ǁNaeǁgaudi Sida Xristeǁî ûib tsî aoǁnâ sîsenni ǂkhanib
DESEMBERI 3-9
ELOBMÎSA XU HÂ ǂÛǂÛSA MÎDI | ǃNAEǃKHAIDI 9–11
“Tsūdi-aob ge ra ǁkhoaǂgao ǀhûǀguitimi-ao kai”
(ǃNaeǃkhaidi 9:1, 2) Tsîb ge Sauluba ganupe ǃKhūb di ǁkhāǁkhāsaben ǃoagu ǁgoas tsî ǃgams xa khū hâse ǀgapipristeri tawa ge sī, 2 tsî ǁîb tawa ǂkhanide ge ǂgan Damaskus sinagogegu ǃoa, îb ga, ǁnā daob dinab ga hō-o, aogu kas, taradi kas hoasa ǁîna ǃgaehe hâse Jerusalems ǃoa ūǃgû ǁkhā, ti.
bt-E 60 ¶1-2
Tsîb ge ‘ǀhaohâb . . . hoaragaba ǂkhîba ge ūhâ’
ǁAixasa ǃnarimâ-aogu ge Damaskus ǃoa ra ǃnû î gu sī eloxoresa xū-e dī. ǁÎgu ge Jesub di ǁkhāǁkhāsabegu di omde dīkaka, ǃkhōsis ǃnâ ū, mîǁgaiǁgai tsî ǁîna Jerusalemsa xu ǀapeǀhaos ǃnans ǃoa nî ī-u.
2 ǁNā ǁaixasa ǃnarimâ-aogu di ǂgaeǂgui-aob ge a Saulu hîna ǀnai ǂguina tsūdi hâba. ǁÎb ge ǁae-i tsîn ǃkharu tama hâ hîna go mû matin go ǁîb di sîsenǀhao-aona Stefanuba ǀuidi ǀkha go ro ǃkhamsa. (ǃNaeǃkhaidi 7:57–8:1) Saulub ge ǂâu tama hâ Jesub saosaben hînab go Jerusalems ǃnâ go ro ǃkham an xa tsîb ge ǁîba noxoba nēs ǀkha ǀgaisase gere aiǃgû. ǁÎb ge “Nēb ge daoba” di hâ ǂhanuba ra dīkaka ǂgao.—ǃNaeǃkhaidi 9:1, 2, mû re “Saul’s Mandate in Damascus” di hâ boksisa 61ǁî ǂhaweb ai.
(ǃNaeǃkhaidi 9:15, 16) Ob ge ǃKhūba ǁîb ǃoa ge mî: ǃGûsī, ǃkhōǂuibasen ta hâ soab a ǁî xuige, ob ge ti ǀonsa nîra tani ǀūben aiǃâ, tsî gao-aogu aiǃâ, tsî Israeli ôan tsîn aiǃâ. 16 Tita ge nî ǁgau bi, matikōseb nî ti ǀons ǃaroma tsâ ǃkhaisa.
w16.06-E 7 ¶4
Jehovaba sida sūǂnubi-aob ase ǃgôaǃgâ re
4 Jehovab ge khoesibab ra kō o, o ai-īsib ai kō tama hâ. Xaweb ge ǁÎba khoe-i di ǂgaoba ra kō. (Khomai re 1 Samueli 16:7.) Nēs ge ge mûhe Elob ge Xristeǁî ǀhaohâba a ǂnubikhâi o. ǁÎb ge ǁîb tsî ǀGôab ǃoas tsîna khoen hîna khoesi mûs ǃoagu ǃgâi tama ûi ǀgauba ūhâna ge ǂgae. (Johaneb 6:44) Nēs ge Farisegu di ǀguib hîna Saulub di ra ǂgaiheb tsîna ge ǃkhōǂgā hâ hîna ge “ǃkhāǃkhā-ao tsî ǃgôaǃgonao tsî ǁgâiǀā-ao” ība. (1Tim. 1:13) ‘ǂGaogu ǃâitsâ-aob’ tamas ka io ôaǃnâ-aob ge Sauluba xū tama khoe-i ase ge mû tama hâ i. (ǂKhm. 17:3) Elob ge ǁîba ǀkharaǀkharahe ǁkhā soab [xabab] tamas ka io khoeb ase gere mû. Elob ge Sauluba “ǃkhōǂuibasen ta hâ soab” hîna “ǀūben aiǃâ, tsî gao-aogu aiǃâ, tsî Israeli ôan tsîn aiǃâ” nî aoǁnâb di ge ǂgai. (ǃNaeǃkhaidi 9:15) Tsî ǀnîn hînab ge Eloba “ǃgôasib ǃoa” sîsen-ūs ase a mûn ge khoen hîna ge ǀhoromā, ǁgauoǃnâ ûi ǀgaub tsî ǃnari-ao îna. (Rom. 9:21; 1Kor. 6:9-11) Elobmîsa ǁkhāǁkhāsens ǃnâ-ūn ge ǂansa ūǂgā tsî ǂgomsa ge ǁgau tsî ǁnās ǀkha ge mā-am îb Jehovaba ǀkharaǀkhara nî.
(ǃNaeǃkhaidi 9:20-22) Tsîb ge ǁnātimîsi sinagogegu ǃnâ Jesub xa gere aoǁnâ, Elob Ôab a ǃkhaisa. 21 On ge ǁnâu ran hoana burugâ, tsî ge mî: ǁÎ tamaba kha ǁnāb, Jerusalems ǃnâ nē ǀonsa ra ǂgaiǀîna go hîǀhurub, tsî ǁîs ǃoa ǁkhāti nēxopa go hāba, ǁînab nî ǃgaehe hâse ǀgapipristergu ǃoa ūsīse? 22 Tsîb ge Sauluba ǃaruǀîǀgui ǀgaisa, tsî Damaskus ǃnâ ǁan hâ Jodeǁîna ge ǀgaruǀgaru Jesub a Xristu ǃkhaisa ǃhoadan tsî.
bt-E 64 ¶15
Tsîb ge ‘ǀhaohâb. . . . hoaragaba ǂkhîba ge ūhâ’
15 Mûnan-ai re ǃhurib tsî ǁaib hîna ge khoen ǁaegu a tsoatsoaba Saulub ge Jesub xa sinagogegu ǃnâ a aoǁnâ tsoatsoa o. ‘ǁÎ tamaba kha ǁnāb, Jerusalems ǃnâ nē ǀonsa ra ǂgaiǀîna go hîǀhuruba?’ din ge gere dî. (ǃNaeǃkhaidi 9:21) ǁGuiǃāb gere o, ǁîb ǂgaob go Jesub ǃoagu a dawasa ob ge Sauluba ge ǁgau “Jesub a Xristu ǃkhaisa.” (ǃNaeǃkhaidi 9:22) Xawe ǂans ge hoaǃnâ-aixa tama hâ. ǁÎs ge mā ǂûs hoas hîna ǃhaoǃnâbe ǁnaetigu tsî ǀgapiǂâixasib tsîn xa ǀoahe hâsa a ǁkhowa-am ǁoa. Xaweb ge Sauluba noxoba ge ǀûsen tama hâ i.
Gagasi xūna ǀō-aisase ôaǃnâs
(ǃNaeǃkhaidi 9:4) Ob ge ǃhūb ai ǁnā tsî dom-e ge ǁnâu, ǁîb ǃoa Saultse, Saultse, tare xū-i ǃaromats ra ǃgôaǃgon te? ti ra mî-e.
bt-E 60-61 ¶5-6
Tsîb ge ‘ǀhaohâb. . . . hoaragaba ǂkhîba ge ūhâ’
5 Jesub ge Saulubab ge Damaskus ǃoa garu daob ai a ǀhao-ū o, o ge dî tama hâ ī: “Tae-i ǃaromats di ǁkhāǁkhāsabega ra ǃgôaǃgon?” xaweb ge ǁîba ge dî: “Tare xū-i ǃaromats ra ǃgôaǃgon te?” (ǃNaeǃkhaidi 9:4) Jesub ge amabes ǃnâ ǁîb saosaben ra hōǃâ ǃgomsina ǁîb tsîna ra hōǃâ.—Mat. 25:34-40, 45.
6 Sadu ǂgoms hîna du Xristub ǃnâ ūhâs ǃgao du ga ǁgâiǀāhe ǁaeb ǃnâ Jehovab tsî Jesub tsîn sadu mâsiba ra mû ǃkhaisa ǂâis ǃnâ ūhâ re. (Mat. 10:22, 28-31) Nē ǁaeb ǃnâb ge ǃgomsiba ūbēhe ǁoa. ǂÂis ǃnâ ūhâ re Jesub ge Saulub ge Stefanub ǁōb ǃnâ ǃâ-e ūhâ i ǀgausa ge mû tsî matib ge ǂgomǂgomsa ǁkhāǁkhāsabena Jerusalemsa xu gere ǃkhoe kai ǀgauba. (ǃNaeǃkhaidi 8:3) Jesub ge ǁnā ǁaeb ai xū-e ge dī tama hâ i. Xawes tsînab ge Jehovaba Xristub ǃnâ-ū Stefanub tsî nau ǁkhāǁkhāsaben tsîna ǀgaiba ge mā în mâǁapo.
