ǁNaeǁgaudi Sida Xristeǁî ûib tsî aoǁnâ sîsenni sîsen ǂkhanib

JUNIB 4-10

ELOBMÎSA XU HÂ ǂÛǂÛSA MÎDI | MARKUB 15-16

“Jesub ge kēbode ge dīǀoaǀoa”

(MARKUB 15:3-5) O gu ge ǀgapipristerga ǁîba ǀgaisase ge ǀanaǃgâ. ⁴ Ob ge Pilatuba ǁkhawa dî bi tsî ge mî: Xū-ets ǁnâi ǃeream tama hâ? Mû matikō xūna gu satsa ra ǂgā-am ǃkhaisa. ⁵ Xaweb ge Jesuba ǃaruǀî xū-i xare-e ǃeream tama ge i, Pilatub ge burus kōse.

(MARKUB 15:24) Tsî ǃgâu bi gu geo, o gu ge ǁîb sarana ge ǀgoragu, ǂnōgusa ao tsî, tarib âgu nî mâ xū-e hōsa.

(Markub 15:29, 30) Jesub ge ǁnāpa xu aiǃâb ǃoa ǃgûo, ob ge Galileahurirob tawa ge sī, ǃhommi ai ǃapa tsî ǁnāpa ge ǂnû. ³⁰ Tsî ǂgui ǂnubidi ge ǁîb ǃoa ge hā, tsîn ge ǁîn ǀkha ge ūhā: ǃHom hân, ǂgī hân, ǃgomen, ǃhoran tsî ǂguin nēti īn tsîna; tsîn ge ǁîna Jesub ǂaira tawa ge ǁgui, tsîb ge ǁîna ge ǂuruǂuru.

nwtsty study notes Mrk. 15:24, 29

ǁîb sarana ge ǀgoragu: ǃNaeǃkhaidi hîna Jhn. 19:23, 24 ǃnâ hâdi ge Mateub, Markub tsî Lukab ǃnâ hōhe tama hâ. Romeǁî soldagu ge ǂnōgusa [dicesa] ǃaugab tsî ǂganagab sarab ai ge ao. Nē soldagu ge Jesub saraba “haka ǃâse ge dī” tsî ǃaugab ǃâga ge ǀgoragu. ǁÎgu ge ǂganagab saraba ge ǀgoragu ǂgao tama hâ i. ǁNā-amaga gu ge ǂnōgusa [dicesa] nē sarab ǂam-ai ge ao. Nē ǃnaeǃkhais ge ǂnōgus [dices] Mesiab sarab ai nî aohe kēbosa ge dīǀoaǀoa Psa. 22:18 ǃnâ. ǁNaetib ǃoagu i ge khoe-i hîna go ǃgamhe î di sarana ǃgam-aon xa gere ūǀgarahe. Tsūdī-ao-i ge ǁî-i saran tsî ū i go hâ i xūn tsîna gere ū xū-e. Nēs ge kai taotaosiba gere ǃaroma.

ǃnabindana: Hoaǃnâ-aixases ge nēsa mîn xa gere saohe. Nē ǁgâiǂuisens ge khoe-e ǃgôaǁnâsa ǃoa gere ǁnaeǁgau. ǃGû ǃkharu-aon tsîn ge mûǂan tamase Psa. 22:7 ǃnâ a xoasa kēbosa ge dīǀoaǀoa.

(MARKUB 15:43) ǃNubaib ge Joseb Arimateas dib, ǃgôa-anusa ǀapemā-aob, aitsama ǁkhāti Elob gaosiba ra ǃâuba ge dītsâ Pilatub tawa ǂgâ tsî Jesub sorosa ǂgansa.

(MARKUB 15:46) Ob ge ǃuri ǃkhai-i xa ǁama tsî ūǁnâ bi, ǃuri ǃkhaib ǃnâ ǃgami bi, tsî ǁaos, ǃhao-i ǃnâ ǁhāǂgāhe hâs ǃnâ ǁgui bi, tsî ǀui-e ǀhobas ams ai ge gabaǂnûi.

nwtsty study note Mrk. 15:43

Joseb: ǃGâiǂhôas xoa-aogu ge ǃkharagaǃnâgu ǃgāsasiba Joseb xa gere mā xawe ǀgui ǂâibasens ǀkha. Mateub ǁgui-aimaridi ǀhaoǀhao-aob ge ge mî Joseb ge ‘ǃkhū hâ khoeba.’ Markub hîna ge Romeǁîna gere xoabab ge ge mî Joseb ge ‘ǃgôa-anusa ǀapemā-ao’ īsa, hîna ge Elob Gaosiba ǃâu hâ iba. Lukab hîna ge ǀaedī-ao īb ge ge mî Joseb ge ‘ǃgâi tsî ǂhauǃnâ khoe’ īsa, hîna ge Jesub ǃoagu ǁhûi tama hâ iba ǁîgu ǀapeǀhaos ǃnâ. Johaneb ǂûb ge ge mî Joseb ge “Jesub di ǁkhāǁkhāsabe” īsa, xaweb ge ‘Jodeǁîna gere ǃao’ tsî gere sâusen.—Mat. 27:57-60; Mrk. 15:43-46; Luk. 23:50-53; Jhn. 19:38-42.

Gagasi xūna ǀō-aisase ôaǃnâs

(MARKUB 15:25) Tsîb ge ǃnonaǁî ir ge i, ǃgâu bi gu ge ǃnubai.

