¿Toni techmachtia iTajtol Dios?

Biblia kijtoua tein Dios kineki maj kimatikan taltikpakneminij. Yejua ika moijtoua ke yejua nejin iTajtol Dios. Techmachtia toni moneki tikchiuaskej tein techpaleuis maj tiyolpakikan, uan maj tikyolpaktikan Akin techchijchiuak, uan kinankilia netajtanilmej tein motelnekij kemej nejin:

1 ¿Akoni Dios?
2 ¿Keniuj uelis tikonixmatis Dios?
3 ¿Akoni kijkuiloj Biblia?
4 ¿Mouika tein kijtoua Biblia ika tein tamatinij kiajsinij?
5 ¿Katiyejua tanemilil tein tayekantok moita itech Biblia?
6 ¿Toni achtook kijtojka Biblia ika Mesías?
7 ¿Toni achtook kijtojka Biblia ika totonaluan?
8 ¿Itajtakol Dios maj titajyouikan?
9 ¿Keyej tajyouiaj taltikpakneminij?
10 ¿Toni motenkaua Dios itech Biblia ke mochiuas satepan?
11 ¿Toni techpanoua keman timomikiliaj?
12 ¿Uelis oksepa nemiskej akin momikilijkejya?
13 ¿Keniuj techiluia Biblia maj tikitakan tekit?
14 ¿Keniuj kuali tiktekitiltiskej tomin?
15 ¿Keniuj uelis tiyolpakiskej?
16 ¿Keniuj tikixnamikiskej kuejmolmej uan netekipacholmej?
17 ¿Keniuj uelis tiyolpakiskej kemej kalyetouanij?
18 ¿Keniuj uelis okachi timotokiskej iuan Dios?
19 ¿Toni ika tajtouaj amatajkuilolmej tein kipia Biblia?
20 ¿Keniuj uelis senkis techpaleuis keman tikixtajtoltiskej Biblia?

KENIUJ TIKTEMOSKEJ VERSÍCULOS TEIN KIPIA BIBLIA

Biblia kipia 66 amatajkuilolmej. Moxeloua ika Escrituras Hebreoarameas uan Escrituras Griegas Cristianas. Sekin no kitokaytiaj Antiguo Testamento uan Nuevo Testamento. Itech Biblia, sejse amatajkuilol moxeloua ika capítulos, uan sejse capítulo moxeloua ika versículos. Keman ixnesi se texto, achto moita itokay amatajkuilol, satepan se tapoual tein kijtosneki capítulo, uan satepan se oso seki tapoualmej tein kijtosneki versículo oso versículos. Kemej neskayot, Génesis 1:1 kijtosneki Génesis capítulo 1, versículo 1.