(ǃNaeǃkhaidi 10:6) Simonni khōǀnoro-aob tawa ra hâba, ǁîb oms hurib amǃgâ mâba; ǁîb ge nîra mîba tsi, tare-ets nî dī ǃkhaisa.
nwtsty study note ǃNǃkh. 10:6
Simonni khō kuru-aob: Khō kuru-ao-i ge xamanin di khōb ǀkha gere sîsen tsî xûi-e gere sîsen-ū kaub tamas ka io ǁgan-e ǃgaoǁnâs ǃnâ. Khō kuru-aon ge kai ǁgamme ge ǂhâ hâ i, ǁnās ǀkha da ge a mî ǁkhā Simonni ge hurib amǃgâ gere ǁan di. Tsî Moseb ǂhanub ǃoagu i ge ǁōhâ xamanin di khōb ǀkha gere sîsen khoe-e ge ǃanuoǃnâ i. (Lev. 5:2; 11:39) ǁNās ǀkhan ge ǂgui Jodeǁîna khō kuru-aon ǀkha ge hâǀhao tama hâ i. Tsî Jodeǁîn ge khō kuru-aon di ǂansa goman ǀharuba ra ǀhaoǀhao khoe-i ǀkha gere ǀgopeǀnō. Xaweb ge Petruba ge mā-am tama hâ îs nē ǃhaoǀgorasa ǁîba Simonni ǀkha hâǀhaosa xū ūbe. Petrub di hoaǃnâ-aixa ǂâi ǀgaub ge ǁîba ge hui ǁîb di ǀasa ǁgaumâis ǃnâ, Jodeǁî tama hâ Xristeǁînab gere sari o. ǀNî ôaǃnâ-aon ge “khōǀnoro-aob” (byr·seusʹ) di hâ Grikegowab mîs a Simonni di van di gere mî.
Elobmîs khomai ǃâs
(ǃNaeǃkhaidi 9:10-22) Tsî Damaskus ǃnâb ge ǂanǂansa ǁkhāǁkhāsabeb, Ananiab ti ǀon hâba ge hâ i, ǁîb ǃoab ge ǃKhūba ai-i ǃnâ: Ananiatse! ti ge mî. Ob ge: Mû, nē ta a, ǃKhūtse, ti ge mî. 11 Ob ge ǃKhūba ǁîb ǃoa ge mî: Khâi î ǃās di daob, ǂHanub ti ra ǂgaiheb ǃnâ ǃgûsī, î Judab di ommi ǃnâ Saulub ti ǀon hâb, Tarsuǁîba dîǃgon; mû, ǀgoreb kom rao, 12 tsîb kom ai-i ǃnâ go mûo, khoeb, Ananiab ti ǀon hâb ra ǁîb tawa ǂgâxa tsî ǃomma ǁgui-ai bi ǃkhaisa, ǁkhawab nî mûse. 13 Ob ge Ananiaba ge ǃeream: ǃKhūtse, ǂguina xu ta ge nē khoeb xa ge ǁnâu, matikōseb sa ǃanun Jerusalems ǃnâ hâna gere tsūdīsa, 14 tsîb kom nēpas ona ǀgapipristerga xu ǀgaiba ūhâo, sa ǀonsa ra ǂgaiǀîn hoana ǃkhōsao ti. 15 Ob ge ǃKhūba ǁîb ǃoa ge mî: ǃGûsī, ǃkhōǂuibasen ta hâ soab a ǁî xuige, ob ge ti ǀonsa nîra tani ǀūben aiǃâ, tsî gao-aogu aiǃâ, tsî Israeli ôan tsîn aiǃâ. 16 Tita ge nî ǁgau bi, matikōseb nî ti ǀons ǃaroma tsâ ǃkhaisa. 17 Ob ge Ananiaba ǃgû tsî oms ǃnâ ǂgâ, tsî ǃomkha ǁgui-ai bi, tsî ge mî: Ti ǃgâ Saultse, ǃKhūb go sî te, ǁnā Jesub, hā-ūts go daob ai go ǂhai tsiba, ǁkhawa mû tsîts nî ǃAnu Gagab ǀkha ǀoaǀoahese. 18 On ge ǁnātimîsi soron khami ī xūna ǁîb di mûra xu ge ǁnā, tsîb ge ǁkhawa ge mû; ob ge khâi tsî ge ǁāǁnâkaisen 19 tsî ǂûna ū tsî ge ǀgaiǀgaisen. Tsîb ge ǀnî tsēde Damaskus di ǁkhāǁkhāsaben tawa ge hâ i. 20 Tsîb ge ǁnātimîsi sinagogegu ǃnâ Jesub xa gere aoǁnâ, Elob Ôab a ǃkhaisa. 21 On ge ǁnâu ran hoana burugâ, tsî ge mî: ǁÎ tamaba kha ǁnāb, Jerusalems ǃnâ nē ǀonsa ra ǂgaiǀîna go hîǀhurub, tsî ǁîs ǃoa ǁkhāti nēxopa go hāba, ǁînab nî ǃgaehe hâse ǀgapipristergu ǃoa ūsīse? 22 Tsîb ge Sauluba ǃaruǀîǀgui ǀgaisa, tsî Damaskus ǃnâ ǁan hâ Jodeǁîna ge ǀgaruǀgaru Jesub a Xristu ǃkhaisa ǃhoadan tsî.
DESEMBERI 10-16
ELOBMÎSA XU HÂ ǂÛǂÛSA MÎDI | ǃNAEǃKHAIDI 12–14
“Barnabab tsî Paulub tsîkha ge ǃnū ǃādi ǃnâ gere ǁkhāǁkhāsabedī”
(ǃNaeǃkhaidi 13:2, 3) Tsî ǃKhūba ǃoaba tsî gu ge ǂûtama hâo, ob ge ǃAnu Gagaba ge mî: Tita khaiba Barnabab tsî Saulub tsîkha ǁnā sîsenni, tita go ǁîkha ǂgaibab ǃoa. 3 O gu ge ǂûtama hâ, tsî ǀgore, tsî ǁîkha ǃomga ǁgui-ai, tsî ge ǃgû kai kha.
bt-E 86 ¶4
“ǂKhîb tsî ǃAnu gagab xa ǀoahâ”
4 Xawe ǃanu gagaba tae-i ǃaroma Barnabab tsî Sauli tsîkha ge daoǁgau “ǁnā sîsenni” ǃnâ? (ǃNaeǃkhaidi 13:2) Elobmîs ge nēs xa xū-e mî tama hâ. ǂAn da as ge ǃanu gagab ge ǁîkha ǁhûis ǃnâ a daoǁgausa. ǁGauǁgau î ge a ǀkhai ǁgau rasa kēbo-aogu tsî ǁgauǃnâ-aon hîna Antioxias ǃnâ hân ge nē mîǁguiba a dīsa. Xawen ge ǁîna nē mîǁguiba ge mâxōǀhā. Barnabab tsî Sauli tsîn ge ǀnîsi kaise gere ǂkhî mûkha ge o, matin ǁîgu ǃgâsana ‘ǂûtama hâse ǀgore, tsî ǁîkha ǃomga ǁgui-ai’ tsî ge ǃgû kai kha o. (ǃNaeǃkhaidi 13:3) Sida tsîn ge ǁîn hîna gagasi ǁgaumâide ra ǃkhōǃoana nî mâxōǀkhā. ǁÎn ǃoagu suriǂgaoxas xa da ge ǁîna ǁîn di ‘sîsenni ǃaroma ǀnammi ǃnâ kaise nî ǀgapiǃgôa.’—1Tes. 5:13.
(ǃNaeǃkhaidi 13:12) Tsî ǃāǃkhōmâi-aob ge ī go-e mûo, ob ge ge ǂgom, ǃKhūb di ǁkhāǁkhās ǂama burugâ hâse.
(ǃNaeǃkhaidi 13:48) Tsî ǀūben ge ǁîsa ǁnâuo, on ge ǃgâiaǂgao, tsî ǃKhūb mîsa ge kare, tsî ǀamo ûiba ǃoa ǃkhōǂuibasenhe hân hoan ge ge ǂgom.
(ǃNaeǃkhaidi 14:1) Tsî i ge Ikoniums tawa ge ī, o kha ge ǀhûpe Jodeǁîn di sinagogeb ǃnâ ǂgâ tsî ǁnāti ge ǃhoa, kaise ǂgui Jodeǁîn tsî Grikeǁîn tsîn ge ǂgoms kōse.
bt-E 95 ¶5
“Tsî ǁkhoaǂgaose gere ǃhoa ǃKhūb ǃnâ”
5 Paulub tsî Barnabab tsîn ge Ikoniums tawa ge hā, Grike ǃhaos khoen ǀoahâba Romeǁîn di ǂharis Galatiab dis ǃnâ hâsa tawa. Nē ǃās ge Jodeǁîn ǁnaetigu xa ge ǀoahe hâ i tsî î ge Jodeǁî tama hân tsîna ge hâ i. ǁÎn di ǁnaetigu ǃoagu kha ge Barnabab tsî Paulub tsîna sinagogeb ǃnâ ǂgâ tsî ge aoǁnâ tsoatsoa. (ǃNaeǃkhaidi 13:5, 14) ǁÎkha ge “ǀhûpe Jodeǁîn di sinagogeb ǃnâ ǂgâ tsî ǁnāti ge ǃhoa, kaise ǂgui Jodeǁîn tsî Grikeǁîn tsîn ge ǂgoms kōse.”—ǃNaeǃkhaidi 14:1.