nwtsty study Mrk. 15:25

ǃnonaǁî ir: ǁNās ge ǁgoas khoese irsa. ǀNî khoen ge ra mî ǃkharagagusib hâ ǃkhaisa Jhn. 19:14-16 ǃnâ xoamâisa ǃnaeǃkhais ǃnâ hîna ra mîsa ‘ǃnaniǁî iri’ aib ge Jesuba Pilatub xa māǁnâhesa îb ǃgamhe. Elobmîs nē ǃkharagagusiba ǁguiǃā tama hâ xawen ge sao ra xūna ǂâiǃgâsa nî hui da: ǃGâiǂhôas ǃnaeǃkhaidi ge hoaǃnâ-aixase a ǀguiǃnâxa ǁaeb tsî ǁaxasib Jesub ǀuniga ǃuis ǃhūbaib aib ge hâ is xa. Hoa haka ǃgâiǂhôas xoagu ge ǀgapipristergu tsî ǁaes di kaigu ge ǃuia a ǀhao tsî Jesuba Romeǁîn ǃāǃkhōmâi-aob Pontiub Pilatub ǃoa ge ī-ūsa ra mî. (Mat. 27:1, 2; Mrk. 15:1; Luk. 22:66–23:1; Jhn. 18:28) Mateub, Markub tsî Lukab tsîn ge ra mî Jesub ge ǃgâuhaib ai mâ i o, o i ge ǀnai ge ǃhae i ǃhūb ǃnâ “ǃnaniǁî ira . . . khoeseǁî iri kōse.” (Mat. 27:45, 46; Mrk. 15:33, 34; Luk. 23:44) ǀGui ǃkhais Jesub di ǁōb ǁaeb ai sîsenǂuisa ūhâs ge: ǂNauhes ge ǂgui khoen xa ǃgamhes di ǃâb ase gere mûhe. ǀNî ǁaegu ai i ge khoe-e gere ǂnauhe î-i ǁō. Jesub ǁhōb ǃnâs ge nē ǂnauhesa kaise ge ǁkhōǁkhōsa i, ǁnā-amagab ge ǀnî hâ khoeba ǁîb ǃgâuhaiba ge tani hui bi. (Luk. 23:26; Jhn. 19:17) ǃGamhets nîs aiǃâts ge aibe gere ǂnauhe, ǀnî mîdi ǃnâ i ge kai ǁaeba ge ǃkharu Jesub nî ǃgâuhes aiǃâ. Mat. 27:26 tsî Mrk. 15:15 ge ǂnauhes tsî ǃgâuhes tsîna ge xoamâi tsî nē ǃkhaisa ra ǂkhâǃnâ. ǃKharagaǃnâgu khoen ge ǀkhara ǁaega ra mā. Nēs ge ǁîn mûǂuis xūnan gere mû ǀgauba xu hâ. Nēs ge ra ǁguiǃā Pilatub ge buru ǃkhaisa Jesub ge ǃgâuheb ges khaoǃgâ a ǁō ǃkhaisa. (Mrk. 15:44) Elobmîs xoa-aogu ge ǁnaetib ǃoagu tsēsa haka irgu ǃnâ gere ǀgora. Nēs tsîn ge ǃuia di gere dīhe. Tsēsa ǁnā ǀgaub ǃnâ ǀgoraǂgās ge ǃnonaǁî, ǃnaniǁî tsî khoeseǁî ira ge ǃkhōǂgā hâ i. Nēs ge sores ǁhaisa xu ǁaubexa ǁgoagas di ǃnani iris kōse gere ǃgôahe. (Mat. 20:1-5; Jhn. 4:6; ǃNǃkh. 2:15; 3:1; 10:3, 9, 30) Khoen ge hoaǃnâ-aixase ǁaeǃgôade ge ūhâ tama hâ i. Tsēs di ǁaeb ge sao ra mîs ǀkha gere ǃkhōǀhaohe “ge i” di hâs ǀkha nēs ge Jhn. 19:14 ǃnâ ra hōhe. (Mat. 27:46; Luk. 23:44; Jhn. 4:6; ǃNǃkh. 10:3, 9) ǃKhōǀhaos ǃaroma: Markub ge ǂnauhes tsî ǃgâuhes tsîn xa ǁîb ǂkhanis ǃnâ ge xoa, xaweb Johaneba ǃgâuhes xa ǀgui ra ǃhoa hîna. Hoa ǀgam xoa-aoga ge ǁaeba ge ǃkhōǃnubuǃnu tsēs ǃnona ǃâgu ǃoa-ai. Johaneb ge ǁaeba ǃoab gere ǁnaeǁgau o “ge i” di hâ mîsa gere sîsen-ū. Nē ǃkhaidi ge ǃkharagagu ǁaegu nau ǃnaeǃkhaidi ǃnâ a ǃkhōǂgāsadi tsîna ǃkhōǂgā hâ. Johaneb ge xoa xūn ge kurin ǃkharu hâse ge xoahe. Xawe ǁîb ge xoa xūn ǁaegu xas ge ra ǃkharagagu Markub dina xu. Xawe nēs ge ǂâibasen tama hâ Johaneb ge Markuba a ǁgae ǃkhaisa.

(Markub 16:8) O di ge ǃnoesase ǀhobasa xu ge ǂoa, ǃhurib tsî ǀkhūb tsîkha xa di go ǃkhōhe xui-ao, tsî di ge khoe-i xare-e xū-i xare-e mîba tama ge i, ǃao di ge hâ i xui-ao.

nwtsty study Mrk. 16:8

ǃao di ge hâ i xui-ao: Markub di ǂguro xoadi ǃoagus ge ǁîb ǂkhanisa 8ǁî ǁaraǃās ǀkha ra ǀam. ǀNî khoen ge ra mî ǁnā ǀams kaise a ǃnuburo di, ama ǀams ǁîb ǂkhanis dis ǃgao. Markub ge hoaǃnâ-aixase ǃnubu xoa ǀgauba ge ūhâ i. Jerome tsî Eusebius hîna ge 400 kurigu ǃkharu hâse ûi hâ i tsî Elobmîsa gere ôaǃnâ kha ge “ǃao di ge hâ i xui-ao” di hâ mîdi a ǂgomǂgomsa ǃkhaisa ge a ǁgau.

ǀNî Grikegowab manuscriptsgu tsî ǂnûiǃkhunidi tsîn ge gaxu tamas ka io ǃnuburo xūna ǀaro hâ 8ǁî ǁaraǃās khaoǃgâ. Nē gaxu ǀams ge (12 ǁaraǃāde ūhâ) hîna Codex Alexandrinus, Codex Ephraemi Syri rescriptus, tsî Codex Bezae Cantabrigiensis ǃnâ ra hōhe, nēn hoan ge 5ǁî kurib sida ǃgôaǁaeba xu hâ. Nē ǁaraǃādi tsîn ge Latin Vulgate, Curetonian Syriac, tsî Syriac Peshittas ǃnâ ra hōhe. Xawe nē ǁaraǃādi ge 400 kurigu ǃkharu hâse ge ǂkhai tama hâ i Grike manuscriptsgu, Codex Sinaiticus tsî Codex Vaticanus ǃnâs tsîna. ǁNās ǁkhās khamigu ge ǀoro manuscriptsgu Markub diga Armeniab tsî Georgiab gowa kha ǃnâ 8ǁî ǁaraǃās tawa gere ǀam.

Grikegowab manuscriptsgu tsî ǂnûiǃkhuni-aon tsîn ge ega ǀnî gowagu ǃnâ nē ǃnubu ǀamsa ge ǃkhōǂā (kaise ǃnubu ǁgaraga). 8ǁÎ kurib sida ǃgôaǁaeb dib ǃnâs ge Codex Regiusa ǃnubu ǀamsa ge mā. Tsî ra mî mâ ǀams hoas ge ǀnî ǃâgu ǃnâ a xoasa tsî a ǂgomǃgâhe ǁkhā.

ǃNUBU ǀAMS

Mrk. 16:8 ǃnâ hâ ǃnubu ǀams ge Elobmîs ai ǃgaoǃgaosa tama hâ. ǁÎs ge sao rase ra khomai:

Hoa xūn hîna mîmāhe hân ge ǃnubuse Petruba xu gere hā. Nē xūn khaoǃgâb ge Jesuba aiǂoasa xu huriǂoas ǃoa ǁîgu ǃnâ-ū ǃanu tsî ǁgaiǁgaihe ǁoa ǀamo ǂhôas ores disa ge hau.

