ǃHūbaib aib ge hâ io, ob ge Jesuba tae-e dī?

ǂGui khoen ge Jesub xan ga ǂâi o. ǁÎba huisen ǁoa babakirob, kēbo-aob. Tamas ka io ǁō nî khoeb ase ra mû. Xawe du ge ǁîba ǃgâise nî ǂan. ǁÎb ûiba du ga ôaǃnâ o? Nē ǁkhāǁkhāǃâs ǃnâ da ge. ǂHâǂhâsa xūn hînab ge Jesuba a dīn xa nî ǁkhāǁkhāsen. Tsî matin nē xūna sadu a hui ǁkhā ǀgausa.

1. Jesub di ǂhâǂhâsa sîsen-e ge tae i?

‘ǃGâiǂhôas Elob gaosib disa aoǁnâs.’ Ge ge Jesub di ǂhâǂhâsa sîsen i. (Khomai re Lukab 4:43 sa.) ǁÎb ge Elob Gaosib xa gere aoǁnâ. Tsî ǁnā ǂhanub ge khoen ǃgomsin hoana nî ūbē. Nēs ge ge ǃgâiǂhôa i.a ǃNona tsî halwe kurigab ge Jesuba. Ôasase nē ǃgâi haisi-amsa gere aoǁnâ.—Mateub 9:35.

2. Tae-i ǃaromab ge Jesuba buruxa sîsenga gere dī?

Elobmîs ge ‘ǂgui ǀgaigu tsî buruxan tsî saodi’ xa ra ǃhoa. Hînab ge Eloba Jesub ǃnâ-ū a dīna. (ǃNaeǃkhaidi 2:22) Elob ge Jesuba ǀgaiba ge mā. Îb ǂoab tsî ǀnanub mâsiba dawa ǁkhā. Tsîb ge ǁnā ǀgaib ǀkha ǂgui khoena ge ǂûmā. ǀAe hâna ǂgauǂgau tsî ǁō hân tsîna khâisa ge mā ǁkhā i. (Mateub 8:23-27; 14:15-21; Markub 6:56; Lukab 7:11-17) Jesub gere dī buruxa sîsengu ge gere ǁgau. Elob xab ge sīhe hâ isa. Tsî i ge ge ǃgāsa kai. Jehovab sida ǃgomsin hoana a ūbē ǁkhāsa.

3. Jesub ûiba xu du tae-e a ǁkhāǁkhāsen ǁkhā?

Jesub ge Jehovaba mâ xū-i hoa-i ǃnâ gere ǁnâuǀnam. (Khomai re Johaneb 8:29 sa.) Jesub ge ǁîb Papab gere dī kai bi xūn hoana gere dī. Nēsab ge ǃhūbaib aib ge hâ i ǁaeb hoaba gere dī. Khoen gere mâǃoa bi xawe. ǁÎb ge ge ǁgau khoen Eloba a ǃoaba ǁkhāsa. ǃGomsinan ga ūhâ xawes tsîna. ǁNās ǀkhab ge Jesuba ‘aiǁgau-e ge xuba da, ǁîb di daoga da nî saose.’—1 Petrub 2:21.

5. Jesub ge khoena ǂhâǂhâsa xūna gere ǁkhāǁkhā

Jesub ge Elob Gaosib xa hâ ǃgâiǂhôasa gere aoǁnâ. Xaweb ge khoena ǃgâises tsîna gere ǀapemā. ǃHommi aib gere aoǁnâ. Ob gere mā ǀapemāde kō re. Khomai re Mateub 6:14, 34 tsî 7:12 sa. Tsî sao ra dîra ǃhoaǃgao re:

• Nē xoadi ǃnâb ge Jesuba mâ hui ra ǀapemāde mā?

• ǂÂi du ra, nē ǀapemādi noxoba a hui du ǁkhā ti?

6. Jesub ge buruxa sîsenga gere dī

Jehovab ge Jesuba ǀgaiba ge mā, îb ǂgui buruxa sîsenga dī. Khomai re Markub 5:25-34 sa. ǀGui aiǁgausa du ga mû ǂgao o. VIDIOBA ǀhuru re. Tsî sao ra dîra ǃhoaǃgao re.

VIDIOB: ǀAesen hâ khoes ge ra ǂgauǂgauhe (5:10)

• Vidiob ǃnâ hâ ǀaesen hâ khoesa taena ra ǂgom?

• Tae-e nē buruxa dīb xa ra mâǂoaba du?

Khomai re Johaneb 5:36 sa. Tsî sao ra dîsa ǃhoaǃgao re:

• Jesub gere dī buruxa sîsenga tae-e gere ǁgau?

ǃKHŌǀHAOS

Jesub ge Elob Gaosib xa gere aoǁnâ. Tsîb ge buruxa sîsenga gere dī. Tsî mâǁaeb hoaba Jehovaba gere ǁnâuǀnam.

ǁKhāǁkhāsen du go xūna ǂâiǃgâs

• Jesuba mâ ǂhâǂhâsa sîsen-e gere dī ǃhūbaib aib ge hâ i o?

• Jesub gere dī buruxa sîsenga tae-e ge ǃgāsa kai?

• Jesuba mati khoena gere ǀapemā?

ÔAǃNÂ

Jesuba ǃnāsase tae-i xa gere ǃhoa?

“Elob Gaosib—Jesuba mati ra tsâ?” (ǃKhē xu ǂgō-ommi, Oktoberi 1, 2014)

Kō re tae-i ǃaroma da a ǂgom ǁkhāsa. Jesub gere dī buruxa sîsengu ge ama ī ǃkhaisa.

“Jesub buruxa sîsenga xu du tae-e a ǁkhāǁkhāsen ǁkhā?” (ǃKhē xu ǂgō-ommi, Julib 15, 2004)

Khomai re, matib ge ǀgui khoeba ǁîb ûiba a dawasa. Jesub khoena ǃgâi ǀgaub ǃnâ ra hâ-ū. ǀGaub xab ge ǁkhāǁkhāsen o.

“Tita xa ǀgui ta ge gere ǂâi” (ǃKhē xu ǂgō-ommi, Oktoberi 1, 2014)

ǂHâǂhâsa xūn hînab ge Jesuba ǁîb ûib ǃnâ a dīna kō re. Nē xūn ge saogurase xoamâisa.

“ǃHūbaib aib ge hâ io, ob ge Jesuba a dī ǂhâǂhâsa xūn” (New World Translation of the Holy Scriptures, A7 di hâ ǃâb ge ǃgâb ai hâ ǂhawegu ǃnâ a hōhe ǁkhā)