(ǃNaeǃkhaidi 14:21, 22) Tsî ǁnā ǃāsa kha ge ǃgâiǂhôasa aoǁnâ, tsî ǂgui ǁkhāǁkhāsabena dīo, o kha ge ǁkhawa Listras tsî Ikoniums tsî Antioxias ǃoa ge ǂoa. 22 Tsî ǁkhāǁkhāsaben di ǀomde ǀgaiǀgai, tsî ǁîna ge ǁnama, ǂgoms ǃnân nî hâhâsa, tsî ǂgui ǁgâiǀāga xu da Elob gaosib ǃnâ nî ǂgâsa.
w14-E 9/15 13 ¶4-5
Eloba ǂgomǂgomsase ǃoaba re “ǂgui ǁgâiǀāgu” ǃnâ
4 Derbesa kha ge saris khaoǃgâ kha ge Paulub tsî Barnabab tsîna “Listras tsî Ikoniums tsî Antioxias ǃoa ge ǂoa. Tsî ǁkhāǁkhāsaben di ǀomde ǀgaiǀgai, tsî ǁîna ge ǁnama, ǂgoms ǃnân nî hâhâsa, tsî ǂgui ǁgâiǀāga xu da Elob gaosib ǃnâ nî ǂgâsa.” (ǃNaeǃkhaidi 14:21, 22) ǁNā mîdi ge ǀnîsi ǃgâi tamase a mûsen ǁkhā. Hoan ǂam-ai “ǂgui ǁgâiǀāga” hōǃgâs ge amase ǂkhâǃnâ tama hâ. Xawe Paulub tsî Barnabab tsîna mati ǁkhāǁkhāsaben di ǀomde nî “ǀgaiǀgai” haisi-ams ǂguin ǁgâiǀāgu xa ra ǃhoa hîna?
5 ǃEreamsa da ge Paulub di mîde da ga ǃgâise a kō o, o nî mû. ǁÎb ge ge mî tama hâ i: “ǂGui ǁgâiǀāga da ge nî ǃkharuǃnâ” di xaweb ge ǁîba ge mî: “ǂGui ǁgâiǀāga xu da Elob gaosib ǃnâ nî ǂgâ.” Xaweb ge Pauluba ǁkhāǁkhāsabena gere ǂkhâǃnâ în ǂgomǂgomsase ǃoaba ǀgara, ǁîn ǃgâi ǀkhaega nî hō amaga. Nēs ge ǁhapo tamasa. Jesub tsîn ge ge mî: “Xawe ǀunis kōse ga mâhō-i, ǁî-i ge nî ǃgâiǃō.”—Mat. 10:22.
Gagasi xūna ǀō-aisase ôaǃnâs
(ǃNaeǃkhaidi 12:21-23) Ob ge Herodeba mîmâisa tsēs ai gao-aosi saraba ana, tsî trons ai ǂnû tsî ǁîna ge ǃhoa-ū. Os ge ǁaesa: Elob di dommi tsî khoe-i di tamab komo, ti ge mî. Ob ge ǃKhūb di ǀhomǃgāba ǁnātimîsi ge ǂnau bi, Elobab ge ǃgôasiba mā tama i amaga, ob ge ǂunin xa ōhe tsî ge ǁō.
w08-E 5/15 32 ¶7
Mâǂoa ra xūn apostelgu di ǃNaeǃkhaidi ǂkhanisa xu
12:21-23; 14:14-18. Herodeb ge Jehovab ǀguib anu hâ ǂhaisiba ge ūbasen. Nē ǀgaub ge Paulub tsî Barnabab tsîn ge ǂhaisiba Jehovaba gere mā ǀgauba xu a ǀkhara. ǁNās ǀkha da ge sada tsîna ǃgâise da ga sada ǁgaumâidi ǃnâ ga dī xawe ǂhaisiba Jehovaba nî mā.
(ǃNaeǃkhaidi 13:9) Ob ge Saulub, ǁkhāti Paulub ti ra ǂgaiheba, ǃAnu Gagab ǀkha ǀoa hâse ǃgapalî bi
nwtsty study notes ǃNǃkh. 13:9
Saulub, ǁkhāti Paulub ti ra ǂgaiheba. Nē ǃnāsa xūb ge Sauluba Paulub di ra ǂgaihe. Nē aposteli ge Hebreǁîse ge ǃnae-e, Romeǁîn di ǁanǂgāsabese. (ǃNǃkh. 22:27, 28; Fil. 3:5) ǁNās ǀkha da ge a mî ǁkhā ǁîb ge ǂkhamsisa xu Hebre ǀons Saul di hâsa ūhâ isa tsî Rome ǀons Paulub. Jodeǁîn ǁaegu ǃnâ i ge ge ǃhao tama hâ i ǀgam ǀon ra ūhâsa. (ǃNǃkh. 12:12; 13:1) Paulub di omaris ǁanin tsîn ge ǀnîsi Romeǁî tsî Grike ǀonde ge ūhâ i. (Rom. 16:7, 21) ‘ǀŪben di aposteli’ aseb ge Pauluba ge mîbahe îb Jodeǁî tama hâ khoen tsîna ǃgâiǂhôasa aoǁnâba. (Rom. 11:13) ǁNās ǀkhab ge ǁîba ge ǁhûi ǁîb Romeǁî ǀonsa sîsen-ūsa, ǁîb ge ǀnîsi ge ǂâi nēs nî ūǃoahe di. (ǃNǃkh. 9:15; Gal. 2:7, 8) ǀNîn ge ra mî ǁîb ge Romeǁî ǀonsa, Sergiub Paulubab ǃgôasiba ra ǁgau ǂgao ǃkhais ǃgao ge dī ti. Xawes ge ǁnāsa ama tama hâ Paulub ge ǁîb ǀonsa Siprusa xūb ge īs tsîna gere sîsen-ū amaga. ǀNîn ge ra mî Paulub ge ǁîb di Hebre ǀonsa ge ǂgao tama hâ i, Grike khoen di ǃhoa ǀgaub ǃoagu î ge Grikegowab ǃnâ khoe-i tamas ka io xamani-i hîna ra ǀgapiǃgôasen-i di gere ǂâibasen amaga.—Mû re study notes ǃNǃkh. 7:58.
Paulub: Xristeǁî GrikeXoadi ǃnâs ge Pauʹlos di hâ ǀons Romeǁî gowab ǃnâ a Paulusa “kaise ǂkhariro” di ra ǂâibasen. Nē ǀons ge 157 ǃnāde apostel Paulub ǃoa ra ǁnaeǁgau-e tsî ǀgui ǃnāsa Siprus di ǂgaeǂgui-aob Sergiub Paulub ǃgaos tsîna ra sîsen-ūhe.—ǃNǃkh. 13:7.
