Khomai-aon dîdi

ǃGame tama hâ khoera ga ǃuisa ǀguiba ga ra hâ o ǃgâi tama hâ mâsib ǃnâ, o nēsa ǀgoraǃgâhesa ǂhâ hâ?

ǃAmku mâsib ga hâ tama ga ra io, os ge ǀgoraǃgâ ǃnans ǀhaohâb disa nî ǂnûikhâihe. ǁGoe-ūgub ǁgauǁgaudi ga ra hâ o.—1Kor. 6:18.

ǀHaohâb ǃûi-aogu ge mâ mâsib hoaba ǃamkuse nî ôaǃnâ tsî ǀgui nî ǁapoǁapo ǀgoraǃgâ ǃnans nî ǂnûikhâihesa. Aiǁgause, nē ǀgam khoera ǀnai goro mû gu? ǀNai ra ge ǁîra, ra hâ ūgu ǀgaub xa ǁnamahe hâ i? Tae-e ge ǃaroma î ra ǃuisa ǀguira hâ? Nēsa ra ge ǀnai ǀape hâ i? ǁÎra mîǁguiba ge ūhâ i tamas ka io î ge ǃgâi tama mâsiba hâ i ǃaroma ge ba î ra ǃuisa ǀguiba hâ? (Aoǁn. 9:11) Mati ra ge ǁom? Mâ mâsib hoab ǃkharagaǃnâgusiba ūhâ amaga gu ge ǀhaohâb ǃûi-aoga ǂgui xūna nî ôaǃnâ.

Nē xūn hoana ôaǃnâ toa tsî gu ge ǀhaohâb ǃûi-aoga nî ǁapoǁapo khoera tanisen ǀgaub ǀgoraǃgâ ǃnans ǂnûikhâihesa ǂhâ hâ ǃkhaisa.