‘Motamitetapouis nejin yankuik Tajtoltsinʼ
1. ¿Keniuj tikmatij ke amo akin uelis kitsakuilis maj motanojnotsa?
1 Nion teyi uelis kitsakuilis maj Jiova kichiua itanejnekilis (Isa. 14:24). Maski tamelaujkej Gedeón uan 300 takamej moitaya ke amo ueliskiaj kintaniskiaj 135,000 soldados madianitas, Jiova kiiluij: “Yekmelauj tikchiuas maj Madián amo kiixpolo Israel. ¿Amo nejua nimitstitanik?” (Jue. 6:14). Uan axkan ¿toni tekit Jiova kiixyekana? Jesús tanankilia: “Motamitetapouis ya tech nochi senmanauak nijin yankuik Tajtoltsin” (Mat. 24:14). ¡Nion akin uelis kitsakuilis maj mochiua nejon tekit!
2. ¿Keyej uelis tikchiaskej maj Jiova techpaleui tisejsemej itech tanojnotsalis?
2 Jiova techpaleuia tisejsemej. Tinochin tikmatij ke Jiova kinpaleuis iTaixpantijkauan sen olochmej, sayoj ke ¿uelis tikchiaskej maj techpaleui tisejsemej? Keman tatitanil Pablo kipanotoya se ouijkayot, kimachilij ke Jiova kipaleuij itechkopa iKonetsin Jesús (2 Tim. 4:17). Tejuan no uelis senkis tikneltokaskej ke kitiochiuas chikaujkayot tein tikchiuaj tisejsemej keman titanojnotsaj (1 Juan 5:14).
3. ¿Itech toni ouijkayot Jiova techpaleuia?
3 ¿Mitsonsiyoujtia netekipacholmej tein mojmostaj tikpanouaj, uan amo ueliok tiontanojnotsa? Jiova “kimakatok chikaualis akin siyoujtok” (Isa. 40:29-31). ¿Tikonpanotok taixnamikilis? “Xikauili Jiova motamamal uan yejuatsin mitstsakuilis amo xiuetsi.” (Sal. 55:22.) ¿Tikonmachilia ke amo ueli tiontanojnotsa? “Xiyouj uan nejua niyetos mouan keman titajtos.” (Éxo. 4:11, 12.) ¿Tikonpia se kokolis uan amo ueli tiontanojnotsati kemej tikonnekiskia? Jiova kiyolpaktia tein tikchiuaj ika nochi toyolo maski amo miak, uan kichiua maj tapaleui totekiuj (1 Cor. 3:6, 9).
4. ¿Toni techolinis maj tikchiuakan komo senkis titakuaujtamatij iuan Jiova?
4 Jiova “momasoujtok uan ¿akoni uelis kimaijkuanis?” (Isa. 14:27). Kemej senkis tikneltokaj ke Jiova kitiochiua totanojnotsalis, maj tiksentokakan titanojnotsakan “ika miak yolchikaualis” (Hech. 14:3).