Elobmîs khomai ǃâs
(ǃNaeǃkhaidi 12:1-17) ǁNā ǁaeb ge gao-aob Herodeba ǃomga ǀnîn ǀhaohâb din tawa ge ǁgui, ǁînab nî tsûtsûse. 2 Tsîb ge Jakobub, Johaneb di ǃgâsaba gôab ǀkha ge ǃgam. 3 Tsî mûb geo, Jodeǁîn ra ǃgâibahe ǃkhaisa, ob ge ǃaruǀî Petrub ona ge ǃkhō. Tsî di ge ǀkhuruǀkhuruhe tama peren di tsēde ge ī. 4 Tsî ǃkhō bib geo, ob ge ǃkhō-oms ǃnâ ǂnûi bi, tsî haka ǃûidi, mâs hoas âdi haka toro-aoga ūhâde ge māǁnâ bi, ǁîba gu nî ǃûise, Pasxab khaoǃgâb nî ǁaes aiǃâ ūsī bi, ti ǂâi tsî. 5 Tsî Petrub ge ǃkhō-oms ǃnâ ge sâuhe, xawe ǀhaohâb ge ǀûs ose Elob ǃoa ǁîba ge ǀgoreba. 6 Tsî Herodeb ge ǁîba mâi-aiǃâ ǂgao ǃnubaib ge Petruba ǁkhā tsuxub ǃnâ ǀgam toro-aokha ǁaegu ge ǁom, ǀgam ǁkhamkha ǀkha ǃgaehe hâse, tsî ǃûi-aogu ge ǃkhō-oms di dao-amsa gere sâu. 7 Tsî mû, ǃKhūb di ǀhomǃgā-i ge hā mâ, tsî ǃnâ-i ge ǃkhō-oms ǃnâ ge ǃnâ; ob ge Petruba ǃnammi ai ǂnau, tsî ǂkhaiǂkhai bi tsî: ǃHaese khâi! ti ge mî. O kha ge ǁkhamkha ǁîb di ǃomma xu ge ǁnā. 8 Tsîb ge ǀhomǃgāba ǁîb ǃoa ge mî: ǂGaeǂgāsen î sa ǀkhapura ana! Ob ge ǁnāti ge dī. Tsîb ge ǁîb ǃoa ge mî: Anaǂamxūba ǂgaeǂgā î tita sao! 9 Ob ge ǂoa tsî ge sao bi, ǀhomǃgāba xu go ī-i a ama ǃkhaisa ǀū tsî, xaweb ge ai-eb ra mû, ti ge ǂâi. 10 Tsî ǂguro ǃûis tsî ǀgamǁîsa ǃgûǃganu tsî kha ge ǀuridao-ammi, ǃāsa-ū garub tawa ge sī; ǁîb ge aitsama ǁîkha ge ǁkhowa-amsenba, o kha ge ǂoa tsî ǃganni kōse ge ǃgû; ǃnubaib ge ǀhomǃgāba ǁnātimîsi ǁîba xu ge bē. 11 Tsî Petrub ge ǂâihō-o, ob ge ge mî: Nēsi ta amase a ǂan, ǃKhūb go ǁîb ǀhomǃgāba sî, tsî Herodeb di ǃomma xu tsî Jodeǁaes hoas di ǃâusa xu ore te ǃkhaisa. 12 Tsî ǂâiǂâisenni geo, ob ge Marias, Johaneb îs, Markub tis tsîna ge ǀon hâ ib di oms ǃoa ge ǃgû; ǁnāpan ge ǂguina ge ǀhao hâ i tsî gere ǀgore. 13 Tsî Petrub ge dao-ams tawa ǃgubu-amo, os ge ǃgās Rode ti ǀon hâsa, ǃgâsas nîse ge hā. 14 Tsî Petrub di dommas ge ǁnâu, os ge dao-amsa ǃgâiaǂgaob xa ǁkhowa-am tama i tsî ǃkhoeǂgâ tsî: Petrub kom dao-ams aiǃâ mâo, ti ge ǂhôa. 15 On ge ǁîs ǃoa ge mî: ǃKhaus hâ! Xawes ge ǁîsa ǁnāti-i ī ǃkhaisa ge mîǃgûǃgû. On ge: ǁÎb di ǀhomǃgāb komo, ti ge mî. 16 Tsî Petrub ge ge ǃgubu-amǀgara. Tsî ǁkhowa-amn geo, on ge ǁîba mû tsî ge burugâ. 17 Ob ge ǃommi âb ǀkha ǁîna ge ǁgau, ǃnōn nîga, tsîb ge ǁîna ge mîba matib go ǃKhūba ǃkhō-omsa xu a ǂgaeǂguiǂui bi ǃkhaisa, tsî ge mî: Jakobub tsî nau ǃgâsagu ona nēsa mîba. ǃNubaib ge ǂoa, tsî ǀkhara ǃkhais ǃoa ge dāǁnâ.
DESEMBERI 17-23
ELOBMÎSA XU HÂ ǂÛǂÛSA MÎDI | ǃNAEǃKHAIDI 15–16
ǀGuiǃnâxa mîǁguib Elobmîs ai ǃgaoǃgaosab
(ǃNaeǃkhaidi 15:1, 2) Tsî gu ge ǀnîga Judeaba xu ǁgôaxa tsî ǃgâsaga gere ǁkhāǁkhā: Tsî go ga ǃgaokaisen tama io, Moseb di ǁnaetib ǃoa, o go kom a ǃgâiǃō ǁoao ti. 2 Tsî ǁî ǃkhaisa xu i ǁnâi ǂkhari tama gongonai-i tsî ǂnoagu-ai-e ge hāo Paulub tsî Barnabab tsî ǁîn tsîn ǁaegu, on ge ge mîmā Paulub tsî Barnabab tsî ǀnîgu ân nî Jerusalems ǃoa apostelgu tsî ǀhaohâb di ǂnomdomgu ǃoa ǃapa ǃkhaisa nē ǂnoagus ǃaroma.
bt-E 102-103 ¶8
“Tsî ǁî ǃkhaisa xu i ǁnâi ǂkhari tama gongonai-i”
8 Tsîb ge Lukab ge ǀaro: “Tsî ǁî ǃkhaisa xu i ǁnâi ǂkhari tama gongonai-i tsî ǂnoagu-ai-e ge hāo Paulub tsî Barnabab tsî ǁîn tsîn ǁaegu, on ge ge mîmā Paulub tsî Barnabab tsî ǀnîgu ân nî Jerusalems ǃoa apostelgu tsî ǀhaohâb di ǂnomdomgu ǃoa ǃapa ǃkhaisa nē ǂnoagus ǃaroma.” (ǃNaeǃkhaidi 15:2) ‘ǂNoagu-ai-i’ ge hoa ǀgam ǀkhāga xu ge hā tsîb ge Antioxias ǃnâ hâ ǀhaohâba nēsa ge ǀamǀam hō tama hâ i. ǂKhîb tsî ǀguiǃnâxasib tsîna aiǃgû kais ǃgaob ge ǀhaohâba nē mâsiba “apostelgu tsî ǀhaohâb di ǂnomdomgu [ǀhaohâb ǃûi-aoga, NW]” hîna Jerusalems ǃnâ ǂgaeǂguira sorosa ra ǂnûǁkhaeba ga ǃoa ge ī-ū. Tae-e da Antioxias ǃnâ ge hâ i ǀhaohâb ǃûi-aoga xu ra ǁkhāǁkhāsen?
(ǃNaeǃkhaidi 15:13-20) Tsî ǁîkha ge ǃnō, ob ge Jakobuba ǃeream tsî ge mî: Aogo, ǃgâsago, ǃgâ te re! 14 Simonni ge go ǃhoaba ge, matib ge Eloba ǂgurosa ǂâibasen ǃkhaisa, ǀūbena xub nî ǀons âba ǁae-e hōbase. 15 Tsî ǁîs ǀkha di ge kēbo-aogu di mîde a ǀgui, xoamâihe hâ khami: 16 Tsî ǁnās khaoǃgâ oa tsî ta nî ǁkhawa Davib oms, khôaǁnâhe hâsa ǂnubikhâi, tsî ta nî ǂkhūhe hâ-e ǁkhawa ǂnubi tsî nî ǁîsa ǃkhōkhâi; 17 în ga ǃgau ge khoena ǃKhūba ôa, tsî hoa ǀūben tsîn, ǁîn ǂamas ti ǀonsa ǂgaihe hâna, tib ra ǃKhūba mî, nēn hoana ra dība. 18 Tib ge ǃKhūba ra mî, nēna hugasa xu ge ǂan iba. 19 ǁNā-amaga ta tita ra ǂâi, în ǁnān, ǀūbena xu Elob ǃoa ra ǃhobasenna tā ǃgomǃgomhega, 20 în xoabahe ǁîn nî ūdawasen ǃkhaisa ǁgôatsuiǁgoagu di ǃanuoǃnâsiga xu, tsî ǀaiba xu tsî ǀhomǀomhe hâ-e xu tsî ǀaoba xu.
w12-E 1/15 5 ¶6-7
Ama Xristeǁîn ge Elobmîsa ǃgôasiba ūbahâ
6 Xoas hîna ge nē mâsiba a supusupus ge Amob 9:11, 12 ǃnâ hâ. ǃNaeǃkhaidi 15:16, 17 ge ra mî: “Tsî ǁnās khaoǃgâ oa tsî ta nî ǁkhawa Davib oms, khôaǁnâhe hâsa ǂnubikhâi, tsî ta nî ǂkhūhe hâ-e ǁkhawa ǂnubi tsî nî ǁîsa ǃkhōkhâi; în ga ǃgau ge khoena ǃKhūba ôa, tsî hoa ǀūben tsîn, ǁîn ǂamas ti ǀonsa ǂgaihe hâna, tib ra ǃKhūba mî, nēn hoana ra dība.”
7 Xawe î ge khoe-e ǀnîsi mâǃoa tsî a mî ǁkhā: ‘ǁNā xoas ge mî tama hâ Jodeǁî tama Xristeǁîna ǃgaos ge ǂhâbasa tama hâ di.’ ǁNās ge a ama, Jodeǁî Xristeǁîn ge ǁnāsa ǁnâuǃā tide. ǁÎn ge Jodeǁî tama hân hîna ǃgaohe hâna ǀnîhâ ‘ǃhaos di khoen’ ase ge mû tama hâ i xawe ǃgâsan ase. (Eks. 12:48, 49) Aiǁgause Bagsters di ǃâb hîna Septuaginti ǃnâ hâb ge Esters 8:17 sa neti ge ǂnûiǃkhuni: “Tsî ǂguin [ǀūben] ǁnā ǃhūb ǁaedi din ge ge Jodeǁî kai.” Xoadi ge ge ǁgau ǁnān hîna Israelǁaesa xu ra hân (Jodeǁîn tsî ǃgaohe hâ Jodeǁîn) ǀguiba “hoa ǀūben” ase mâ ǃhaos hoas (ǃgaohe tama Jodeǁîn) ǃnâ nî ǀgui kaisa Elob ǀonsa tani hâ ǁaes ase, ǁnās ge kaise ge ǃgāsa i. ǃGaohes ge Jodeǁî tama hân hîna gere Xristeǁî kai ǂgaon di ǂgaoǀkhā tama ge isa.
(ǃNaeǃkhaidi 15:28, 29) ǃAnu Gagaba i go ǃgâiǂâiba xui-ao tsî sida ona, ǀnî ǃgomai-e da sado ǁgui-ai tide ǃkhaisa, nē ǂhâǂhâsa ǃâdi ǀguide: 29 Ūdawasen du nî ǁgôatsuiǁgoaǁguibade xu tsî ǀaoba xu, tsî ǀhomǀomhe hâ-e xu, tsî ǀaib tsîna xu, ti; ǁîna xu du ga ǃûiseno, o du ge nî ǃgâise dī. ǃGâise hâ re!
