ǁGuiǂgāsens

Jesub ge dī-i

VIDIOB: Jesub ge Nikodemuba ra aoǁnâba

1. VIDIOBA kō tamas ka io Johaneb 3:1, 2 sa khomai. Tsî saora dîde ǂâiǃgâ:

1. Nikodemuba tae-i ǃaroma Jesuba ǃuia ge sari? —Mû re Johaneb 12:42, 43.

2. Nikodemuba ǃuia ǀhao-ūsa mati ge ǁgau, Jesub ge ǁguiǂgāsen hâ isa ǁkhāǁkhāsabedīs ǃnâ?

Tae-e da Jesuba xu ra ǁkhāǁkhāsen?

2. Khoena da a ǀnam ǃkhais ǃaroma da ge ra ǁguiǂgāsen tsî ra hui ni în ǁîn tsîna ǁkhāǁkhāsabe kai.

Jesuba ǁgae

3. Elobmîsa du ra ǁkhāǁkhā khoe-i a ǃgâibahe ǃkhais tsî ǁaeb ai ǁî-e ǁkhāǁkhā. ǁÎ-î ge ǀnîsi wekheb ǁaegu hâ tsēs tama ka io ǁaeb xa ǃgâibahe. ǁÎ-e ǀnîsi sîsenni, oms tamas ka io ǂgui khoen hâ ǃkhai-i tawa ra ǁkhāǁkhāsen ǂgao? Sadu mâsib ga mā-am, o ǀapeǁguiba dawa tsî ǁî-i ǃgâibahe ǁaeb tsî ǃkhais ai ǁkhāǁkhāsen.

4. Elobmîs ǁkhāǁkhās ǃaroma ǁaeba ǁamaǂui. Sadu ga ǀkhai o, tā Elobmîs ǁkhāǁkhāsa mâiǂui. Saora na ǂâiǃgâ re:

1. ǀNî ǁaeb ai du ǁnā wekheb ǃnâ Elobmîs ǁkhāǁkhāsa a dī ǁkhā?

2. Nē Elobmîs ǁkhāǁkhāsa du telefoni tamas ka io zooms ǃnâ-ū a dī ǁkhā?

3. ǀNî hâ ǃgâsa-e du a ǂgan ǁkhā, î du nē ǁkhāǁkhāsa dībahe?

5. ǂHanu ǂâiǀgauba ǀgoreba. Jehovaba ǂgan îb hui du, î du Elobmîsa ra ǁkhāǁkhāsen khoe-i ǀkha tā ǀûsen. ǁÎ-i ga mîmâi i go hâ i ǁaeb ai ǁkhāǁkhās ǃaroma hâ tama ī tamas ka io i ga ǂau o, Elobmîs ǃnâ î ra ǁkhāǁkhāsen xūna sîsenǂuisa. (Fil. 2:13) Elobmîsa du ra ǁkhāǁkhā khoe-i ge ǃgâi ǀgauga ūhâ ǁnā-amaga Jehovaba ǃoa ǀgore tsî ǂgan îb hui du ǁnā ǀgauga mûsa.