ǁNaeǁgaudi Sida Xristeǁî ûib tsî aoǁnâ sîsenni sîsen ǂkhanib

JULIB 2-8

ELOBMÎSA XU HÂ ǂÛǂÛSA MÎDI | LUKAB 6–7

“Māsenxase māxa re”

(Lukab 6:37) Î tā ǀgoraǃgâ, o du ge ǀgoraǃgâhe tide, tā ǀâxarexū, o du ge ǀâxarexūhe tide, xore, o du ge nîra xorehe.

nwtsty study note Luk. 6:37

Xore, o du ge nîra xorehe [ǀûba]: Tamas ka io “ǃnorakai o du ge nî ra ǃnoraǃnorahe.” Nē Grikegowab mîs xorehe [ǀûba] ti hâs ge “ore, sîbē-e tamas ka io (ǃkhō-oms ǃnâ ǂnôa khoe-i di ǃnorakaihes ǀkha a ǀgui).” Xawes ge ǀgoraǃgâs tsî ǀâxares tsîn tawa î ga ra hā o, o ǃnorakais tsî ǀûbas tsîna ra ǂgaoǀkhā ǂhâbasa i ga ra ī o.

w08-E 5/15 9-10 ¶13-14

Aiǃgû ǃgâina dīsa

¹³ Matheub di ǃGâiǂhôas ǂkhanis ge Jesub di mîde ra ǁgaeǁgae, nēti ra mîde: “Î tā ǀgoraǃgâ, o du ge ǀgoraǃgâhe tide” ti. (Mat. 7:1) Tsî Lukab ǃoagub ge Jesuba ge mî: “Î tā ǀgoraǃgâ, o du ge ǀgoraǃgâhe tide, tā ǀâxarexū, o du ge ǀâxarexūhe tide, xore, o du ge nîra xorehe.” (Luk. 6:37) ǂGurokham ǁaeb di Farisegu ge khoena ǃgâi tamas gere hâ-ū ǃgâi tama ǃhaoǃnâbe ǀgauga sîsen-ūs ǃnâ-ū. Jesub di ǃgâ-aon hîna ge nē xūna gere ǁnâun ge nî “ǀgoraǃgâ” ǀû ge ī. Tsîn ge ǁnās ǀkha nî aiǃgû “ǃnorakais” ǀkha, ǁnās ge nau khoena ǁîn dīsade ǀûbasa. Apostel Paulub tsîn ge ǀgau ra ǃkhâikhomsa ge mā ǀûbab xa, sao rase.

¹⁴ ǀÛbaba khoraǂuis ǃgaogu ge Jesub di ǁkhāǁkhāsabega khoena nî hui în ǀûba ǀnamxa ǀgauga ūhâ. “Î tā ǀgoraǃgâ, o du ge ǀgoraǃgâhe tide” tib ge Jesuba ge mî tsî “ǀguiro-ū du ra ǀguirob ǀkha du nî ǀguirohe xuige.” (Mat. 7:2) Nau khoena da ra hâ-ū ǀgaub ge ǂhâǂhâsa, ǁnās ǀkha da ge tsoro da ra-e nî ǃgaobasen.—Gal. 6:7.

(Lukab 6:38) Mā, o du ge nîra māhe; ǃgâi, tsî ǁgâiǂgāhe tsî ǀhōǂgāhe tsî ǂnâǂam ra ǀguiroba du ge tîǂams âdu ǃnâ nîra māhe; ǀguiro-ū du ra ǀguirob ǁkhāb ǀkha du ǁkhawa nîra ǀguirohe xui-ao.

nwtsty study note Luk. 6:38

Mā, o du ge nîra māhe: Tamas ka io “mā ǀgara” Grike gowab mîs “mā” di hâs ge ra ǂâibasen ǀûs ose xu-e disa.

(Lukab 6:38) Mā, o du ge nîra māhe; ǃgâi, tsî ǁgâiǂgāhe tsî ǀhōǂgāhe tsî ǂnâǂam ra ǀguiroba du ge tîǂams âdu ǃnâ nîra māhe; ǀguiro-ū du ra ǀguirob ǁkhāb ǀkha du ǁkhawa nîra ǀguirohe xui-ao.

nwtsty study note Luk. 6:38

ǁhōs [sak]: Nē grikegowab mîs ge “sa ǀūs tamas ka io ǁhaib” dis tsîna ra ǂâibasen. Xawes ge nē mîsa nē xoaǀgoras ǃnâ sarab ai hâ ǃaugab ǁhos ǃoa ra ǁnaeǁgau. ‘ǁHos ǃnâ tsoro ǂgās’ ge ǁamaxū tamas ka io ǁama ra khoen hîna xūna tanis ǃgao ǁhosa ra sîsen-ūna ǃoa ra ǁnaeǁgau.

Gagasi xūna ǀō-aisase ôaǃnâs

(Lukab 6:12, 13) Tsî i ge ǁnā tsēdi ǃnâ ge ī ob ge ǃhommi ǃoa ge ǃapa, ǀgoreb nîse; tsîb ge Elob ǃoa ǀgores ǃnâ ge hâǂkhai. Tsî ǁgoa i ge, ob ge ǁkhāǁkhāsabegu âba ǂgaihā, tsî ǁîga xu disiǀgamǀaga ge ǃkhōǂuibasen, apostelgu tib ge ǂgaiga.

w07-E 8/1 6 ¶1

Ama gagasib—Matits a hōǁkhā?

Jesub ge gaxū ǁaeba gere ǀgore. (Johaneb 17:1-26) Aiǁgause, ǁîb di 12 ǁkhāǁkhāsabegab gere ǁhûi o, ob ge Jesuba “ǃhommi ǃoa ge ǃapa, ǀgoreb nîse; tsîb ge Elob ǃoa ǀgores ǃnâ ge hâǂkhai.” (Lukab 6:12) ǂHabasa tama i ge hâ hoa ǃuisats nî ǀgoresa xawe ǁnān hîna Jesuba ra saon ge ǁîba a ǁgae ǁkhā. Xristeǁîn ge mîǁgui-en nî dīs aiǃgâ ǁaeba ū tsî Elob ǃoa nî ǀgore tsî ǁîba nî ǂgan în ǃAnu gagab ǃnāga daoǁgauhe ǃgâi mîǁgui-e dīs ǃnâ.

(Lukab. 7:35) Tsîb ge gā-aisiba ǁîb di ôan hoan xa amaba ge māhe.

nwtsty study note Luk. 7:35

ǀgôaron ge: Tamas ka io “ǀam ǂoas.” Nēba î ge gā-aisib ūhâsa ǀgôan ǀkha ra ǀnōhe. Mat. 11:19 ǃnâ hâ ǂkhōs ǃnâ i ge gā-aisib ‘sîsenga’ ūhâs ǃoa ra ǁnaeǁgau. ǀGôan gā-aisib tamas ka io sîsengu ge aiǁgaus hînab ge Johaneb ǁĀǁnâ-aoba tsî Jesub tsîna ǁgausa. Nēs ǃnâ-ū kha ge ge ǁgau ǁîkha ǃoagu ge dīhe ǂā-amdi ge ama tama hâ îsa. Jesub ge ra mî ‘kō re ǂhanu-ai sîsengu tsî tanisen ǀgaugu îts ǂan ǂā-amdi ama tama hâ ǃkhaisa.’

Elobmîs khomai ǃâs

(Lukab.7:36-50) Tsîb ge Farisegu di ǀguiba ge ǁkhau bi, ǁîb ǀkhab nî ǂûse; ob ge Fariseb di oms ǃnâ sī tsî tāb tawa ge ǂnû. ³⁷ Tsî mû, taras ge ǁnā ǃās ǃnâ ge hâ i, ǁore-ao ge isa. Tsî Fariseb di oms ǃnâb tāb tawa ǂnôa ǃkhaisas ge ǁnâu, os ge alabaxaparo-i, ǃgâihamxū-i hâǃnâ-e ge ūhā. ³⁸ Os ge ǃgâbǀkhāba xu ǁîb ǂaira tawa hā mâ, tsî ge ā, tsî ǂaira âba ǁgamron ǀkha ge ǀâǀâtsoatsoa tsî danaǀûn ǀkha ge ǀomǀkhā ra, tsî ǂaira âba ge ǁoa, tsî ǃgâihamxūb ǀkha ge ǂkhau. ³⁹ Tsî ǁkhau bi go Fariseb ge mû, ob ge ǁîb ǃnâ ge mî: Nēb ga kēbo-ao io, ob ge ga ǂan, mati ī tsî tarebe taras a ǃkhaisa, nē ra tsâǀkhā bisa; ǁore-aos komo. ⁴⁰ Ob ge Jesuba ǃeream, tsî ge mîǀî bi: Simontse, mîba tsi ta nî xū-e ta ūhâ. Ob ge: ǁKhāǁkhā-aotse, mî re, ti ge mî. Ob ge ge mî: ⁴¹ ǂAnǂansa surudemā-aob ge ǀgam surude-aokha ge ūhâ i. ǀGuib ge korokaidisi marin, tsî naub ge korodisi marina surude bi ge hâ i. ⁴² Tsî mataresa kha ge ǁkhā tama i, ǃnubaib ge hoakha ge ǀûba. Mî ǁnâi re, tarib âkha nî ǃnāsase ǀnam bi? ⁴³ Ob ge Simonna ǃeream, tsî ge mî: Kaiseb ge ǀûbab komo, ti ta ra ǂâi. Ob ge ge mîǀî bi: ǂHanusets go ǀgora. ⁴⁴ Ob ge taras ǃoa ǂnan, tsî Simonni ǃoa ge mî: Mûts ra nē tarasa? Sa oms ǃnâ ta go ǂgâxa, xawets go ǁgam-e ti ǂaira ǃaroma mā te tama hâ i; xawes ge ǁîsa ti ǂaira ǁgamron ǀkha ǀâǀâ tsî danaǀûn âs ǀkha go ǀomǀkhā. ⁴⁵ ǁOa-ets go mā te tama hâ i; xawes ge ǁîsa ǂgâxas gosa xu, ti ǂaira ǁoasa ǀû tama hâ. ⁴⁶ Ti danasats go oli-i ǀkha ǂkhau tama hâ i; xawes ge ǁîsa ti ǂaira ǃgâihamxū-i ǀkha go ǂkhau. ⁴⁷ ǁNā-amaga ta ge ra mîba tsi: ǁÎs di ǁoren, hîa ǂgui ge inas ǀûbahe hâ ǃkhaisa, kaises go ǀnam xui-ao; xawe ǀorose ǀûbahe hâ-i ge ǂkharise ra ǀnam-e. ⁴⁸ Ob ge ge mîǀî si: ǀÛbahes hâ sa ǁorena. ⁴⁹ On ge tāb tawa ǂnôana ǁîn ǃnâ ge mîtsoatsoa: Tariba kha nēb, ǁoren tsîna ra ǀûbaba? ⁵⁰ Ob ge taras ǃoa ge mî: Sa ǂgoms go hui si; ǃgû re ǂkhîb ǃnâ.

