Matits amaba Elob xa a ǁkhāǁkhāsen ǁkhā?

1, 2. Mâ aiǁgausa ra ǁgau Elobats mâ ǀgaub hoab ai ǃoaba ǁoa ǃkhaisa?

MATI da Eloba a ǂan ǁkhā? ǂHâbasa e hoa ǂgomdi ra ǁkhāǁkhā xūna aibe ôaǃnâsa? ǁNās ge a ī ǁoa. Dī ǁkhā da ga xawe mati da nî ǂan mâs a ama ǁkhāǁkhā ǃkhai-e?

² Amabes ǃnâ nē go hâ ǂgui ǃkharagagu ǂâi ǀgaugu Elob xa, da ge ǀgau-e ǂhâba hâ ida amaba ǂan, khoesib nî ǀguiǃnâxasib ǃnâ ǁnâugu ǁkhāse. Aiǁgause: ǀGam khoera ge lā-i gāxusib xa ra ǂnoagu. ǁAmaxū-aos ge ra mî lā-i a ǃnona meter di, xawe ǁama-aos ge ra mî ǁîs ge ra ǂâi ǁnās xa i a ǃnubu ti. Nē khoera mati amab tawa nî sī? Lā-e ra ga ǀnē o, ǀnē ūhe ra xū-i ǀkha.

3. Elobmîsa tae-i ǃaroma ge xoahe?

³ ǂGoms ta amaba ǁkhāǁkhā ǃkhai-e, tae-i ai a ǀnēhe ǁkhā? Elobmîs ǀkha. Elob ge ǁÎb Mîsa ge xoa kai, mâ khoe-i hoa-i nî amaba ǁÎb xa ǁkhāǁkhāsen ǁkhā ga. Biliuns xa ǃnāsa Elob di mîdi ge ge ǁgâihe. Elobmîs ge ǃkharese tamas ka io hoase 2 100 gowagu ǃnâ a ǂnûiǃkhunisa. ǁAubexa mâ khoe-i hoa-i ge nētsē ǁî-i gowab ǃnâ Elobmîsa a khomai ǁkhā.

4. Elobmîsa taena ǃkhōǂgā hâ?

⁴ Elobmîs ge ǃgomǀgauxa ǀkhaeba Eloba xu. Elobmîs ge xūn hîna da ga ǂan tama hâ na ra mîǃgāǃgāba da. Elobmîs ge ǀhommi ǃnâ ûi hân xa ra mîba da. Elob ǀgaub,ǂâis tsî ǂâibasensa ra ǁgau da. Matib ge Eloba ǀoadisidi kuriku ǃkharu hâse khoen ǀkha gere sîsenǁae ǀgausa ra mîba da. Hānîǁaeb ǃnâ nî ī xūn xa ra ǃhoa, mati da ǀamo ûib daoba a hōǁkhā ǀgausa ra ǁgau da.

Mati-i io da Elobmîs ǃnâ a ǂgom ǁkhā

5. Mâ aiǁgausa ra ǁgau da Elobmîs kurusǂans ǀkha ǀgui ǃkhai-e?

⁵ ǂGui ǃaroman ge hâ ǂgom kai da nî te Elobmîs Eloba xu hâ ǃkhaisa. ǀGui ǃaromas ge Elobmîs ge kurusǂans ǀkha a ǀguiǃnâxa. ǀOrokam ǁaeb ain ge khoena gere ǂgom ǃhūbaib xū-i ai ǃgîmâisa di. Huriǂoas Afrikab tis ǃnân ge ǁae-i ǃnâ gere ǂgom, ǃhūbaib turo ǀaos namisen hâs xa ǃkhōmâihe hâ ti, 3 500 ǃnâte ǀgawiga namisen tsî 3 500 ǃnâte ǃnāga namisen hâsa. Xawe kurusǂans ǀkha ǀguiǃnâxaseb ge Elobmîs xoa aoba ǀnai 3 500 kurigu ǃkharuhâse ge xoa Elob ge “ǃhūbaiba ǂgā-mâi xu tama i dawa.”—Job 26:7.