(ǃNaeǃkhaidi 16:4, 5) Tsî ǃāde gu ra ǃgûǃnâǃganu hîa gu ge dīhe di nîse ī ǂnûiǂgādi, apostelgu tsî ǂnomdomgu Jerusalems digu xa ge ǂnûiǂgāhede ge māǁnâ. 5 O gu ge ǀhaohâga ǂgoms ǃnâ ǀgaiǀgaihe tsî ǃgôab ǃnâ tsēkorobe gere ǀarohe.
bt-E 123 ¶18
“ǀHaohâga ra ǀgaiǀgaise”
18 Paulub tsî Timoteub tsîn ge ǀguiba ǂgui kuriga ge sîsen. Sarimâra mûǂam-aokha ase kha ge ǁîkha ǂgui sîsen-e ǂgaeǂguira sorosa gere dība. Elobmîs ge ra mî: “Tsî ǃāde gu ra ǃgûǃnâǃganu hîa gu ge dīhe di nîse ī ǂnûiǂgādi, apostelgu tsî ǂnomdomgu Jerusalems digu xa ge ǂnûiǂgāhede ge māǁnâ.” (ǃNaeǃkhaidi 16:4) Tsî gu ge ǀhaohâga apostelgu tsî ǀhaohâb ǃûi-aogu ra mā daoǁgaude gere sao. Tsî nēs xa ǃaromahe hâse gu ge “ǀhaohâga ǂgoms ǃnâ ǀgaiǀgaihe tsî ǃgôab ǃnâ tsēkorobe gere ǀarohe.”—ǃNaeǃkhaidi 16:5.
Gagasi xūna ǀō-aisase ôaǃnâs
(ǃNaeǃkhaidi 16:6-9) Tsî gu ge Frigiab tsî Galatiab tsîna ge ǃgûǃnâǃganu, ǃAnu Gagab xa gu ge ǃkhâihe, mîsa Asiab ǃnâ aoǁnâsa amaga. 7 Tsî Misiab tawa gu ge sīo, o gu ge ge dītsâ, Bitiniab ǃoa dāǁnâsa, xawe Gagab Jesub dib ge ǁîsa mā-am gu tama ge i. 8 O gu ge Misiaba ǃgû-īǀkhā hâse Troas ǃoa ge ǁgôa. 9 Tsî tsuxubab ge Pauluba ai-e ge mû; Masedoniaǁî khoeb ge ǁnāpa mâ tsî ǀkhoma bi tsî ge mî: ǀKhī Masedoniab ǃoa î hui da re!
w12-E 1/15 10 ¶8
ǂKhaikarise hâsa Jesub apostelga xu ǁkhāǁkhāsen
8 Tae-e da nē ǃnaeǃkhaisa xu ra ǁkhāǁkhāsen? Paulub ge Asiaba ǃoa a īs khaoǃgâ ǀguib ge Jehovaba ǃanu gagab ǀkha ge hui bi. Tsîb ge Pauluba Bitinias ǃnâ a sīs khaoǃgâ ǀguib ge Jesuba ge hui bi. Tsîb ge ǁîba ega Troas ǃnâ a sīs khaoǃgâ ǀguib ge Jesuba ǁîba Masedonias ǃoa ge daoǁgau. Jesub tsîn ge ǀhaohâb danab ase ǁnāsa sada ǀkha a dī ǁkhā. (Kol. 1:18) Aiǁgause du ge ǀnîsi ra ǂâi aimâba-aose xoaǂgāsen tamas ka io ǂhâsib hâba sī huisa. Xawes ge nēsa ǀnîsi sadu gagasi mîǁguib ǃoagu du ra sîsen ǁaeb ai ǀgui nî ī, Jesub ga Elob ǃanu gagab ǀkha a daoǁgau du ǁaeb ai. Hā re î da nēs xa ǂkhō: ǃNari-aob ge ǁîb audosa ǁareǀkhāb tamas ka io amǀkhāb ǃoa a ī kai ǁkhā xawes ge nēsa ǃnari tsoatsoab ga o, o ǀgui nî ī. ǁNās ǁkhās khamib ge Jesub tsîna a daoǁgau da ǁkhā î da sida aoǁnâ sîsen-e khoraǂui xawes ge nēsa sada ǀkhāba xu da ga ǁguiǂgāsen o, o ǀgui nî īǁkhā.
(ǃNaeǃkhaidi 16:37) Ob ge Pauluba ǁîgu ǃoa ge mî: Sikhoma gu ge ǀgoraǃgâhe tama hâse ǂhaisase go ǂnau, Romeǁî khom hîa, tsî ǃkhō-oms ǃnâ go aoǂgā khom, tsî gu kha nēsi nabasase ra ǂhāǂui khom? ǁNāti tamas, a gu aitsama hā, î gu sikhoma ǂgaeǂguiǂui.
nwtsty study note ǃNǃkh. 16:37
Romeǁî khom: ǁNās ge Romeǁî ǁanǂgāsabe di ra ǂâibasen. Paulub tsî Silab tsîkha ge ǀnîsi ge Romeǁîn ǁanǂgāsabe i. Romeǁîn ǂhanub ge gere mî, ǁanǂgāsabe i ge ǂhanu ǀgaub ǃnâ nî ǀgoraǃgâ-e di xawe khoen aisis ose. Romeǁî ǁanǂgāsaben ge ǀnî hâ ǂhanuga ge ūhâ i. Romeǁîn ge ǁîn di ǂhanub ǃnâ gere ǂgāmâisen nau ǃādi di ǂhanugu ǃnâs ose. ǂGā-amheb ge o, ob ge ǁîba ǀnî hâ ǂhanub xa ǀgoraǃgâhesa ge ūǃoa ǂgao tama hâ i xawe Romeǁî ǂhanub xa ǀgoraǃgâhesa ge ūǃoa. Khoe-i ga tsūdī o, o î ge ǂgaeǂgui-aob aiǃâ sīs aiǂhanuba ge ūhâ i. Apostel Paulub ge Romeǁîna gere aoǁnâba. ǁÎb ge Romeǁî ǁanǂgāsabesis aiǂhanuba ǃnona ǃnādi kōse ge sîsen-ū. ǂGuro ǃnās ge Filipis ǃnâb ge Filipeǁîn ǀgoraǃgâ-aoba a mîba o ǁanǂgāsabeb a hînab go ǂnauhe ǃkhaisa.—Nau ǀgam ǃnāra ǃgao study notes ǃNǃkh. 22:25; 25:11 sa kō re.
Elobmîs khomai ǃâs
(ǃNaeǃkhaidi 16:25-40) Tsî tsuxuǃgâǁaeb ai kha ge Paulub tsî Silab tsîkha ǀgore tsî Eloba ǁnaetsanadi ǀkha gere kare, tsî ǃkhōsan ge ǁîkha gere ǃgâ. 26 Tsî i ge ǃhaese kai ǃhūǂgubi-e ge ī, ǃkhō-oms di ǃgaoǃgaogu ge ǁnopes kōse. O di ge ǁnātimîsi dao-amdi hoade ge ǁkhowa-amsen, tsî hoan di ǃgae-ūdade ge xoresen. 27 Tsî ǃkhō-oms ǃûi-aob ge ǃnoaǂkhai tsî ǃkhō-oms di dao-amde ǁkhowa-amsen hâse mûo, ob ge gôaba ǂgaeǂui tsî ge ǃgamsen ǁga, ǃkhōsan ǁhai hâ ti ǂâi tsî. 28 Ob ge Pauluba ǃgari dommi ǀkha ǂgai, tsî ge mî: Tā tsūdīsen, hoatsama da nēpa hâ xuige. 29 Ob ge ǃamamǀaeba ǂgan tsî uriǂgâ tsî ǀkhū raǃâ Paulub tsî Silab tsîkha aiǃâ ǁnāǁgoe, 30 tsî ǂgaeǂguiǂui kha tsî ge mî: Ti ǃkhūkhoekho-e, tare xū-e dī tsî ta nî ǃgâiǃōsiba hō? 31 O kha ge ge mî: ǂGom ǃKhūb Jesub Xristub ǃnâ, o du ge sats tsî sa oms din tsîdo nîra ǃgâiǃō. 32 Tsî kha ge ǁîba ǃKhūb mîsa ge ǂhôaba, tsî ǁîb oms din hoana. 33 Tsîb ge ǁîkha ǁkhā iri tsuxub dib ai ū tsî ǀhapina ge ǁā-aiba kha, tsîb ge ǁnātimîsi ge ǁāǁnâkaisen, ǁîb tsî ǁîb oms din hoana. 34 Tsîb ge ǁîkha ǁîb di oms ǃnâ ūǂgā tsî tāba ge mâi-aiǃâ kha, tsî ǁîb din hoan ǀkha ge ǃgâiaǂgao, Elob ǃnân go ǂgom ǃkhais xa. 35 Tsî ǁgoa i ge, o gu ge danakhoega sîsabega sî tsî ge mî: Khoekha ǁnākha ǃgû kai re! 36 Ob ge ǃkhō-oms ǃûi-aoba ǁnā mîde Pauluba ge ǂhôa: ǂAmkhoegu go sî, ǁnāxūhe kho nî ti. ǃGûǂoa ǁnâi î ǂkhîb ǃnâ ǃgû re. 37 Ob ge Pauluba ǁîgu ǃoa ge mî: Sikhoma gu ge ǀgoraǃgâhe tama hâse ǂhaisase go ǂnau, Romeǁî khom hîa, tsî ǃkhō-oms ǃnâ go aoǂgā khom, tsî gu kha nēsi nabasase ra ǂhāǂui khom? ǁNāti tamas, a gu aitsama hā, î gu sikhoma ǂgaeǂguiǂui. 38 O gu ge sîsabega nē mîde ǂamkhoega ge sī ǂhôa, o gu ge ǁîga ge ǃao, Romeǁîkha a ǃkhaisa gu ge ǁnâuo. 39 O gu ge hā tsî ge ǀkhoma kha, tsî ǂgaeǂguiǂui tsî ge ǂgan, î kha ǃāsa xu ǂoa, ti. 40 O kha ge ǃkhō-omsa xu ǂoa tsî Lidias ǃoa ge ǃgû. Tsî ǃgâsana mû tsî kha ge ǁîna ǁkhaeǂgao-o, o kha ge ge ǂoa.