JULIB 9-15

ELOBMÎSA XU HÂ ǂÛǂÛSA MÎDI |LUKAB. 8–9

“Ti sao ǃgôn-ao kai—Tae-e ǂhâbasa?”

(Lukab 9:57, 58) Tsî daob ai gu garu, hîa i ge ge ī, ǀguib ǁîb ǃoa ge mîsa: ǃKhūtse, satsa ta ge nî sao, ǃgûǀîts kas hoasa. ⁵⁸ Ob ge Jesuba ǁîb ǃoa ge mî: ǀGirin ge āde ūhâ, tsî ǀhommi di anin ge omde ūhâ; xawe Khoen Ôab ge danasab nî ǂnûi-ai ǃkhai-e ūhâ tama hâ.

it-2-E 494

Ani oms

ǀNî xoaǂansabeb ge Jesub ǃoa ge mîba: “ǁKhāǁkhā-aotse, satsa ta ra sao ǂgao, mâǀîts ga ǃgûs hoasa,” ob ge Jesuba ge ǃeream: “ǀGirin ge āde ūhâ, tsî ǀhommi di anin ge omde ūhâ; xawe Khoen Ôab ge danasab nî ǂnûi-ai ǃkhai-e ūhâ tama hâ.” (Mat. 8:19, 20; Luk. 9:57, 58) Nē ǃereams ǃnâ-ūb ge Jesuba ge ǁgau nē xoaǂansabeb ga ǁîba ga ra sao ǂgao o, ob ge ǁîb di ǃhūsis tsî dī xūn tsîna xū tsî Jehovab ai nî ǂgomaiǂnûisa. Nē tsoatsoas ge Jesub ge ǁîb ǁkhāǁkhāsabaga a ǁkhāǁkhā ǀgores di ǃâ, nēti ra mîsa: “Nētsē sida tsēkorobe pereba mā da.” Tsîb ge nē mîde ge mî: “ǁNās ǁkhās khami, sadu di-i hoa-i, ǁî-i di xūn hoana ǁnāxū ǁoa-i ge a ti ǁkhāǁkhāsabe ǁoa.”—Mat. 6:11; Luk. 14:33.

(Lukab 9:59, 60) Tsîb ge ǀnîb ǃoa: Sao te! ti ge mî. Ob ge ǁîba ge mî: ǃKhūtse, mā-am te, î ta aibe ti îba sī ǁkhō re. ⁶⁰ Ob ge Jesuba ǁîb ǃoa ge mî: An ǁō hâna ǁîn di ǁō hâna ǁkhō; î satsa ǃgû, î Elob gaosiba sī aoǁnâ.

nwtsty study notes Luk. 9:59, 60

ti îba sī ǁkhō: Nē mîdi ge ǂâibasen tama hâ nē khoeb ǁgûb ge ǁnā ǁaeb ai a ǁō tsîb sī ra ǁkhō ǂgao ti. ǁÎb ǁgûb ga ǁō hâ o, ob ge amase ǁîba noxoba Jesub ǀkha ga ǃhoa tama hâ. ǂGurokham ǁaeb ǃnân ge khoena khoe-i gere ǁō tsēs ǂûs ai gere ǁkhō. Tsî nēs ra ǁgaus ge nē khoeb ǁgûb ge ǀnîsi ǀaegusa tamas ka io kaira îsa. Amaseb ge Jesuba ǀaegusa tsî ǂhâsiba ūhâ ǁgûba ūhâ khoeba ga mîba tama hâ îb ǁîba sao. Jesub ge ge ǂan-i ǀnî hâ khoe-i tsîn nē xoaǂansabeb ǁgûba a kōǃgâ hō ǁkhāsa. (Mrk. 7:9-13) Xoaǂansabeb ge ǀnî hâ mîdi ǃnâ gere mî, ‘tita ge satsa nî sao xawe ti ǁgûb ga ra ǁō o ǀgui. ǃÂu re aibe ǁîba ta nî ǁkhō toasa.’ Xaweb ge nē khoeba Jesub mûǁae Elob Gaosiba ǂgurose ǁîb ûib ǃnâ mâis aiǂhanuba ge ǂoaǃnâ.—Lu 9:60, 62.

An ǁō hâna ǁîn di ǁō hâna ǁkhō: Luk. 9:59 di study notes ge ra ǁgau, nē khoeb ǁgûb ge ǁnā ǁaeb ai noxoba ǁō tama hâ îsa xawe ǀnîsi ǀaesen tamas ka io ge kaira hâ îsa. Nēs ge ra ǂâibasen îb xoaǂansabeba ǁîb omaris ǁanina mā-am în ǁîb ǁgûba kōǃgâ ǁōb nî tsēs kōse tsî ǁkhō. Jesuba saos ǃnâ-ūb ge nē khoeba ǀamo ûiba ga hō hâ tsî Elob xa gagasise ǁō hâse ga mûhe tama hâ. Jesub ge ǁîb ǃereams ǃnâ-ū ge ǁgau Elob Gaosiba ǂgurose sida ûib ǃnâ mâi tsî ǁîb xa hoaǁae aoǁnâs ge ǂhâǂhâsa ǀgau hîna da gagasise ûitsamase nî hâsa.

(Lukab. 9:61, 62) Tsî ǀnîb ge ge mî: Sao tsi ta nî ǃKhūtse, îts aibe ti oms dina tawedesa mā-am te re. ⁶² Ob ge Jesuba ǁîb ǃoa ge mî: Khoe-i hîa ǁî-i ǃomma ǃhūǃgao-ūdas ai ǁgui, tsî khaos ai hân ǃoa ra ǂnan-i, ǁnā-i ge gaosib Elob diba ǁkhāba tama hâ.

nwtsty mediab

ǃHūǃgao-ūdas

ǃHūba ǃgaos ge ǀnanus gere ǀawi tsoatsoa ǁaeb ai gere dīhe, soregamab ǃnâb ge ǃhūba gere ǃgaris khaoǃgâ. (Mû re App. B15.) ǀNî ǃgao ūda di ge ǃnaon lkha ǀgui ge gurusa i tsî ǀurib hînab ge ǃhūb ǃnâ gere ǂgâba ge ūhâ i, ǁîg ge ǀgui tamas ga io ǀgam xamanin xa gere ǂgaehe. ǃHūb gere ǃgaohes khaoǃgâ i ge ǃhomde gere tsorohe. Hebreǁî Xoadi ǃnâs ge ǃhūba ǃgaosa ǁnaedisase ǂhōs ase gere sîsen-ūhe. (ǂHǂh. 14:18; Jes. 2:4; Jer. 4:3; Mix. 4:3) Jesub tsîn ge ǃhanab aiǁgausa ǃnāsase gere sîsen-ū khoena huisa în ǂhâǂhâsa ǁkhāǁkhāde ǁnâuǃā. Aiǁgauseb ge sîsenni hîna ǃhanaba ǃgaos ǃnâ ra dīhe ge sîsen-ū ǂhâǂhâsasis hoaǂgaob ǀkha Jehovaba ǃoabas disa ǁgaus ǃaroma. (Lukab. 9:62) ǃGâi tsî ǂhanu ǃhana ǃnâ daogab nî di ǃkhais ǃgaob ge ǃhana-aoba tā nî mā-am î-i ǃgâbǀkhāb ai hâ xūna ǁîba ǂhani. ǁNās ǁkhas khamin ge Xristeǁîna tā nî mā-am î-i ǃkharuge ǁaen ge dī xūna ǁîna ǂhani.

w12-E 4/15 15-16 ¶11-13

ǂGaob hoab ǀkha Jehovaba ǃoaba re

¹¹ Jesub di ǂhōsa xū ra mâǂoa ǂâisa ǂoaxū-ūs ǃaroma, hā re îda ǃgāsa kai nē ǂhōsa. ǃHana kuru-aob ge ra ǃgao tsoatsoa. ǃGaob ra hînab ge ǁîba ǁîb omaris ǁanin, ǀhōsan, ǂû-i, musik-i, khoen âib tsî soms tsîn xa ra ǂâi tsoatsoa. ǁÎb ge nēn hoana kaise ra ǁkhore. ǃHanab di ǃâ-eb go ǃgao toa o, ob ge kaise nēb go ro ǂâi xūn xa ra ǂhani-e tsîb ge “khaos ai hân” ǃoa tawasen tsî ra kō. ǁÎb ge noxoba ǂgui sîsen-e ūhâ dīb nîse ǃhana tsoatsoab nî aiǃâ xaweb ge ǁkhoreb hâ xūn xa go ǂhani-e. ǁÎb sîsenni ǃnâ ǁguiǂgāsen ǂgao tama hâs ge kaise ǁîb ǀhonkhoeba ge tsûaǂgao kai.

¹² Nēsi ǁnā ǂkhōsa sida tsēdi ǀkha ǀnō re. ǃHana-aob ge Xristeǁî-i hîna kaise ǃgâise gagasise ra aiǃgû-i xawe gagasise ǁkhōǁkhōsa mâsib ǃnâ hâ-e a ǂnûǁkhaeba ǁkhā. Hā re î da nēsa ǀgopeǀnō, ǃgâsab ge aoǁnâ sîsennî ǀkha ra ǁaeǁaesen. ǁÎb ge ǂgaob ǃnâ nē xūna ra tura. ǁÎb ge ǁkhoaxase ǁîb aoǁnâ sîsenni tsî ǀhoadi ǃnâ ra ǁhao xaweb ge ǁîba ǃhubaib xun ǁkhoaxabapi ana ra tura tsoatsoa tsî nēs ǀkha tawasen tsî ‘khaos ai hâna’ a ôa tsoatsoa ǁkhā. ǂGuinab noxoba aoǁnâ sîsenni ǃnâ nî dī xaweb ge ǁîba ama ûib ai “ǃkhōǀgaipebasen” tama hâ. Tsî-i ge ǁnās ǀkha ǁîb aoǁnâ sîsen-e a ǂhapu ǁkhā. (Fil. 2:16) Jehovab hîna a “ǃgaos” di ǃKhūb ge nēti i tanisen ǀgaub xa kaise ra tsûtsû ǂgao-e.—Lukab 10:2.

