10ǁÎ ǁKHĀǁKHĀǃÂS

ǃHoa ǀgaub

ǂKhoamîdi 8:4, 7

ǃKHŌǀHAOS: ǂÂide ǂōrisase tsâsib ǀkha ra ǃhoase ǁguiǃā re.

ǀŌ ǀgauba kō re. ǃHoa du ga o, o sadu ǃhoa ǀgaub ǀōba ūkhâi re ǂhâǂhâsa ǂâisa du ga khomai ǁaeb ai. ǀGoraǃgâs haisi-ams xa du ga ra khomai ǁaeb ais tsîna nēsa dī re. Sadu ǀōba ǂamǂam re, ǂkhâǃnâ tamas ka ra io du ga ǂâiǂhansens di haisi-ams xa ga ra khomai o.

Tā ǃgari dommi ǀkha hoaǁae ǃhoa re în sadu ǃgâ-aona ǂkhaba ūhen ra di ǂâi. Tā sadu ǀgui du hoa xūna a ǂan khami ǃhoa re, nēs ǃnâ-ū du sadu xa ǀgui du ra ǂâisa ra ǁgau amaga.
ǃHoa ǀgauba kō re. Sadu gowab ǃnâ i ga ra mā-amhe o, o sadu domma ūkhâi ro re ǂhâǂhâsa xū-e du ga ǃhoa o. Sadu domma ǂamǂam re khoexaǃnâ tsâsiba du ga ra ǁgau ǁaeb ai.
ǃHae tamas ka io ǂause ǃhoas. ǁKhoaxa ǂhôa-e du ga ǃhoa ǁaeb ai ǂkhî dommi ǀkha ǃhoa re. Xawe ǂhâǂhâsa xū-e du ga ra ǃhoa o, o ǁaeb ǀkha ǃhoa re.

Sadu ǃgâ-aon nî burusa du ga ǂgao tama ga ra io, o tā mâ mîs hoas tawa ǃhoa ǀgauba dawa re. Tā kaise ǃhoa re i-i sadu mîde tā ǃkhoebe.