General António Guterresa ge mî Irani Israela ge ǂoa toas khaoǃgâ Satertaxtsēs, Aprili 13, 2024 ai.

Middle East ǃhūb ǃnâ hâ torob ge nētsē ǃhūbaib ǃnâ hâ torogu di ǀguisa.

“ǃHūbaib ge ǀgamǁî torob ge toas khaoǃâ nēsi ǂgui ǂkhari toroga ūhâ tsî i ge 2 bilions di khoena ra tsâǀkhāhe.”—United Nations Security Council, Januarib 26, 2023.

ǃKham ra ǃkhaigu ge Israeli, Gazab, Syriab, Azerbaijani, Ukraini, Sudani, Ethiopiab, Nigeri, Myanmari tsî Haitis.a

Nē ǃkhamsa mâǁae nî ǀam? ǃHūbaib di ǂgaeǂgui aoga ǂkhîba a hā-u ǁkhā? Elobmîsa tae-e ra mî?

Torob ǃnâ hâ ǃhūbaib

Nētsē hâ ǂkhabadīgu ge ra ǁgau ǀgūǁae gu hoa toroga nî ǀam kaihesa. Nē torogu ge Elobmîs sida ǁaeb xa ra mî kēbode ra dīǀoaǀoa. Elobmîs ge nēsa ‘ǃhūbaib di ǀunis’ di ra ǂgai—Mateub 24:3.

• “Torogu ge ǀgūse tsî ǃnūse nî ǁnâuhe. . . . Nē ǁaes ge nau ǁaes ǃoagu nî khâi.”—Mateub 24:6, 7.

Saora khomaiǃâsa khomai re “What Is the Sign of ‘the Last Days,’ or ‘End Times’?” Î du mû mati î nētsēs di toroga Elobmîs di kēbode ra dīǀoaǀoa ǀgausa.

Hoa toraga nî ǀam kai torob

Elobmîs ge khoesi torogu di ǀams xa ra ǃhoa. ǁNāsa mati nî ī? Khoen ra dī xūn ǃnâ-ūs ose xawe Armagedons, ‘Hoaǀgaixa Elob di kai Tsēsa’ ǃnâ-ū. (ǂHaiǂhais 16:14, 16) Nēs ge Eloba nî mā-am îb ǁîb mîmâis khoen ǂkhîba ǀamosib kōse nî ūhâsa nî ǁkhowa-am.—Psalmdi 37:10, 11, 29.

Elob torob mati khoen toroga nî ǀgam ǀgaus xa du ga ǁkhāǁkhāsen ǂgao, o saora khomaiǃâsa khomai re“What Is the Battle of Armagedon?”