GAXU ǀAMS

Mrk. 16:8 ǃnâ hâ gaxu ǀams ge Elobmîs ai ǃgaoǃgaosa tama hâ. ǁÎs ge sao rase ra khomai:

⁹ Tsî ǃnauǁgoaga ǂguro tsēs wekheb dis aib ge khâio, ob ge aibe Maria Magdalenas, hû ǁgâuagab ge ǃhaeǂuixūsa ge ǂhai. ¹⁰ Os ge ǃgû, tsî ǁîb ǀkha ge hâ in, ǃoa tsî ra āna ge ǂhôa. ¹¹ Tsî ǁîn ge ǁnâuo, ûib hâ tsîb go ǁîs xa mûhe ǃkhaisa, on ge ǂgom tama ge i. ¹² ǁNās khaoǃgâb ge ǁîn di ǀgamkha, ǃgû kha garu hîa, ǀkhara īsib ǃnâ ge ǂhai, ǃaub ǃnâ kha garu hîa. ¹³ O kha ge ǁîkha ǁkhāti ǃgû tsî nauna ge ǂhôa, xawen ge ǁîkha tsîna ǂgom tama ge i. ¹⁴ Ega, disiǀguiǀagu tāb tawa ǂnôa, hîab ge ǁîga ǂhai, tsî ǁîgu ǂgomoǃnâsib tsî karokarosens ǂgaogu dis tsîn ǃaroma ge ǃgabe, khâib go ǃkhaisa go mûna gu go ǂgom tama i amaga. ¹⁵ Ob ge ge mîǀî gu: ǃGûǂoa ǃhūbaib hoaragab ǃnâ, î go aoǁnâ ǃgâiǂhôasa khoesib hoab ǃoa. ¹⁶ ǂGom tsî ga ǁāǁnâhe hâ-i, ǁnā-i ge nîra ǃgâiǃō, xawe ǂgom tama ka i-i, ǁnā-i ge nîra ǀâxarexūhe. ¹⁷ Tsî nē saodi ge nîra ǂgom karana sao: Ti ǀons ǃnân ge ǁgâuaga ǃhaeǂui, ǀasa namdi ǀkha ǃhoa, ¹⁸ ǀaona ūkhâi tsî ǁōǁōsa xū-en ga ā, xawe i ge ǁîna ǂkhôadī tide; ǀaesen hânan ge nî ǃomma ǁgui-ai, on ge nîra ǂgau.

¹⁹ Ob ge ǃKhūba ǁîgu ǀkhab ge ǃhoatoao, ǀhommi ǃoa ūǃapahe, tsî Elob amǀkhāb ǁôab ai ge ǂnû. ²⁰ O gu ge ǁîga ǂoa tsî mâ ǃkhai-i hoa-i tawa gere aoǁnâ, tsîb ge ǃKhūba ǁîgu ǀkha gere sîsenǀhao tsî mîsa saoǃgon ra saodi ǀkha gere ǀgaiǀgai. Amen

Elobmîs khomai ǃâs

(Markub 15:1-15) Tsî ǃhaese ǃnauǁgoaga, ǀgapipristergu tsî kaigu tsî xoaǂansabegu tsî ǀapeǀhaos hoas ǀapesa ge dītoas khaoǃgâ gu ge Jesuba ǃgae tsî ūǃgû, tsî Pilatuba ge māǁnâ bi. ² Ob ge Pilatuba ge dî bi: Jodeǁîn gao-aotsa ǁnâi satsa? Ob ge ǃeream tsî ge mîǀî bi: Sats ra mî. ³ O gu ge ǀgapipristerga ǁîba ǀgaisase ge ǀanaǃgâ. ⁴ Ob ge Pilatuba ǁkhawa dî bi tsî ge mî: Xū-ets ǁnâi ǃeream tama hâ? Mû matikō xūna gu satsa ra ǂgā-am ǃkhaisa. ⁵ Xaweb ge Jesuba ǃaruǀî xū-i xare-e ǃeream tama ge i, Pilatub ge burus kōse. ⁶ Tsîb ge Pasxaǁâus ai ǀgui ǃkhōsab ǂgaon kab hoaba gere xūba. ⁷ Tsîb ge ǀguiba ge hâ i Barabab ti ra ǂgaiheb, ǀnî khâikhâiǃnâ-aogu, khâikhâiǃnâdi ǃnâ ge ǃgamgu ǀkha ge ǃkhōheba. ⁸ Os ge ǂnubisa ǃapa tsî ge ǂgantsoatsoa, hugab gere dī khamib nî ǁîna dībasa. ⁹ Ob ge Pilatuba ǁîna ǃeream tsî ge dî: ǂGao du ǁnâi hâ Jodeǁîn di gao-aoba ta nî xūba dusa? ¹⁰ ǂAnni ge i, ǀgapipristergu go ǁîba suriba xu a māǁnâsa. ¹¹ O gu ge ǀgapipristerga ǂnubisa ge ǀapeǃnâ, îb Barababa ǁîna xūba. ¹² Ob ge Pilatuba ǃeream tsî ǁkhawa ǁîn ǃoa ge mî: Tsî mati du ǁnâi ǂgao hâ ǁîba ta nî sîsenūsa, Jodeǁîn gao-aob, ti du ǁîb xa ra mîba? ¹³ On ge ǁkhawa ge ǂgai: ǃGâu bi, ti. ¹⁴ Ob ge Pilatuba ǁîna ge mîǀî: Mâ ǂkhaba-eb ǁnâi dī hâ? Xawen ge ǃaruǀîǀgui: ǃGâu bi, ti ge ǂgai. ¹⁵ Ob ge Pilatuba ǂnubis di ǂâisa dī ǂgao tsî ǁîna Barababa xūba, tsî Jesuba ge māǁnâ, ǂnauheb kas khaoǃgâb nî ǃgâuhese.

JUNIB 11-17

ELOBMÎSA XU HÂ ǂÛǂÛSA MÎDI | LUKAB 1

“Marias ǃgamǃgamsenxasiba ǁgae re”

(Lukab 1:38) Os ge Mariasa ge mî: Mû, ǃKhūb [Jehovab, NW] di ǃgāta ge tita; mîts go khami a-i īǀkhā te; ob ge ǀhomǃgāba ǁîsa xu ge bē.

ia-E 149 ¶12

‘Mû, ǃKhūb [Jehovab, NW] di ǃgās’

¹² ǁÎs di mîdi ge ǃgamǃgams tsî ǁnâuǀnamxasib tsîna ǂgomsa ūhâ khoen ǃnâ ra kaikai. ǁÎs ge Gabriela ge mîba: “Mû, ǃKhūb [Jehovab, NW] di ǃgāta ge tita; mîts go khami a-i īǀkhā te.” (Lukab 1:38) ǃGā ǀgôas ge ǃgān hoan xa ge xūse ǃgôahe tama hâ i. ǁÎs ûib ge ǁîs ǀhonkhoeb ǃomra ǃnâ ge hâ i. Marias ge Jehovab hîna a ǁîs ǀhonkhoeb xa di gere tsâ. ǁÎs ge ge ǂan i ǁîb di ǃom an ǁaegus ge ǃnorasa isa. ǁÎs ge ge ǂan i Jehovab a ǂgomǂgomsa ǃkhaisa ǁnān hîna ǁîb ǃoagu a ǂgomǂgomsana. Tsîb nî ǁîsa ǀkhaesa ǁîs di ǀasa ǁgaumâis ǃnâ.—Psa. 18:25.