¹³ ǃGāsa xū-e da ge ra ǁkhāǁkhāsen. Koahesa du ge anu hâ gagasi xūn ǀkha ǁaeǁaesen, ǀhaode hâ ǃnâ tsî aoǁnâ sîsenni ǃnâ du ra ǁhao o. Xawe Jehovaba ǂgaoba xu ǃoabas ge kaise ǂguina ǃkhōǂgā hâ. (2 Kroniks 25:1, 2, 27) Xawe Xristeǁî-i ga ǁî-i ǂgaob ǃnâ “khaos” ai îge a xū xūna ga ra ǁkhore o, o îge ǁî-e kaise supuse Elob ǀkha i ūhâ ǀhōsagusisa a ǂoaǃnâ ǁkhā. (Lukab 17:32) Sada ga “ǂKhababa ǁkhan” tsî ǃgâin tawa ga ra ǂgāmâisen o, o da ge “gaosib Elob diba ǁkhāba.”(Rom. 12:9; Luk. 9:62) ǁNās ǀkha da ge hoa da nî dītsâ tsî tā nî mā-am î-i ǁGâuab di ǂgaeǂguis xūna sada ǂgaeǂhapu tsî ǃkhō-oa Elob Gaosiba ǂgurose mâisa.—2Kor. 11:14, Khomai re Filipeǁîn 3:13, 14.

Gagasi xūna ǀō-aisase ôaǃnâs

(Lukab 8:3) tsî Johanas, Xusab Herodeb di marimûǂamaob taras tsî Susanas tsî ǀnîdi ǂgui xūn âdi ǀkha gere ǃoaba bidi tsîna.

nwtsty study note Luk. 8:3

gere ǃoaba: Tamas ka io “māxoǀkha (ǁîna kōǃgâs).” Grikegowab mîs di·a·ko·neʹo di hâs ge sorosise nauna kōǃgâsa aiǁgause sâibas tsî ǂnû-e mâs tsîna ǃkhōǂgā hâ. Aiǁgause îge nē mîde Luk. 10:40 (“kaise sîsenba”), Luk. 12:37 (“ǃoaba”), Luk. 17:8 (‘sâiba’) tsî ǃNǃkh. 6:2 (‘ǀgora’) xoadi ǃnâ ra sîsen-ū tsîs ge nēsa ǀnî hâ sîsen ǀgaugu xas tsîna a ǃhoa ǁkhā. Nēbas ge 2ǁî tsî 3ǁî ǁāraǃāra ǃnâ kai khoedi hîna ge Jesub tsî ǁîb ǁkhāǁkhāsabegu tsîna gere ǂû dība di xa ra ǃhoa hîna ge ǁîga a huide îgu ǁîgu ǁgaumâisa dīǀoaǀoa. Nēsa dīs ǃnâ-ū di ge nē kai khoede Eloba ǃgôaǃgâsiba ge ǁgau tsîb ge ǁÎba ǁîdi khoexaǃnâ ǀgauga ǃgôagǃâsiba ǁgaus ǃgao ǁîdi aiǁgaus xa Elobmîs ǃnâ ge xoa kai. (ǂKhm. 19:17; Heb. 6:10) Nē Grikegowab mîs ge Mat. 27:55 tsî Mrk. 15:41 tsîn ǃnâ ra sîsen-ūhe.

(Lukab 9:49, 50) Ob ge Johaneba ǃeream tsî ge mî: ǁKhāǁkhā-aotse, ǀguiba ge ge go mû, sa ǀons ǃnâ ǁgâuaga ra ǃhaeǂuiba; o ge ge go ǃkhâi bi, sageb sao tama amaga. ⁵⁰ Ob ge Jesuba ǁîb ǃoa ge mî: Tā ǃkhâi, sago ǃoagu hâ tama-i kom sago ǀkha hâ-eo.

w08-E 3/15 31 ¶2

Mâǂoa ra ǂâidi Lukab di ǂkhanisa xu

9:49, 50—Jesuba tae-i ǃaroma khoeb hîna ge demonga gere ǃhaeǂuiba ge ǂhā tama hâ i nē khoeb ge ǁîba sao tama hâ i xawes tsîna? Jesub ge ǁnā khoeba ǂhā tama ge i Xristeǁî ǀhaohâb ge noxoba omkhâihe tama hâ i amaga. ǂHâbasa tama i ge ge hâ i ǁnā khoeb Jesuba nî saosa, Jesub ǃnâ ǂgomsa ūhâs ǀguis ge ge ǂhâbasa i ǁnā demonga ǃhaeǂuis ǃgao.—Markub 9:38-40.

Elobmîs khomai ǃâs

(Lukab 8:1-15) Tsî i ge nēs khaoǃgâ ge ī, ob ge ǃādi tsî ǃārodi tsîde ge ǃgûǃnâ, tsî ǃgâiǂhôas Elob gaosib disa ǂhôa tsî gere aoǁnâ, tsî disiǀgamǀagu ona ǁîb ǀkha. ² Tsî ǁkhāti ǀnî taradi, ǂkhaba gagagu tsî ǀaesenaina xu ge ǂgauǂgauhe hâ ide: Marias, Magdalenas ti ra ǂgaihes, ǁîsa xu gu hû ǁgâuaga ge ǂoas, ³ tsî Johanas, Xusab Herodeb di marimûǂamaob taras tsî Susanas tsî ǀnîdi ǂgui xūn âdi ǀkha gere ǃoaba bidi tsîna. Tsoro-aob ra ǃkhomma tsoro. ⁴ Tsî kai ǂnubis ge ǀhû, tsî ǃādi hoade xun ge ǁîb ǃoa hāo, ob ge ǂkhō-i ǃnâ ge mî: ⁵ Tsoro-aob ge ge ǂoa, ǃkhommi âbab nî tsorose; tsî tsorob ra, hîa i ge ǀnî-e daob amǃgâ ǁnā tsî ge dāǂkhūhe, tsî ǀhommi di anin ge ǁî-e ge hapu. ⁶ Tsî ǀnî-i ge ǃhaob ai ge ǁnā; tsî ǀkhī-i ge, ǃnubai i ge ge ǂnâ, ǀâ-e i ge ūhâ tama hâ i amaga. ⁷ Tsî ǀnî-i ge ǁkhūn ǃnâ ge ǁnā; tsîn ge ǁkhūna ǀomkhâiǀhao, tsî ǁî-e ge ǀhomǀom. ⁸ Tsî ǀnî-i ge ǃgâi ǃhūb ǃnâ ge ǁnā; tsî ǁhai-i ge, o-i ge kaidisiǃnâguse ge ǂûtani. Tsî nēsa mî, tsîb ge ge ǂgai: ǂGaera ūhâ-e, ǁnâu-i nîse, a-i ǁnâu! ⁹ Tsî gu ge ǁîb di ǁkhāǁkhāsabega dî bi, tsî ge mî: Tare-es nē ǂkhōsa ra ǂâibasen? ¹⁰ Ob ge ge mî: Sadu ge māhe hâ, ǂganǃgâsigu Elob diga ǁnâuǃāsa; xawe naun ǃoa ta ǂkhōdi ǃnâ ra ǃhoa, mûn ra, xawen mû tidese, tsî ǁnâun ra, xawen ǁnâuǃā tidese. ¹¹ Tsî nēs ge ǂkhōsa: ǃKhommi ge Elob mîsa, ¹² tsî daob ai tsorohe hân ge ǁnâu rana; ǁnās khaoǃgâb ge ǁgâuaba hā tsî mîsa ǁîn di ǂgaoga xu ra ūbē, ǂgom tsîn ǃgâiǃō tidese. ¹³ Tsî ǃhaob ai tsorohe hân ge ǁîn mîsan ra ǁnâuo, ǃgâiaǂgaob ǀkha ra ǃkhōǃoa sina; xawe ǃnoma-en ūhâ tama amagan ge ǁaeb ǀguiba ǂgom, tsî ǃâitsâhen ka ǁaeb ai ra ǁnāǁgôa. ¹⁴ Tsî ǁkhūn ǃnâ ra ǁnān ge ǁîn ǁnâu tsî ǂhansendi tsî ǁuib tsî tura-ain ûib din ǃnâ ra ǃgû tsî ǀhomǀomhen, tsî tātsē ǁansa ǂûna ūǀkhī tamana. ¹⁵ Tsî ǃgâi ǃhūb ǃnâ ra ǁnān ge ǁîn mîsa ra ǁnâun, tsî ǃgâi tsî ǂhauǃnâ ǂgaob ǃnâ sâu si tsî ra ǂûtanina.

