Kitematiltia tein yekmelauj mochiuak ne uejkauj
“Nikyektatemolijtiuits ya ika nejmach nochi nijin chiualis [ijkon kemej mochiujtiualaj].” (LUCAS 1:3)
¿KEYEJ TEL TAMAN? Tetapouilis tein miakej kimoujkakakij, amo kijtoua kemanian uan kani mochiuak teisa nion inintokay tein nenkej ne uejkauj. Sayoj ke Biblia kijtoua tel miak taman tein mochiuak ne uejkauj, uan nejin kinextia ke ‘tajtol semi melauak’ (Salmo 119:160).
SE NESKAYOT: Biblia kijtoua ke “Nabucodonosor akin tekiuajtia Babilonia [...] kiuikak Joaquín itech altepet Babilonia”. Satepan, akin kiixpatak Nabucodonosor, “Evil-merodac akin tekiuajtia Babilonia, itech xiuit keman mochiuak tekiuaj, kiiknelij Joaquín [...] uan kikixtij kampa tsaktoya”, uan “kimakayaj tein ika moixpanoltiskia [...] itech nochi inemilis” (2 Reyes 24:11, 15; 25:27-30).
¿TONI KINEXTIA TEIN KIAJSINIJ? Itech ne uejkauj altepet Babilonia kampa sayoj moajsi tepamit taxitinil, kiajsikej tajkuilolmej tein kipiaya tekiuaj uan moitak ke moijkuiloj itech itonaluan Nabucodonosor II. Itech seki ika tajtoua takual tein kinmakayaj sekin tein tsaktoyaj uan takeualmej itech tekiuajyot, uan ompa ixnesi “Yaukin [Joaquín], akin tekiuajtia Yahud [Judá]”, uan ichankauan. ¿Toni uelis tikijtoskej ika tekiuaj akin kiixpatak Nabucodonosor? Itech altepet Susa kiajsikej se komit tein kipia nejin tajtolmej: “Ikaltekiuaj Amil-Marduk [Evil-merodac], akin tekiuajtia Babilonia, ikoneuj Nabucodonosor, akin tekiuajtia Babilonia”.
¿KENIUJ TIKONITA? ¿Tikonixmati okse amaix tein uejkauj kayot maj ika tajto Dios uan maj kijto tein melauak mochiuak ne uejkauj? ¿Oso sayoj Biblia?
[Tanemilil itech página 5]
“Biblia senkis kiyekijtoua kemanian uan kani mochiuak teisa uan uelis itech se takuaujtamatis, amo ijkon kemej okseki amaixmej.”—(A SCIENTIFIC INVESTIGATION OF THE OLD TESTAMENT [TEIN TAMATINIJ KIAJSIKEJ ITECH ANTIGUO TESTAMENTO], TEIN IAXKA ROBERT D. WILSON)
[Taixkopin itech página 5]
Tajkuilol babilonio tein ika tajtoua Joaquín akin tekiuajtia Judá
[Akin iaxka taixkopin itech página 5]
© bpk, Berlin/Vorderasiatisches Museum, SMB/Olaf M. Tessmer/Art Resource, NY