Jehovab di ǀHûǀguitimî-aona ǁîn ǀguin da sîsenū Elobmîsa ūhâ?
Jehovab di ǀhûǀguitimî-aon ge ǃkharagaǃnâgu ǂnûiǃkhunide ra sîsenū. Elobmîsan ga ǁkhāǁkhāsen o. Xawe New World Translation of the Holy Scriptures ga ǁîn da khomai gowab ǃnâ hâ o. On ge ǁîsa ra sîsenū. ǁÎs Elob di ǀonsa ūhâ, ǂhanuse ǂnûiǃkhunihe tsî a ǃgāsa amaga.
Elob di ǀonsa ūhâ. ǀNî khoen hîna Elobmîsa ra ǁgâin ge. Elobmîs di ama xoa-aoba koasa mā tama. Aiǁgause, ǀgui ǂnûiǃkhunis ge 70 khoen di ǀondi. Hîna ge ǁnā ǂnûiǃkhunis ǀkha a huina xoamâi hâ. Xawe i ge ǁnā ǂnûiǃkhunis ǃnâ Elobmîs di ama xoa-aob, Jehova Elob di ǀonsa a ǀkhai.
New World Translation ǂnûiǃkhunis ge Elob di ǀonsa. ǂGuro ge xoahe skroldi ǃnâs ge hâ-i ǃkhaidi hoadi ai ǂgā-oa hâ. Tsîn ge ǂnûiǃkhunis ǀkha gere hui komites di ǃân di ǀonde a ǀūsa.
ǂHanuse xoahe hâ. ǀNî ǂnûiǃkhunidi ge Elobmîs haisi-amsa ǂhanuse xoa tama hâ. Aiǁgause, ǀgui ǂnûiǃkhunis ge Mateub 7:13 sa nēti ǂnûiǃkhuni hâ. “ǂGâ du re ǂō dao-ams ǃnâ; helli dao-ams tsîb ǁnāpa garu daoba a supu amaga.” Xawe ǂguro skroldi ǃnâ ge xoahe mîs ge “hell” tamas ka io ǀamo ǀaeb ti ǂâibasen tama hâ. Tsî “dīkākāhes” tamas ka io kāǁōsib ti ra ǂâibasen. ǀNîsin ge ǁnā ǂnûiǃkhuni-aona “hell” di hâ mîsa ge ǂgā. Eloba ǁnâuǀnam tama khoen “helli” ǃnâ nî ǂhubi tin ra ǂgom amaga. Xawe Elobmîs ge ǁnāti xū-e mî tama hâ. ǁNā-amagas ge New World Translation ǂnûiǃkhunisa nēti ra mî. “ǂGâ du re ǂō dao-ams ǃnâ, harab tsî ǂhawab ge daob dīkākāhes ǃoa garuba.”
ǃGāsase xoahe hâ. ǂHâbasa i ge a ǂnûiǃkhunis ǂhanuse nî xoahesa. Xawe i ge nî ǃgāsa tsî supuses tsîna nî ǁnâuǃāhe. Nē aiǁgausa kō re. Romeǁîn 12:11 ǃnâb ge Xristeǁî apostel Pauluba “gagab xa ǀgû” di hâ ǂâisa ge sîsenū. ǁNā mîde nētsē ǁnâuǃās ge a ǃgom. ǁNā-amagas ge New World Translation ǂnûiǃkhunisa supuse nî ǁnâuǃāhe ǀgaub ai ǁnā ǁaraǃāsa ǁguiǃā hâ. ǁNāpa i ge Xristeǁîna ǃoa ra mî “ǃnâ ra gagab xa.”
New World Translation ǂnûiǃkhunis ge Elob ǀonsa ūhâ. Tsî ǂhanuse tsî ǃgāsases tsîna a ǂnûiǃkhunisa. Tsîs ge mari-e ǂgan tamase ra māǂuihe. ǁNā-amagan ge miliundi khoena Elobmîsa ǁîn ǁgûsi gowab ǃnâ a khomai ǁkhā. Elobmîsan nî ǁama-ū mari-i tsîna ge ūhâ tama hâ i khoen tsîna.