ǂKHAIKARI HÂ!
Ukraini ǃnâ hâ torob ge ǃhūbaib ǂû ǃnubusib tawa ra ǀaro
19 Meib 2022 ai i ge United Nations di Security Council sa 75 dana khoegu xa ge ǂanǂanhe “ǂû ǃnubusib hîna ǀnai Coronas tsî ǃhūbaib di ǂoab tsî ǀnanub mâsib xa ǃaromahe hâb ge Ukraini di torob xa nēsi ǃâtsūǀkhāba ǃoa ra ī-ū da.” ǁAeroba ǃkharu tsîb ge The Economist ǂkhiniba ge mî “nē torob ge nî ǃaroma i i ǀnai ǃgomsina ūhâ ǃhūbaib ǃnâ ǃnāsa khoena ǃâ.” Elobmîs ge ge kēbo sida ǁaeb ǃnâ i nēti i ǂû ǃnubusiga nî hâsa. Xawe ǁkhā ǁaeb ai ra ǁgau da tae-e da a dī ǁkhāsa.
Elobmîs ge ǃâtsūǀkhāgu xa ge kēbo
Jesub ge ge kebo: ‘Nē ǁaes ge nau ǁaes ǃoagu nî khâi tsî nē gaosiba nau gaosib ǃoagu; ǂgui ǃkhain ǃhūbaib din ai gu ge ǃâtsūǀkhāga nî hōǃâhe.’—Mateub 24:7.
ǂHaiǂhais di ǂkhanis ge 4 simbolise hā ǃgapi-aogu xa ra ǃhoa. ǀGui hā ǃgapi-aob ge toroba ra ǂnû ǁkhaeba. ǁÎb ge ǃâtsūǀkhāba ra ǂnû ǁaeba hā ǃgapi-aob xa ra sao aihe. ǁNā ǁaeb ai i ge ǂû-e nî ǀoro tsî ǂgui mari-e nî ǂgan. ‘Tsî kō ta ge o, o ta ge ǂnū hāba ge mû. Nē hāb di ǃgapi-aob ge ǀnō-ūdaba ǁîb ǃomǁae ge ūhâ i. Tsî ta ge dom-e ge ǁnâu “ǀGui hakaǁîǃâs di ǃhoro-e ǀgui denars ai tsî ǃnona hakaǁîǃâs gerstǃhoro-e ǀgui denars ai.”’—ǂHaiǂhais 6:5, 6.
Nē Elobmîs kēbodi hîna ǃâtsūǀkhāgu xa hâ di ge nēsi Elobmîs “ǀuni tsēdi” di ra ǂgai ǁaeb ǃnâ ra dīǀoaǀoahe. (2 Timoteub 3:1) ǃNāsase du ga “ǀuni tsēdi” tsî 4 hā ǃgapi-aogu xa a ǂan ǂgao o, o ǃHūbaib ge ge ǀkharaǀkharasen 1914ǁî kuriba xu di hâ vidioba kō re. Tsî “The Four Horsemen—Who Are They?” di hâ khomaiǃâsa khomai re.
Elobmîsa mati a hui du ǁkhā?
Elobmîs ge ǀapemāde ra mā da dī ǁkhā da a xūn xa, ǃgom mâsiba da ga hōǃâ o. ǂGui mari-e ra ǂgan ǂûn tsî ǂû ǃnubusib tsîna ǃkhoǂgā hâse. “How to Live on Less” di hâ khomaiǃâsa khomai re ǀnî aiǁgaudi ǃaroma.
Elobmîs ge ǃâubasensa ra mā da xūn nî ǃgâi ǃkhaisa. Elobmîs ge ǁaeb xa ra ǃhoa ‘ǃhorob ǃnāǂamsase ǃhūb ǃnâ nî hâ’ tsîn hoa khoena ǂâusa ǂû-e nî ūhâb xa. (Psalmdi 72:16) Elobmîs di ǃâubasens tsî tae-i ǃaroma da ǁîsa a ǂgom ǁkhās xa ǂans ǃaroma “A Real Hope for a Better Tomorrow” di hâ khomaiǃâsa khomai re.