DESEMBERI 24-30
ELOBMISA XU HÂ ǂÛǂÛSA MÎDI | ǃNAEǃKHAIDI 17–18
Apostel Pauluba aoǁnâs tsî ǁkhāǁkhās tsîn ǃnâ ǁgae re
(ǃNaeǃkhaidi 17:2, 3) Ob ge Pauluba ǁîb di ǁnaetiba ǃoa ǁîn tawa ǂgâ, tsî ǁîn ǀkha ǃnona sâtsēde gere dîǃnâgu, xoade xu. 3 Tsîb ge ǁîde ǁîna mîǃāba, tsî ǁîna ge mâi-aiǃâ, Xristub nî tsâ tsî ǁō hâna xu khâi ǃkhaisa, tsîb ge: Nē Jesub, tita ra aoǁnâba dub ge a Xristu, ti ge mî.
nwtsty study notes ǃNǃkh. 17:2, 3
dîǃnâgu: Paulub ge ǁîna ǃgâiǂhôas xa ǀgui ge mîba tama hâ i. ǁÎb ge ǁguiǃā tsî ǁgauǁgaude Xoade xu gere ǁgau, ǁnās ge Hebre Xoade xu. ǁÎb ge Xoade khomais ǀguisa ge dī tama hâ i xawe ǃgâi ǀgaub ǃnâ gere ǁguiǃā tsî nē ǁguiǃā ǀgaubab ge ǁîb ǃgâ-aon di ǂhâsib ǃoagu gere dī. Grikegowab sîsen mîs di·a·leʹgo·mai di hâs ge “xū-e ǃhoaǀhaos” di ra ǂâibasen. Nēs ge khoen ǀkha ǀguiba ǁgamǀhaos ǃnâ ǁhaos dis tsîna a ǂâibasen ǁkhā. Nē Grikegowab mîs ge ǃNǃkh. 17:17; 18:4, 19; 19:8, 9; 20:7, 9 tawas tsîna ra sîsen-ūhe.
ǁnaeǁgaudi ǃoagu: Grikegowab mîs ge “ǀguri hâ ǀkhāb ai” di ra ǂâibasen. Nēs ge ra ǁgau Paulub ge Mesiab xa Hebre Xoadi ǃnâ hâ kēbodi tsî Jesub ûib xa hâ ǃnaeǃkhaide gere ǀgopeǀnōsa. Tsîb ge ǀams ai nē kēbodeb ge Jesuba a dīǀoaǀoa ǀgaub tsîna ge ǁgau.
(ǃNaeǃkhaidi 17:17) Tsîb ge sinagogeb ǃnâ Jodeǁîn tsî eloǃaoǃgâxan ǀkha gere dîǃnâgu, tsî ǁkhāti tsēkorobe ǁamaxūǃkhais ai ǁnāpa ra ǀkhīn ǀkha.
nwtsty study note ǃNǃkh. 17:17
ǁAmaxūǃkhais: Nēs ge Acropolis di ǀapas [noordes] ai ge hâ i ǁamaxūǃkhais (Grike a·go·raʹ) Atenes ǃnâ hâs xa ra ǃhoa hîna ge 50 000 hectari kōse kai isa. Nē ǁamaxūǃkhaib ge ǁamas tsî ǁamaxūs tsîn ǀguina ge ǃkhōǂgā tama hâ i. Nēb ge ǃās di ekonomib, ǂgīǂgōsi xūn tsî ǃhaodi ûi ǀgaub ǁgauǂui ǃkhaib ase ge ī-i. Ateneǁîn ge nē ǃkhaib ai ǀhao tsî hoaǃnâ-aixa xūn xa ǃhoas xa ge ǃgâibahe i.
(ǃNaeǃkhaidi 17:22, 23) Ob ge Pauluba Areopagub ǁaegu mâ tsî ge mî: Ateneǁî aogo, hoan ǃnâ du ge kaise a eloǃaoǃgâxa ǃkhaisa ta ge ra mû. 23 ǃĀsa ǃgûǃnâǃganu tsî ta go sadu ǃanusiga ǃgapao, o ta ge ǁkhāti altar-e go hō, ǁî-i ai xoahe hâ-e: ǂAnsa tama Elob di, ti. ǁNâi ǁNāb, sadu ǂan tamase ra ǃoabab, ǁîba ta ra aoǁnâba du.
nwtsty study note ǃNǃkh. 17:22, 23
ǂAnsa tama Elob: Grikegowab mîs A·gnoʹstoi the·oiʹ di hâs ge Atenes ǃnâ hâ altars ai ge xoahe hâ i. Ateneǁîn ge eloǃaoǃgâxasiba ǁgaus ǃgao ǂgui tempelgu tsî altardi tsîna gere om. ǁÎn ge ǁîn elogu ǃgaos tsîna altarde gere om, aiǁgause ǂanǂansasib, ǃgamǃgamsenxasib, ǀgaib, ǂkhâǃnâhes tsî ǀkhomhes ǃgaos tsîna. ǁÎn ge gere ǃao ǀnî hâ elo-e ǃoabasa xawe ǁnā elob xa gere ūǃoahe ǂgao tsî ǁnās ǀkha “ǂansa tama Elob” ǃgao altarsa ge om. Nē altarsa oms ǃnâ-ūn ge gere ǁgau ǁîn Elob hâsa ra ūǃoasa, ǀūbin a xawe. Paulub ge nē altars di ǂâibasensab ge ǂan i ǃkhais ǃgao altars aiǁgausa gere sîsen-ū khoena ama Elob xa mîbasa.
Gagasi xūna ǀō-aisase ôaǃnâs
(ǃNaeǃkhaidi 18:18) Tsî Paulub ge gorose ǂgui tsēde ǁnāpa ge hâ, ǁnās khaoǃgâb ge ǃgâsana tawede, tsî huriba-ū Siriab ǃoa ge ǂoa, tsî Prisilas tsî Akwilab tsîra ǁîb ǀkha, ǁîb di danasa Kenxreas tawa ǂkhomhe hâǃâ, mîmâi-eb ge ūhâ i xui-ao.
w08-E 5/15 32 ¶5
Mâǂoa ra xūn apostelgu di ǃNaeǃkhaidi ǂkhanisa xu
18:18—Pauluba mā mîmâisa ge dī? ǀNî ôaǃnâ-aon ge ra mî, Paulub ge Nasireǁîs di mîmâisa ge dī ti. (Num. 6:1-21) Xawes ge Elobmîsa Paulub ge dī mîmâis xa xū-e mî tama hâ. Xoadi ge ǂōrisase ǁgau tama hâ Paulub ge nē mîmâisa ǃhōbaseni ge aiǃgâ tamas ka io khaoǃgâ a dīsa, tamas ka iob ge nē mîmâisa gere tsoatsoas tamas ka io gere ǀamsa. Mati i ga i xawe î ge mîmâisa dīsa ǁore tama hâ.
(ǃNaeǃkhaidi 18:21) Tsî tawede tsî ge mî: ǁKhawa ta ge sadu ǃoa nî oaǀkhī, Elob ga ǂgao-o. Tsîb ge Efesusa xu ge doe
nwtsty study note ǃNǃkh. 18:21
Elob [Jehovab] ga ǂgao-o: Nēs ge ǁnaetib ase î khoe-e xū-e i ga ǀape ǁaeb ai ra mî mîde tsî ra mîǁgui Elob ǂâis ǃoagu ǁnā xū-e dīsa. Apostel Paulub ge nē mîde hoaǁae ǂâis ǃnâ ge ūhâ i. (1Kor. 4:19; 16:7; Heb. 6:3) Jakobub tsîn ge ǁîb khomai-aona ge mîba: “ǃKhūb ga ǂâio, tsî da ga ûio, o da ge nē-i tsî nau-e nî dī.” (Jas 4:15) Khoe-i hîna ǃgâi ǀgaub ǃnâ “Jehovab ǂâis ga mā-am o” di ra mî-i ge ǀguiǃnâxase ǁîb ǂâis ǀkha nî sîsen. Nē ǁgâiǂuisen ǀgaub ge ǁnâuhe ǁkhā a ǀgaub ǃnâ a mîhe ǁoa xawe î ge khoe-e aitsama ǂgaob âb ǃnâ di nî mî.—Mû re study notes ǃNǃkh. 21:14; 1Kor. 4:19; Jak. 4:15 tsî App. C.
