47ǁÎ ǁKHĀǁKHĀS

ǁĀǁnâhes ǃaroma du a ǂhanu?

ǁGâisa ǂkhanib

ǂGui xūna du ge Jehovab xa ǁkhāǁkhāsen hâ. Sadu Elobmîs ǁǀkhāǁkhās ǃnâ. ǀNîsi du ge ǀkharaǀkharan tsîna dī hâ. ǁKhāǁkhāsen du ge xūna sadu ûib ǃnâ ûiǂuis ǃnâ-ū. Xawe i ge ǀnîsi xū-e ra ǃkhō-oa du. Jehovab ai māǁnâsen tsî ǁāǁnâ kaisensa. Nē ǁkhāǁkhāǃâs ǃnâ da ge nî ǃhoaǃgao. Xūn hîna a ǃkhō-oa du ǁkhān xa. ǁĀǁnâhes ǃaroma tsî mati du nē xūna a dan ǁkhā ǀgaus tsîna.

1. Matikō amaba du nî ǂan ǁāǁnâhe du nîs aiǃâ?

ǁĀǁnâhe ǂgao du ga o, o du ge ‘amab di ǂansa’ nî ūhâ. (1 Timoteub 2:4) Nēs ge ǂâibasen tama hâ. Hoa dîdi Elobmîs ai a ǃgaoǃgaosade du nî ǂansa. ǁĀǁnâhe du nîs aiǃâ. Gaxuse ǁāǁnâhe hâ Xristeǁîn tsîn ge noxoba ra ǁkhāǁkhāsen. (Koloseǁîn 1:9, 10) Xawe du ge supu Elobmîs ǁkhāǁkhāde nî ǂan. ǀHaohâb ǃûi-aogu ge nî hui du. Î du ǂanǂui, supu Elobmîs ǂansa du ūhâsa.

2. Taena xūn hîna du ǁāǁnâs ais ai nî dīna?

ǁĀǁnâhe du nîs aiǃâ du ge ‘ǃhausen tsî nî ǃhobasen.’ (Khomai re ǃNaeǃkhaidi 3:19 sa.) Nēs ge ra ǂâibasen amase du ǃhausen hâsa. Dī du ge ǁoren ams ai. Tsî du ge Jehovaba ǂgan hâ, îb ǀûba du. Tsî du ge mîǁgui hâ tsū xūna dīsa xu du nî ǂgōsensa. Tsî Eloba ra ǂkhîǂkhî ǀgaub ǃnâ ra ûi. ǁAeb ra ī khami du ge ǀhaode ra hâǃnâ. Tsî ǀhaohâb ǀkha ra aoǁnâ tsoatsoa.

3. Tae-i ǃaroma du mā-am tide îb ǃaoba ǃkhō-oa du?

ǀNî khoen ge ra ǃao Jehovaban ra mîǁguiba. Xūnan dīhō tide ǃkhaisa. Ama as ge ǀnî ǁaegu ai du ge nî dīsā. ǂGomǂgomsa aogu tsî taradi. Elobmîs ǃnâ xoamâihe hân gere dīsā khami. Xaweb ge Jehovaba ǁîb ǃoaba-aona. ǂGaoǀkhā tama hâ, în ǀoasa kurusa ūhâ. (Khomai re Psalmdi 103:13, 14 sa.) ǁÎb ge a ǂkhî sadu ǁkhāsib hoab ǃnâ hâna du ga dī o. ǁÎb ge nî hui du. Tsî Jehovab ge ra mî: ‘ǀNammi . . . sada ǃKhūb ǃnâ hâba xu i xū-e ǀgora da ǁoa ǃkhaisa.’—Khomai re Romeǁîn 8:38, 39 sa.

ǃGAMSE ÔAǃNÂ RE

Mû re, mati du ǁāǁnâs ams ai ra ǃkhō-oa du xūna a. ǃKhamǃoa ǁkhā ǀgausa. Jehovaba ǃgâise ǂans tsî ǁîb di huiba ūǃoas ǃnâ-ū.

ǀHaoǀhaosa ai-īsib: ǂKhamkhoes ge ǁāǁnâ kaisens ǃgao ra ǁkhae si ǃgomsina ra dan. ǁKhā ai-īsigu ge ra ǁkhapa ǁgauhe nē ǁkhāǁkhāǃâs ǃnâ.

4. Jehovaba ǃgâise ǂan re

ǂKhamkhoes ge Elobmîsa Jehovab ǃoaba-aon ǀgui-i ǀkha ra ǁkhāǁkhāsen.

