KEJ TIMONEJNEMILTIAJ

¿Kenijkatsa uelis tijtekiuis JW Library?

KEMA TIMOMACHTIS:

Xijpoua Biblia uan texto diario.
Xijpoua Anuario, pilamochtsitsij uan sekinok amatlajkuiloli. Nojkia xijtekiui nopa “marcadores”.
Xijkualchijchiua nopa tlamachtili tlen kipanoltisej ipan tlanechikoli uan xijuasani tlen titlanankilis.
Xijtlachili videos.

Xijtemo nopa textos tlen kipouaj ipan tlanechikoli. Uan xijtekiui nopa “Historial” kiampa sampa uelis tikitas nopa texto tlen achtoui tijpojki.
Xijtekiui JW Library, kema tlamachtisej uan kema uikasej ipan tlanechikoli, kiampa amo moneki tijuikas miak pilamochtsitsij. Ipan nopa aplicación ya kiualika nopa yajyankuik uikatl.

Xijnextili se akajya se tlamantli tlen eltok ipan JW Library, uan xijpaleui nojkia ma kitlali ni aplicación ipan icelular, tableta o computadora uan ma kikixti pilamochtsitsij.
Kampa kiijtoua “Buscar”, xikijkuilo se tlajtoli uan kiampa nima tijpantis se versículo tlen Biblia.
Xitenextili se video. Tlaj nopa maseuali kinpia ikoneuaj xikinnextili se video tlen Ximouampojchiua iuaya Jehová. Nojkia uelis tijnextilis nopa video tlen itoka ¿Kenke moneki timomachtis Biblia? uan kiampa uelis peuas tijmachtis ika Biblia. Tlaj kamanalti seyok tlajtoli xijtemo videos tlen eltok ika itlajtol.
Xijnextili se akajya se versículo ika seyok tlajtoli tlen tijpixtok ipan mocelular o tableta. Xijtemo nopa versículo, xijtsonpechi nopa número uan teipa xijtsonpechi nopa botón kampa kinextia tlake kiijtouaj sekinok Biblias.