JULIB 16-22

ELOBMÎSA XU HÂ ǂÛǂÛSA MÎDI |LUKAB 10–11

Samariaǁîb ǂkhōs

(Lukab 10:29-32) Xaweb ge ǁî-aitsama ǂhauǃnâkaisen ǂgao, tsî Jesub ǃoa ge mî: Tari-e kha a ti ǀgūkhoe? ³⁰ Ob ge Jesuba ǃeream, tsî ge mî, ǂAnǂansa khoeb ge Jerusalemsa xu Jerixosa ǃoa ǁgôa, tsî ǃgamaogu di ǃomǁae ge ǁnā; o gu ge ǂgaeǂuiǀkhā, tsî ǂnautsûtsû bi, tsî ǁōǁga raseb ǁgoe hîa ge bē. ³¹ O-i ge ǀūǂamse ge ī, pristeri ge ǁkhā daob ǀkha ǁgôaxa ǃkhaisa; tsî mû bib ge, ob ge ge ǃgû-īǀkhā bi. ³² ǁNās ǁkhās xaseb ge ǁkhāti Leviǁîba ge dī; ǃkhais tawa sī tsîb ge mû bi, ob ge ge ǃgû-īǀkhā bi.

nwtsty mediab

Jerusalemsa xu Jerixosa ǃoa ga ru daob

(1) Nē vidiob ǃnâ ra ǁgau-e daob ge Jerusalems tsî Jerixos ǁaegu hâ daob khami ī. Nē daob ge 20km te ge gaxū i tsî 1km sa a gaxū ǂkhâs tsîna ge ūhâ-i ǁnās ge Jerusalems tsî Jerixos tsîn ǁaegu. ǃNari-aogu ge ǃgarob ǃnâ gere hâ ǁnās ǀkha îge toroǃkham-aoga gere ǁgaumâihe îgu khoen hîna ǁnāpa ra ǃgûna hui. (2) Romeǁîn Jerixos ge Judiab di ǃgarob gere ǀamba gere tsoatsoa. (3) Jerixob di ǀoro ǃās ge 2km te Romeǁîn ǃāsa xu ge ǂnôa i.

w02-E 9/1 16-17 ¶14-15

“Tsî ǂkhōs oseb ge ǁîna ǃoa ǃhoa tama ge hâ i”

¹⁴ ǀGamǁîse, Samaritani di ǂhōs xa ǂâi re. Jesub ge ge mî: “ǂAnǂansa khoeb ge Jerusalemsa xu Jerixosa ǃoa ǁgôa, tsî ǃgamaogu di ǃomǁae ge ǁnā; o gu ge ǂgaeǂuiǀkhā, tsî ǂnautsûtsû bi, tsî ǁōǁga raseb ǁgoe hîa ge bē.” (Luk. 10:30) Jesub ge nēsa ǃgāǃgās ǃgao ‘Jerusalemsa xu Jerixos ǃoa’ garu daob aiǁgausa ge sîsen-ū. Jesub ge nēs xa gere ǃhoa o, ob ge Judeab ǃnâ ge hâ i, xawe îge ǁîb di ǃgâ-aona ge ǂan-i mâ daob xab ra ǃhoasa. Tsî ǁnā daob kaise ge ǁkhōǁkhōsa, khoe-i ge ǁnāpa ǀguri ge ǃnû ǁoa i. Nēs ge kaise ǃaoǃaosa ǃkhais ǃnâ ge ǂnôa i, ǃkhais ǃgao îge kaise ge supu i ǃnari-aoga khoen ǁoresa.

¹⁵ ǀNî xū-i ge noxoba ra māǂoa Jesub ge “Jerusalemsa xu Jerixosa ǃoa” garu daob ǃoa a ǁnaeǁgau o. ǁNāpa ra ǁgamhes ǃoagu îge ǂgurose pristera ge ǃkharu tsî ǁnāpaxu Leviǁîba xawe kha ge hoa kha tsû hâ Jode khoeba ge hui tama hâ i. (Lukab 10:31, 32) Pristergu ge tempeli tawa gere sîsen tsîgu ge Leviǁîga ǁîga gere hui. ǃNāsa pristergu tsî Leviǁîgu tsîn ge Jerixos ǃnâ gere hâ tempeli tawagu ge sîsen tama hâ io tsî Jerixos ge 23km te Jerusalemsa xu ge ǃnū-i. ǁNās ǀkhagu ge ǁîga hoaǁae ǁnā daob ai gere ǃgû. Tsî ǂâis ǃnâ ūhâ re pristergu tsî Leviǁîgu ge “Jerusalems” daob ai gere ǃgû nēs ge tempela xu gu gere oa o. Khoe-i ge nē khoega ge ǀûba ǁoa i ‘nē khoeb hîna tsû hâba gu ge ǃgaru ǀkhā ǁō hâseb gere mûsen amaga tsî ǁnā khoeba tsâǀkhās ǁîga ǁaeroba nî ǀuriǀuri ǃkhais ǃgao, îgu tempeli ǃnâ tā ǃoaba.’ (Levitikus 21:1; Numeri 19:11, 16) Nēsa ǃgāsa tama hâ Jesub ge ǁîb di ǃgâ-aon a ǂan xūn ǀkha gere ǂkhōsa?

(Lukab 10:33-35) Xawe Samariaǁîb ge, ǃgûb garu hîa ǁîb tawa ge sī; tsî mû bib ge, ob ge ge ǀkhomxa bi. ³⁴ Tsî ǃgûsī tsîb ge ǀhapin âba ǃgae-aiba bi, tsî oli-i tsî ǂauxûi-i xa ge ǂnâ-ai. Ob ge ǁîb di ǃgapixūb ai ūkhâi, tsî ǃgûkhoen ommi ǃoa ūsī, tsî ge sâu bi. ³⁵ Tsî sao ra tsēb ge dāǁnâ, ob ge ǀgam denarkha ūǂui, tsî sâu bi nî khoeba mā, tsî ge mîǀî bi: Sâu bi, tsî nēkha ǃnāǂam hâ-ets ga ǂhâba, o ta ge, oa ta kao nî mā tsi.

nwtsty study notes Luk. 10:33, 34

Samariaǁîb: Jodeǁîn ge hoaǁae Samariaǁîna gere ǃgôaǁnâ tsî ǁnās ǀkha ǁîn ǀkha ge hâ ǀhao tama hâ i. (Jhn. 4:9) ǀNî Jodeǁîn ge “Samariaǁîn” di hâ mîsa gere sîsen-ū khoe-e ǃgôaǁnâs tamas ka io mâǃoas ǃnâ. (Jhn. 8:48) ǀNî Rabib xa îge Mishna ǂkhanib ǃnâ xoahe hâ, nēti ra mîse: “ǁÎb hîna Samariaǁî-i di pere-e ra ǂnû-î ge farkheb di khōba ǂnûs ǀkha a ǀgui.” (Shebith 8:10) ǃNāsa Jodeǁîn ge Samariaǁîn ra mî xu-e ge ǂgom tama hâ i tsî ǁîn ǀkha ge ǂkharugu tama hâ i. Jodeǁîn ǃgâi tama tanisen ǀgaubab ge ǂan-i ǃkhais ǃgaob ge Jesuba ǃgâi tsî hui ǀnamxa ǂkhōsa ge sîsen-ū îb ǁîna xū-e ǁkhāǁkhā.

ǀhapin âba ǃgae-aiba bi, tsî oli-i tsî ǂauxûi-i xa ge ǂnâ-ai: Lukab sōǀôadī-aob ge Jesub ǂkhōsa ǂōrisase ge xoaǁnâ tsî nēs ge nēstēn mati ǀhapina ra ǀaeǃkhōhe ǀgaub ǀkha ra ǃgû ǀhao. Oili-i tsî xûi-i tsîn ge omdi tawa ǀhapidi di sōǃôa-i ase ra sîsen-ūhe. Oili-i ge ǀnî ǁaega ǀhapide tsautsaus ǃgao gere sîsen-ūhe. (ǀGopeǀnō re Jes. 1:6) Tsî xû-i î ge ǀhapina ǂgauǂgau tsî gere dī î-i tā ū-ū tsî ǀuriba ra ǃgam sōǀôa-i ases tsîna gere sîsen-ūhe. Lukab ge mati di ge ǀhapide gere ǃae-amhe ǀgaub tsîna gere ǁguiǃā î-i ǂgau ǁkhā.

ǃgûkhoen ommi: Grikegowab mîs ge “ǃkhais hînan hoana ra ǃkhōǃoahes” ti ra ǂâibasen. Sari mâ ra khoen ge ǁîn tsî ǁîn xamanin ǃgao nēti i ǃkhais tawa ge hâ ǁkhā i. Tsî ǁnā ommi di mûǂam-aob ge khoena ǂhân hâ xūn gere mâ tsî matare heb ga o ǁîn ge ǁîb ǀkha ǁnaxu xūna ge ra kē ǃgâ.

(Lukab 10:36, 37) Mâb ǁnâi, nē ǃnonagu diba ǃgamaogu ǃomǁae ge ǁnāb di gūkhoe ge i, tits ra ǂâi? ³⁷ Ob ge ge mî: ǁNāb, ǀkhomxaǂgaosiba ge dī bib komo. Ob ge Jesuba ge mîǀî bi: ǃGû ǁnâi, î sats ona ǁnāti dī.

w98-E 7/1 31 ¶2

Samariaǁîb ge ǃhaokhoeǃkhōǃoaxasiba ra ǁgau

Jesub di ǂkhōs ge ra ǁgau ǂhanu-ai khoe-i ge Elob ǁgaraga ǁnâuǀnams ǀguisa dī tama hâ xawe ǁîb di ǀgaugu tsîna ra ǁgae. (Efeseǁîn 5:1) Aiǁgause Elobmîs ge ra mî “Elob khoe-i aisa ǃkhōǃoa tama ǃkhaisa,” ǀnî mîdi ǃnâ ǀkhā-e ū tama. (ǃNǃkh. 10:34) Eloba ǁgae î da ra? Jesub ǂkhōs ge ra ǁgau sida ǃhaokhoeǃkhōǃoaxasib ge khoe-i ǃhaos, ǃhaoǃnâbe ǁnaetigu tsî ǂgomdi tsîna nî ǃgū-ai. ǁNās ǀkha da ge Xristeǁî da ra ǂgaoǀkhāhe î da hoan ǃoagu ‘ǃgâidī.’ Nēs ge ǁnān hîna ǃkharagagu mâ ǃkhaide ūhâna ǀgâsan, ǃhū hân, ǃhaos, gowab, ǁaes tsî sida ǃgâsan ǀguina ǃkhōǂgā tama.—Galateǁîn 6:10.

Gagasi xūna ǀō-aisase ôaǃnâs

(Lukab 10:18) Ob ge ǁîgu ǃoa ge mî: Satanna ta ge napab xaseb ra ǀhomma xu ǁnāse go mû.

nwtsty study note Luk. 10:18

Satanna ta ge napab xaseb ra ǀhomma xu ǁnāse go mû: Jesub ge ǁGâuab di danhes tsî ǀhomma xū aoǁnâhesa kēbos ase ge mî ǀnais ge a ī khami. J.ǂHa. 12:7-9 ge nē ǃkhams hîna ǀhommi ǃnâ nî hâs xa ra ǁgau Elob Gaosib di ǃnaes tawab ǁGâuaba nî ǁnāsa. Jesub ge nēba ge ǁgau ǁGâub nî danhesa ǁîb demongu ǀkha, ǁnā ǀhommi ǃnâ nî hâ ǃkhāms ǃnâ. Elob ge ǀoasa kurusa ūhâ tama 70 ǁkhāǁkhāsabega ǀgaiba ge mā amaga î gu demonga ǃhaeǂui.—Luk. 10:17.

w08-E 3/15 31 ¶11

Mâǂoa ra ǂâidi Lukab di ǂkhanisa xu

10:18—Tae-eb ge Jesuba gere ǂâibasen netib ge ǁîb di 70 ǁkhāǁkhāsabega a mîba o: “Satanna ta ge napab xaseb ra ǀhomma xu ǁnāse go mû”? Jesub ge ge mî tama hâ i ǁGâuab ge ǀhomma xu ǁnā ǁae aoǂuihe di. Nēs ge Jesub ge 1914ǁî kuri ǀhommi ǃnâ gaose ǁgaumâihes khaoǃgâ ge ī. (J.ǂHa. 12:1-10) Nēsa da ǁkhāǁkhās ase dī ǂgao tama xawe da ge a ǂgom ǁkhā. Jesub ge hā nî xū-i xab gere ǃoa o, o ǃgāsase gere ǁgau nēs nî īsa.