(Lukab 1:46-55) Os ge Mariasa ge mî: Ti ǀoms ge ǃKhūba ra kaikai, ⁴⁷ tsî ti gagas ge ra dâ, Elob ti ǃGâiǃōdī-aob ǃnâ, ⁴⁸ ǁîb ǃgās di ǃgamǃgamsensab go ǃgapaǀî amaga; tsî mû, nēsisa xu di ge hoa ǃhaode ǃgâiǃōse nîra kare te, ⁴⁹ kai xūnab go ǀgaisaba dī te amaga, tsî ǀons âb a ǃanu, ⁵⁰ tsî ǁîb di ǀkhommi ra hâhâ nē ǃhaosa xu nau ǃhaos kōse, ǁîba ra ǃaoǃgân ǂama. ⁵¹ ǀGaisa dī-eb go dī, ǁîb di ǁôab ǀkha; ǁîn ǂgaogu di ǂâidi ǃnâ ǃguri hânab ge go ǀgaruǀ ⁵² ǀGaisanab ge tronde xu go ǂgaeǁnâ, tsî ǃgamǃgamsensanab ge go ǀgapiǀgapi. ⁵³ ǃÂ hânab ge ǃgâin ǀkha go ǁâǁâ, tsî ǃkhū hânab ge ǀkhaiǃomse go sîbē. ⁵⁴ Israeli, ǁîb di ǃgābab ge go hui, ǀkhommi âb xa ǂâi tsî. ⁵⁵ Sada îgab ge mîba khami, Abrahammi tsî ǁîb di suriba ǀamosib kōse.

ia-E 150-151 ¶15-16

‘Mû, ǃKhūb [Jehovab, NW] di ǃgās’

¹⁵ Marias ge ge ǃhoa. ǁÎs mîdi ge kaise ǃamkuse Elobmîs ǃnâ a ǃkhōǂgāsa. (Khomai re Luke 1:46-55.) Nēs ge Marias gaxu mîde Elobmîs ǃnâ a ǃkhōǂgāsade tsî ǁîs xa ǂguina ra ǂanǂan. ǁÎs ge Jehovaba nē aiǂhanub tsî ǀkhaeb ǃaroma ge gangan, Mesiab ǁgû kais nîs ǃgao. Nēs ge ǁîs ǂgoms ǃgamsiba gere ǁgau Jehovab xas gere ǃhoa o, matib ǀgapiǂâixan tsî ǀgaisan tsîna ra tao kai ǀgaub xa. Tsî matib ǂkhabusan, ǀgâsan tsî ǁÎba gere ôana ra hui ǀgauba. Nēs ge ǁîs ǂans tsîna ge ǁgauǁgau. ǁÎs ge 20 ǁnaeǁgaude Hebre Xoadi ǃnâ ge dī.

¹⁶ Kaise a ǃgāsas ge Marias ge kaise ǃgamse Elob mîdi xa gere ǂâi. ǁÎs ge ǃgamǃgamsen tsî gere mā-am îs Elobmîsa ǃhoa, ǁîsa aitsama ǃhoas ose. Nē ǀgôab hîna ǁîs ǁhās ǃnâ gere kaib ge ǁkhā ǀgauba ǀgui tsē nî sī ūhâse ge ī-i, mî rase. “ǁKhāǁkhās âtas ge ti tama hâ, xawes ge a tita ge sîb di.” (Johaneb 7:16) Kaise da ge ǃgâise nî dī dîsen da ga ra o: ‘ǁGau i ta ra ǁkhā ǃgam ǃgôasiba ta Elobmîsa ūba hâsa? Tamas ka io ti ǂâis tsî ǁkhāǁkhāde ta ra sao?’ Marias mâǃkhais ge ge ǃgāsa i.

Gagasi xūna ǀō-aisase ôaǃnâs

(Lukab 1:69) tsîb ge ǃgâiǃōb di ǁnâba go ūkhâiba da, Davib, ǃgāb âb di ommi ǃnâ;

nwtsty study note Luk. 1:69

ǃgâiǃōb di ǁnâba: Tamas ka io “ǀgaisa ore-aoba” Elobmîs ǃnâs ge xamarin di ǁnâba ǀgaib, ǃkhams tsî dans tsîna ra ǂnûǁkhaeba. (1Sam. 2:1; Psa. 75:4, 5, 10; 148:14) ǂGaeǂgui-aon, gao-aon, ǂhanu-ain tsî ǂhanuoǃnân tsîn ge ǁnâb ǀkha ra ǀgopeǀnōhe. Tsî ǁîn dans ǃkhams ǃnâs ge ǂnaugu ra ǁnâgu ǀkha a ǀgui. (Deu. 33:17; Dan. 7:24; 8:2-10, 20-24) ‘ǃGâiǃōb di ǁnâb’ di hâ ǁgâiǂuisens ge Mesiaba ǃoa ra ǁnaeǁgau hîna ǀgaiba ūhâba ores diba ǀgaisa ǀgaub ǃnâ.

(Lukab 1:76) Tsî sats ǀgôarots ge Hoan xa ǀGapib di kēbo-ao, ti nî ǂgaihe, ǃKhūb [Jehovab, NW] di ais aiǃâts nîra aiǃgû amaga, ǁîb daogats nî ǂhomiba bise,

nwtsty study note Luk. 1:76

ǃKhūb [Jehovab, NW] di ais aiǃâts nîra aiǃgû: Johaneb ǁĀǁnâ-aob ge ‘ǃKhūb [Jehovab, NW] di ais aiǃâ nî aiǃgû’ nēs ra ǂâibasens ge ǁîb ge Jesub aiǃâ nî ǃgû ǃkhaisa. Jesub ge ǁîb ǁGûba nî ǂnûǁkhaeba tsî ǁîb ǁGûb ǀons ǃnâ nî hā.—Jhn. 5:43; 8:29; study notesa khomai re Jehovab xa nē ǁaraǃās ǃnâ.

Elobmîs khomai ǃâs

(Lukab 1:46-66) Os ge Mariasa ge mî: Ti ǀoms ge ǃKhūba ra kaikai, ⁴⁷ tsî ti gagas ge ra dâ, Elob ti ǃGâiǃōdī-aob ǃnâ, ⁴⁸ ǁîb ǃgās di ǃgamǃgamsensab go ǃgapaǀî amaga; tsî mû, nēsisa xu di ge hoa ǃhaode ǃgâiǃōse nîra kare te,⁴⁹ kai xūnab go ǀgaisaba dī te amaga, tsî ǀons âb a ǃanu, ⁵⁰ tsî ǁîb di ǀkhommi ra hâhâ nē ǃhaosa xu nau ǃhaos kōse, ǁîba ra ǃaoǃgân ǂama. ⁵¹ ǀGaisa dī-eb go dī, ǁîb di ǁôab ǀkha; ǁîn ǂgaogu di ǂâidi ǃnâ ǃguri hânab ge go ǀgaruǀgaru. ⁵² ǀGaisanab ge tronde xu go ǂgaeǁnâ, tsî ǃgamǃgamsensanab ge go ǀgapiǀgapi. ⁵³ ǃÂ hânab ge ǃgâin ǀkha go ǁâǁâ, tsî ǃkhū hânab ge ǀkhaiǃomse go sîbē. ⁵⁴ Israeli, ǁîb di ǃgābab ge go hui, ǀkhommi âb xa ǂâi tsî. ⁵⁵ Sada îgab ge mîba khami, Abrahammi tsî ǁîb di suriba ǀamosib kōse. ⁵⁶ Tsîs ge Mariasa ǁaupexa ǃnona ǁkhâgu kōse ǁîs ǀkha ge hâ; tsî ǁnās khaoǃgâs ge ge ǁaru. ⁵⁷ Tsî Elisabets ǁaeb, ǀgôa-es nî hōb ge mâtoao, os ge ǀgôaba ge ǁora. ⁵⁸ Tsî ǁanǁare-aon tsî ǀaokhoen âs ge ǁnâu, ǃKhūb go kai ǀkhomma ǁgau si ǃkhaisa, on ge ge ǃgâiaǂgaoǀkhā si. ⁵⁹ Tsî i ge ge ī, ǁkhaisaǁîtsēs ain ge hā ǃkhaisa, ǀgôaroban nî ǃgaose, on ge ǁîba ǁgûb di ǀons ǃoa Saxaria, ti ge ǂgai. ⁶⁰ Os ge ǁgûsa ǃeream, tsî ge mî: Hî-î, xaweb kom Johaneb ti nî ǂgaiheo. ⁶¹ On ge ǁîsa ge mîǀî: ǀGui-i xare-i kom sa ǀaokhoen ǃnâ hâ tamao, nē ǀonsa ūhâ-e. ⁶² On ge ǁgûba ǃommi ǀkha ge ǁgau, matib nî ǁîba ǂgaihesab ra ǂgao ǃkhaisa. ⁶³ Ob ge xoa-aixūro-e ǂgan, tsî ge xoa: Johaneb ge ǀons âba. On ge hoana ge buru. ⁶⁴ Tsî ǁnātimîsis ge ams âba ge khowahe tsî nams âba ge xorehe, ob ge ǃhoa tsî Eloba ge kare. ⁶⁵ Tsî ǁanǁare-aon hoan ge ǃaob xa ge hāǂamhe; tsîn ge nēn hoan xa Judeab ǃhomxa ǀkharib hoab ǃnâ kaise ge ǃhoabagu. ⁶⁶ Tsî ǁnâu gen hoan ge ǁîsa ǂgaob ǃnâ ū tsî ge mî: Tare-e kha nî ī nē ǀgôarob ǀkha? Tsîb ge ǃKhūb di ǃomma ǁîb ǀkha ge hâ i.