Elobmîs khomai ǃâs
(ǃNaeǃkhaidi 17:1-15) Tsî Amfipolib tsî Apoloniab tsîkha gu ge ǃganu ǃnubai gu ge Tesalonikas, Jodeǁîn di sinagogeb hâ ǃās tawa ge sī. 2 Ob ge Pauluba ǁîb di ǁnaetiba ǃoa ǁîn tawa ǂgâ, tsî ǁîn ǀkha ǃnona sâtsēde gere dîǃnâgu, xoade xu. 3 Tsîb ge ǁîde ǁîna mîǃāba, tsî ǁîna ge mâi-aiǃâ, Xristub nî tsâ tsî ǁō hâna xu khâi ǃkhaisa, tsîb ge: Nē Jesub, tita ra aoǁnâba dub ge a Xristu, ti ge mî. 4 Tsî ǀnîn ân ge ǂgom tsî Paulub tsî Silab tsîkha ǀkha ge ǁaeǁaesen, kaise ǂgui eloǃaoǃgâxa Grikeǁîn tsî ǀoro tama ǀgapiǃgôahesa taradi tsîna. 5 On ge ǂgomoǃnâ Jodeǁîna tauxa, tsî ǀnî ǂkhaba khoegu ǁamaxūǃkhais diga ū, tsî ǁaesa ǃkhoeǀhao kai, tsî ǃāsa gongonǃnâ, tsî Jasonni omsa xāǂgā, tsî ǁîkhan nî ǁaes aiǃâ ūhāse ge ôa-am. 6 Tsî ǁîkhan ge hō tama io, on ge Jasonni tsî ǀnî ǃgâsagu tsîga ǃās di ǂamkhoegu ǃoa ǃkhara tsî ge ǃau: Nēkha, ǃhūbaib hoaragaba ra gongonǃnâkha ge ǁkhāti nēpa go hā. 7 ǁÎkhab ge Jasonna sâu hâ, tsî gu kom nēgu hoaga Kaesari di ǂnûiǂgādi ǃoagu ra dīo, ǀkharab a gao-ao ǃkhaisa, Jesub, ti mî tsî. 8 Tsîn ge ǁaes tsî ǃās di ǂamkhoegu tsîna ge gongon, nēna ge ǁnâuna. 9 Tsî Jasonni tsî naun xa gu ge ǂkhîǂkhîhe ǃnubai gu ge ǁîkha ge ǁnāxū. 10 ǃUi i ra hîa gu ge ǃgâsaga ǁnātimîsi Paulub tsî Silab tsîkha Bereas ǃoa ge sîbē. Tsî sī kha ge, o kha ge Jodeǁîn di sinagogeb ǃnâ ge ǂgâ. 11 Tsîn ge ǁîna Tesalonikaǁîn xa khoexaǃnâ ge i, ǁîn ge mîsa hoaragase māsen hâse ǃkhōǃoa, tsî tsēkorobe xoas ǃnâ gere ôa, īsen nē xūna ǁnāti īsa. 12 Tsîn ge ǂguin âna ge ǂgom, ǂâusa Grikeǁî taradi tsî aogu tsîna. 13 Tsî Tesalonikas di Jodeǁîn ge ǁnâuo, Bereas on tawas ra Elob mîsa Paulub xa aoǁnâhesa, on ge ǁkhāti ǁnāpa sī, tsî ǁaesa ge gongonǃnâ. 14 ǃNubai gu ge ǃgâsaga ǁnātimîsi Pauluba hurib kōse ge sîbē, xawe kha ge Silab tsî Timoteub tsîkha ǁnāpa ge hâ-oa. 15 Tsî Pauluba ra ǁnūn ge ǁîba Atenes ǃoa ge ūsī. Tsî Silab tsî Timoteub tsîkha ǃoan ge haisi-am-e hō-o, ǃhaese kha nî ǁîb tawa hā ti ra mî-e, on ge ge oa.
DESEMBERI 31–JANUARIB 6
ELOBMÎSA XU HÂ ǂÛǂÛSA MÎDI | ǃNAEǃKHAIDI 19–20
“ǁÎ-aitsama ǁnâi ǃûisen, î go gūn hoaragana ǃûi”
(ǃNaeǃkhaidi 20:28) ǁÎ-aitsama ǁnâi ǃûisen, î go gūn hoaragana ǃûi, ǁîn ǂamab ge ǃAnu Gagaba sago mûǂamaose mâina, ǀhaohâb Elob dib, ǁîb di ǀaob ǂûb ǀkhab ǃoaǂuibasen hâba go nî ǃûise.
w11-E 6/15 20-21 ¶5
“ǃÛi Elob gūn, sago ǂgomǃgâbahe hâna”
5 Aposteli ge ge xoa î gu ‘mûǂam-aoga [ǀhaohâb ǃûi-aoga] Elob gūna ǃûi.’ ǁÎgu ge nî mûǂan nē gūn a Jehovab tsî Jesub Xristub tsîn disa. ǀHaohâb ǃûi-aogu ge ǃereamsa nî mā matigu nē gūna ra kōǃgâ ǀgauba. ǂÂi re, sadu ǀhōsa-i ge go ǂgan du î du ǁî-i ǀgôana kōǃgâ ǁî-i ra ī ǃkhais ǃgao. Sado ǁîna ǃgâi ǀgaub ǃnâ kōǃgâ tsî ǂûmā tide? ǀGui-i ga ǀaesen o, o du dītsâ tide ǁî-e ǀaeǃkhō omsa ǃoa ī-ūsa î-i ǂhâbasa sōǀôa-e hō? ǁNās ǁkhās khami gu ge ǀhaohâb ǃûi-aoga ‘ǀhaohâb Elob dib, ǁîb di [ǀGôab ] ǀaob ǂûb ǀkhab ǃoaǂuibasen hâba nî ǃûi.’ (ǃNaeǃkhaidi 20:28) ǁÎgu ge ǂâis ǃnâ nî ūhâ mâ gūs hoas ge Jesub Xristub di ǀō-aisa ǀaob ǀkha a ǁamahe ǃkhaisa. ǁÎgu ǃereamsa tani hâ ǃkhais ǃgao gu ge ǁîkha gūna ǂûmā, ǁkhauba tsî nî kōǃgâ.
(ǃNaeǃkhaidi 20:31) ǁNā-amaga ǂkhaikari hâ, î ǂâiǂâisen ǃnona kurigu kōse ta ge ǀû tama hâ i ǃkhaisa, tsēa tsî tsuxuba mâ-i hoa-e ǁgamron ǀkha ǁnamasa.
w13-E 1/15 31 ¶15
Xristeǁî ǀhaohâb ǃûi-aogo—sida ǃgâiaǂgaob di sîsenǀhao-aogo
15 ǃÛi-aosis ge ǃgarise sîsensa ǃkhōǂgā hâ. ǀHaohâb ǃûi-aogu ge ǂom o ǃuide ra ūhâ Elob gūna ǀgorebas ǃnâ tamas ka io ǀnî-e gagasi huiba mās ǃgao. (2Kor. 11:27, 28) Xawes tsîna gu ge ǁîga nēsa ǁkhoaǂgaosib tsî ǂkhîb tsîn ǀkha ra dī, Paulub khami. ǁÎb ge Korinteǁîn ǃoa ge xoa: “O ta ge kaise māsen ǂgao hâ, sadu ǀomdi ǃaroma ta nî ǁguibahe ǃkhaisa.” (2Kor. 12:15) Paulub ge ǁîb ǃgâsanab a ǀnam ǃkhais ǃgao hoaǁae ǁîna gere ǂkhâǃnâ. (Khomai re 2 Korinteǁîn 2:4; Fil. 2:17; 1Tes. 2:8) Tsîn ge ǃgâsan tsîna Pauluba kaise ge ǀnam i.—ǃNaeǃkhaidi 20:31-38.
(ǃNaeǃkhaidi 20:35) Hoana ta ge ǁgau du, ǁnāti sîsen tsîts nî ǁkhā tamana ǃkhōǃoa ǃkhaisa, tsîts nî ǃKhūb Jesub di mîs, mîb geres xa ǂâi: Mās ge ūs ǃgâ-ai a ǃgâi.
bt-E 172 ¶20
“Hoadu di ǀaob xa ta a ǃanu”
20 Paulub ûib ge ǁîn hîna ge gūna ǃgâi tama ǀgaub ǃnâ ega gere hâ-ūna xu ra ǀkhara. ǁÎb ge aitsama gere sîsenbasen îb tā ǀhaohâba xu huiba ôa. ǁÎb gere dī xūn hoan ge nau Xristeǁîn di ǃgâib ǃgao ge hâ i. Paulub ge Efeses ǃnâ hâ ǀhaohâb ǃûi-aoga ǃoa māsenxasib xa ge xoa: ‘Hoana ta ge ǁgau go, ǁnāti sîsen tsîts nî ǁkhā tamana ǃkhōǃoa ǃkhaisa, tsîts nî ǃKhūb Jesub di mîs, mîb geres xa ǂâi: Mās ge ūs ǃgâ-ai a ǃgâi.’—ǃNaeǃkhaidi 20:35.