Matikō ǃgâise du Jehovaba nî ǂan ǁāǁnâhe du nîs aiǃâ? ǁÎb xa du ge ǃnāsa xūna nî ǂan ǀnam bi tsî ǂkhîǂkhîbis ǃaroma. VIDIOBA ǀhuru re. Tsî mû re, Elobmîsa ǃhūbaib ǂhawase ra ǁkhāǁkhāsen khoen. Nēsa mati ra dīsa. Tsî sao ra dîsa ǃhoaǃgao re.

VIDIOB: ǁĀǁnâs ǃoa garu daob (3:56)

Vidiob ǃnâ tae-e ǀnî khoena ge hui în ǁāǁnâs ǃaroma aiǂhomisen?

Khomai re Romeǁîn 12:2 sa. Tsî sao ra dîra ǃhoaǃgao re:

Elobmîs ra ǁkhāǁkhā xūna du ǂgom tama hâ? Tsî Jehovab di ǃoaba-aon amaba ǁkhāǁkhā tamasa?
ǁNāti ī ga io, tae-e du nî dī?

5. ǁĀǁnâs ǃaroma ra ǃkhō-oa du xūna dan re

ǂKhamkhoes ge Elobmîsa ǁîs ǁgarus ǃnâ ra ǂgā ǁîs ǁgûs ra ǂkhaba-ūsi hîna.

Jehovab ai māǁnâsen tsî ǁāǁnâhesa da ga mîmâi o. O da ge hoa da ǃgomsina ra hōǃâ. Aiǁgausa, mûs ǃaroma. VIDIOBA ǀhuru re. Tsî sao ra dîra ǃhoaǃgao re.

VIDIOB: Jehovaba da ūba hâ ǀnammi ǀkha da ge ǃgomsina a dan ǁkhā (5:22)

Vidiob ǃnâs Narangerelsa mâ ǃgomsina nî dan ge i sa, is Jehovaba ǃoaba ǁkhā?
Jehovabas ge ūba hâ i ǀnamma mati ge huisi, nē ǃgomsina dans ǀkha?

Khomai re ǂKhoamîdi 29:25 tsî 2 Timoteub 1:7 sa. Tsî sao ra dîsa ǃhoaǃgao re:

Tae-e ǀgaiba ra mā du, î du ǃgomsina dan?

6. Jehovab nî hui dusa ǂgom re

Khoes ge kaikhoesa ra aoǁnâba. ǁÎsa Elobmîsa ra ǁkhāǁkhā khoes ge ǁîs ǀkha aoǁnâ sîsenni ǃnâ hâ.

Jehovab ge nî hui du, î du ǁîba ǂkhîǂkhî. VIDIOBA ǀhuru re. Tsî sao ra dîra ǃhoaǃgao re.

VIDIOB: Jehova Elob ge nî hui du (2:50)

Vidiob ǃnâ tae-e Elobmîsa ra ǁkhāǁkhāsen khoeba goro ǃkhō-oa, îb ǁāǁnâ kaisen?
Tae-eb ge ǁkhāǁkhāsen ǁîb ǂgomǃgâsiba ge Jehovab ǃnâ omkhâi-e?

Khomai re Jesajab 41:10, 13 sa. Tsî sao ra dîsa ǃhoaǃgao re:

Tae-i ǃaroma du a ǂgom ǁkhā māǁnâsen du ge o. O du ge dī mîǁguiba du nî dīǀoaǀoasa?

7.Sadu ǃgôaǃgâsiba ǁgau re, Jehovab ǀnammi ǃaroma

Jehovab ūba du hâ ǀnammi xa du ga hoaǁae ǂâiǃgâ o. O du ge ǃgôaǃgâsiba nî omkhâi. Tsî ǀamosib kōse nî ǃoaba bi ǂgao. Khomai re Psalmdi 40:5 sa. Tsî sao ra dîsa ǃhoaǃgao re:

Mâ ǀkhaegu Jehovaba xu hâga du ra ǃgôaǃgâ?

Kēbo-aob Jeremiab ge Jehovab tsî ǁîb mîs tsîna kaise ge ǀnam i. Tsî gere ǃgôaǃgâ aiǂhanub Jehovab ǀonsa tanis diba. ǁÎb ge ge mî: “Sa mîdi ge hōhe ǃnubai ta ge ǁîde ge hapu; tsî sa mîs ge tita ǂgaob âtab di dâb tsî ǃgâiaǂgaob ase ge ība, tita ge sa ǀons ǃoa ǂgaihe hâ ta,” Jehova Elo. (Jeremiab 15:16) Sao ra dîde ǃeream re: