Sekinok tlamachtili tlen uala ipan Tlen Tematiltia
Miakej toikniuaj kitekiuiaj JW Library® kema momachtiaj tlen moixtomas ipan tlanechikoli, uan tlauel kinpaktia pampa nopaya nesi tlake tlamachtili momachtisej ipan pilamochtsi Tlen Tematiltia. Nojkia ni pilamochtsi tlen ika timomachtiaj kipia sekinok tlamachtili tlen techpaleuia kuali ma titlaneltokakaj. ¿Kenijkatsa uelis tijpantis nopa sekinok tlamachtili?
Kampa nesi nopa tlamachtili tlen timomachtiaj sejse semana, tlatsintla kiijtoua “Otros artículos” uan teipa kiijtoua “Contenido de este número”. Tlaj tijpacholis o tijtsonpechilis nopaya, tikitas kitekpantokej nochi tlamachtili tlen uala ipan nopa pilamochtsi. Nopa tlamachtili tlen timomachtiaj sejse semana kipia números uan nopaya nojkia tikitas nopa sekinok tlamachtili. Xijtlapejpeni tlen tijneki tijpouas uan xijpacholi kampa eltok itoka nopa tlamchtili.
Nojkia uelis tikitas kampa kiijtoua “Lo nuevo” ipan JW Library uan tijkixtis nopa pilamochtsi Tlen Tematiltia tlen ika timomachtiaj tlen namanok kistok. Xijtlapo nopa pilamochtsi tlen tijkixtik uan xikita nochi nopa tlamachtili tlen kipia, kiampa uelis tijtlamipouas nopa pilamochtsi.