Gagasi xūna ǀō-aisase ôaǃnâs
(ǃNaeǃkhaidi 19:9) Tsî ǀnîn ge karokarosen tsî ǂgom tama i, tsî ǃKhūb di daob xa ǂguib aiǃâ tsūse ǃhoao, ob ge ǁîna xu ǀgora tsî ǁkhāǁkhāsabena ǀguri hâse ū, tsî tsēkorobe ǂanǂansa Tiranub di skoli ǃnâ gere ǁkhāǁkhā.
bt-E 161 ¶11
“ǀOm tsî ge dan” mâǃoahen ge xawe
11 Paulub ge ǀnîsi nē mîdi saali ǃnâ khoen aisi gere ǃhoa, ǃuis di 11ǁî khamaba xu ǁgoas di 4ǁî khamab kōse. (ǃNaeǃkhaidi 19:9) Nēb ge ǀnîsi ǃnōsa tsî ge ǀgamsa ī ǁaeb tsēs diba, khoen hoan ge ǁîn sîsen-e xu sâ tsî gere ǂû ǁaeb ge ī amaga. ǂÂis ǀguisa dī re, Paulub ga ǁnā ǀgaub ǃnâ ǀgam ǀoasa kuriga khoena aoǁnâba hâ o, ob ge ǁîba 3 000 khamaga ga aoǁnâ hâ. Nēb ge ǁkhawa ǀnî hâ ǃaromas Jehovab mîs ge hoan xa a ǁnâuheba. Paulub ge ge ǀopesa tama hâ i tsî mâ mâsib hoaba ǃhaese gere ǁnaeti. Paulub ge ǁîb di aoǁnâ ǀgauba ǀhûhâsib ǃnâ hâ khoen di ǂhâsib ǃoagu gere dawa. Tsî ǀamǂoas? “On ge Asiab ǃnâ ǁan hân hoana ǃKhūb Jesub di mîsa ge ǁnâu, Jodeǁîn tsî Grikeǁîn tsîna.” (ǃNaeǃkhaidi 19:9) Nēb ge kaise ge ǀō-aisa ī aoǁnâ ǀgauba.
(ǃNaeǃkhaidi 19:19) Tsî ǁkhāti ǂguin, ǃgaidīga gere dīn ge ǂkhanide ūhā, tsî ǁîde ǂhaisase ge khauǃkhū, tsîn ge ǁîdi ǀgausa ǃgôaǀhao, tsî ǁîsa korodisiǀoadisi ǀhaiǀuri maride ge hō.
bt-E 162-163 ¶15
“ǀOm tsî ge dan” mâǃoahen ge xawe
15 Skevab di ǀgôagu di taotaoxa mâsib ge eloǃaoǃgâxasiba ge kaikai. Tsîs ge nēsa ge ǃaroma în ǂguina ǃgaidība xū tsî ǂgomsabe kai. Efeseǁîn di ǃhaoǃnâbe ǁnaetigu ge ǃgaidīb ǀkha dī xū-e ge ūhâ i. ǃGaidīb ge kaise ge ǂanǂansa i ǁîn ǁaegu, nēs ge ǂkhanin ǃnâs tsîna ge hâ i. ǂGui Efeseǁîn ge ǂkhanin hîna ǃgaiba ūhâna hau tsî khoen aiǃâ gere khauǂui, nē ǂkhanin ge kai mari-e gere ǂgan xawe. Lukab ge ge xoa: “ǁNātis ge ǃKhūb di mîsa ǀgaisase ǀom tsî ge dan.” (ǃNaeǃkhaidi 19:17-20) Nēb ge kaise ǀō-aisa ǀgaub hînab ge amaba a dana. ǁNā ǂgomǂgomsa ǃoaba-aon ge ǃgâi aiǁgausa ge ǁgauda nētsē. Sada tsîn ge nētsē ǃhūbaib hîna ǃgaidīb xa ǀoa hâb ǃnâ ǁan hâ. ǀNîsi da ga mû o, ǃgaidība ūhâ xū-e da ge sada omdi ǃnâ ūhâ di, o da ge Efesus ǃnâ ge dī khoen khami ra dī ǂgao. A da ǁkhā da as kōse dītsâ nē ǁgai ǁnaetiga xu ǂgōsa.
Elobmîs khomai ǃâs
(ǃNaeǃkhaidi 19:1-20) Tsî i ge Apolob Korintes tawa hâ hîa ge ī, ob ge Pauluba ǀgapise hâ ǃhūǃâde ǃgûǃnâǃganu hâǃâ Efesus tawa ge sī. Tsîb ge ǀnî ǁkhāǁkhāsabega hō 2 tsî ǁîgu ǃoa ge mî: Xare ǃAnu Gagaba hō go ge, ǂgomsabe kai go geo? O gu ge ǁîb ǃoa ge mî: Tātsē ge ǁnâusa xawe hî tama, ise i ǃAnu Gaga-e hâ ǃkhaisa. 3 Ob ge ǁîgu ǃoa ge mî: Tare xū-i ǃnâ go kha ǁnâi ge ǁāǁnâhe? O gu ge: Johaneb di ǁāǁnâs ǃnâ, ti ge mî. 4 Ob ge Pauluba ge mî: Johaneb ge ǁāǁnâs ǃhobasens dis ǀkha gere ǁāǁnâ, tsîb ge ǁaes ǃoa ge mî, ǁîb khaoǃgâ nîra hāb ǃnân nî ǂgomsa, Xristub Jesub ǃnâ. 5 Tsî ǁnâu gu geo, o gu ge ǃKhūb Jesub di ǀons ǃnâ ge ǁāǁnâkaisen. 6 Tsî Paulub ge ǃomkha ǁîgu ai ǁguio, ob ge ǃAnu Gagaba ge hāǂam gu tsî gu ge namgu ǀkha ǃhoa, tsî gere kēbo. 7 Nē khoegu hoagu ge ǁaupexa ge disiǀgamǀa i. 8 Tsîb ge sinagogeb ǃnâ ǂgâ tsî ǁkhoaǂgaose gere ǁgam, ǃnona ǁkhâgu kōse ra ǁkhāǁkhā tsî ǃgaraǃāǃâ Elob gaosib din xa. 9 Tsî ǀnîn ge karokarosen tsî ǂgom tama i, tsî ǃKhūb di daob xa ǂguib aiǃâ tsūse ǃhoao, ob ge ǁîna xu ǀgora tsî ǁkhāǁkhāsabena ǀguri hâse ū, tsî tsēkorobe ǂanǂansa Tiranub di skoli ǃnâ gere ǁkhāǁkhā. 10 Tsîs ge nēsa ǀgam kurikha kōse ge ī, on ge Asiab ǃnâ ǁan hân hoana ǃKhūb Jesub di mîsa ge ǁnâu, Jodeǁîn tsî Grikeǁîn tsîna. 11 Elob ge kai buruxa dīna Paulub di ǃomma xu gere dī, 12 ǁnātikōse, on ge ǁkhāti ǁîb ǀkhāba xu aosenǃkhaigu tsî ǃgaesenǃkhaigu tsîga ǀaesen hân ai ge ǁgui, o gu ge ǀaesenga ǁîna xu ge bē, tsî ǂkhaba gagan ge ǁîna xu ge ǂoa. 13 Tsî ǀnî ǃgûma ra Jodeǁîgu, nūba-ao ge igu ge dītsâ, Jesub ǀonsa ǂgaisa ǁnān, ǂkhaba gagana ūhân ǂama: Nūba du ge ge ra ǁnā Jesub, Paulub ra aoǁnâb di ǀons ǃnâ ti. 14 Tsî nēsa ge dīgu ge Skevab, Jodeǁî ǀgapipristeri di hû ǀgôa ge iga. 15 Xaweb ge ǂkhaba gagaba ǃeream tsî ge mî: Jesuba ta ge a ǂan, tsî Pauluba ta ge a ǂan; xawe sago tarigo? 16 Ob ge ǁnā khoeb, ǂkhaba gagab xa ge hâǃnâhe iba ǁîgu ai uri tsî dan gu tsî ge ǀgaidā gu, o gu ge ǀōǀkhāse tsî ǀhapiǀhapihe hâse ǁnā omsa xu ge ǁhâ. 17 Tsîs ge nēsa Efesus ǃnâ ǁan hâ Jodeǁîn tsî Grikeǁîn hoan tawa ge ǂansa, o i ge ǃao-e hoan ai ge ǁnā, tsîs ge ǃKhūb Jesub di ǀonsa ge kaikaihe. 18 On ge ǂguin ǂgomsabe kai gena hā, tsî ǁîn di ǃgaidīga ǁguiǁnâ tsî ge ǂanǂan. 19 Tsî ǁkhāti ǂguin, ǃgaidīga gere dīn ge ǂkhanide ūhā, tsî ǁîde ǂhaisase ge khauǃkhū, tsîn ge ǁîdi ǀgausa ǃgôaǀhao, tsî ǁîsa korodisiǀoadisi ǀhaiǀuri maride ge hō. 20 ǁNātis ge ǃKhūb di mîsa ǀgaisase ǀom tsî ge dan.