Hama a Elo?

1. Tae-i ǃaroma da Eloba nî ǃoaba?

Ama Elob ge hoa xūn di Guru-ao. ǁÎb ge tsoatsoa-e ūhâ tama i tsî ǀam-e ūhâ tama hâ. (Psalmti 90:2) ǁÎb ge Elobmîs ǃnâ ra hōhe ǃgâiǂhôas di amab di ǃHui. (1 Timoteub 1:11) Elob ge ûiba mā da amaga da ge ǁÎb ǀguiba nî ǀgoreǀî.​—Khomai re ǂHaiǂhais 4:11.

2. Eloba mati i?

Khoe-i ge tātsē Eloba mû tama hâ, Gāgāb a amaga. Nēs ge ra ǂâibasen ǁÎb ge a ǀgapi, ǃhūbaib ai kurusa xūn hoan xa. (Johaneb 1:18; 4:24) Xawe da ge Elob di khoexasiba kurub ge xūn ai a mû ǁkhā. Aiǁgause ǃkharagaǃnâgu ǂûhain tsî ǃkhadi ge Elob di gā-aisib xa ra mîba da. Kaisib ǀhommi tsî ǃhūbaib hoaragab tib ge ǁîb di ǀgaib xa ra mîba da.​—Khomai re Romeǁîn 1:20.

ǃNāsases tsîna da ge Elob ti khoexasib xa ǁkhāǁkhāsen ǁkhā Elobmîsa da ga khomai o. Aiǁgause ra mîba da Elob tae-i xa ǃgâibahes tsî tae-i xa ǃgâibahe tamasa. Khoenab ta hâ-ū ǀgaus tsî ǃkharagagu xūn ga ī ob mati ra dīs tsîna.​—Khomai re Psalmti 103:7-10.

3. Eloba ǀonsa i ūhâ?

Jesub ge ge mî: “Sida Îtse ǀhomgu ǃnâ hâtse, sa ǀonsa as khaihe re.” (Mateub 6:9) ǂGui ǂgaiǀgaugab Eloba ūhâ xaweb ge ǀgui ǀons ǀguisa ūhâ. Mâ gowab hoab ǃnâ i ge ǀkharati ra ǂgaihe. ǀAwaǃaogowab ǃnâb ge “Jehova” ti ra ǂgaihe. Xawe ǀnî khoen ge “Yahweh” ti ra mî.​—Khomai re Psalmti 83:18, NW.

Elob ǀons ge ǂgui baibelde xu a ūǂuisa tsî ǂgaiǀgaugu “ǃKhub” tamas ka io “Elob” ǀkha ǃkhōǃkhunisa. Xawe baibels ge xoahe o, os ge Elob ǀonsa 7 000 xa ǃnāsa ǃnāde ge xoahe hâ-i. Jesub ge Elob ǀonsa khoena gere ǂanǂan.​—Khomai re Johaneb 17:26.

Vidioba kō re Eloba ǀonsa ū i hâ?

4. Jehovaba sada tsâba i ra?

ǃHūbaib ǂhawase hâ ǃgomsina ra ǁgau Jehovab ge a ǁnā Elo sada tsâba tamaba ti? ǀNî khoen ge ra mî ǃgomab ta tsâ kai da, ǃâitsatab da amaga ti xawe ǁnāb ge a ǂhomi.​—Khomai re Jakobub 1:13.

Elob ge khoena ǃnorasa ǁhûiǀgaub ǀkha ge kuru. Sada ti ǃnorasasib aitsama ǁhûis tsî ǁîba aitsamaba xu ǃoabas tiba gangan i da ra? (Josuab 24:15) Xawe ǂgui khoen ge aitsama ra ǁhûi tsū xūna dīsa tsî ǁnās ǀkha ǃgoma ra tsâ. Jehovab ge ra tsû nētiko ǂhanu-oǃnâsibab ta mû o.​—Khomai re Genesis 6:5, 6.

Jehovab ge a ǁnā Elo sada ra tsâbaba. ǁÎb ge ra ǂhâba i da ûib ǃnâ ǂkhîba ūhâ. ǀĀǁaeb ge ǁîba ǃgomsin tsî ǃgomsiga ra ǃaroma xūna nî dībe. Xaweb ge ǃgâi ǃaromasa ūhâ ǃgomsinab ta nēsi mā-ambasa ǁaerob ǀgaib ǀguiba. 8ǁî khomai ǃâs ǃnâ da ge nî ǁkhāǁkhāsen tae-i a ǃaromasa.​—Khomai re 2 Petrub 2:9; 3:7, 13.

5. Matits Elob ǀgūse a hā ǁkhā?

Jehovab ge ra ǁkhauǂuida i da ǀgores ǃnâ-ū ǁîb ǃoa ǀgū. ǁÎb ge mâ khoe-i hoa-i ǃnâ ǃgâiǃgâibasensa ūhâ. (Psalmti 65:3; 145:18) ǁÎb ge a māsenxa ǀûba da sa. ǁÎb ge ra mûǃā dītsâ da ra sa ǁîba ǂkhîǂkhîsa, ǀnîǁae da ga ǂkhabu xawe. ǀOasa kurusabe tama hâ xawe da ge ǀgū ǃgaeǁaresa Elob ǀkha a ūhâ ǁkhā.​—Khomai re Psalmti 103:12-14; Jakobub 4:8.

Jehovab ge sada ûiba mā amaga da ge ǁîba ǃnāsase nî ǀnam nau khoena da ǀnams xa. (Markub 12:30) Sa ǀnamats ga Elob ǃoa-ai ǁgauǂui o ǁîb xa ǃnāsase ǁkhāǁkhāsens ǃnâ-ū, ots ge ǁîb ǃoa nî ǀgū.​—Khomai re 1 Timoteub 2:4; 1 Johaneb 5:3.