Xoade da nî ǂâihō ǀgaub

Kaise a ǃgâiba du xoasa ǂâihōs ǃgomsiba du ra hōǃâ? ǁNā xoas ge ǀnîsi ge ǁkhaeǂgao du, tsū ǂâide ǁnāxus ǀkha ge hui du tamas ka io du ge khoe-i ǀkha ǁnā xoasa ra ǀgoragu ǂgao. (Psa. 119:​11, 111) Sao ra aiǁgaude ǃgaoǃgâ re xoade ǂâihōs ǀkha hui du ǁkhāde.

• Elobmîsa du JW Libraris ai ra khomai hîna du ga “ǂâihō” ǂgao du ra xoasa khomai, o du ge sâu ǁkhā î du ǃkhaese hō.

• Xoasa du mû ǁkhā ǃkhais ai mâi re. ǂÂihō ǂgao du ra xoasa ǂkhanirob ai xoaǁnâ tsî mû ǁkhā du a ǃkhais ai mâi. ǀNîn ge spils ai ra ǂao mâi tsî ǀnîna yskas ai. Tsîn ge ǀnîna xoasa ǁîn selfonni ǀkha ǃkhōǁnâ tsî aisǀkhāb ai ra hâ ai-īsib ase selfonni tamas ka io komputers ai-īsib ase ra sîsenū.

• Karkirode kuru. Elobmîs ǂkhanis, danaǃâs, ǁāraǃās tsî xoas mîdi tsîna karkis ai xoaǁnâ. Karkisa ra sîsenūse mîde ǁkhāǁkhāsen, ǁnāpaxu kō re xoas mâpa Elobmîs ǃnâ xoasasa.