JUNIB 18-24

ELOBMÎSA XU HÂ ǂÛǂÛSA MÎDI | LUKAB 2-3

“ǂKhamkhoedo—Gagasise ǀgai its ra?”

(Lukab 2:41, 42) Tsî ǁgûra ge kurikorobe Jerusalems ǃoa gere ǃapa Pasxakaitsēs ǃoa. ⁴² Tsî disiǀgamǀa kurixab ge, ǃnubai ra ge Jerusalems ǃoa ge ǃapa, kaitsēs di ǁnaetiba ǃoa.

nwtsty study note Luk. 2:41

ǁgûra ge kurikorobe: ǂHanub ge ge mā-am tama hâ i î di tarekhoede Pasxab ǁâudība hâǃnâ. Xawes ge Mariasa ǁnaetib ase Joseba Jerusalems ǃoa gere sao, nē ǁâudīb ǃgao. (Eks. 23:17; 34:23) Mâ kurib hoaban ge ǁaubexa 300 km na omarise gere ǃgû.

(Lukab 2:46, 47) Tsî i ge ge ī, ǃnona tsēdi khaoǃgâ ra ge tempeli ǃnâ hō bi ǃkhaisa, ǁkhāǁkhā-aogu ǁaegu ǂnôase, ǁîga ǃgâ tsî ra dîǃnâguǃâ. ⁴⁷ Tsî ǁnâu bi ran hoan ge ge burugâ, ǁîb ǂans tsî ǃereamdi xa.

nwtsty study notes Luk. 2:46, 47

dîǃnâguǃâ: Jesuba gere ǃgâgu ge ǁîb dî ǀgaub ǀgôaro-e xu ra hā di ge tsâ tama hâ i. (Luk. 2:47) Grikegowab mîs “dîǃnâgu” di hâs ge ǁnâuǃgâǃkhaib ǃnâ ra dîhe dîdi ǃoa ra ǁnaeǁgau. (Mat. 27:11; Mrk. 14:60, 61; 15:2, 4; ǃNǃkh. 5:27) ǃNaeǃkhain xoa-aon ge ra mî, ǁnaetib ǃoagu gu ge ǁkhāǁkhā-aoga tempeli ǃnâ ǁâudīb khaoǃgâ hâǀgara tsî khoena gere ǁkhāǁkhā. Khoen ge ǁnā aogu ǂai-amdi ai ǂnû tsî dîde ge dî ǁkhā i.

burugâ: Grikegowab sîsen mîs “burugâ” di hâs ge kaise burus ǃnâ hâhâs ǃoa ra ǁnaeǁgau.

(Lukab 2:51, 52) Tsîb ge ǁîra ǀkha ǁgôa, tsî Nasarets tawa sī, tsî gere ǁnâuǀnam ra. Tsî ǁgûs ge nē mîdi hoade ǂgaob âs ǃnâ ge sâu. ⁵² Tsî Jesub ge ǃaruǀîǀgui gā-aisib tsî kais tsîn ǃnâ ge ǀāro, tsî ǀnamǀnamsasib ǃnâ Elob tsî khoen tsîn tawa.

nwtsty study note Luk. 2:51, 52

ǁnâuǀnam: Tamas ka io “ǁnâuǀnamxasib ǃnâ ra hâǀgara.” Grikegowab sîsen mîs ge ra ǁgau Jesub ge tempeli tawa ǁkhāǁkhā-aoga Elobmîs ǂans ǀkha a mâǂoaba o. Ob ge ǁnās khaoǃgâ oms ǀkha oa tsî ǃgamǃgamsen tsî ǁîb ǁgûra ge ǁnâuǀnam. Nē ǁnâuǀnamxasib ge kaise ge ǀō-aisa i ǀnî hâ ǀgôan dib xa. ǁÎb ge Moseb ǂHanuba mâ ǃgāsasib hoab ǃnâ ge dīǀoaǀoa.—Eks. 20:12; Gal. 4:4.

Gagasi xūna ǀō-aisase ôaǃnâs

(Lukab 2:14) ǂKhaisiba ab Eloba ūhâ ǀgapiseb ǃnâ, ǂkhîba ab hâ ǃhūbaib ai, tsî ǃgâiǃgâibasensa khoen ǃnâ!

nwtsty study notes Luk. 2:14

ǂkhîba ab hâ ǃhūbaib ai, tsî ǃgâiǃgâibasensa khoen ǃnâ!: ǀNî manuscriptsgu ge sao rase a ǁgâiǂuihe ǁkhā “ǂkhîba ab hâ ǃhūbaib ai, tsî ǃgâiǃgâibasensa khoen ǃnâ!” tsî nē mîdi ge ǀnî Elobmîdi ǃnâs tsîna a ǃkhōǂgāsa. Xawe New World Translations ǃnâ hâ ǁgâiǂuisens ge kaise ǀgaisase ra ǂkhâǃnâhe. Nē ǂanǂans hîna ǀhomǃgāgu ǃnâ-ū ge mâǃkharuhes ge Elob ǃgâisib hoa khoen ǃoagu ūhâs ǃoa ge ǁnaeǁgau tama hâ. Xawe ǁnān hîna ǁîb ǃgâisiba ra ǃkhōǃoan tsî ǁÎb ǃnâ ra ama ǂgom an tsî ǁîb ǀGôaba ra saon ǃoa ǀgui ra ǁnaeǁgau.—study notesa khomai re ǃgâiǃgâibasensa khoen ǃnâ di hâsa nē ǁaraǃās ǃnâ.

ǃgâiǃgâibasensa khoen: ǃGâiǃgâibasen di hâ mîs ge ǀhomǃgāga xu ra hā haisi-amsa ǃoa ra ǁnaeǁgau Eloba ra ǂkhîǂkhîsa, khoen dis ose. Grikegowab mîs eu·do·kiʹa di hâs tsîn ge “mā-amsa” ǃoas tsîna ra ǁnaeǁgau. Sîsenǀhao ra sîsen mîs eu·do·keʹo di hâs tsîn ge Mat. 3:17; Mrk. 1:11; Luk. 3:22 ǃnâ ra sîsen-ūhe. ( study notede khomai re Mat. 3:17; Mrk. 1:11) nēpas ge Elob ra ǁîb ǀgôab ǀkha ǃhoa ǃkhaisa ǀgôab ǁāǁnâs khaoǃgâ. Nēpas ge hoaǃnâ-aixa ǂâibasensa hâ “mā-amhes, ǃgâiǃgâibasensa ūhâ aihes, ǃgâib ǃnâ hâs, ǂkhîb ǃnâ hâs.” Nēs ǀkha ǀguiǃnâxases ge “ǃgâiǃgâibasensa khoen” (an·throʹpois eu·do·kiʹasa) di hâ mîsa khoen hîna Elob mā-ams tsî ǃgâiǃgâibasensa ūhân ǃoa ra ǁnaeǁgau. Nēs tsîn ge sao rase a mîhe ǁkhā “khoen hîna Elob mā-amsa ūhân tamas ka io khoen Elob a ǂkhî ūn.” Nē ǀhomǃgāga xu ra hā haisi-ams ge Elob di ǃgâisib ǃoa ra ǁnaeǁgau, khoen dib ose. Xawe ǁnān hîna ǁîba ra ǂkhîǂkhîn ǁîb ǃnâ ǂgoms ǃnâ-ū tsî ǁîb ǀGôaba ra saona ǃoa ra ǁnaeǁgau. Xawe Grikegowab mîs eu·do·kiʹas tsîn ge khoen ǃgâiǃgâibasensa ǃoas tsîna a ǁnaeǁgau ǁkhā. (Rom. 10:1; Fil. 1:15) Xawes ge ǃnāsa ǁaeba Elob ǃgâiǃgâibasens ǃgao ra sîsen-ūhe. Tamas ka io ǁÎb ǃgâisib tsî khoe-eb ra mā-am ǀgaub ǃgao ra sîsen-ūhe. (Mat. 11:26; Luk. 10:21; Efe. 1:5, 9; Fil. 2:13; 2Tes. 1:11) Septuaginti ǃnâ Psa. 51:18 [50:20, LXX] ǃnâs ge “ǃgâiǃgâibasensa” Elob ǃgao ra sîsen-ūhe.

(Lukab 3:23) Tsîb ge Jesuba, tsoatsoab geo, ǁaupexa ǃnonadisi kurixa ge i, tsîb ge khoen xa Joseb ôab ase ge ūhe hâ i. Joseb ge a Helib ôa,

wp16-E.3 9 ¶1-3

ǂAn î du a?

Joseb dadaba ge ham i?

Joseb hîna ge ǃnao kuru-ao-ib ge ge Jesub di ôaǃgâǁgû i. Xawe ham-e ge Joseb dada-i? Mateub surib ǂgaekhais ǃoagub ge ge Jakob i. Xawe Lukab ge ra mî Joseb ge “Helib ôa” i ǃkhaisa. Tae-i ǃaromas nē ǃkharagagusiba hâ?—Lukab 3:23; Mateub 1:16.

Mateub ǃnaeǃkhais ge sao ra-e ra mî: “Tsî Jakob ge Joseb, Marias aoba ge hō.” Grikegowab mîs ge nēpa ǃgāsase ra mî Jakob ge Joseb dada i ǃkhaisa. Mateub ge Joseb surib ǂgaekhâiba tsoatsoasa xu ge ôaǃnâ. Gao-aob Davib ge ǂhanu mā-amsa ge ūhâ i, îb tronsa Joseb ǃnâ-ū ǁîb ôaǃgâǀgôab, Jesuba mā.

Lukab ǃnaeǃkhais ge ra mî: “Joseb ge a Helib ôa” di. Nē ǁgâiǂuisens ti “ôa” di hâs ge sao rase a ǁnâuǃāhe ǁkhā “ǀui ǀgôab” di. ǁKhā xū-i ge Lukab 3:27 ǃnâ ra hōhe, Sealtieli dadasab ge ge Jexonia i xaweb ge ‘Nerib ôab’ ǂgaekhâib ǃnâ ra hōhe. (1 Kroniks 3:17; Mateub 1:12) Sealtieli ge ǀnîsi Nerib ǀgôasa ge ǃgame hâ i tsî ǁnās ǀkha ge ǁîb ǀui ǀgôa kai. ǁNās ǁkhās khamib ge Joseba ge Helib di “ôa” kai, Helib ǀgôas Mariasab ge ǃgame ǃkhais ǃgao. Lukab ge Jesub ǁgûsi omarisa “ǁgans ǃoa” gere ôaǃnâ, Marias surib ǃnâ-ū. (Romeǁîn 1:3) Elobmîs ge Jesub surib ǂgaekhâisa ǀgam ǀō-aisa xūna xu ra mā xawe ǀgui ǂâibasens ǀkha.

Elobmîs khomai ǃâs

(Lukab 2:1-20) Tsî i ge ge ī ǁnā tsēdi ǃnâ, o i ge mîmā-e Kaesar Augustuba xu ge ǂoa, ǃhūbaib hoab nî xoamâihe ǃkhaisa. ² Tsîs ge nē ǂguro xoamâisa ge ī Sireniub, Siriab ǃnâ ǃāǃkhōmâi-ao ge i ǁaeb ai. ³ On ge hoana ge ǃgû, xoamâihen nîga, mâ-i hoa-e ǁî-i di ǃāsa ǃoa. ⁴ Ob ge Joseba ǁkhāti ge ǃgûǃapa, Nasarets, Galileab ǃnâ hâ ǃāsa xu, Davib ǃās, Judeab ǃnâ hâs, Betlehems ti ra ǂgaihesa ǃoa, Davib ommi tsî ǃhaosa xub hâ amaga, ⁵ xoamâiheb nîga, Marias, āba mā bi hâs, ǀgamǀkhā hâs ǀkha. ⁶ Tsî i ge ge ī, ǁnāpa ra hâ hîa di ge hōtsēdi âsa mâtoa ǃkhaisa. ⁷ Os ge ǂguro ǀgôab âsa ǁora, tsî ǃkhain ǃnâ ǃgami bi, tsî ǁgorob ǃnâ ge ǁgui bi, ǃgûkhoen ommi ǃnâ i ge ǃkhai-e ǀkhai-i amaga. ⁸ Tsî gu ge ǃûi-aoga ǁnā ǃaub ǃnâ ge hâ i, tsuxub ǃnâ gūn âga ra ǃûiga. ⁹ Tsî mû, ǀhomǃgāb ǃKhūb dib ge ǁîga ge ǂhai, tsî ǂkhaisib ǃKhūb dib ge ge ǃnâǃnâǂnamipe gu; o gu ge kaise ge ǃao. ¹⁰ Ob ge ǀhomǃgāba ǁîgu ǃoa ge mî: Tā ǃao, mû kai ǃgâiaǂgaoba ta ra ǂhôa go, mâ ǁae-i hoa-i di nîba, ¹¹ nētsēb ge ǃGâiǃōdī-aoba go ǃnaeba du ǃKhūb Xristub ge ǁîba, Davib ǃās ǃnâ. ¹² Tsî nēs ge saos âgo: ǀGôaroba go ge ǃkhain ǃnâ ǃgamihe tsî ǁgorob ǃnâ ǁgoese nî hō. ¹³ Tsî ǁnātimîsis ge ǀhomǃgāb ǀkha ǀhommi di ǂnubisa ge hâ i, tsî gu ge Eloba koa tsî ge mî: ¹⁴ ǂKhaisiba ab Eloba ūhâ ǀgapiseb ǃnâ, ǂkhîba ab hâ ǃhūbaib ai, tsî ǃgâiǃgâibasensa khoen ǃnâ! ¹⁵ Tsî i ge ge ī, ǀhomǃgāgu ge ǁîga xu ǀhommi ǃoa bēo, o gu ge ǃûi-aoga ge mîǀîgu: A ge Betlehems ǃoa ǃgû, î ge ī go ǃkhais, ǃKhūb go ǂanǂan gesa sī mû. ¹⁶ O gu ge ǃhaese sī tsî, Marias tsî Joseb tsîra, tsî ǀgôaroba ǁgorob ǃnâ ǁgoese ge hō. ¹⁷ Tsî mû gu ge, o gu ge mîs, nē ǀgôarob xa gu ge mîbahesa hoana ge ǃhoaba. ¹⁸ Tsî ǁnâu si gen hoan ge ge buru, ǃûi-aogu xan go mîbahen ǂama. ¹⁹ Tsî Marias ge nē mîdi hoade ǀhûpe ge sâu, tsî ǁîdi xa ǂgaob âs ǃnâ gere ǂâiǂâisen. ²⁰ Tsî ǃûi-aogu ge ǁkhawa oa, tsî Eloba koa tsî ge kare, ǁnâu tsî gu go mûn hoan ǂama, mîbahe gu go khami.

