¿Tijmati tlake tijchiuas?

Tlaj tlasosoloskia se tlenijki kampa ta tiitstok, ¿tijmatiskia tlake tijchiuas? Kema amo timoiljuijtokej uelis moojolinis tlali, panos se chikauak ajakatl, tlatlas kuatitlamitl o uetsis miak atl, nochi ni tlamantli tlauel tlasosolos. Nojkia, kampa tiitstokej uelis se keskij maseualmej tlauel temajmatisej, onkas kualantli o kokolistli tlen temaua, nochi ni tlamantli pano kampa ueli uan kema amo timoiljuijtokej tlaj panos (Ec 9:11). Amo kema ma timoiljuikaj ni tlamantli amo kema panos kampa tojuantij tiitstokej.

Nochi tojuantij moneki ma timoiljuikaj tlake tijchiuaskiaj tlaj se tlenijki techtlasojsoljuilis (Pr 22:3). Maske tijmatij Jehová itlanechikol techpaleuis tlaj se tlenijki techtlasojsoljuilis, nopa amo kiijtosneki amo moneki tijchiuasej se keski tlamantli uan kiampa timomanauisej (Gál 6:5).

ACHTOUI XIKITA NOPA VIDEO ¿TLAKE UELIS TIJCHIUASEJ TLAJ AYAMO TECHTLASOJSOLJUILIA SE TLENIJKI?, UAN TEIPA XIJNANKILI NI TLAJTLANILI:

• 

  Tlaj kuali timouampojchijtokej iuaya Jehová, ¿kenijkatsa techpaleuis kema techtlasojsoljuilis se tlenijki?

• 

  ¿Kenke tlauel moneki...

  • • ... timonojnotsasej ininuaya ueuejtlakamej kema ayamo techtlasojsoljuilia se tlenijki, kema ya techtlasojsoljuilia uan kema ya panok?

  • • ... tikajokuisej tlamantli tlen uelis tijtekiuisej kema techtlasojsoljuilis se tlenijki? (g17.5-S iamayo 6).

  • • ... tikitasej tlake tlamantli ueliskia techtlasojsoljuilis uan tlake tijchiuaskiaj tlaj kiampa panoskia?

• 

  Xikijto eyi tlamantli tlen ika uelis tikinpaleuisej katli kintlasojsoljuilia se tlenijki.