Tamachtilis 2

¿Akoni Dios?

¿Akoni Dios tein melauak, uan keniuj itokay? (1, 2)

¿Kenijkui tamati Dios? (3)

¿Katiyejuan ikualneskayouan Dios tein motelitaj? (4)

¿Moneki maj se kikui tiotsitsin oso kolotsitsin uan maj ika tikueyichiuakan Dios? (5)

¿Katiyejua ome taman kemej uelis tikixmatiskej Dios? (6)

1. Taltikpakneminij kiueyichiuaj teiyeski. Biblia techiluia ika nemi sayoj se Dios tein MELAUAK. Yejua kichijchiuj nochi tein onkak itech iluikak uan Taltikpak, uan kemej techmakatok tonemilis, yejuasaj kinamiki maj tikueyichiuakan (1 Corintios 8:5, 6; Apocalipsis 4:11).

2. Maski Dios kipia miak tataman keniuj kixmatij, kipia sayoj se itokay: JIOVA. Itech miak Biblias kikuilijkej itokay Jiova uan kiixpatakej ika tajtolmej toTajtsin oso Dios. Sayoj ika keman moijkuiloj Biblia, miakpa ixnesia itokay Jiova, kemej 7,000 (Éxodo 3:15; Salmo 83:18, NM).

3. Jiova amo kipia inakayo kemej tejuan. Biblia kijtoua ika Dios kemej eskia ejekat oso se Espíritu (Juan 4:24). Se espíritu se nemilis okachi ueyi, amo ijkuitik tonemilis. Taltikpaknenkej amo keman kiita Dios. Maski Jiova nemi iluikak ueli kiita nochi (Mateo 6:9; Juan 1:18). ¿Uan toni yektikatsin espíritu? Amo kemej Dios, ta ichikaualis tein tekititok (Salmo 104:30).

4. Biblia techiluia ikualneskayouan Jiova. Kijtoua ika ikualneskayouan yejua nejin, netasojtalis, melaujkayot, tamatilis, uan chikaujkauelilis (Romanos 11:33, 34; 1 Juan 4:8; Apocalipsis 11:17; 15:3). No techiluia ika teyoliknelijkej, kualtakat, tetapojpoluijkej, kiuelita kitemakas teisa, uan amo yolijsiuj. Kemej tiikoneuan tein titatakamatij, moneki timochikauaskej tikchiuaskej kemej yej (Efesios 5:1, 2).

5. ¿Moneki maj se motankuaketsa uan maj se motatataujtili iminixpan tiotsitsin oso kolotsitsin? Amo (Hechos 17:24, 25, 29). Jiova kijtoua ika sayoj yejua maj tikueyichiuakan. Itaueyichiualis amo kimaka aksa niono teisa. Tiotsitsin amo uelij techpaleuiaj, ta amo kipiaj uelilis (Isaías 42:8; Apocalipsis 9:20).

6. ¿Keniuj uelis tikyekixmatiskej Dios? Yekinika, moneki maj tikyekitakan nochi tein kichijchiuj uan maj timoyeknemilikan toni technextilia Dios ika nejin. Nochi tein kichijchiuj Dios technextilia ika kipia chikaujkauelilis uan tamatilis. No technextilia inetasojtalis (Salmo 19:1-6; Romanos 1:20). Ika ome, moneki maj timomachtikan Biblia. Ompa okachiok techiluia kenijkui Dios. No techiluia tein kinemilijtok kichiuas uan toni kineki maj tikchiuakan (Amós 3:7; 2 Timoteo 3:16, 17).

[Tajtolmej itech página 5]

Okachi uelis tikixmatiskej Dios ika tein kichijchiuj uan ika Biblia