JUNIB 25–JULIB 1

ELOBMÎSA XU HÂ ǂÛǂÛSA MÎDI | LUKAB 4-5

“ǃÂitsâna mâǃoa re Jesub khami”

(Lukab 4:1-4) Tsîb ge Jesuba ǃAnu Gagab ǀkha ǀoa hâse ǁkhawa Jordanna xu oa, tsî Gagab xa ǃgaroǃhūb ǃoa ge ūǃgûhe. ² Tsîb ge hakadisi tsēde ǁgâuab xa gere ǃâitsâhe; tsî ǁnā tsēdi ǃnâb ge ǂûs tsîna hî tama ge hâ i; tsî ǃgôa-ī di geo, ob ge ega ge ǃâ. ³ Ob ge ǁgâuaba ǁîb ǃoa ge mî: Elob Ôats kao, nē ǀuisa mîmā îs pere kai! ⁴ Ob ge Jesuba ǃeream bi, tsî ge mî: Xoamâihe hâ: “Khoe-i ge pereba xu ǀgui ûi tama hâ, xawe mâ mîs Elob dis hoasa xu.”

w13-E 8/15 25 ¶8

ǂÂiǃgâ re, tae ǃnôa khoe kai ǂgao du rasa

⁸ Satanni ge ǁkhā ǀgauga ge sîsen-ū Jesuba ǃâitsâsa. Jesub ge 40 tsēdi tsî ǃuidi tsîna ǂû tamase hâ io, ob ge Satanna Jesuba ǂû-i turab ǀkha gere ǃâitsâ. “Elob Ôats kao” dib ge Satanna ge mî, o “nē ǀuisa mîmā îs pere kai!” (Lukab 4:1-3) Jesub ge ǀgam mîǁguiga ge ūhâ i dīb nîga: Jesub ge ǁîb ǀgaiba ge sîsen-ū ǁoa i, ǁîb di ǂûsi turaga dīǀoaǀoas ǃgao. Tamas ka iob ge nē ǀgaiba ga sîsen-ū hâ. Jesub ge ge ǂan i, ǁîb ǁnā ǀgaiba ǁîb ǂhâsigu ǃgao sîsen-ū ǁoa isa. ǃÂb ge i xaweb ge ǂûsi turaga ge dīǀoaǀoa ǂgao tama hâ i, ǁîb di ǀnammi Jehovabab ūba hâb xa. Ob ge Jesuba ǃeream tsî ge mî: Xoamâihe hâ: “khoe-i ge pereba xu ǀgui ûi tama hâ, xawe mâ mîs Elob dis hoasa xu.”—Lukab 4:4.

(Lukab 4:5-8) Ob ge ǁgâuaba ǀgapi ǃhommi ai ūǃapa bi, tsî hoa gaosidi ǃhūbaib dide ǀgui ǃnās ama ge ǁgau bi. ⁶ Ob ge ǁgâuaba ǁîb ǃoa ge mî: Satsa ta ge nē ǀgaib hoab tsî gaosidi di ǂkhaib ona nî mā; tita tsîn ge ge māhe, tsî ta ǂgao ta ra-i hoa-e ǁîna ra mā xui-ao. ⁷ Sats ga ǀgoreǀî teo, on ge nî hoana sa. ⁸ Ob ge Jesuba ǃeream bi, tsî ǁîb ǃoa ge mî: Bēxū te Satantse! Xoamâihe hâ xuige: “ǃKhūb sa Elobats ge nî ǀgoreǀî tsî ǁîb ǀguiba nî ǃoaba.”

w13-E 8/15 25 ¶10

ǂÂiǃgâ re, tae ǃnôa khoe kai ǂgao du rasa

¹⁰ O, Jesub di ǁhōb ǃnâs? Satanni ge “hoa gaosidi ǃhūbaib dide ǀgui ǃnās ama ge ǁgau bi. Ob ge ǁgâuaba ǁîb ǃoa ge mî: “Satsa ta ge nē ǀgaib hoab tsî gaosidi di ǂkhaib ona nî mā.” (Lukab 4:5, 6) Jesub ge ǁîb di mûdi ǀkha hoaraga gaosina ge mû tama hâ i. Xaweb ge Satanna nē gaoside ǁhapos ǃnâ-ū ge ǂhaiǂhai tsîn nî Jesuba ǂgae di ge ǂâi hâ i. Tao tamaseb ge Satanna ge mî: “Sats ga ǀgoreǀî teo, on ge nî hoana sa.” (Lukab 4:7) Jesub ge mâ ǀgau i hoa i ǃnâ ge ǁnā khoe ǂgao tama hâ i, Satanni gere ǂhâbaba. Jesub ge ǃhaese ge ǃeream. Jesub ge ge mî: Xoamâihe hâ xuige: ‘ǃKhūb [Jehovab, NW] sa Elobats ge nî ǀgoreǀî tsî ǁîb ǀguiba nî ǃoaba.’—Lukab 4:8.

(Lukab 4:9-12) Ob ge ǁîba Jerusalems ǃoa ūǃgû, tsî tempeli ǂamais ai mâi, tsî ge mîǀî bi: Elob Ôats kao, nēpa xu ǁnāǁnāsen! ¹⁰ Nēti xoahe hâ xuige: ǁÎb ǀhomǃgāgab ge sats xa nî mîmā, ǃûi tsi gu nîsa, ¹¹ tsî gu nî ǃomgu ai tani tsisa, ǂais âtsats ǀui-i tawa ǃnom tidese. ¹² Ob ge Jesuba ǃeream, tsî ge mîǀî bi: ǃKhūb sa Elobats ge ǃâitsâ tide, ti i kom ge mîheo.

nwtsty mediab

Tempeli ǂamais

Satanni ge ǀnîsi Jesuba “tempeli ǂamais [ǀgapi ǃkhais]” ai ge mâi hâ i. Tsî ge mîba bi îb aoǁnāsen xawe Jesub ge mâ i ǃkhais ge a ǀūsa. Tempeli di hâ mîs hîna ra sîsen-ūhes ge hoaraga ommi ‘tempeli’ dib ǃoa ra ǁnaeǁgau. Jesub ge ǀnîsi ǃkhawagas ǀkhāb tempeli dis ai ge mâ i. Tamas ka iob ge ǀnî hâ ǀkhāb tempelib dib tawa ge mâ i. Jesub ǁnās nē tempela xus ge ǁîb ǁōba ga ǃaroma hâ, Jehovab ga hui tama hâ o.

w13-E 8/15 26 ¶12

ǂÂiǃgâ re, tae ǃnôa khoe kai ǂgao du rasa

¹² Jesub ge ǃgâi aiǁgausa ge ǁgau Evas xa. Satanni ge ǁkhawa ǀkhara ǀgauba ge sîsen-ū Jesuba ǃâitsâsa. Jesub ge ǁnā ǂâis hîna Eloba ǃâitsâsa ge ǂkhā. ǁNāsab ga dī hâ o, ob ge ǂnīsasiba ga ǁgau hâ. Xawe Jesub ǃereams ge ge ǃgāsa tsî ge ǃoa i: ‘ǃKhūb [Jehovab, NW] sa Elobats ge ǃâitsâ tide, ti i kom ge mîheo.’—Khomai re Lukab 4:9-12.

