Nochin akin tikchiuaj kemej Cristo timotalojtokej kampa tikajsiskej nemilis nochipaya. Sayoj ke kemej titajtakouanij, tinochin timometstakuiltiaj. Nejin tamachtilis kimelaua makuil taman tein uelis techuetsiltis. No kimelauas toni uelis tikchiuaskej uan ijkon amo techtsakuilis maj titatanikan.

▪ ¿Kineki moyolo kiixmatis Jiova?

Amaix Jeremías tel ika technojnotsa toyolo. Nejin tamachtilis techpaleuis maj tikajsikamatikan toni kijtosneki ‘se yolo tein amo taneskayotil’ uan keniuj no uelis kinijtakos itatojtokakauan Cristo. No tikitaskej keniuj uelis tikpiaskej se yolo tein kineki kiixmatis Jiova (Jer. 9:26; 24:7).

▪ ¿Toni tikonchiuas axkan ke tikonixmatiya Dios?

¿Toni seki taman moneki tikchiuaskej tein techpaleuis maj tikixmatikan Dios uan maj yejuatsin techixmati? ¿Keniuj uan keyej kisentoka moskaltia se tokniuj maski uejkaujya mochiuak itatojtokakauj Cristo? Tikajsiskej tanankililmej itech nejin tamachtilis.

▪ Jiova yejuatsin mochiua kemej tochan

Maski techyoualouaj akin techtauelitaj, amo moneki timouiskej. Nejin tamachtilis techpaleuis maj tikitakan keyej toDios, Jiova, mochiua kemej tochan tein amo tapoloua.

▪ Maj tikpoujkaitakan iueyi tokay Jiova

¿Toni kijtosneki se pouis itech xolal tein kiuika itokay Dios? ¿Toni kijtosneki se nentinemis itech nejon tokayit? ¿Keniuj kinita akin kiixtopeuaj itokay? Itech nejin tamachtilis tikajsiskej tanankililmej.

UAN NO

Ineajokuilis Jesús ¿Yekmelauj mochiuak? 3

Ineajokuilis Jesús kijtosneki nemilis 6

Netajtanilmej tein kisaj itech Biblia 32