(Lukab 11:5-9) Tsîb ge ǁîgu ǃoa ge mî: Tari-e sadu ǃnâ ǀhōsa-e ūhâ, tsuxuǃgâb ai-i, ǁî-i tawa sī tsî i nî mîǀî-e: Ti khoetse, ǃnona perega ǀkhupi te: ⁶ Ti ǀhōsab go ǃgûdaoba xu hā, o ta ge mâi-aiǃâ bi ta nî xū-e ūhâ tama hâ. ⁷ Ob ge oms ǃnâ hâba ǃeream, tsî nî mî: Tā ǂhani te, ǀnais kom oms dao-amsa go ǂganamheo, tsî ti ôaron kom tita ǀkha kharob ǃnâ hâo; tsî ta kom khâi tsî a mā tsi ǁoao. ⁸ Mîba du ta ra, ǁîb di ǀhōsab a amagab ga khâi, tsî mā bi tama i, xaweb ge ǁîb di ǀû tamase ǂgans ǃaroma khâi, tsî ǂhâbab hân hoana nî mā bi. ⁹ O ta ra mîba du: ǂGan, o du ge nîra māhe; ôa, o du ge nîra hō; ǃgubu-am, o du ge nîra ǁkhowa-ambahe.

nwtsty study notes Luk. 11:5-9

ǃnona perega ǀkhupi te: ǁAegub aiǂoas ǃhūgu khoen ǁaegu î ge ǃhaokhoeǃkhōǃoaxasiba ǂgaoǀkhās ase ra mûhe tsîn ge khoena nēsa dīsa kaise a ǀnam, nē ǂkhōs ra ǁgai khami. Nēsi î ga ǃhaokhoe-e ǃuis ǁaegu gere sī xawe îge ǃhaokhoeǃkhōǃoa-ao-e ǂgaoǀkhās ase gere tsâ nē khoe-e ǂnû-e māsa. ǁÎb ge ǁanǁare-aob tawa sī ǂû-e ǁnā ǁae ǂans tsîna gere dī ho.

Tā ǂhani te: ǁAnǁare-aob ge nē ǂkhōs ǃnâ ge hui ǂgao tama hâ i, khoexaǃnâ tamab ge hâ i amagas, ose xawe ǀnain ge ǁomhâ-i ǃkhais ǃgao. Omdi ge ǁnā ǁae ǃgōsase ǀgâsan dite, ǀgui kamers ǀguisa ge ūhâ i. Aob ga ǁnā ǁaeb ai khâi-o ob ge hoa omarisa gere ǂkhaiǂkhai, ǁōm hâ ǀgôaron tsîna.

ǀûǃnâsen tamase: Grikegowab mîs nēpa ra sîsen-ūhes ge ra “ǂū-oǃnâsib tamas ga io tao tama” ti ra ǂâibasen. Xawe nē xoas ǃnâ i ge ǀûǃnâsen tamasens tamas ga io ǀhomaǀgaras di ra ǂaibasen. Nē khoeb Jesub ǂkhōs ǃnâ hâb ge tao tama tamas ga io ū-oasen tama, ôab ra-e hōs ǃgao. Jesub ge ǁîb ǁkhāǁkhāsabega ǁkhā ǀgaub ai gu nî ǀgore ǀgarasa gere ǁkhāǁkhā.—Luk. 11:9, 10.

Elobmîs khomai ǃâs

(Lukab. 10:1-16) Nēn khaoǃgâb ge ǃKhūba gorose ǀnî hûdisiga ge ǁgaumâi, tsî ǀgamǀgammese ǁîb aiǃâ ge sîǂui gu, hoa ǃādi tsî ǃārodi, ǁîb ǂûb nî sī ǃnâdi ǃoa; ² Tsîb ge ǁîgu ǃoa ge mî: ǃGaos ge a kai, xawe gu ge sîsenaoga a ǀoro; ǀgore ǁnâi ǃKhūb ǃgaos diba, sîsenaogab nî ǁîb di ǃgaos ǃoa sîǂui ǃkhaisa. ³ ǃGû; mû, tita ge ǁkhaon khami ǂhiran ǁaegu ra sîǂgā go. ⁴ Tā ǁnâi ūǃgû mariǁhō-e, tsî ǁgaru-e tsî ǁharo-e, î go daob ai tā khoe-e tawede. ⁵ Tsî om-i ǃnâ go ga ǂgâ o aibe: Ab ǂkhîba hâ, nē oms ǀkha, ti mî. ⁶ Tsî ǂkhîb di ôa-i ga ǁnāpa hâo, ob ge ǂkhîb âgo ǁî-i ai nî hâ; tsî hâ tama-i ga io, ob ge nî ǁkhawa sago ǃoa oa. ⁷ Î ǁnā oms ǃnâ hâ, ūn hân xa ǂû tsî ra āse; sîsenao-i ǁî-i amǃnâsa anu hâ xuige; î go tā nē omsa xu nau oms ǃoa ǃgû! ⁸ Tsî ǃā-i ǃnâ go ga ǂgâ, tsîn ga ǃkhōǃoa go o, ǁnâi mâi-aiǃâhe go kana ǂû, ⁹ î go ǁnāpa hâ ǀaesen hâna ǂgauǂgau, î ǁîna mîba: Gaosib Elob dib ge sadu ǀgūse hā hâ. ¹⁰ Tsî ǃā-i ǃnâ go ga ǂgâ, tsîn ga ǃkhōǃoa go tama io, ǂoa ǁîs di daogu ai, î mî: ¹¹ Tsarab sadu ǃās dib, sige ǂaidi ai hâb tsîna ge ge sadu ai ra ǃhaebeǁnâ; î du nēsa ǂan, Elob gaosib go sado ǀgū isa. ¹² Tsî ta ge ra mîba go, Sodoms din ge ǁnā tsēs ai taniǁkhāsase nîra hō ǃkhaisa, ǁnā ǃās xa. ¹³ Tsūba si, Xorasinse! Tsūba si, Betsaidase! Tires tsî Sidons tsîra ǃnân ga saro ǃnâ ge ī buruxana ī hâ io, o ra kom ga huga ǁhōb tsî tsaob tsîkha ǃnâ ǂnôase ǃhobasen hâ io. ¹⁴ O ra ge Tires tsî Sidons tsîra saro xa taniǁkhāsase nîra hō ǀgoraǃgâs ǃnâ. ¹⁵ Tsî sas, Kapernaums, ǀhommi kōses nî ǀgapiǀgapihe? Hadeb kōses ge sasa nîra ǂhāǁguihe. ¹⁶ Sago ra ǁnâu-i ge tita ra ǁnâu-e, tsî sago ra ǃharaxū-i ge tita ra ǃharaxū-e. Tsî tita ra ǃharaxū-i ge tita ge sîba ra ǃharaxū-e.

JULIB 23-29

ELOBMÎSA XU HÂ ǂÛǂÛSA MÎDI | LUKAB 12–13

Sadu ge “ǂgui ǀui anirodi” xa a ǀgapi

(Lukab 12:6) Koro ǀui-anirona kha ǀgam mariron ama ǁamaxūhe taman hâ? Tsî ǀgui-i ân xare-i kom Elob xa ǀuruhe tamao.

nwtsty study note Luk. 12:6

ǀui anirodi: Grikegowab mîs strou·thiʹon ti has ge ǂkariǂkhari ǀgauba tsî mâ ǂkhari aniron hoana ǃoa ra ǁnaeǁgau. ǃNōsase ǁnān hîna ge ǂû-i ase gere ǁamaxūhe na.

(Lukab 12:7) Tsî ǀûn sadu danas din hoan ge ǁkhāti ǃgôahe hâ. Tā ǁnâi ǃao, ǂgui ǀui-anirona du kom ra īǂamo.

nwtsty study note Luk. 12:7

ǀûn sadu danas din hoan ge ǁkhāti ǃgôahe hâ: Khoe-i tanas ai hâ ǀûn ge 100 000 xa a ǃnāsa. Jehovab di ǂoaǂamsa gā-aisib ge ra ǁgau da ǁîb sida ǃnâ ǃgâiǃgâibasensa ūhâsa.

(Lukab 12:7) Tsî ǀûn sadu danas din hoan ge ǁkhāti ǃgôahe hâ. Tā ǁnâi ǃao, ǂgui ǀui-anirona du kom ra īǂamo.

cl-E 241 ¶4-5

Xū-i xare-i ge tāstēs tsîna sada Elob ǀnamma xu “ǀgora ǁoa”

⁴ ǂGuroses ge Elobmîsa ra mîba da Elob ge ǁîb di ǃoaba-aon ǃnâ ǃgâiǃgâibasensa ūhâ. Aiǁgauseb ge Jesuba ge mî: “Khoe-e kha ǀgam guninira ǀgui mariros ama ǁamaxū tama i hâ? Tsî ǀgui-i xare-i ân ge sadu di Îb ose ǃhūb ai ǁnā tama hâ. Tsîn ge ǁkhāti danaǀûn sago din hoana ǃgôahe hâ. ǁNā-amaga tā ǃao; ǂgui guninide go kom sago ra īǂamo.” (Mateub 10:29-31) ǂÂi re Jesuba gere ǃgâ khoen ge mati nēs xa a tsâǀkhāhesa.