Gagasi xūna ǀō-aisase ôaǃnâs

(Lukab 4:17) Ob ge Jesajab kēbo-aob di ǂkhanisa ge māhe; tsî ǂkhanisab ge khowa, ob ge nē xoamâihe hâ ǃkhai-e ge hō:

nwtsty study note Luk. 4:17

Jesajab kēbo-aob di ǂkhanisa ge māhe: Jesajab di ǁō hâ hurib xoamâi ǂkhanidi ge 17 ǃgae-ū xūna ge ūhâ i tsî gaxusib ge ge 24 ǂaidi kōse gaxu i tsî 54 kolomga ge ūhâ i. Nasarets ǃnâ gere sîsen-ūhe xoamâi ǂkhanidi sinagogeb ǃnâs ge ǁnāti ge gaxu i. Danaǃâdi tsî ǁaraǃādi ǃgôadi ge ge ǁnā ǁaeb ǃnâ ǀkhai i. Jesub ge ǁnā ǁaeb aib gere khomai ǂgao xūna gere ǁguiǂui. Xaweb ge ǁîba kēbodi mîdi ge xoasa i ǃkhaide ge hō. Nēs ge ge ǁgau matikōseb Elobmîsa a ǂan ǃkhaisa.

(Lukab 4:25) Amab ǃnâ ta ra mîba du, ǂgui ǃoataradi ge Eliab tsēdi ǃnâ, Israeli ǃnâ hâ i ǃkhaisa, ǀhommi ge ǃnona kurigu tsî ǃnani ǁkhâga ǂganamhe hâ i ǃnubai, kai ǃâtsūǀkhāb ge ǃhūb hoab ǃnâ hā ǃnubai;

nwtsty study note Luk. 4:25

ǃNona kurigu tsî ǃnani ǁkhâga: 1Gao. 18:1 ǃoagub ge Eliaba ge ǂanǂan ǀkhurub ǁaeb “ǃnonaǁî kurib” ǃnâ nî toasa. ǀNîn ge ge mî Jesub 1 Gao-aogu ǃnâ hâ ǃnaeǃkhaide ra mâǃoa ǃkhaisa. Xawe Hebre Xoadi ge mî tama hâ ǀkhurub ge ǃnona kurigu aisi a toasa. ‘ǃNonaǁî kurib’ di hâ mîs ge Eliab ge Axaba ǀkhurub xa a ǂanǂan ǁaeba ǃoa ra ǁnaeǁgau. (1Gao. 17:1) ǁNā ǂanǂans ge ǀnîsi ǀkhurub ǁaeb ǃnâ ge ī hîna ga ǃnani ǁkhâga ūhâsa xawe î ge nēsa ǁnās xa ǃnāsase ge ū. ǀKhurub ge ǃhaese ge toa tama hâ i, Eliab ge Axab tawa sī o, ǁnās ge ge “ǃnonaǁî kurib” ǃnâ ī. Xawe ǂhuwub ge tsoatsoa khaoǃgâ ǀgui o, Karmelǃhommi ai. (1Gao. 18:18-45) Jesub mîdi hîna ǃkhōǁnâhe hâdi ge a ǀgui Jak. 5:17 ǃnâ hâdi ǀkha. Nēs ge a ǀguiǃnâxa 1Gao. 18:1 di mîdi ǀkha.

Elobmîs khomai ǃâs

(Lukab 4:31-44) Tsîb ge Kapernaums, Galileab ǃās tawa sī, tsî ǁîna sâtsēs ai gere ǁkhāǁkhā. ³² On ge ǁîb di ǁkhāǁkhās xa ge burugâ, mîs âb ge ǀgaisa i amaga. ³³ Tsî sinagogeb ǃnâb ge khoeb, ǃanuoǃnâ gagaba ūhâba ge hâ i, tsîb ge ǃgari dommi ǀkha ǂgai, ³⁴ tsî ge mî: Hoi, tare-e ge sige sats ǀkha ǁae hâ, Jesu, Nasareǁîtse? Hāts go, sigets nî hîkākāse? Tarits a ǃkhaisa ta a ǂan: Elob di ǃanuts komo. ³⁵ Ob ge Jesuba ǃgabe bi, tsî ge mî: ǃNō, î ǁîba xu ǂoa! Ob ge ǁgâuaba ǁaegub ǃnâ ǂîǁgui bi tsî ge ǂoaxu bi, ǂkhôa-i xare-e dī bi tamase. ³⁶ Os ge burugâsa hoan ǂama ge hā; on ge ǃhoa-ūgu, tsî ge mî: Tarebe mîsa kha nēsa? ǁKhāsib tsî ǀgaib ǀkhab ra ǃanuoǃnâ gagaga mîmāo, o gu kom ra ǂoao. ³⁷ Tsî gommi âb ge ǁnā ǁgoeǂnamipe hâ ǀkharib hoab ǃoa ge ǂoa. ³⁸ Tsîb ge sinagogeba xu khâi tsî Simonni oms ǃnâ ge ǂgâ. Tsî ǀuiǁgûs Simonni dis ge kaise ǁkhais xa ǃkhōhe hâ i, on ge ǁîba ǁîsa ge ǀkhomaba. ³⁹ Ob ge ǁîs ǃoa-ai mâ, tsî ǁkhaisa ge ǃgabe, os ge ge ǁnāxū si. Os ge ǁnātimîsi khâi, tsî ǁîna ge ǃoaba. ⁴⁰ Tsî sores ge ǂgâ, on ge ǃkharaga ǀaesenain ǀkha hâ ǀaesen hâna ǁîb ǃoa ge ūhā. Ob ge mâ-i hoa-i ǁîn di-e ǃomma ǁgui-ai, tsî ǁîna ge ǂgauǂgau. ⁴¹ Tsî ǂguina xu gu ge ǁkhāti ǁgâuaga ǂoa tsî ǃau tsî ge mî: Sats kom a Xristu, Elob Ôao! Ob ge ǃgabe gu tsî ǃkai gu tama ge i, Xristub asa gu ge ǂan amaga. ⁴² Tsî ǁgoa i ge, ob ge ǂoa, tsî ǃgaroǃkhais tawa ge sī. O di ge ǂnubide ôa bi, tsî ǁîb tawa sī, tsî ge ǁkhaeǀgara bi, ǁîna xub ǃgû tidega. ⁴³ Ob ge ǁîn ǃoa ge mî: Nau ǃādi ona ta nî ǃgâiǂhôas Elob gaosib disa aoǁnâ; ǁîs ǃoa ta kom ge sîǂuiheo. ⁴⁴ Tsîb ge Galileab di sinagogegu ǃnâ gere aoǁnâ.