TAMACHTILIS 14
¿Keniuj moneki tikueyichiuaskej Dios kemej kiyolpaktis?
Ijkon kemej timomachtijkejya, Dios amo kinselia nochi taneltokalismej. Sayoj ke, ueli se kiueyichiua kemej yejuatsin kiyolpaktia. ¿Keniuj moneki tikueyichiuaskej Dios oso katiyejua “taneltokalis” kiyolpaktia? (Santiago 1:27; nota). Maj tikitakan tein tamachtia Biblia.
1. ¿Keniuj uelis tikmatiskej keniuj tikueyichiuaskej Dios?
Biblia techiluia keniuj moneki tikueyichiuaskej Dios. Jesús kiluij Dios: “Motajtolis yejua ne yek melau tajtolis” (Juan 17:17). Seki taneltokalismej amo tamachtiaj tein Biblia kijtoua, ta sayoj tamachtiaj tein yejuan kinemiliaj uan kichiuaj tein ipa kichiujtiuitsej. Sayoj ke, Jiova amo kiuelita maj kiitakan ke ‘amo kualtia in tanauatil de Dios’ (xikonita Marcos 7:9). Sayoj ke, tejuan tikyolpaktiaj Dios keman tiktakamatij tein tamachtia uan tein tayolmajxitia itech Biblia.
2. ¿Keniuj moneki tikueyichiuaskej Jiova?
Kemej Jiova yejua akin tachijchiuak kinamiki maj sayoj yejuatsin tikueyichiuakan (Apocalipsis 4:11). Nejin kijtosneki ke sayoj yejuatsin moneki tiktasojtaskej uan tikueyichiuaskej, amo moneki tikuiskej se tiotsin, se taixkopin oso okse taman (xikonita Isaías 42:8).
Totaueyichiualis moneki yeski “yektik uan tein kiselia” Jiova (Romanos 12:1, TNM). Nejin kijtosneki ke moneki tichipaujkanemiskej kemej Dios tanauatia. Akin kitasojtaj Jiova kipatiuitaj uan kitakamatij tanauatilmej tein kinmaka akin monamiktijkejya. Uan no, amo tachichinaj, amo kikuij drogas nion mouintiaj, porin nejon teijtakoua.a
3. ¿Keyej moneki tikueyichiuaskej Jiova iniuan akin kinekij kitakamatiskej?
Nechikolmej tein tikpiaj sejse semana techpaleuiaj maj tikueyichiuakan “Jiova [...] kampa mosentilijtokej” (Salmo 111:1, 2). Se taman kemej tikchiuaj, keman tikantarouiliaj Dios (xikonita Salmo 104:33). Kemej Jiova techtasojta technauatia maj timosentilikan uan kimati ke komo tikchiuaj uelis tiyolpakiskej nochipaya. Keman timosentiliaj no timosenyolchikauaj.
MAJ OKACHI TIMOMACHTIKAN
Maj tikitakan keyej Jiova amo kineki maj tikueyichiuakan ika tiotsitsin. Maj tikitakan seki taman keniuj moneki tikueyichiuaskej Dios.
4. Amo kuali yetok maj tikuikan tiotsitsin keman tikueyichiuaj Dios
¿Keniuj tikmatij ke nejon amo kiyolpaktia Dios? Xikitakan VIDEO uan ika xitajtokan nejin:
¿Toni panok keman seki itekitikauan Dios ne uejkauj kinkuikej tiotsitsin para kiueyichiuaskej Jiova?
Miakej kinemiliaj ke keman kiueyichiuaj Dios moneki kinkuiskej tiotsitsin, porin kijtouaj ke okachi motokiaj iuan. Sayoj ke, ¿yekmelauj motokiaj iuan Dios? Xikitakan Éxodo 20:4-6 uan Salmo 106:35, 36, uan ika xitajtokan nejin:
¿Katiyejua tiotsitsin tikonitani ke miakej kikuij?
¿Keniuj kiita Jiova keman kinueyichiuaj tiotsitsin?
¿Keniuj tikonita maj kinueyichiuakan tiotsitsin?
5. Komo tikueyichiuaj sayoj Jiova amo tikneltokaskejok tamachtilismej tein ika takajkayauaj
Maj tikitakan keyej komo tikueyichiuaj Jiova kemej kiyolpaktia amo tikneltokaskejok tamachtilismej tein ika takajkayauaj. Xikitakan VIDEO.
Xikitakan Salmo 91:14 uan ika xitajtokan nejin:
Komo tiknextiliaj Jiova ke tiktasojtaj uan ke sayoj yejuatsin tikueyichiuaj, ¿toni kijtoua ke kichiuas?
6. Tikueyichiuaj Dios itech tonechikoluan
Keman tikantarouaj uan titanankiliaj itech nechikolmej, tikueyichiuaj Jiova uan timosenyolchikauaj. Xikitakan Salmo 22:22 uan ika xitajtokan nejin:
¿Tikonuelita keman oksekin tanankiliaj keman timosentiliaj?
¿Tikonuelitaskia tionmomachtis uan tiontanankilis itech nechikol?
7. Jiova kiyolpaktia keman tikintapouiaj oksekin tein timomachtiaj
Onkak miak taman kemej uelis tikintapouiskej oksekin tein tamachtia Biblia. Xikitakan Salmo 9:1 uan 34:1, uan ika xitajtokan nejin:
¿Toni tein tionmomachtijya tikonuelitaskia tikontapouis oksekin?
TEIN SEKIN KIJTOUAJ: “Uelis tikueyichiuaskej Dios kemej tiknekiskej komo tikchiuaj tein kuali”.
¿Toni tikonnemilia tejuatsin?
TEIN TIKITAKEJ
Tikyolpaktiaj Akin techchijchiuak keman sayoj yejuatsin tikueyichiuaj, tikueyitaliaj kampa timosentiliaj uan tikintapouiaj oksekin tein timomachtijtokej.
Maj tikelnamikikan
¿Keniuj uelis tikmatiskej keniuj tikueyichiuaskej Dios?
¿Keyej moneki sayoj tikueyichiuaskej Jiova?
¿Keyej moneki tikueyichiuaskej Dios iniuan akin kinekij kitakamatiskej?
NO XIKONITA NEJIN
Kampa techtapouiaj ininnemilis “Ya no soy esclava de los fetiches”, xikonita keniuj se siuatsin momakixtij porin amo kinueyichiuaok tiotsitsin.
“La Biblia les cambió la vida” (La Atalaya, 1 de julio de 2011)
Xionmomachti keniuj uelis tiontanankilis itech nechikolmej.
“Maj tikueyichiuakan Jiova itech nechikol” (Tanejmachtijkej, metsti enero xiuit 2019)
Xikonita keniuj se telpoch semi kipaleuij yas nechikolmej maski ouij katka.
Miakej kinemiliaj ke ika cruz moteixmatiltiaj akin kitakamatij Cristo. Sayoj ke, ¿moneki tikuiskej keman tikueyichiuaskej Dios?
“¿Keyej itaixpantijkauan Jiova amo kikuij kolotsin?” (Tamachtilis itech jw.org/ncj)
a Nejin tikitaskej itech okseki tamachtilismej.