⁵ ǀNîsi da ge ra ǂâi tae-i ǃaroma î khoe-e ǀui anirosa gere ǁamasa. Jesub di tsēdi ǃnâ î ge ǀgui ǀui anirosa kaise ǀgapise ge ǂgan tama hâ i. ǀGui mariros ai î ge khoe-e ǀgam guninira gere ǁama. Xaweb ge Jesuba ega ge mî khoe-i ga māsenxase ǀgam mariro ǀui anirora ai gere sîsen-ū o, o î ge ǀnî ǁaeb ai koro anirode gere māhe. ǀGui aniros ge gere ǀarohe ǁnātikōse di ge ama-ai tama hâ i amaga. Khoen ge nē anirode gere ǃgôaǁnâ xaweb ge Kuru-aoba ǁîde mati gere mû? Jesub ge ge mî: “Tsî ǀgui-i ân xare-i [ǀnā ǀarohe ras tsîn] kom Elob xa ǀuruhe tamao.” Nesi da ge ǀnîsi Jesub ge mîsa ra ǁnâuǃā. Jehovab ga ǀgui ǀui anirosa ǁnāti tsâba-o matikōse ǃnâsaseb khoena ra tsâba! Jesub ge ǁguiǃā khamib ge Jehovaba mâ ǀguiǀguibe xūro i hoa-e sida xa a ǂan. Mati da ǁnāsa ǂgom ǁkhā, sida ǀûn ǃgôabab a ǂan amaga!

Gagasi xuna ǀō-aisase ôaǃnâs

(Lukab 13:24) ǂNoagu ǀgaisase, î du ǂō dao-ams ǃnâ ǂgâ, ǂguin ge nî ôa-am, matin nî ǂgâsa, ti ta ra mîba du, tsîn ǁkhā tide xuige.

nwtsty study note Luk. 13:24

ǂNoagu ǀgaisase: Tamas ka io “ǃnarise dītsâ.” Jesub gere mîs ge îda ǁkhāsib hoab ǀkha dītsâ ǂō dao-ams ǃnâ ǂgâs ǃgao. Xawe nē xoaǀgoras ǃoagu îge ǂgui ǁnaeǁgaude nē mîsa “ǁgūiǂgāsens tsî ǁkhāts as kōse dītsâs” ǃoa ra ǁnaeǁgau. Grikegowab sîsen mîs a·go·niʹzo·mai ge ǀon mîs a·gon ǀkha ra ǃgû ǁae tsî nē ra ge ǃnāsase ǃhoe ǀnûgus ǃgao ra sîsen-ūhe. Hebreǁîn 12:1 tawas ge nē mîsa ra sîsen-ūhe Xristeǁîn “ǃkhams” tamas ga io ǃhoes ûib ǃgaos ǃoa ra ǁnaeǁgau. Nēs ge hoaǃnâ-aixases tsîna “ǂnoagus” (Fil. 1:30; Kol. 2:1) tamas ga io “!khams” ǃaroma ra sîsen-ūhe (1Ti 6:12; 2Ti 4:7). Nē sîsen mîdi ge Luk. 13:24 ǃna “ǀgaisase ǃkhams” tamas ka io ǀnûgusa ǃoa ra ǁnaeǁgau (1Co 9:25) tsî ‘ǁguiǂgāsens’ (Kol. 1:29; 4:12; 1Tim. 4:10) tsî “ǃkhams” tsîna (1Tim. 6:12) ǃkhōǂgā hâ. Nē ǁgâiǂuisens ge ǀnûgus ǃnâ ra ǃhoe khoeb aiǁgaus ǀkhas tsîna a ǀnōhe ǁkhā. ǀNîn ge ra mî Jesub ge nēba gere sîsen-ū mîdi ge ǀnûgus ǃnâ ra ǃhoe khoeb hîna ǀgaisase ǁkhāsib hoab ǀkha ra dītsâb îb ǀnûgusa dan nî khami ī.

(Lukab 13:33) O ta ge nētsē, ǁari tsî aetsē nî ǃgû. Anu tama i kom hâo, kēbo-ao-i nî Jerusalems ǃaugab ai ǃgamhesa.

nwtsty study note Luk. 13:33

anu tama i kom hâo: Tamas ka io “ǂgomhe ǁoa.” Elobmîs ge kēbodi Mesiab Jerusalems ǃnâ nî ǁō ǃkhaisa mî tama hâ xawe î ge nē ǂâi ǀgauba Danieli 9:24-26 sa xu ūhe hâ. Jodeǁîn ga kēbo-ao-i tamas ka io Mesiaba ga ra ǃgam o, o î ge ǁnā ǃās ǃnâ nî ī. Tsî Jesub ge ǀnîsi ǂâis ǃnâs tsîna ge ūhâ i Jerusalem ǃnân khoena ǁguibade Eloba nî dības tsî ǁnābas tsîna i Pasxabǁkhaoba nî ǁōsa. ǀApeǀhaos ǃnans hîna 71 aoga ūhâs ge Jerusalems ǃnâ ge ǂgû ǀhao tsî ǁnān hîna ǂhumi kēbo-aose ǁgaumâisen hâna gere ǀgoraǃgâ. Jesub ge ǀnîsi î ge Jerusalems ǃnâ ǁguibade Elob ǃoa gere dīhe ǃkhais tsîna ǂâis ǃnâ ge ūhâ i. Tsî î ge Pasxabǁkhaob tsîna ǁnāpa gere ǂā-he. Hoan ge Jesub ge mî khami ge ī. ǁÎb ge ǀApeǀhaos ǃnans aiǃgâ Jerusalems ǃnâ hau-e tsî ǁnāpa ge ǀgoraǃgâhe. Tsîb ge Jerusalems ǃauga “Pasxabǁkhaob” ase ge ǁō.—1Kor. 5:7.

Elobmîs khomai ǃâs

(Lukab 12:22-40) Tsîb ge ǁkhāǁkhāsabegu âb ǃoa ge mî: ǁNā-amaga ta ra mîbadu, sadu ûib xa tā ǂhansen, tare-e du nî ǂû ti, tsî soros xa, tare-e du nî ana, ti. ²³ Ûib kom ǂûn ǂamai ǃnāsao, tsî soros kom saran ǂamai ǃnāsao. ²⁴ Gorana ǃgaoǃgâ: Tsoro tsîn ǃgao tama ǃkhaisa, tsî ǂûn om-i tsî sâuǃnâ-om-en ūhâ tama, xawen Elob xa ra ǂûmāhe ǃkhaisa; matikōse du anina ra īǂam? ²⁵ Tsî tari-e sadu ǃnâ, ǂhansens ǀkha ǁî-i di gaxusib tawa, ǀgui eli xaweba ǀaro ǁkhā? ²⁶ Tsî ǂkhariro-i xawe-e du ga ǁkhā tama io, tarexa du ǁnâi naun xa ra ǂhansen? ²⁷ ǃAub di ǃkhārona ǃgaoǃgâ, matin ra ǀomsa; sîsen tsîn ǀhôa tama; xawe ta ge ra mîba du, Salomob ge ǁîb di ǂkhaisib hoab ǃnâ ǀgui-i ân khami anahe tama hâ i ǃkhaisa. ²⁸ Tsî Elob ga ǀgâb, nētsē mâb, tsî ǁari ǁganoms ǃnâ ra aoǂgāheba ǁnāti anao, matikō ǃnāǂamseb nî ǁîsa sado dība, sa ǂkhariǂgomxaǃnâdo. ²⁹ O du ge sadu ona ôa-am tide, tare-e du nî ǂû, tsî tare-e du nî ā ǃkhaisa; î du tā ǀgomaxa. ³⁰ Nēn hoana di ge ǃhūbaib di ǁaede ra ôa-am, xaweb kom sadu Îba a ǂano, nēna du ǂhâba hâsa. ³¹ Î du nēn ǃgâ-ai gaosib Elob diba ôa, on ge nēn hoana sado nîra ǀarobahe. ³² Tā ǃao, ǂkhari gūrodo, sadu Îb di ǃgâiǃgâibasens komo sadob nî gaosiba mā ǃkhaisao. ³³ Ū du hâna ǁamaxū, î au. ǁÎ-aitsama mariǁhōdi, hîa ǀoro tamade dībasen, î ǁui-i hîa ǀoro tide-e ǀhommi ǃnâ ǀhaoǀhaobasen, ǁîb ǃnâ i ǃnari-ao-e sī tideb, tsî ǁguri-i ǁgaoǁgao tideba. ³⁴ ǁUib âdu hâpa, ǁnāpab nî ǁkhāti ǂgaob âdu ona hâ xuige. ³⁵ A gu sadu kamanaga ǃgaesen hâse hâ, î di sadu ǃamamǀaede khaurase hâ. ³⁶ Î du khoen khami ī, ǀhonkhoeb âna ra ǃâuna, ǃgameǁâusa xub ra oa ǃnubai, în ga ǁîba, hā tsîb ga ǃgubu-amo, ǁnātimîsi ǁkhowa-amba ti. ³⁷ ǃGâiǃō gu hâ ǁnā ǃgāga, ǀhonkhoeb nî ǁîb di hās ǃnâ ǂkhaikari hâse hōga; amase ta ra mîba du, ǃgaesen tsîb nî ǁîga tāb tawa ǂnû kai, tsî nî ǃoaba gu. ³⁸ Tsî hāb kao, ǀgamǁî tsuxuǃûiǁaeb ǃnâs karao, ǃnonaǁî tsuxuǃûiǁaeb ǃnâs karao, tsîb ga ǁnāti hō guo, ǃgâiǃō gu ge ǁnā ǃgāga. ³⁹ Î du nēsa ǂan, oms ǀhonkhoeb ga ǂan io, mâ iri ǃnâ i ǃnari-ao-e nî hāsa, ob ga ǂkhaikari hâ, tsîb ga oms âba khôaǂgâhesa mā-am tama hâ. ⁴⁰ Î du ǁnâi sadu ona ǂhomisen hâse hâ; ǂâi tama du hâ iri ǃnâb Khoen Ôaba nîra hā xuige.