6. Tae-e ra ǁgau da Elobmîs ǁÎba xu hâ ǃkhaisa?

⁶ Elobmîs ge ra ǁgau nē mîs Eloba xu hâsa, hānîǁaeb ǃnâ nî ī xūnas ǃamkuse ra mîǃgāǃgāba da amaga. Elob ge hānîǁaeb xa ǃamkuse a ǂan. ǁÎb ge mîǁgui xūn hoan ge ra ī.

7. Mâ Elobmîs aimûǀgarude xoaheti ge hâ-i khami ge ī?

⁷ ǂGui aimûǀgarudi ge īgeǁaeb ǃnâ ge ǂhaiǂhaihe tsî ge dīǀoaǀoahe. Aiǁgause, 700 kurigu aiǃâs ge Elobmîsa ǀnai Jesub ǃnaes xa ge xoa hâ-i. ǁÎb ge Betlehems ǃnâ nî ǃnae tis ge xoasa ge mî tsî i ge di ge ī. (Mixab 5:1; Mateub 2:3-9) ǃAruǀîs ge Elobmîsa ge kēbō Jesub ǂkham khoes sorosise ao-e ge ǂan tama hâ is xa nî ǃnaehe tsîb nî ǃnona disi mariti ai ǀapexūhe di. ǁNā aimûǀgarudi tsîn ge ti ǀgui ge ī. Amabese i ge khoe-e nē xūna ge mîǁgui ǁoa īǃ—Jesajab 7:14; Saxarjab 11:12, 13; Mateub 1:22, 23; 27:3-5.

8. Mâ Elobmîs aimûǀgarude nē ǁaeb ǃnâ ra dīǀoaǀoahe, tsî tae-e di ra ǁgau da?

⁸ Nētsē di ge ǂgui aimûǀgarudi hîna ge xoahe hâ-i te sada ǁaeb ǃnâ ra dīǀoaǀoa-e. Nēti ge ǀnîde:

• “Nē ǁaes ge nau ǁaes ǃoagu nîra khâi [toro ǃkhams ǃnâ], tsî nē gaosis nau gaosis ǃoagu. Tsî ǃkharaga ǃkhaiti ain ge ǃhūǂguwigu tsî ǃâ tsūkēǀkhagu tsî ǂhīra ǀaesengu tsîna nîra ǃnae.”—Lukab 21:10,11.

• Tsî “ǂkhawasib nî ǂguiǂguisen.”—Mateub 24:12.

• “ǀUni tsēti ǃnâ gu . . . ǁî-ǀnamsenxa, mari-ǀnamxa, . . . ǁgûna ǁnâuǀnam-oǃnâ, . . . ǀgau-oǃnâ, ǁaixasa, !gâina ǃoa ǀnam-oǃnâ, . . . turaba !nāsase Elob xa a ǀnam.”—2 Timoteub 3:1-5.

Nē xūna sada ǁaeb ǃnâ ī i ra? Elobmîs ge ǂgomǂgomsa tsî ama-ai, nē aimûǀgarudi ge ra ǁgau Elobmîs ǀnî ǂkhani-i ǀkha ǀgopeǀnōhe ǁoa ǃkhaisa. Elob gāgāb xa ûi-ûisa ǂkhanis ge!—2 Timoteub 3:16.

Elobmîsa ǀkharaǀkharahe i ge?

9, 10. Tae-e ra ǁgau Elob ge ǁîb mîsa ǀkharaǀkharahesa mā-am tama hâ-i ǃkhaisa?

⁹ Kuruǁgâubats ge ūhâ tsîts ge ǁgaraga sa sîsen-aona ra mā. Khākhoe-i ga hā tsî sa ǁgaraga ǀkharaǀkhara o, matits nî dī? Dī-unu its tite nē go ǀkharaǀkharahe xūna? ǁNās ǁkhās khamib ge Eloba khoe-e mā-am tama hâ Elomîsa ǀkharaǀkharasa.

¹⁰ ǁNān Elobmîsa gere ǀkharaǀkhara ǂgaon ge dīhō tama ge i. ǂGuro xoahe ge ǂhawegu ge nētsē hâ mîs ǀkha a ǀgui. Nēs ge ra ǁgau Elobmîs ge tātsē ǁae-i ǃnâ xoa ǀkharaǀkharahe tama hâ-i ǃkhaisa.