Xūn ǂganǀgaub ge ǃhūbaib ǂhawase ra ǀgapi—Elobmîsa tae-e ra mî?

2022 Junib di ǃnurib ǃnâb ge World Bank Group ǀapeǂhumis di danaba ge mî “ǃhūbaib di ekonomib ge ǁkhawa ǁkhōǁkhōsa mâsib ǃnâ hâ. Matarehe ra xūn di ǂganǀgaub ge ǃkhaese ra khâi. Xawen ge khoena ǀoro mari-i ǀgui-e ūhâ.”

“Petrol hân tsî ǂûn di ǂganǀgaub ge ǃkhaese ge khâi. Tsîn ge ǀgâsa ǃhūgu ǃnâ ra hâ khoena ǃnāsase ra tsâǀkhāhe,” dis ge International Monetary Fund ǀapeǂhumisa ra mî.

Elobmîs ge ra ǁguiǃā tae-i ǃaroma da ekonomib ǃgomsina ūhâsa. Tsî ra ǁgau da tae-e da nî dīsa î da nē mâsib ǃnâ huisen. Tsî hānîǁaeb ǃnâb nē mâsiba mati nî ūbēhes tsîn xa ra mîba da.

“ǀUni tsēdi ǃnâ” i ge xūn ǂganǀgauba ra ǀgapi

• Sida ûi ǃnâ hâ ǁaebas ge Elobmîsa “ǀuni tsēdi” ti ra ǂgai.—2 Timoteub 3:1.

• Jesub ge ge mî “buruburuxa tsî ǃhuriǃhurisa” xūn nî nē ǁaeb ǃnâ ī ǃkhaisa. (Lukab 21:11) ǂGanǀgaub ga kaise ǀgapi o, on ge khoena ra ǃhuri tsî ǃao tsoatsoa. Khoen ge ais ǀkha i mati nî īs xa ra ǂâi. Tsî ǁîn omariden nî kōǃgâ ǀgaus xa ra ǂâiǂhansen.

• ǂHaiǂhais di ǂkhinis ge nē ǁaeb ain ǂûn di ǂganǀgauba nî ǀgapi di ge mî. “Tsî ta ge dom-e ge ǁnâu. . . . ǁÎ-i ge ge mî ‘ǀgui hakaǁîǃâs di ǃhoro-i tamas ka io ǃnona hakaǁîǃâs gerstǃhoro-i ge ǀgui tsēs sîsen-i hōǂgās marisa ra ǂgan.’”—ǂHaiǂhais 6:6, Easy-to-Read Version.

“ǀUni tsēdi” tsî ǂHaiǂhais ǃnâ hâ kēbos xa du ga ǃnāsase a ǂan ǂgao o, ǃHūbaib ge ge ǀkharaǀkharasen 1914ǁî kuriba xu di ǀon hâ vidiob tsî “The Four Horsemen—Who Are They?” di hâ khomaiǃâsa khomai re.

Ekonomib ǃgomsin hoan nî ǀam ǀgaus

• “ǁÎn ge omde om tsî ǁîdi ǃnâ nî ǁan; ǁîn ge draibeǃhanaga ǂgā tsî ǁîgu ǂûna nî ǂû. ǁÎn ge ǂnubi tide, nau-i xa i nî ǁanǃnâhese, ǁîn ge ǂgā tide, nau-i xa i nî ǂûhese.”—Jesajab 65:21, 22.

• “Ab ǃhoroba ǃnāǂamsase ǃhūb ǃnâ hâ; ab ǃhomgu ai hâ. Ab ǂûtanib âba Libanonni khami ī în khoena ǃās ǃnâ ǃgarob di ǀgân khami ǁhare.”—Psalmdi 72:16.

• “Ob ge ǃKhūba [Jehovaba, NW] ra mî: ‘Nēsi ta ge nî khâimâ ǀgâsan, ǁgâiǀāhe ran tsî ǃgôaǃgonhe tsî tsûb xa ra ǃgaen ǃaroma.’”—Psalmdi 12:5.a

Elob ge ǀgūǁae, ǃkhū hân tsî ǀgâsan ǁaegu hâ ǀgorasa nî ǀam kai. ǀGui ǃhūb ǃnâs ǀguis ose xawe ǃhūbaib ǂhawase. ǁNāsab mati nî dīsa du ga ǂan ǂgao o, “Is a Fair Economic System Possible?” di hâ khomaiǃâsa khomai re.

Xawes ge Elobmîsa nēsis tsîna ǂganǀgaub ra ǀgapi ǁaeb ai a hui du ǁkhā. Mâ ǀgaub ai? Elobmîs ge ū du hâ marisa du ǃgâi ǀgaub ǃnâ nî sîsenū ǀgauba ra ǁgau du ǀapemāde ūhâ. (ǂKhoamîdi 23:4, 5; Aoǁnâ-aob 7:12) ǃNāsase du ga ǂan ǂgao o, “Protect Your Livelihood” tsî “How to Live on Less” di hâ khomaiǃâra khomai re.