JULIB 30–AUGUSTUB 5

ELOBMÎSA XU HÂ ǂÛǂÛSA MÎDI | Lukab 14–16

“Kā hâ ǀgôab ǂkhōs”

(Lukab 15:11-16) Tsîb ge ge mî: ǂAnǂansa khoeb ge ǀgam ǀgôakha ge ūhâ i; ¹² Tsîb ge ǂkhammi âkha ǁgûb ǃoa ge mî: Ti îtse, anuba te hâ amǃnâs xūn disa mā te. Ob ge ûixūna ge ǀgora kha. ¹³ Tsî ǂgui tama tsēdi nēs khaoǃgâb ge ǀgôab ǂkhamma hoana ǃkhōǀhao, tsî ǃnū ǃhūb ǃoa ge doebē, tsî ǁnāpa xūn âba ge hîǀhuru, ǀgau tamase ûi tsî. ¹⁴ Tsî hoanab ge dītoa, ob ge kai ǃâtsūǀkhāba ǁnā ǃhūb ǃnâ ge hā, ob ge ge tsūǀkhātsoatsoa. ¹⁵ Ob ge ǃgû, tsî ǁnā ǃhūb ǁanǂgāsabegu di ǀguib tawa ge sī sîsenôa; ob ge ǁîba ǃhanab âb ǁgā ge sî bi, hāgūnab nî ǃûise. ¹⁶ Tsîb ge ǃnāb âba hāgūn gere ǂû ǂûǃnôan ǀkha gere ǀoaǀoa ǂgao; xawe khoe-i xare-i ge xū-e mā bi tama ge hâ i.

nwtsty study notes Luk. 15:11-16

Anǂansa khoeb ge ǀgam ǀgôakha ge ūhâ i: Kā hâ ǀgôab di ǂkhōs ge kaise a ǀō-aisa. Nēs ge Jesub ge mā ǂkhōdi hoadi ǃnâ a gaxū. Jesub ge omaris di ǁanin ge ūhâ i ǃaeǁhares xa ǃnāsase ra ǃhoa. Jesub ge nau ǂkhōdi ǃnâ ǃkhomdi tsî ǃhūb tamas ka io ǀonkhoeb tsî ǃgāb di aiǁgausa gere sîsen-ū. (Mat. 13:18-30; 25:14-30; Luk. 19:12-27) Nē ǂkhōs ǃnâb ge Jesuba ǀgôab tsî dadasab tsîn ǁaegu ha ǃgâi sîsenǁaesa ra ǁguiǃā. ǂGuin hîna ge nē ǂhosa gere ǁnâun ge nē ǀgamsa tsî khoexaǃnâ ǀnami tsî sîsenǁaesa ǁîn dadasagu ǀkha ge ūhâ tama hâ i. Nē ǂhōs ge kaise ǃgam tsî ǀgamsa ǀnammi hînab sida ǀhomsi ǁGûba sida ūba hâba ra ǁgau, ǁnān hîna ǁîb ǀnammi ǃnâ ra hâ ǀgaran tsî ǁnān hîna dīsādi khaoǃgâ ǁîba ǃoa ra oan tsînab ūbahâba.

ǂkham ǀgôab: Moseb ge mâ ǂhanub ǃoagub ge ǂguro ǀgôaba hoaǀgôan xa ǀgam ǃnâde ǃnāsase gere ǀumi. (Deu. 21:17) Ob ga ǂguro ǀgôaba nē ǂhōs ǃnâ nî ǂguro ǃnaesabe is ga o, ob ge ǂkham ǀgôaba ǁîb ge ǀumis xa ǃkhare-e ge hō.

hî ǀhuru: Grikegowab mîs nēba ra sîsen-ūhes ge “axu” tamas ka io ǂnoa bē ti ra ǂâibasen. (Luk. 1:51; ǃNǃkh. 5:37) Mat. 25:24, 26 ge nē mîsa “tsoroxu” ti ra mî nēs ge ǃhorob tamas ka io mielie-e ǂoab ǃnâ aokhâisa ǃoa ra ǁgau în ǀurixa xūna ǃgombēhe, xawe i ge nē xoas ǃnâ morsis ase ra sîsen-ūhe.

hîǀhurusens: Tamas ka io “ǂhôas (ǁaris xa ǂâi tama is, ǁae tama) ǀgaub ai ûis.” Nē mîs ǀkha a ǀgui Grikegowab mîs ge Efe. 5:18; Tit. 1:6 tsî 1Pet. 4:4 tawa ra sîsen-ūhe. Grikegowab mîs ge ǀhuruǃnâ, morsis tsî ǀnî Elobmîdi ge nēsa “gâre” ǀgaub ǃnâ mari-e sîsen-ū ti hâ ǂâis ǀkha ra ǂnûiǃkhuni.

farkhega ǃûis: Nē xamanin ge Moseb ge mā ǂhanub ǃoagu ge ǀurixa i, ǁnā amaga i ge farkhega ǃûisa ǁgai xūse gere mûhe khoen xa gere dīhe.—Lev. 11:7, 8.

ǃnāb[ǂkhen hais]: Nē hais di ǂûs ge ǂkhaira, ǀûxaǀkhā ǂgama khōba ūhâ tsî Grike gowab ǃnâ (ke·raʹti·on, “ǂhari”) ti ra ǂgaihe. Nē ǂûs ge ǀnarab khami ge ī. ǃNāb [ǂkhen hais] ge nētsēs tsîna ǂû-i ase ra sîsen-ūhe hāgu, goman tsî farkhegu ǃgaos tsîna. Nē ǂkham khoeb ge ǀgâ ǀgaub ge ge ǃaroma îb ǀnîsi nē farkhegu gere ǂû ǂûna sī ǂû.—Study note Luk. 15:15 sa mû re.

(Luk. 15:17-24) Ob ge ǂâi-oa, tsî ge mî: Matikō ǃgâisen ti îb ǃgāna ǃnāǂamsase pere-e ūhâ, o ta tita ra ǃâs xa ǁō. ¹⁸ Khâi tsî ta ti îb ǃoa ǃgû, tsî ǁîb ǃoa nî mî: Ti îtse, ǁore ta go ǀhommi ǃoagu tsî sats aiǃâ, ¹⁹ tsî ta anu tama, ǃaruǀî sa ôase ǂgaihesa; ǁnâi sa ǃgān di ǀguise dī te. ²⁰ Ob ge khâi, tsî ǁgûb ǃoa ge ǃgû. Tsî goroseb ǃnūse hâ, hîab ge ǁgûb âba mû bi, tsî ge ǀkhom bi; ob ge ǃkhoesī tsî ǁnam tsî ge ǁoa bi. ²¹ Ob ge ǀgôaba ǁîb ǃoa ge mî: Ti îtse, ǁore ta go ǀhommi ǃoagu tsî sats aiǃâ, tsî ta anu tama, ǃaruǀî sa ôase ǂgaihesa. ²² Ob ge ǁgûba ǃgāgu âb ǃoa ge mî: Hoan xa îsa saraba ūǂui, î ana bi, î ǀkhunuǂnûida-e ǁîb di ǀkhunub ǃnâ ǂgā tsî ǁharora ǁîb ǂaira ǃaroma; ²³ î kaukauhe hâ tsâu-e ūhā, î ǁî-e ǂā, î da ǂû tsî ǃgâiaǂgao. ²⁴ Nē ti ôab go ǁō hâ i, tsî go ǁkhawa ûi, tsîb go kā hâ i, tsî go hōhe xuige. On ge ge dâtsoatsoa.

nwtsty study notes Luk. 15:17-24

sats aiǃâ: Tamas ka io “sa mûǁae.” Grike gowab mîs e·noʹpi·on di hâs ge “sa aiǃnâ tamas ge io mûts ra se” di ra ǂâibasen tsî nē mîs ge 1Sam. 20:1 tawa ra sîsen-ūhe Septuaginti ǃnâ. ǁNā xoas ǃnâb ge Daviba Jonatanna ge dî: “Mati da ge tita sa ǁgûb ǃoagu ǁore?”

sa ǃgān: Nē ǂkham ǀgôab ge oms tawa a oasī o, ob ge ǁgûba ge ǂgan îb tā ǀgôab ase ǃhoǃoabi xawe ǁaerob ǃgāb ase. Nēti i ǁaerob ǃgāb ge ǃgae ǃgān hîna ge oms tawa gere hân di ǁani tama ge hâ i, tsēs ǀguis tamas ka io sîsen-i gere hâ ǁae ǀgui gere ǂgai ǂgāhe.—Mat. 20:1, 2, 8.

ǁnam tsî ge ǁoa bi: Tamas ka io “ǀgamsase ge ǁoa bi.” Grike gowab mîs “khoexaǃnâse ǁoas” ge sîsenmîs phi·leʹo ti hâs hîna “ǁoa” ti ra ǂâibasensa xu hâ(Mt 26:48; Mr 14:44; Lu 22:47). Xawe “khoexaǃnâ tsâsiba ūhâs” dis tsîna ra ǂâibasen ǁkha (Jhn. 5:20; 11:3; 16:27). ǁÎba ǀgamsa, khoexaǃnâ ǀgaub ǃnâ tawedes ǃnâ-ūb ge ǁgûba nēba ra ǁgau ǁîb māsenxase ǁîb ǃhausen go ǀgôaba ra ūǃoasa.

sa ôase ǂgaihesa: ǀNî ǂkhanidi ge ra ǀaro: “Tita sa ǃgāse ǁgaumâi,” xawe î ge nēsi ra sîsen-ūhe mîde ǃgâi ǂâibasensa ra ūhâ. ǀNî ôaǃnâ-aon ge ra mî xoas tawa ǀarosa ǂâis ge Luk. 15:19 ǀkhas nî ǃgû ǀhao ǃkhais ǃgao ge ǀarohe.

sarab . .  . ǀkhunuǂnûida-i.  . . ǁharora: Nē sarab ge kaise ge ǀō-aisa tsî îsa i hîna ge ǀnîsi ǀgapi ǂoaǂamsa sari-ao-e gere anaheba. ǁÎb ge ǀgôab ǀkhunubi ringsa a ǂnûi o, ob ge gere ǁgau ǁîb noxoba ǁgûb ase ǁîb ǀgôaba a ǀnamsa. ǃGān ge ring di tsî ǁharon tsîna ge ūhâ tama hâ i. Nēn hoana dīs ǃnâ-ūb ge ǁgûba gere ǁgau ǁîb ǀgôabab go omaris ǁanib ase a ǁkhoreǁhare tsî a ūǃoasa.

