Nochipa mochiua tein achtook kijtoua
“Nion semej kuali tajtolmej tein Jiova nanmoDios motenkauani, tapolouani.” (JOSUÉ 23:14)
¿KEYEJ TEL TAMAN? Miakej kimatij ke tein kijtouayaj adivinos ne uejkauj ika tein mochiuaskia satepan, tataman moajsikamatia uan amo uelia itech takuaujtamatiaj, ijkon kemej axkan panoua ika horóscopos. Akin kijtouaj kimatij toni mochiuas satepan moyekanaj ika tein kiitaj kichiuaj taltikpakneminij, uan sayoj kemansa kijtouaj miak xiujmej achtook toni mochiuas. Sayoj ke Biblia kiyekijtoua toni mochiuas satepan, uan nochipa mochiua maski “tel achtook kitematiltia tein ayamo mochiuani” (Isaías 46:10).
SE NESKAYOT: Itech siglo VI achto itech totonaluan, Dios kiitaltij tanauatijkej Daniel se taman tein kiteixmatiltiaya ke Grecia ijsiujka kitaniskia Ueyi Tekiuajyot medopersa. Uan no kijtoj ke niman ke tekiuaj akin taixyekanaya Grecia kipiaskia chikaualis, ‘postekiskia’. ¿Kipiaskia iixpatka? Daniel kijkuiloj: “Moajsi naui tekiuajyomej itech iueyi altepeuj tein moajokuiskej, sayoj ke amo kemej yejua ichikaualis” (Daniel 8:5-8, 20-22).
¿TONI KINEXTIA TEIN MOCHIUAK NE UEJKAUJ? Alejandro Magno mochiuak tekiuaj ompa Grecia panoua ome siglo satepan ke Daniel kijkuiloj tein mochiuaskia. Itech majtakti xiuit moaxkatilij Ueyi Tekiuajyot medopersa uan itaixyekanalis ajsik hasta itech ueyiat Indo (axkan Pakistán). Sayoj ke ijsiujkamikik keman sayoj kipiaya 32 xiujmej. Itekiuajyo uejueliuik satepan keman moxelouilijkej naui akin tatankej itech neteuilis tein mochiuak Ipso (Asia Menor). Sayoj ke nion semej kipiakej chikaualis kemej tein yejua kipiak.
¿KENIUJ TIKONITA? ¿Tikonixmati okse amaix tein kitematiltia toni mochiuas satepan uan maj mochiua ijkon kemej kijtoua? ¿Oso sayoj Biblia?
“Itech Biblia moajsi miak tein kijtoua toni mochiuas satepan, uan kemej [...] tel miak, amo uelis se kijtos ke iselti mochiua.”—(A LAWYER EXAMINES THE BIBLE [SE ABOGADO TEL KUALI KIITA TEIN KIJTOUA BIBLIA], AKIN IAXKA IRWIN H. LINTON)