Kampa monankilia netajtanilmej

◼ ¿Kemanian uelis amo se kisentokasok se kimachtis aksa ika Biblia?

Komo akin tikmachtiaj ika Biblia amo moskaltia kemej itatojtokakauj Cristo, monekis tikiluiskej ika nejmachkayot ke amo tiksentokaskejok tikmachtiskej (Mat. 10:11). Xionmotajtani: ¿Moajsi itech hora tein moixtalij nanmomachtiskej? ¿Momachtia achto ke tikitatiuij? ¿Yaniya semej nechikolmej? ¿Kintapouia oksekin tein momachtijtok? ¿Kipatatok inemilis ijkon kemej tein momachtia itech Biblia? No moneki tikitaskej kanachi xiujmej kipia uan tein ueli kichiua sejse momachtijkej, uan moneki tikajsikamatiskej ke sejse tataman moskaltijtiuj kemej itatojtokakauj Cristo. Sayoj ke komo tikixtaliaj amo tiksentokaskejok tikmachtiskej ika Biblia, maj tikchiuakan tein tapaleuis maj taltikpaknenkej satepan oksepa kisentoka momachti (1 Tim. 2:4).