(Lukab 15:25-32) Tsî ǀgôab kaib ge ǃhanab ai ge hâ i; tsî ǁarub garu hîab ge omsa ǀgūo, ob ge ǁnaes tsî ǂnās tsîra ge ǁnâu. ²⁶ Tsî ǃgāgu di ǀguiba ǂgaihā, tsî ge dîǃā bi, tare-i asa. ²⁷ Ob ge ge mîǀî bi: Sa ǃgâsab kom go hāo, ob kom sa îba kaukauhe hâ tsâuba go ǂāo, ǂuruseb go hō bi amaga. ²⁸ Ob ge ǁaixa, tsî ǂgâ ǂgao tama ge i. Ob ge ǁgûba ǂoa tsî ge ǀkhoma bi. ²⁹ Xaweb ge ǃeream, tsî ǁgûb ǃoa ge mî: Kō, nētikō ǂgui kuriga ta gere ǃoaba tsi, tsî ta tātsē ǀgui mîmā-i âtsa ǃûǂam tama hâ; xawets kom tātsē piriro-i xawe-e mā te tamao, ti ǀhōsan ǀkha ta nî ǃgâiaǂgaose. ³⁰ Ots kom, nē sa ôab, ûixūn âtsa ǀai-aodi ǀkha gere hapub go hā ǃnubai kaukauhe hâ tsâuba go ǂāba bio. ³¹ Ob ge ǁîb ǃoa ge mî: Ti ôa, sats kom hugaǀgui tita ǀkha hâo, tsî tin hoan kom a sao. ³² Os kom dâ tsî ǃgâiaǂgaosa anuo, nē sa ǃgâsab go ǁō hâ i, tsî go ǁkhawa ûi, tsîb go kā hâ i, tsîb go hōhe xui-ao.

Gagasi xūna ǀō-aisase ôaǃnâs

(Lukab 14:26) Khoe-i ga tita ǁga hā, tsî i ga ǁkhan tama io, ǁî-i ǁgûb, tsî ǁgûs, tsî taras, tsî ǀgôan, tsî ǃgâsagu, tsî ǃgâsadi, ā, ǁî-i ûib ǁkhāb ka xaweo, o-i ge a ti ǁkhāǁkhāsabe ǁoa.

nwtsty study note Luk. 14:26

ǁkhan [ǃhui]: Elobmîs ǃnâs ge mîs “ǁkhan” di hâsa ǂguiǃnâgu ǂâibasende ūhâ. Nēs ge khoe-i xa ǃgâibahe tama is, ǁaib xa ǁgarihehâses ǂâisa ra ǂoaxa-ū, nēs ge khoe-e a ǁgari ǁkhā î-i nau khoe-e ǂhôaba dī. Tamas ka io îge khoe-e ǀgaisase ǃhuis ǂâisa ra ǂoaxa-ū, nē khoe-ets ge mû ǂgaos tsîna hî tama, dī xū-ets ge ǁî-i ǀkha ūhâ ǂgao tama. Tamas ka ios ge nē mîsa amasets khoe-e hoase ǀnam tamasa ǃoa ra ǁgau. Aiǁgause, Jakob ge mî ob ǁîb ge Leasa “ǁkhan” hâ tsî Raxelsa a ǀnamdi, nēs ge gere ǂâibasen ǁîb ge Leasa ǁnātikōse ǀnam tama hâ îsa xawe Raxelsa kaise ǀnam îsa. (Gen. 29:31, Deu. 21:15) Tsî nēba ra sîsen-ūhe mîs ǀnî hâ ǃkharuge ǁaeb Jodeǁîn ǂkhanin ǃnâ ge sîsen-ūhe hâ i. ǁNās ǀkhab ge Jesuba ge ǂâibasen tama hâ îb ǁîb saosabena ǁkhan tamas ka io ǃhui tsâsib ǁîn omaridi ǁanin tsî ǁîn ǃoagu aitsama ti tanisen, nēs Elobmîs ǀkha ǀgau tama hâ amaga. (ǀGopeǀnō re Mrk. 12:29-31; Efe. 5:28, 29, 33.) Nē xoaǀgoras ǃnâs ge mîs “ǁkhan” di hâsa “ǀoro ǀnamma ūhâs” ǃoa ra ǁnaeǁgau.

(Lukab 16:10-13) ǂKharin ǃnâ ǂgomǂgomsa-i ge ǁkhāti kain ǃnâ ǂgomǂgomsa-e; tsî ǂkharin ǃnâ ǂhanuoǃnâ-i ge ǁkhāti kain ǃnâ a ǂhanuoǃnâ-e. ¹¹ Tsî ǂhanuoǃnâ ǃkhūsib ǃnâ du ga ǂgomǂgomsa tama io, tari-e ǁnâi ama-ai-e nî ǂgomǃgâ du. ¹² Tsî naun di xū-i ǀkha du ga ǂgomǂgomsa tama io, tari-e ǁnâi sadu di-e nî mā du: ¹³ ǃGā-i xare-i ge ǀgam ǀhonkhoekha a ǃoaba ǁoa; dī-i kao, o-i kom ǀguiba ǁkhān, tsî nauba nî ǀnamo, tsî nēb ai ǂgāmâisen, tsî nauba nî ǃharaxūo. Elob tsî ǃkhūsib tsîkha du ge a ǃoaba ǁoa.

w17.07-E 8-9 ¶7-8

Ama ǃkhūsiba ôa

⁷ Khomai re Lukab 16:10-13. Jesub ǂkhōs ǃnâ hâ ǃgāb ge ǁîb ǂhâsib ǃaroma ǀhōsana gere ôa. Xaweb ge Jesuba ǁîb saosabena ge mîba în ǀhommi ǃnâ ǀhōsana dī. Tsî sao ra xoas ge ǂkhōsa ‘ǂhanuoǃnâ ǃkhūsiba’ ǂgomǂgomsa Eloba ǃoagu hâsa ra ǂoaxa ū. Jesub ge nēba gere ǁgaus ge îda ǂgomǂgomsase tamas ka io ǃgâise sada ǃkhūsiba sîsen-ū. Mati?

⁸ Jesub ge nēba gere mîs ge î da ǃkhūsiba da ga ra ūhâ xawe ǀnōhe hâ ǀgaub ǃnâ sîsen-ū. ǀNî ǀgaub hîna da sada ǃkhūsiba ǂgomǂgomsase a sîsen-ū ǁkhās ge ǃhūbaib ǂhawase ra dīhe aoǁnâ sîsen-e ǂkhâǃnâsa, māsenxa mādi ǃnâ-ū. (Mat. 24:14) ǀNî ǀgôaros hîna îndiab ǃnâ hâs ge boksis ǃnâ marina gere ǀhaoǀhao, ǁîs ge ǁîs ǀhuru xūn tsîna gere ǁamaxū. Nē boksis ge mari-i xa a ǀoa o, os ge ǁîsa nē marisa ǃhūbaib ǂhawase ra dīhe aoǁnâ sîsenni ǃgao ge mā. ǃGâsab hîna Indiab ǃnâ hâb ge coconutan ǃhanaba ūhâ tsîb ge ǁîb Malayalama ǂNûiǃkhuni berosa coconutna ǀkhaeb ase ra mā. ǁÎb ge nēsa ǂNûiǃkhuni beros hoaǁae coconutna sī ǀnî hâba ra ǁama ǃkhais ǃgao ra dī. Nē ǀkhaeba mās ǃnâ-ūb ge ǁîba māsenxa māsa ra dī. Nēb ge kaise gā-ai ǀgauba. ǁNās ǁkhās khamin ge Griekelandi ǃgâsan Betels omaris olive oili-e ǀkhaeb ase ra mā.

Elobmîs khomai ǃâs

(Lukab 14:1-14) Tsî i ge ge ī, Farisegu ǂamsab di oms ǃnâ sī tsîb ra sâtsēs ai pereǂû hîa gu ge re ǃkhē bi ǃkhaisa. ² Tsî mû, ob ge ǁgamǀaesen hâ khoeba ǁîb aiǃâ ge hâ i. ³ Ob ge Jesuba ǃeream, tsî ǂhanuǂansabegu tsî Farisegu tsîgu ǃoa ge mî: Xare mā-amhes hâ, sâtsēs ai ǂgauǂgausa? ⁴ O gu ge ge ǃnō. Ob ge ūkhâi tsî ǂgauǂgau bi tsî ge ǃgû kai bi. ⁵ Ob ge ǃeream, tsî ǁîgu ǃoa ge mî: Tari-e kha sadu ǃnâ, ǁî-i di ôab kas, ǁî-i di gomab kas ga tsau-i ǃnâ ǁnāo, ǁnātimîsi sâtsēs ai xawe ǁîba ǂgaeǂui tide? ⁶ O gu ge nēn ai ǃeream bi ǁoa ge i. ǁÎ-aitsama ǀgapiǀgapisens xa. ⁷ Tsîb ge ǁkhausabena ǂkhō-e ge ǁgamba, matin ra ǂguro ǂnûǃkhaide ūǂuibasen ǃkhaisab ge mûo, tsî ǁîn ǃoa ge mî: ⁸ Khoe-i xats ga ǃgameǁâu-i ǃoa ǁkhauheo, tā ǂoaǂamsa ǂnûǃkhais ai ǂnû, î-i tā ǀnîsi sats xa ǀgapi ǁkhausabe-e hā; ⁹ îb tā sats tsî ǁîb tsîkho ǁkhau hâba hā, tsî mîǀî tsi: Nē khoeba ǂnûǃkhai-e mā; ots kom ga taob ǀkha ǃgâb ai hâ ǃkhaisa hō-o. ¹⁰ Xawe ǁkhauhets kao, ǃgû, î ǃgâb ai hâ ǃkhais ai sī ǂnû, îb ǁkhau tsi goba, hāb karao mîǀî tsi: Ti khoe, aiǃâb ǃoa ǂnûǃapa re! ǃNubaits kom tāb tawa ǂnôaǀkhā tsin aiǃâ nîra ǃgôaheo. ¹¹ Mâ-i hoa-i, ǁî-aitsama ra ǀgapiǀgapisen-i ge nîra ǃgamǃgamhe, tsî ǁî-aitsama ra ǃgamǃgamsen-i ge nîra ǀgapiǀgapihe xui-ao. ¹² Tsîb ge ǁkhāti ǁîba go ǁkhauba ǃoa ge mî: Tsēǃgâǂûs kas, ǃuiǂûs kasats ga dīo, tā ǁkhau re sa khoen kas, sa ǃgâsan kas, sa ǀaokhoen kas, sa ǃkhū hâ ǁanǁare-aon kas hoasa; în tā ǀnîsi satsa ǁkhau, îts tā dīdawa-amhe. ¹³ Xawe ǂûǀhaosats ga dīo, ǁkhau ǁnâi re ǀgâsan, tsî ǃhom hân, tsî ǃhoran, tsî ǂgīn tsîna, ¹⁴ ots ge nî ǃgâiǃō, mādawa-am tsin nî xū-en ūhâ tama amaga; xawets kom nîra dīdawa-amheo ǂhanu-ain di khâis ǃnâ.